Rhaglen a chofnodion

Derbyn unrhyw ymddiheuriadau am absenoldeb.

Y Cynghorwyr Endaf Cooke, Dilwyn Lloyd (eilydd), Eurig Wyn, a’r Cynghorwyr Jean Forsyth, Sian Gwenllian (oherwydd ei bod yn datgan buddiant personol) ac Ioan C. Thomas (Aelodau Lleol).

Derbyn unrhyw ddatganiad o fuddiant personol.

DATGAN BUDDIANT PERSONOL

(a)   Datganodd yr aelodau canlynol fuddiant personol am y rhesymau a nodir: 

·         Y Cynghorydd Michael Sol Owen yn Eitem 5 ar y rhaglen – Ceisiadau Cynllunio (Cais Cynllunio Rhif C15/0337/11/AM) oherwydd ei fod yn Aelod o Fwrdd Cartrefi Cymunedol Gwynedd

·         Y Cynghorydd Anne Lloyd Jones yn Eitem 5 ar y rhaglen – Ceisiadau Cynllunio: (i)  Cais Cynllunio Rhif C15/0337/11/AM - oherwydd ei bod yn Aelod o Fwrdd Cartrefi Cymunedol Gwynedd

(ii) Cais Cynllunio Rhif C15/0662/09/LL – oherwydd ei bod yn Aelod o Gyngor Tref Tywyn a fydd yn derbyn cyfraniad ariannol gan yr ymgeisydd

Roedd yr Aelod o’r farn eu bod yn fuddiannau a oedd yn rhagfarnu a gadawodd y Siambr yn ystod y drafodaeth ar y ceisiadau a nodir.

(b)  Datganodd yr aelodau canlynol eu bod yn aelodau lleol mewn perthynas â’r eitemau a nodir:

·        Y Cynghorydd Elwyn Edwards (a oedd yn aelod o’r Pwyllgor Cynllunio hwn), yn eitem 5 ar y rhaglen  - Ceisiadau cynllunio rhifau C14/0291/04/LL a C15/0517/04/LL

·        Y Cynghorydd Aeron Maldwyn Jones (nad oedd yn aelod o’r Pwyllgor Cynllunio hwn), yn eitem 5 ar y rhaglen  - Cais cynllunio rhif C14/0386/24/LL

·        Y Cynghorydd John Brynmor Hughes (nad oedd yn aelod o’r Pwyllgor Cynllunio hwn), yn eitem 5 ar y rhaglen  - Cais cynllunio rhif C15/0341/39/LL

·        Y Cynghorydd Simon Glyn (a oedd yn aelod o’r Pwyllgor Cynllunio hwn), yn eitem 5 ar y rhaglen – Cais cynllunio rhif C15/0424/46/LL

·        Y Cynghorydd John Wynn Jones (nad oedd yn aelod o’r Pwyllgor Cynllunio hwn), yn eitem 5 ar y rhaglen – Cais cynllunio rhif C15/0507/11/LL

·        Y Cynghorydd Jason Humphreys (nad oedd yn aelod o’r Pwyllgor Cynllunio hwn), yn eitem 5 ar y rhaglen – Cais cynllunio rhif C15/0748/44/LL

Ymneilltuodd yr Aelodau i ochr arall y Siambr yn ystod y drafodaeth ar y ceisiadau dan sylw ac ni fu iddynt bleidleisio ar y materion hynny.

Nodi unrhyw eitemau sy’n fater brys ym marn y Cadeirydd fel y gellir eu hystyried. 

Bydd y Cadeirydd yn cynnig y dylid llofnodi cofnodion yu cyfarfod blaenorol o’r pwyllgor hwn, a gynhaliwyd ar 28 Medi 2015, fel rhai cywir. 

(Copi ynghlwm)

Llofnododd y Cadeirydd gofnodion cyfarfod diwethaf o’r pwyllgor hwn a gynhaliwyd ar 28 Medi 2015 fel rhai cywir.

Cyflwyno adroddiad Pennaeth Adran Rheoleiddio. 

(Copi ynghlwm)

Rhoddodd y Pwyllgor ystyriaeth i’r ceisiadau canlynol i ddatblygu.

Ymhelaethwyd ar fanylion y ceisiadau ac ymatebwyd i gwestiynau mewn perthynas â’r cynlluniau ac agweddau o’r polisïau.

Codi 2 tyrbin gwynt 57m i’r hyb gyda cyfanswm uchder o 92.5m (yn lle 115m) at frig y llafnau (Uchafswm allbwn 5 Mw) ynghyd a thrac, adeilad ac offer atodol.

Aelod Lleol:  Cynghorydd Elwyn Edwards 

Cais llawn i godi 2 tyrbin gwynt 57m i’r hyb gyda chyfanswm uchder o 92.5m (yn lle 115m) at frig y llafnau (uchafswm allbwn 5MW) ynghyd a thrac, adeilad ac offer atodol.

‘Roedd aelodau’r Pwyllgor wedi ymweld â’r safle cyn y cyfarfod.

(a)  Ymhelaethodd yr Uwch SwyddogRheolaeth Datblygu ar gefndir y cais, gan nodi bod y cais yn

cynnwys gosod sylfeini, newidydd, ceblau tanddaeryddol, adeiladu is-orsaf drydan, creu trac mynediad, creu compownd diogelwch dros dro ac iard storio.  Cyflwynwyd gyda’r cais asesiad amgylcheddol sydd yn ystyried effeithiau posibl y datblygiad.  Cyfeiriwyd at y prif bolisïau ac ymgynghoriadau cyhoeddus a oedd wedi eu nodi yn yr adroddiad. Tynnwyd sylw at brif bolisi C26 o Gynllun Datblygu Unedol Gwynedd ynghyd a meini prawf perthnasol sydd yn ymdrin â datblygiadau melinau gwynt. Oherwydd  byddai’r datblygiad arfaethedig yn gallu cynhyrchu  5MW, nodwyd bod y cais o faint sydd ar drothwy’r hyn sy’n dderbyniol o fewn polisi’r Cynllun Datblygu Unedol a thynnwyd sylw bod Nodyn Cyngor Technegol 8 yn datgan ei fod yn dderbyniol gwrthod  ceisiadau cynllunio am ddatblygiadau dros 5MW.  Tynnwyd sylw’r Pwyllgor bod rhaid pwyso a mesur yn ofalus os yw’r cynllun arfaethedig yn dderbyniol o safbwynt polisi datblygiadau tu allan i Ardaloedd Chwilio Strategol gan mai prif nod y polisi yw gwarchod y tirlun.      

Ystyriwyd bod modd rheoli datblygiadau ategol a datgomisynu gydag amodau perthnasol.  Nodwyd nad oedd gan Uned Bioamrywiaeth nac ychwaith Cyfoeth Naturiol Cymru unrhyw wrthwynebiad i’r datblygiad heblaw am amodau perthnasol a cwblhau y datblygiad yn unol â’r datganiad amgylcheddol.

O safbwynt mwynderau preswyl a chyffredinol, nodwyd y derbyniwyd nifer o wrthwynebiadau ynghylch sŵn ond nid oedd gan Uned Gwarchod y Cyhoedd wrthwynebiad i’r bwriad a bod modd rheoli hyn drwy amodau perthnasol. Pe byddai’r cais yn cael ei ganiatáu byddai angen amodau priodol i sicrhau bod y tyrbinau yn cael eu diffodd ar adegau pe byddai cysgodion symudol yn peri problem.

Prif bryder y swyddogion cynllunio ydoedd effaith ar fwynderau preswyl y tai cyfagos sef Cistfaen a Cae Iago ac mewn ymateb i’r pryder yma mae asiant yr ymgeisydd wedi cyflwyno dau gynllun “wireframe” i ddangos graddfa effaith potensial y tyrbinau ar y ddau eiddo.  Cyfeiriwyd hefyd at dyrbinau gwynt cyfagos yn Syrior a’r potensial o effaith o sŵn cronnol a gaiff y tyrbinau sydd yn destun y cais gerbron ar y tai cyfagos.   

Yng nghyswllt materion priffyrdd a thrafnidiaeth, nodwyd bod dipyn o wrthwynebiadau wedi eu derbyn yn seiliedig ar bryder o ddiogelwch ar y briffordd yn enwedig yn ystod y cyfnod adeiladu. Roedd camau lliniaru wedi eu cynnwys yn yr asesiad amgylchedd a oedd yn cynnwys cynllun rheoli traffig ond mewn ymateb i hyn ni dderbyniwyd gwrthwynebiad i’r bwriad gan Uned Trafnidiaeth y Cyngor. Ers ysgrifennu’r adroddiad, roedd Adran Cefnffyrdd Llywodraeth Cymru wedi cyflwyno sylwadau yn datgan ni chaniateir rhoddi caniatad hyd nes derbynnir gwybodaeth ychwanegol gan yr ymgeisydd.

Tynnwyd sylw y ceir nifer o henebion cofrestredig wrth ymyl y safle gyda CADW a Gwasanaeth Archeolegol Gwynedd yn gwrthwynebu’r cais yn seiliedig ar  ...  gweld y cofnod llawn ar gyfer eitem 5.1

Adnewyddu caniatad rhif C08A/0568/24/LL ar gyfer codi 24 o dai, newidiadau i fynedfa bresennol a chreu lonydd stad.  

Aelod Lleol:  Cynghorydd Aeron M. Jones

Adnewyddu caniatad rhif C08A/0568/24/LL ar gyfer codi 24 o dai, newidiadau i fynedfa bresennol a chreu lonydd stad.

(a)          Cyflwynwyd y cais uchod i’r Pwyllgor Cynllunio i ddiweddaru Aelodau gan eu hatgoffa y caniatawyd y cais ym Mhwyllgor Cynllunio dyddiedig 28.07.14 yn ddarostyngedig bod yr ymgeisydd yn arwyddo cytundeb cyfreithiol o dan Adran 106 yn ymwneud a sicrhau bod 6 o’r 24 tŷ yn dai fforddiadwy ar gyfer angen lleol cyffredinol ynghyd â darparu cyfraniad addysgol gan yr amcangyfrif nad oedd digon o gapasiti o fewn ysgol Felinwnda  yn y flwyddyn academaidd 2013-14 ar gyfer cynnydd ychwanegol dros 30 o ddisgyblion.

Fodd bynnag, yn ystod y flwyddyn 2014 adolygwyd capasiti ysgolion Gwynedd gan gynnwys yr ysgol uchod ac o ganlyniad i’r adolygiad hyn mae’r Adran Addysg wedi cadarnhau fod capasiti’r ysgol wedi     cynyddu o 30 i 56 disgybl.  Golygai hyn felly bod capasiti ar gael yn yr ysgol ar gyfer ychwaneg o ddisgyblion fydd yn deillio o’r datblygiad yma.  I’r perwyl hwn, ni fydd angen mwyach i’r ymgeisydd ddarparu cyfraniad ariannol.

Cyfeiriwyd at y polisïau perthnasol a’r ymgynghoriadau cyhoeddus o fewn yr adroddiad ac             argymhellwyd i ganiatáu’r cais yn ddarostyngedig i amodau cynllunio perthnasol.

(b)  Nododd yr Aelod Lleol (nad oedd yn aelod o’r Pwyllgor Cynllunio hwn), y prif bwyntiau canlynol:

·         Nad oedd ar y cyfan yn gwrthwynebu’r cais ond ei fod yn cwestiynu cynnydd yng nghapasiti yr ysgol i 56 ac oherwydd bod y datblygiad yn un modern rhagwelir y byddai mwy o blant na 3 plentyn yn debygol o fynd i’r ysgol ac roedd wedi gofyn i’r Cyfarwyddwr Addysg sut bod y capasiti wedi cynyddu

·         Apeliwyd ar y Pwyllgor Cynllunio i ymweld â’r safle yn ogystal â’r ysgol sy’n cynnwys dau ddosbarth a neuadd

·         Ei fod o blaid y datblygiad yn amodol i drafodaethau gyda’r adeiladwr i ddarparu parc chwarae i’r pentref a chyfraniad ariannol i’r ysgol

·         Byddai’r uchod yn galluogi’r adeiladwr i adeiladu un tŷ ychwanegol ar y llecyn man chwarae ar y stad arfaethedig a fyddai’n gwneud cyfanswm o 25 o dai yn lle 24

·         Pe byddir yn rhoi man chwarae ar y stad bod y lôn yn beryglus

·         Ni ragwelir unrhyw broblem gyda pholisi A2 gan mai Cymraeg yw iaith pentref Dinas

·         Bod y dyluniad o safon dda ond nad oedd dim wedi digwydd ers cyflwyno’r cais yn 2009 a bod gwir angen am dai i bobl ifanc yn y pentref

·         Bod y Cyngor Cymuned wedi gwrthwynebu’r cais gwreiddiol gan nad oedd y fynedfa a’r ffordd sy’n arwain heibio’r datblygiad yn addas ar gyfer nifer o dai ond deallir ers hynny bod y datblygwr wedi cytuno i ledu’r brif fynedfa

(c)  Mewn ymateb i rai o’r sylwadau uchod, eglurodd yr Uwch Reolwr Gwasanaeth Cynllunio mai’r brif ystyriaeth yn y cais gerbron ydoedd bod y Pwyllgor Cynllunio wedi caniatáu’r union gais yng Ngorffennaf 2014 ar gyfer 24 tŷ (gyda 6 ohonynt yn fforddiadwy) ond ers hynny bod Adran Addysg y Cyngor  ...  gweld y cofnod llawn ar gyfer eitem 5.2

Addasu adeilad ar gyfer bwyty a gwesty (9 ystafell wely), newididau i’r fynedfa, torri coed, tirlunio, mannau parcio, addasu adeilad i gaffi a chodi unedau gwyliau newydd i greu cyfanswm o 18 uned wyliau.  

Aelod Lleol:  Cynghorydd Ioan C. Thomas

Addasu adeilad ar gyfer bwyty a gwesty (9 ystafell wely), newidiadau i’r fynedfa, torri coed, tirlunio, mannau parcio, addasu Bwthyn Glan y Môr i gaffi a chodi unedau gwyliau newydd i greu cyfanswm o 18 uned wyliau.

(a)           Ymhelaethodd yr Uwch Swyddog Rheolaeth Datblygu ar gefndir y cais gan nodi mai’r bwriad ydoedd trosi, ymestyn ac addasu’r eiddo fel amlinellir uchod.  Lleolir yr eiddo tu allan i ffin datblygu Caernarfon fel y’i cynhwysir yng Nghynllun Datblygu Unedol Gwynedd ac yn ffinio i’r gorllewin gyda’r Fenai sydd wedi ei ddynodi fel Safle Cadwraeth Natur o Bwysigrwydd rhyngwladol.  Ymhellach draw i’r gorllewin ceir AHNE Arfordir Ynys Môn.  Ceir llwybr troed/beics cyhoeddus Lôn Las Menai rhwng Bwthyn Glan y Môr a Phlas Brereton.  Mae’r rhan yma o’r Fenai wedi ei adnabod gan Gyfoeth Naturiol Cymru fel ardal sydd yn rhannol o fewn Parth C2 fel y’i cyfeirir ato yn Nodyn Cyngor Technegol 15 ar “Datblygu a Pherygl Llifogydd” (2004) a bod rhan o safle’r cais o fewn cyrraedd llifogydd eithafol.

Cyfeiriwyd at y polisïau perthnasol a’r ymgynghoriadau cyhoeddus o fewn yr adroddiad.

O safbwynt mwynderau gweledol, ni ystyrir y byddai’r bwriad yn cael effaith sylweddol nac arwyddocaol ar osodiad gweledol yr AHNE a bod y bwriad yn dderbyniol yn seiliedig ar ofynion y polisïau perthnasol.

Nodwyd bod y bwriad yn dderbyniol o safbwynt mwynderau cyffredinol a phreswyl ac yn cydymffurfio a gofynion y polisïau perthnasol

Nodwyd bod Llywodraeth Cymru yn gefnogol i’r cais yn ddarostyngedig i gynnwys nifer o amodau sy’n ymwneud a dyluniad i wella’r fynedfa bresennol. 

O safbwynt materion bioamrywiaeth, nodwyd bod tystiolaeth wedi ei gyflwyno sy’n cadarnhau bod clwydfannau ystlumod ym Mhlas Brereton ac fe fydd angen i’r ymgeisydd ymgymryd â mesurau lliniaru perthnasol i’w diogelu.

Sicrhawyd bod y bwriad yn cydymffurfio a pholisiau perthnasol o safbwynt materion ieithyddol a chymunedol.

Pe byddai’r cais yn cael ei ganiatáu byddai’r datblygiad yn hwb i’r economi leol ac yn osgoi i’r adeilad ddirywio ymhellach.

Tynnwyd sylw bod safle’r caffi bwriadedig oddi fewn Parth C2 ac o fewn cyrraedd llifogydd ond fe gyflwynwyd asesiad canlyniadau sy’n datgan gellir rheoli canlyniadau llifogydd gydol oes y datblygiad drwy ymgorffori mesurau lliniaru yn y cynllun i addasu’r adeilad ar gyfer y caffi. 

Derbyniwyd sylwadau gan yr Aelod Lleol yn datgan nad oedd ganddo unrhyw wrthwynebiad i’r cais ond bod ganddo ychydig o bryder am ddiogelwch wrth Fwthyn Glan y Môr oherwydd bod strwythur y doc yn fregus mewn rhai llefydd ac angen diogelu na fydd cwsmeriaid / cyhoedd yn syrthio i’r dŵr.  Hefyd roedd yn pryderu am y fynedfa.

Argymhellir i ganiatáu’r cais oherwydd ystyrir bod y bwriad yn dderbyniol ac yn cydymffurfio a pholisïau a chanllawiau perthnasol.

(b)           Yn manteisio ar yr hawl i siarad, nododd asiant yr ymgeisydd y prif bwyntiau canlynol:

·         Bod y safle yn wag ar hyn o bryd mewn cyflwr gwael

·         Bwriad  ...  gweld y cofnod llawn ar gyfer eitem 5.3

Cais amlinellol ar gyfer dymchwel adeilad presennol ynghyd a chodi adeilad newydd yn darparu cyfanswm o 9 fflat (6 x 1 ystafell wely ac 3 x 2 ystafell wely.  

Aelod Lleol:  Cynghorydd Jean Forsyth

Cymerwyd y Gadair gan y Cynghorydd Gwen Griffiths ar gyfer y cais hwn  oherwydd bod y Cadeirydd wedi datgan buddiant personol.

Cais amlinellol ar gyfer dymchwel adeilad presennol ynghyd a chodi adeilad newydd yn darparu cyfanswm o 9 fflat (6 x 1 ystafell wely ac 3 x 2 ystafell wely).

(a)     Ymhelaethodd y Rheolwr Rheolaeth Datblygu ar gefndir y cais gan nodi bod y cais wedi ei ohirio yng nghyfarfod mis Medi o’r Pwyllgor Cynllunio er mwyn cadarnhau’r sefyllfa perchnogaeth tir a derbyn cadarnhad o union fwriad yr ymgeiswyr ynghlyn a datblygu’r safle.  Nodwyd bod y safle wedi ei leoli o fewn ardal breswyl ar y stryd fawr ym Mangor, sy’n ffurfio rhan o ardal breswyl Hirael. 

Cyfeiriwyd at y polisïau perthnasol ynghyd â’r ymgynghoriadau cyhoeddus o fewn yr adroddiad.

Nodwyd er mai cais amlinellol a gyflwynwyd, bod yr holl faterion a gadwyd yn ôl wedi eu  cynnwys, gyda’r cynlluniau llawn gan gynnwys edrychiadau, fel rhan o’r cais.

Cyflwynwyd y cais gan Cartrefi Cymunedol Gwynedd ar gyfer tir sydd yn eu perchnogaeth gyda’r bwriad o ddatblygu’r safle eu hunain i ddarparu fflatiau i bobl leol ar rent fforddiadwy.  Gan gymryd i ystyriaeth bod yr ymgeisydd yn paratoi tai newydd cymdeithasol ar rent i drigolion lleol o dan eu cyfrifoldebau statudol, credir y gellir ymdrin â’r cais fel eithriad i bolisi CH6.  Pwysleisiwyd gan mai Cartrefi Cymunedol Gwynedd fydd y datblygwyr ni fydd angen cytundeb 106.

Ystyrir bod y bwriad yn cydymffurfio gyda holl bolisïau perthnasol y Cynllun Datblygu Unedol a chyngor cenedlaethol perthnasol ac nad yw’r bwriad yn debygol o achosi effaith andwyol sylweddol ar fwynderau’r ardal leol nac ar unrhyw eiddo cyfagos.

(b)     Yn manteisio ar y cyfle i siarad, nododd yr ymgeisydd y pwyntiau canlynol:

·         Bod ychydig o ansicrwydd yn y cyfarfod diwethaf o’r Pwyllgor Cynllunio o’r hyn a fwriedir ac fe ymhelaethodd ar y bwriad o ddatblygu 9 fflat fforddiadwy ar gyfer rhent cymdeithasol yn benodol ar gyfer pobl leol yn ardal Bangor ac nid i fyfyrwyr

·         Bod cryn angen yn ardal Bangor am fflatiau un llofft a bod oddeutu 100 ar y rhestr aros tai Cyngor Gwynedd

·         Bod Adran Strategol Tai y Cyngor yn gefnogol i’r cynllun

·         Bod y cynllun wedi ei raglennu ar raglen wrth gefn a hyderir y bydd grant ar gael yn ystod y flwyddyn gyfredol

·         Hyderir y bydd y materion a gadwyd yn ôl hefyd yn cael ystyriaeth ffafriol gan y Pwyllgor Cynllunio

(c)  Cynigwyd ac eiliwyd i ganiatáu’r cais yn unol â’r argymhelliad.

(ch)  Cefnogwyd y cais gan y Pwyllgor gan nodi bod gwir angen tai i bobl leol yn ardal Bangor.

PENDERFYNWYD:   Caniatáu gydag amodau

1.    Amod amser caniatâd amlinellol

2.    Amod cyflwyno gwybodaeth ychwanegol ar ffurf cais materion a gadwyd yn ôl.

3.    Amodau Dwr Cymru

4.    Dim ffenestri

5.    Rhaid cwblhau’r lle parcio fel y dangoswyd ar y cynllun amgaeedig.

6.    Rhaid cyflwyno, cytuno a gweithredu cynllun ar  ...  gweld y cofnod llawn ar gyfer eitem 5.4

Gwaith peiriannyddol i greu llithrfa.

Aelod Lleol:  Cynghorydd John Brynmor Hughes

Gwaith peirianyddol i greu llithrfa.

(a)          Ymhelaethodd y Rheolwr Datblygu Rheolaeth ar gefndir y cais sy’n ymwneud ag adeiladu llithrfa fyddai’n gallu lansio dau gwch.  Nodwyd bod llawer o drafodaethau wedi mynd rhagddynt ac yn benodol gyda swyddogion Cyfoeth Naturiol Cymru ar y cais er mwyn cael datrysiad derbyniol i’r mater.  Roedd y swyddogion hefyd wedi ymweld â’r safle er mwyn gallu rhoi barn gadarn ar y datblygiad.

Cyfeiriwyd at yr holl bolisïau perthnasol ynghyd a’r ymgynghoriadau cyhoeddus o fewn yr adroddiad.

O safbwynt egwyddor y datblygiad, tynnwyd sylw bod polisi CH47 yn gefnogol i gynigion sydd yn gwella a helaethu’r amrywiaeth o gyfleusterau morwrol yn y marinau presennol.  Fodd bynnag, er bod y polisi yn gefnogol i gynigion i wella darpariaeth bod hyn yn ddarostyngedig i gydymffurfio gyda gweddill meini prawf y polisi sy’n nodi “cyn belled ag y bod graddfa a dyluniad y datblygiad o’r safon uchaf ac yn addas ar gyfer y safle dan sylw.

Gwerthfawrogir bod y lleoliad yn eithaf sensitif o safbwynt bioamrywiaeth a sicrhawyd bod y bwriad arfaethedig wedi ei asesu yn llawn yn erbyn y polisïau cynllunio perthnasol yn ogystal a’i fod wedi ei asesu yng nghyd destun ‘Asesiad Rheoliadau Cynefinoedd’ ac ‘Asesiad Priodol’. Cyflwynwyd fel rhan o’r cais asesiad amgylcheddol anstatudol sydd yn cynnwys arolygon ac asesiadau yn ymwneud gyda sgil effeithiau’r bwriad ar yr holl  ddynodiadau perthnasol.  Ystyrir bod y bwriad yn cydymffurfio a’r polisïau perthnasol gyda Chyfoeth Naturiol Cymru yn cefnogi’r farn.

O safbwynt mwynderau gweledol, cadarnhawyd yn dilyn asesiadau llawn a gwblhawyd  ynglŷn ag effaith gweladwy’r datblygiad arfaethedig ar y tirlun a’r morlun, mai effaith dibwys niweidiol fyddai’r bwriad yn ei gael.  Tynnwyd sylw’r Aelodau at bwyntiau 5.8 - 5.26 o’r adroddiad sy’n cyfeirio at y  dynodiadau a sylwadau Cyfoeth Naturiol Cymru a’r Uned AHNE.

Cyfeiriwyd yn ogystal at effaith y datblygiad ar yr AHNE, gan nodi bod Cyfoeth Naturiol Cymru wedi dod ’'r casgliad y byddai’r llithrfa arfaethedig ar adegau yn gwrthdaro gyda chadwraeth statudol a phwrpas mwynhad dynodiad yr AHNE.  Fodd bynnag, o ystyried dylanwad llanw ar y bwriad a’r ffaith na fyddai’r llithrfa ond yn weledol i raddau amrywiol ar adegau o lanw is ni fyddai effaith cyflawn y llithrfa o’r llwybr arfordirol yn cael effaith andwyol sylweddol ac o’r herwydd ni wrthwynebai Cyfoeth Naturiol Cymru i ganiatâd cynllunio gael ei roi.

Ystyrir felly bod y bwriad yn dderbyniol o safbwynt bioamrywiaeth ac y byddai angen cynnwys amodau perthnasol pe caniateir y cais.  O gymryd yr holl sylwadau a gwybodaeth a gyflwynwyd ni ystyrir y byddai’r bwriad yn achosi niwed arwyddocaol i’r dirwedd na’r morlun ychwaith.

(b)                  Yn manteisio ar yr hawl i siarad, nododd asiant yr ymgeisydd y prif bwyntiau canlynol:

·         Byddai’r llithrfa wedi ei orchuddio yn rhannol drwy dirwedd yr ynys ac yn rhannol drwy effaith y môr yn ôl cyflwr y llanw ac ar rai adegau bydd rhan  ...  gweld y cofnod llawn ar gyfer eitem 5.5

Adeiladu adeilad amaethyddol gyda storfa slyri oddi tanddo (gyda darn o’r storfa slyri tu allan i’r adeilad) ynghyd a chreu mynedfa amaethyddol, trac sial a iard.

Aelod Lleol:  Cynghorydd Simon Glyn

Adeiladu adeilad amaethyddol gyda storfa slyri oddi tano (gyda darn o’r storfa slyri tu allan i’r adeilad) ynghyd a chreu mynedfa amaethyddol.

(a)        Ymhelaethodd yr Uwch Swyddog Rheolaeth Datblygu ar gefndir y cais gan nodi y byddai’r adeilad arfaethedig yn mesur 30.5 medr wrth 36.6 medr, gyda rhan isaf waliau allanol yr adeilad yn baneli concrid gyda’r rhan uchaf o fyrddau Swydd Efrog.  Lleolir y safle yng nghefn gwlad ac oddi fewn i’r AHNE Llyn ac Ynys Enlli.  Cyflwynwyd y cais i’r Pwyllgor yn sgil derbyn 3 neu fwy o lythyrau o wrthwynebiad.

Cyfeiriwyd at y polisiau perthnasol ynghyd a’r ymgynghoriadau cyhoeddus.

O safbwynt egwyddor y datblygiad, nid oedd amheuaeth bod angen wedi ei brofi ar gyfer yr adeilad amaethyddol newydd sy’n destun y cais ac ystyrir ei fod yn rhesymol angenrheidiol ar gyfer dibenion amaethyddiaeth.

Er nad yw’r bwriad wedi ei leoli gerllaw adeiladau presennol nodwyd ei bod yn rhesymol disgwyl y byddai daliad o dir sy’n cynnwys 110 acer gydag adeilad amaethyddol wedi ei leoli arno ac ystyrir fod y rhesymau’r ymgeisydd am yr angen i gael sied ar y tir yn rhai rhesymol a theilwng o ran hwyluso’r drefniadaeth ar y fenter amaethyddol.

O safbwynt mwynderau gweledol, nodwyd er bod y sied yn sylweddol ei faint bod y math yma o strwythur yn un sydd yn ddisgwyliedig ei weld yng nghefn gwlad ac ni ystyrir y byddai’r bwriad felly’n sefyll allan fel nodwedd estron o fewn lleoliad gwledig o fewn yr AHNE.  Yn sgil newidiadau a gynigwyd a drwy roddi amod i sicrhau bod clawdd pridd yn cael ei godi er mwyn plannu draenen ddu ystyrir na fyddai’r bwriad yn achosi niwed arwyddocaol i’r dirwedd a’i fod felly yn dderbyniol o ran Polisi B8 CDUG.

Ni ystyrir y byddai’r bwriad yn debygol o achosi niwed arwyddocaol i fwynderau’r gymdogaeth leol a’i fod yn dderbyniol o safbwynt y polisiau perthnasol.

O safbwynt materion trafnidiaeth a mynediad, ni ystyrir y byddai’r bwriad yn amharu ar ddiogelwch ffyrdd yn ddarostyngedig i amod priodol ynglŷn â sicrhau nad yw dwr wyneb yn llifo o’r safle i’r briffordd.

Yng nghyd-destun materion bioamrywiaeth, ystyrir bod y bwriad yn dderbyniol yn ddarostyngedig i amodau o ran cyflwyno a chytuno manylion y clawdd, cynllun cyfadferiad bioamrywiaeth ynghyd a gwneud y gwaith i’r llethr y tu allan i’r tymor nythu adar.

Yn seiliedig ar yr holl ystyriaethau perthnasol, ystyrir bod y bwriad arfaethedig yn dderbyniol ac argymhellir i’w ganiatáu.

(b)       Nododd yr Aelod Lleol (a oedd yn Aelod o’r Pwyllgor Cynllunio hwn), y pwyntiau canlynol:

·         bod y cais gerbron oherwydd llythyr o wrthwynebiad gan berchennog eiddo oddeutu hanner milltir i ffwrdd

·         bod y swyddogion cynllunio wedi trafod gyda’r ymgeisydd ac wedi cytuno ar gyfaddawd sy’n bodloni’r ddwy ochr

·         o safbwynt materion bioamrywiaeth, nodir na fydd unrhyw fygythiad i rywogaethau

·         bod y Cyngor Cymuned yn gefnogol i’r cais

(c)                  Cynigwyd ac eilwyd i  ...  gweld y cofnod llawn ar gyfer eitem 5.6

Cais i ddymchwel adeilad presennol ynghyd a chodi adeilad 4 llawr sy’n darparu 7 uned byw hunan gynhaliol ynghyd a darparu mynedfa a pharcio cysylltiol.  

Aelod Lleol:  Cynghorydd Jean Forsyth

Cais i ddymchwel adeilad presennol ynghyd a chodi adeilad 4 llawr sy’n darparu 7 uned byw hunan gynhaliol ynghyd a darparu mynedfa a pharcio cysylltiol.

(a)           Ymhelaethodd y Rheolwr Rheolaeth Datblygu ar gefndir y cais gan nodi bod y safle ar ran isaf Stryd Fawr, Bangor ac o fewn ffiniau datblygu’r ddinas.  Nodwyd bod y safle presennol o ran ei ddefnydd yn cael ei ddisgrifio fel canolfan busnes toeau’r ymgeisydd gyda defnydd yr adeilad fel swyddfeydd a’r iard i’r cefn yn cael ei ddefnyddio i barcio cerbydau a chadw deunyddiau ag offer.

Cyfeiriwyd at y polisïau perthnasol ynghyd a’r ymgynghoriadau cyhoeddus a thynnwyd sylw i’r wybodaeth a gyflwynwyd gan yr Asiant ar y daflen sylwadau ychwanegol a ddosbarthwyd i’r Pwyllgor.

O safbwynt mwynderau gweledol, nodwyd bod y safle wedi ei leoli mewn man gymharol amlwg, yn gyfochrog gyda rhan isaf Stryd Fawr, Bangor gyda’r safle yn cael ei amgylchynu gan adeiladau o amrywiol faint, dyluniad ac edrychiadau gyda defnydd preswyl yn bennaf iddynt.

Nodwyd ei fod yn anorfod y byddai unrhyw ddatblygiad ar y safle yn debygol o gael peth effaith ar fwynderau gweledol yr ardal ond fe fyddai’r bwriad yn yr achos yma yn sylweddol gan greu gwahaniaeth o oddeutu 6 medr ychwanegol mewn uchder o’i gymharu gydag uchder to'r adeilad presennol.

Nodwyd y byddai llwyddiant datblygu’r safle yn ddibynnol ar ystyriaeth lawn o effaith unrhyw adeilad ar edrychiadau presennol gan gynnwys yr adeiladau rhestredig cyfochrog, ystyrir bod modd creu adeilad addas a thrawiadol na fyddai’n dominyddu’r strydlun na’r adeiladau rhestredig cyfochrog ond ni chredir fod hynny wedi ei gyflawni yn yr achos yma.

Tynnwyd sylw bod yr adeilad sydd i’w ddymchwel ynghlwm i ran o dalcen a blaen rhif 1 Rhesdai Friars, sydd yn ffurfio rhan o res o dri adeilad trawiadol rhestredig gradd II.  Mae cais ar wahân wedi ei gyflwyno ar gyfer caniatâd adeilad rhestredig i gynnal y gwaith yma.

Datgan yr Uwch Swyddog Cadwraeth bod rhesdai Friars a Phlas Meuryn yn adeiladau traddodiadol eu hedrychiad ac y byddai’r datblygiad newydd yn hollol fodern.  Ystyrir bod y bwriad yn rhy fawr i’r safle ac na fyddai’n ategu at werth a chymeriad y rhesdai rhestredig ond yn hytrach y byddai yn tanseilio’r cymeriad presennol.  Fe fyddai codi adeilad newydd 4 llawr yn dominyddu’r safle ac yn cael effaith andwyol ar gymeriad a gosodiad y rhesdai rhestredig cyfochrog.

Yn seiliedig ar yr holl ystyriaethau, nodwyd nad oedd egwyddor y datblygiad yn annerbyniol, ond bod angen diwygiadau sylweddol yn nhermau dyluniad a graddfa’r adeiad a hynny er mwyn creu cynllun sy’n addas a derbyniol ar gyfer y safle arbennig hwn ac sydd yn mateb i bryderon y swyddogion.  Ystyrir y bwriad felly yn annerbyniol gan nad yw yn cydymffurfio a gofynion polisïau a chanllawiau lleol a chenedlaethol.

(b)           Deallwyd bod yr aelod lleol yn gefnogol i argymhelliad y swyddogion cynllunio i’w wrthod.

(c)           Cynigwyd ac eiliwyd yr argymhelliad.

PENDERFYNWYD:               Gwrthod am y rhesymau canlynol:

1.         Mae’r bwriad yn groes i holl ofynion Polisiau B22, B23 a B25  ...  gweld y cofnod llawn ar gyfer eitem 5.7

Cais ar gyfer dymchwel adeilad presennol ynghyd a chodi adeilad 3 llawr i greu cyfanswm o 27 fflatiau ar gyfer myfyrwyr, ail osod pafin a chreu cilfan a parcio ar gyfer 7 cerbyd.  

Aelod Lleol:  Cynghorydd John Wynn Jones

Cais ar gyfer dymchwel adeilad presennol ynghyd a chodi adeilad 3 llawr i greu cyfanswm o 27 fflatiau ar gyfer myfyrwyr, ail osod pafin a chreu cilfan a pharcio ar gyfer 7 cerbyd. 

(a)          Ymhelaethodd y Rheolwr Rheolaeth Datblygu ar gefndir y cais gan nodi bod y safle wedi ei leoli o fewn ardal breswyl yn Ninas Bangor a thu mewn i’r ffin datblygu, ar dir serth ar hyd Ffordd Euston, ger Swyddfa Sortio Post a’r rheilffordd.

Cyfeiriwyd at y polisïau perthnasol ynghyd a’r ymgynghoriadau fel y nodwyd yn yr adroddiad.

O safbwynt egwyddor y datblygiad, nodwyd:

·                Nad yw’r adeilad bellach mewn defnydd

·                Nad oedd CADW yn ystyried bod yr adeilad yn cwrdd y meini prawf ar gyfer ei restru

·                bod y bwriad ar gyfer codi adeilad newydd ar gyfer darparu llety myfyrwyr ac nad oedd polisi penodol yn y CDU sy’n ymdrin gyda datblygiad o’r math hwn

·                bod angen pwyso a mesur yr ystyriaethau materol wrth benderfynu os yw’r egwyddor y datblygiad yn y lleoliad penodol hwn yn dderbyniol

·                ffigyrau a thablau yn dangos sefyllfa ddiweddaraf yn ymwneud a datblygiadau llety myfyrwyr ym Mangor

O ganlyniad i ddatganiadau ychwanegol a gyflwynwyd fel rhan o’r cais, ystyrir bod y bwriad yn cydymffurfio a gofynion y polisïau perthnasol.

Nodwyd bod yr Uned Trafnidiaeth yn fodlon gyda’r ddarpariaeth parcio ar y stryd ynghyd a chadw’r palmant.

Cyflwynwyd datganiad effaith Ieithyddol a Chymunedol gyda’r cais ac wedi ymgynhgori gyda’r Uned Polisi Cynllunio ar y Cyd ystyriwyd bod y bwriad yn unol â’r polisïau perthnasol ac na fyddai’r bwriad yn cael effaith ar yr iaith Gymraeg.

Yn seiliedig ar yr holl ystyriaethau, ystyrir bod y cais yn dderbyniol o safbwynt polisïau lleol a chenedlaethol perthnasol ac nad oes unrhyw ystyriaeth materol arall yn datgan i’r gwrthwyneb ac argymhelliad y swyddogion ydoedd caniatau’r cais yn ddarostyngedig i amodau perthnasol.

(b)             Yn manteisio ar yr hawl i siarad, nododd gwrthwynebydd y prif bwyntiau canlynol:

·         bod gormodedd o lety myfyrwyr ym Mangor ac nid oes angen mwy

·         nad oedd y neuaddau preswyl yn llawn

·         bod nifer sylweddol o lefydd gwag ar gael mewn tai sector preifat

·         bod dirywiad yng nghyfanswm poblogaeth myfyrwyr Bangor ers sawl blwyddyn

·         mai’r prif wrthwynebiad ydoedd dymchwel yr adeilad sy'n rhan bwysig o Fangor a Chymru  gan fod treftadaeth bensaernïol yn diflannu’n gyflym

·         bod yr ystyriaeth cynllunio yn nodi "bod yr adeilad ar y safle yn un hanesyddol, gydag elfennau pensaernïol pwysig a hanes cymunedol i'r ardal”

·         nad oedd CADW wedi rhoi statws rhestredig i’r adeilad oherwydd bod y tu fewn wedi colli llawer o'i nodweddion

·         bod dros 1,000 o bobl wedi arwyddo deiseb ar-lein yn erbyn dymchwel yr adeilad gan gynnwys y Gymdeithas Fictoraidd a Chymdeithas Ddinesig Bangor. Fodd bynnag, pe byddir yn penderfynu rhoi caniatâd ar gyfer yr anheddau i fyfyrwyr anogwyd y Pwyllgor i’w wneud yn amodol i ail-ddefnyddio’r adeilad ac nid i’w ddymchwel

·         gwnaed cais i’r Cadeirydd dderbyn y ddeiseb  ...  gweld y cofnod llawn ar gyfer eitem 5.8

Gosod paneli solar PV  (3.6 MW) i gynnwys adeiladau atodol, tirlunio a mynedfa i’r safle.  

Aelodau Lleol:  Cynghorwyr Anne T. Lloyd Jones a Mike Stevens

Gosod paneli solar PV (3.6MW) i gynnwys adeiladau atodol, tirlunio a mynedfa i’r safle.

(a)  Ymhelaethodd yr Uwch Swyddog Rheolaeth Datblygu ar gefndir y cais gan nodi bod safle’r cais yn mesur oddeutu 6.7 hectar ac mae’n cynnwys tir pori amaethyddol gradd 4 sydd wedi ei leoli ar y morfa ar gyrion tref Tywyn. Mae’r safle yn rhan o hen wersyll Awyrlu Morfa Camp.  Nodwyd bod  Ardal Gadwraeth Arbennig Pen Llyn a’r Sarnau wedi ei leoli ym Mae Ceredigion sydd oddeutu 0.7km i’r gorllewin o’r safle, ac mae dwy Ardal o Ddiddordeb Gwyddonol Arbennig wedi ei lleoli cyfagos, y naill ar y Morfa Gwyllt sydd o fewn 0.6km i’r safle i’r gogledd a’r llall sef y Dyfi o fewn 1.4km i’r de.  Tynnwyd sylw bod henebion Caer Llechrwyd a Gwersyll Tal y Garreg wedi ei lleoli i ogledd y safle, ac mae nifer o adeiladau rhestredig wedi eu lleoli nid nepell o’r safle yn nhref Tywyn.  Golygai’r bwriad osod paneli solar ar gyfer creu parc solar fyddai’n creu 3.6MW o drydan i’r Grid Cenedlaethol.

Cyfeiriwyd at y polisïau perthnasol ynghyd a’r ymgynghoriadau cyhoeddus fel amlinellwyd yn yr adroddiad.

O ran egwyddor y datblygiad, nodwyd polisi C1 o’r Cynllun Datblygu Unedol yn ymwneud â  lleoli datblygiad newydd, ac mae’n datgan mai tir o fewn ffiniau datblygu trefi a phentrefi a ffurf ddatblygedig pentrefi gwledig fydd y prif ffocws ar gyfer datblygiadau newydd.  Ystyrir bod y bwriad yn dderbyniol o safbwynt polisïau perthnasol y CDUG ac yn cydymffurfio a’r polisi priodol ar gyfer darparu ynni o ffynonellau adnewyddadwy.

O safbwynt dyluniad a deunyddiau, tynnwyd sylw nad oedd y cynlluniau yn manylu ar ddeunyddiau na’r gorffeniadau bwriedig y strwythuron ond roedd modd cytuno defnyddio deunyddiau sy’n dderbyniol ac yn gweddu i’r safle.

Bwriedir tirweddu’r safle drwy fesurau priodol ac ystyrir bod y bwriad felly yn cydymffurfio a pholisïau perthnasol yn ddarostyngedig i amodau.

O safbwynt mwynderau cyffredinol a phreswyl, nodwyd bod  dogfennau ychwanegol  wedi eu cyflwyno fel rhan o’r cais ac mae’r wybodaeth sy’n cael ei gynnwys yn y dogfennau yn datgan na fydd y datblygiad yn achosi unrhyw niwsans neu lacharedd anaddas o ganlyniad i’r haul ddisgleirio, ac na fydd y bwriad yn achosi effaith weledol niweidiol arwyddocaol.  Yng nghyd-destun llygredd golau a goleuni ystyrir bod casgliadau'r adroddiad gerbron yn cadarnhau y gallai adlewyrchiadau solar oddi ar y datblygiad effeithio ar dai a defnyddwyr ffyrdd cyfagos, serch hynny ni ystyrir y byddai'r effaith hyn yn cael niwed arwyddocaol ar fwynderau trigolion eiddo preswyl na diogelwch defnyddwyr ffyrdd cyfagos.

Nodwyd mai dim ond yn ystod y cyfnod adeiladu bydd unrhyw gynnydd mewn llif traffig, ac mae’r ymgeisydd wedi darparu cynllun rheoli llif traffig er mwyn bodoli gofynion Adran Drafnidiaeth Cyngor Gwynedd.

Ni dderbyniwyd ymateb gan Uwch Swyddog Cadwraeth y Cyngor, serch hynny mae ymateb CADW yn nodi ei bod yn annhebygol y bydd y datblygiad arfaethedig yn cael mwy nag effaith leol ar y dirwedd hanesyddol cofrestredig

O sicrhau y derbynnir cytundeb i weithredu mewn modd a fydd yn amddiffyn diddordeb bioamrywiaeth y  ...  gweld y cofnod llawn ar gyfer eitem 5.9

Trosi ac ehangu cyn safle trwisio carafanau i leoliad gwerthu ceir, canolfan MOT a modurdy trwsio cerbydau.   

Aelod Lleol:  Cynghorydd Jason Humphreys

Trosi ac ehangu cyn safle trwsio carafanau i leoliad gwerthu ceir, canolfan MOT a modurdy trwsio cerbydau.

(a)          Ymhelaethodd yr Uwch Swyddog Rheolaeth Datblygu ar gefndir y cais gan nodi bod y bwriad  yn cynnwys helaethu prif adeilad y safle drwy ei ymestyn 2.3m ymlaen tuag at ffin y briffordd. Fe fyddai’r estyniad i'r adeilad yn creu 37m² ychwanegol o arwynebedd llawr.  Lleolir y safle tu fewn i ffin datblygu Porthmadog a nodwyd bod y cais wedi ei gyflwyno i’r Pwyllgor Cynllunio ar gais yr Aelod Lleol.

O safbwynt mwynderau gweledol,  gan fod y datblygiad ar safle a ddefnyddiwyd o'r blaen at ddefnydd cyffelyb a'i fod gerllaw adeiladau o'r un raddfa,  ni ystyrir y byddai’n edrych allan o le ac fe ystyrir y byddai edrychiad y datblygiad yn dderbyniol ac yn cydymffurfio gyda gofynion polisïau perthnasol. Ni ystyrir ychwaith y byddai newid arwyddocaol yn effeithiau’r defnydd ar fwynderau’r ardal.

Nodwyd y gellir sicrhau darpariaeth a threfniadau parcio derbyniol ar y safle er cwrdd â gofynion yr Uned Drafnidiaeth ynghylch yr effaith ar ddiogelwch priffyrdd .

Yn seiliedig ar yr holl ystyriaethau, nodwyd bod y bwriad yn dderbyniol ar sail ei ddefnydd, lleoliad, gosodiad, dyluniad, deunyddiau, graddfa ac unrhyw effaith bosibl ar fwynderau cyffredinol yr ardal ac yn cwrdd â gofynion y polisïau perthnasol.

(b)        Yn manteisio ar yr hawl i siarad, nododd Asiant yr ymgeisydd y prif bwyntiau canlynol:

·         Mai cyn garej Pennant Motors oedd ar y safle yn y gorffennol a bod y bwriad yn creu 4 swydd newydd ac wedi cael ei llenwi gan Gymry lleol

·         Bod y bwriad i greu y garej yn cydfynd hefo busnes presennol yr ymgeisydd  yn Nolgellau ac yn fodd o  helpu i wneud y busnes yn gynaliadwy a diogelu 20 swydd presennol

·         Noder bod yr estyniad yn gymharol fach ond yn angenrheidiol i gael lleoli ceir i’w harddangos o fewn yr ystafell arddangos

·         Cychwynnwyd y gwaith addasu i gael gwared ag  asbestos cyn gynted a bo modd

·         Bod caniatad cynllunio i ddatblygu ac ymestyn yr adeilad yn bodoli eisoes

·         Ymatebwyd i’r ymgynghoriadau cyhoeddus drwy nodi o safbwynt  gorddatblyu bod y  bwriad yn syml iawn i’r addasiad ar y cyn-ddefnydd sydd wedi ei gymeradwyo gan y cynllunwyr yn barod

·         Creu mwy o drafnidiaeth – bod ystyriaeth yr arbenigwr priffyrdd yn cadarnhau nad yw’r busnes yn mynd i greu ychwanegiad sylweddol o draffig

·         Effaith mwynderau trigolion cyfagos – nodir bod y safle wedi ei ddefnyddio yn y gorffennol fel garej, safle trwsio carafanau a hefyd fel garej Pennant Motors

·         Sylwadau trafnidiaeth – bod cynlluniau wedi addasu’n barod ar gyfer mannau parcio ac wedi eu derbyn i fod yn addas a’r gofynion

·         Gwarchod y cyhoedd – dim cwynion ar gyfer defnydd o drwsio carafanau sy’n gyffelyb i’r bwriad arfaethedig

·         Y byddai cyfyngu oriau gwaith yn creu pryder oherwydd bod y busnes angen bod ar gael i drwsio ceir Heddlu Gogledd Cymru mewn argyfwng

·         Manylion o lefelau isel o ddisgleirio gan y goleuadau wedi eu cyflwyno ac sy’n dangos na fyddai mwynderau trigolion yn cael  ...  gweld y cofnod llawn ar gyfer eitem 5.10

Cais ol-weithredol i adw pontwn o fewn y cei.  

Aelod Lleol:  Cynghorydd Sian Gwenllian

Cais ôl-weithredol i gadw pontŵn o fewn y cei.

PENDERFYNWYD:               Gohirio ystyried y cais oherwydd gweithredu’r

drefn siarad yn y Pwyllgor.

Cais ôl-weithredol i gadw pontwn o fewn y cei.  

Aelod Lleol:  Cynghorydd Sian Gwenllian

Cais ôl-weithredol i gadw pontŵn o fewn y cei.

PENDERFYNWYD:               Gohirio ystyried y cais oherwydd gweithredu’r drefn siarad yn y Pwyllgor

Codi tyrbin gwynt gyda mesur o 30.5m i’r hwb (48.01m i frig y llafn), blwch rheoli a gwaith cysylltiedig (ail gyflwyniad o gais a dynnwyd yn ôl.   

Aelod Lleol:  Cynghorydd Elwyn Edwards

Codi tyrbin gwynt gyda mesur o 30.5m i'r hwb (48.01m i frig y llafn), blwch rheoli a gwaith cysylltiedig (ail gyflwyniad o gais a dynnwyd yn ôl).

‘Roedd aelodau’r Pwyllgor wedi ymweld â’r safle cyn y cyfarfod.

(a)          Ymhelaethodd y Rheolwr Rheolaeth Datblygu ar gefndir y cais gan nodi bod y safle wedi ei leoli ar dir uchel gerllaw ffordd yr A4212 sydd yn rhedeg fel prif gyswllt rhwng tref Y Bala a phentref Trawsfynydd.  Nodwyd bod ffin Parc Cenedlaethol Eryri wedi ei leoli oddeutu 750 medr i’r gorllewin gyda Tirwedd o Ddiddordeb Hanesyddol Arbennig Y Bala a Glannau Tegid wedi ei leoli oddeutu 2km i dde'r safle, ac mae ardal eang o Dir Mynediad Agored a ddynodwyd dan Ddeddf Cefn Gwlad a Hawliau Tramwy (2005) wedi ei leoli o fewn 300 medr i ddwyrain y safle.  Tynnwyd sylw bod y tir yn borfa amaethyddol sydd wedi ei wella, gyda pheilonau trydan wedi eu lleoli tua 450 medr i’r de o’r safle a cheir golygfeydd panoramig o’r mynyddoedd o amgylch y safle hwn. 

Cyfeiriwyd at y polisiau perthnasol ynghyd a’r ymgynghoriadau cyhoeddus o fewn yr adroddiad.

Cyfeiriwyd at y sylwadau ychwanegol a gyflwynwyd i’r Pwyllgor.

Tynnwyd sylw bod Asesiad Sensitifrwydd a Chynhwysedd Tirwedd Ynys Mon, Gwynedd a Pharc Cenedlaethol gan gwmni Gillespies yn cadarnhau bod safle’r cais o fewn Ardal G12 Llandderfel ac yn disgrifio’r tirwedd yr ardal yn gyffredinol fel un o raddfa ganolig sydd â chymeriad tirwedd wledig a thonnog, sydd â sensitifrwydd canolig i uchel i ddatblygiadau ynni gwynt.

Rhagdybia’r polisi yn erbyn datblygiadau sy’n ymwthio’n sylweddol yn weledol ac sydd wedi ei lleoli yn ansensitif ac yn anghydnaws o fewn y tirwedd. Oherwydd amlygrwydd y datblygiad o fewn y tirlun ac o ardal eang iawn o du fewn y Parc, ystyrir y byddai yn amharu yn sylweddol ar fwynhad defnyddwyr y Parc Cenedlaethol.  Ystyrir y byddai’r tyrbin yn y lleoliad arfaethedig yn amharu ar y tirlun, tynnu sylw oddi ar y Parc ac yn amharu ar ddynodiad y tir sydd o bwysigrwydd rhyngwladol. 

Pwysleisiwyd oherwydd natur datblygiadau o’r math ei bod yn anodd ei integreiddio gyda’r dirwedd a bod rhaid pwyso a mesur yn ofalus ei effaith gweledol, statws y tirwedd, buddiannau economaidd a’r nod cenedlaethol o hybu datblygiadau sydd yn creu ynni adweinyddol.

Nodwyd yr ystyrir nad yw’r bwriad yn cwrdd â gofynion y polisïau perthnasol a byddai’r tyrbin yn cael effaith sylweddol arwyddocaol ar nodweddion a chymeriad arbennig y Parc Cenedlaethol. Argymhelliad y swyddogion cynllunio ydoedd gwrthod y cais yn unol â’r rheswm amlinellir yn yr adroddiad.

(b)           Gwnaed y prif bwyntiau canlynol gan yr aelod lleol (oedd yn aelod o’r Pwyllgor Cynllunio hwn):

·         Bod y cais yn ail-gyflwyniad gyda’r ymgeisydd wedi colli rhai misoedd a’r gwrthwynebiad yn parhau gan y swyddogion

·         Nad oedd y datblygiad yn amharu ar y dirwedd

·         O safbwynt toriad i’r gorwel, nodwyd bod oddeutu dwy res o beilonau yn rhedeg drwy diriogaeth y Parc Cenedlaethol sydd bron ‘run maint â’r tyrbin arfaethedig ond  ...  gweld y cofnod llawn ar gyfer eitem 5.13