Addasu adeilad ar gyfer bwyty a gwesty (9 ystafell wely), newididau i’r fynedfa, torri coed, tirlunio, mannau parcio, addasu adeilad i gaffi a chodi unedau gwyliau newydd i greu cyfanswm o 18 uned wyliau.
Aelod Lleol: Cynghorydd Ioan C. Thomas
Cofnod:
Addasu adeilad ar gyfer
bwyty a gwesty (9 ystafell wely), newidiadau i’r fynedfa, torri coed, tirlunio, mannau parcio, addasu Bwthyn Glan
y Môr i gaffi a chodi unedau gwyliau
newydd i greu cyfanswm o 18 uned wyliau.
(a) Ymhelaethodd
yr Uwch Swyddog
Rheolaeth Datblygu ar gefndir y cais gan nodi mai’r
bwriad ydoedd trosi, ymestyn ac addasu’r eiddo fel amlinellir uchod. Lleolir yr eiddo
tu allan i ffin datblygu Caernarfon fel y’i cynhwysir
yng Nghynllun Datblygu Unedol Gwynedd ac yn ffinio i’r
gorllewin gyda’r Fenai sydd wedi
ei ddynodi fel Safle Cadwraeth
Natur o Bwysigrwydd rhyngwladol. Ymhellach draw i’r gorllewin ceir AHNE Arfordir Ynys Môn. Ceir llwybr troed/beics cyhoeddus Lôn Las Menai rhwng Bwthyn Glan y Môr
a Phlas Brereton.
Mae’r rhan yma o’r Fenai
wedi ei adnabod
gan Gyfoeth Naturiol Cymru fel ardal sydd
yn rhannol o fewn Parth C2 fel
y’i cyfeirir ato yn Nodyn
Cyngor Technegol 15 ar “Datblygu a Pherygl Llifogydd” (2004) a bod rhan o safle’r cais o fewn cyrraedd llifogydd
eithafol.
Cyfeiriwyd at y polisïau perthnasol a’r ymgynghoriadau cyhoeddus o fewn yr adroddiad.
O safbwynt mwynderau gweledol, ni ystyrir
y byddai’r bwriad yn cael effaith
sylweddol nac arwyddocaol ar osodiad gweledol yr AHNE a bod y bwriad yn dderbyniol yn
seiliedig ar ofynion y polisïau perthnasol.
Nodwyd bod y bwriad yn dderbyniol o safbwynt mwynderau cyffredinol a phreswyl ac yn cydymffurfio a gofynion y polisïau perthnasol
Nodwyd bod Llywodraeth Cymru yn gefnogol i’r
cais yn ddarostyngedig
i gynnwys nifer o amodau sy’n ymwneud
a dyluniad i wella’r fynedfa bresennol.
O safbwynt materion bioamrywiaeth, nodwyd bod tystiolaeth wedi ei gyflwyno sy’n
cadarnhau bod clwydfannau ystlumod ym Mhlas
Brereton ac fe fydd angen i’r ymgeisydd
ymgymryd â mesurau lliniaru perthnasol i’w diogelu.
Sicrhawyd bod y bwriad yn cydymffurfio a pholisiau perthnasol o safbwynt materion ieithyddol a chymunedol.
Pe byddai’r cais yn cael ei
ganiatáu byddai’r datblygiad yn hwb
i’r economi leol ac yn osgoi
i’r adeilad ddirywio ymhellach.
Tynnwyd sylw bod safle’r caffi bwriadedig oddi fewn Parth
C2 ac o fewn cyrraedd llifogydd ond fe
gyflwynwyd asesiad canlyniadau sy’n datgan gellir rheoli
canlyniadau llifogydd gydol oes y datblygiad
drwy ymgorffori mesurau lliniaru yn y cynllun i addasu’r adeilad ar gyfer y caffi.
Derbyniwyd sylwadau gan yr Aelod
Lleol yn datgan nad oedd
ganddo unrhyw wrthwynebiad i’r cais ond bod ganddo
ychydig o bryder am ddiogelwch wrth Fwthyn Glan y Môr
oherwydd bod strwythur y
doc yn fregus mewn rhai llefydd
ac angen diogelu na fydd cwsmeriaid
/ cyhoedd yn syrthio i’r dŵr. Hefyd roedd yn pryderu
am y fynedfa.
Argymhellir i ganiatáu’r cais oherwydd ystyrir
bod y bwriad yn dderbyniol ac yn cydymffurfio a pholisïau a chanllawiau perthnasol.
(b)
Yn manteisio ar yr hawl
i siarad, nododd asiant yr ymgeisydd
y prif bwyntiau canlynol:
·
Bod y safle yn wag ar hyn
o bryd mewn cyflwr gwael
·
Bwriad yw adfer y Plas fel
gwesty 9 ystafell gydag estyniad cymedrol i anheddu tŷ bwyty
·
Caffi arfaethedig
ar gyfer Bwthyn Ceidwad y Doc ar lannau’r Fenai
gyda’r porthdy ar y brifodd yn
cael ei adfer
ar gyfer cyfleusterau staff
·
Bydd clwydfan addas yn cael ei
adeiladu ar gyfer ystlumod
·
Bydd y safle yn cael ei reoli
yn briodol
·
Byddai’r datblygiad arfaethedig yn atyniad ar gyfer
twristiaeth gwerthfawr i’r ardal ac yn
gyflogwr pwysig ac yn cael effaith
gadarnhaol ar yr economi leol
·
Bydd safon uchel y dyluniad a gorffeniadau'r adeilad yn denu ymwelwyr
lleol ac o bell ac yn creu gwariant o fewn y datblygiad ac i’r ardal gyfagos
·
Bydd y datblygiad
yn bodloni gofynion lleol a chymunedol drwy ddarparu cyfleusterau hamdden sef caffi
a thŷ bwyty mewn adeilad sy’n
adnabyddus ac yn cael ei werthfawrogi
yn lleol
·
Bod
y cais yn cydymffurfio a pholisïau lleol a phob pwynt
perthnasol wedi cael ystyriaeth
·
Bod
y safle yn agos i dref Caernarfon a Bangor gyda hygyrchedd gwych i’r A55 gerllaw
a’r dyluniad wedi cael ei
ddylunio i eistedd yn gyfforddus o fewn y cyd-destun presennol a’r amgylchedd
·
Bod
galw mawr am ddatblygiad llwyddiannus i’r eiddo i arbed
dirywiad parhaol ac er mwyn darparu
golygfa ddeniadol ar gyfer mynediad
i Gaernarfon
(c) Cynigwyd
ac eiliwyd i ganiatáu’r cais.
(ch) Yn ystod y drafodaeth ddilynol, amlygwyd y pwyntiau canlynol:
·
Trist nad yw Plas Coch
yn rhan o’r
datblygiad
·
A
ddylid derbyn asesiad amgylcheddol i dawelu pryderon ynghylch posibilrwydd bod
asbestos yn treiddio i mewn i’r môr
o gyn safle ffatri Friction Dynamics (Ferodo)
·
Pryder ynglŷn
â pherygl trafnidiaeth o safbwynt troi i mewn i fynedfa’r safle o ystyried y lôn gul a chynnydd traffig yn ystod
yr haf ac oni ddylid creu
llain welededd
·
A fyddai modd cynnwys amodau
ar gyfer y canlynol:
Ø i blannu
coed yn lle'r
rhai a fyddir yn torri;
Ø sicrhau nad yw’r unedau
gwyliau yn newid i unedau parhaol;
Ø lliniaru sŵn
ac aflonyddwch goleuadau
o gychod a fydd yn glanio
i’r caffi
(d) Mewn ymateb i’r uchod,
esboniodd y swyddogion:
·
Bod
Uned Cefnffyrdd, Llywodraeth Cymru, wedi cynnal trafodaethau
gyda’r ymgeisydd ynglŷn â’r fynedfa ac wedi cyflwyno amodau sy’n datgan nad
oes rhaid cael ffordd ychwanegol
mwyach ond yn hytrach lledu’r
fynedfa bresennol i gael gwelededd addas tuag at Gaernarfon. Yn ogystal, bydd ffordd
osgoi arfaethedig
Caernarfon yn lleihau’r baich trafnidiaeth yn y tymor hir.
·
Bod
y swyddogion wedi ymgynghori gydag Adran Gwarchod y Cyhoedd y Cyngor ac nad oedd pryderon penodol
wedi codi o safbwynt llygredd tir a sicrhawyd bod asesiadau wedi eu cwblhau gyda’r
cais o ran draenio'r dŵr wyneb.
PENDERFYNWYD: Caniatau’r
cais yn ddarostyngedig i
amodau:-
1. 5
mlynedd.
2. Yn unol â’r
cynlluniau.
3. Llechi naturiol.
4. Tirweddu.
5. Diogelwch ffyrdd (amodau Llywodraeth Cymru – Trafnidiaeth).
6. Amodau mesuriadau lliniaru bioamrywiaeth yn ymwneud ac ystlumod,
llystyfiant ac ymlusgiaid.
7 Amodau Cyfoeth Naturiol Cymru parthed mesuriadau lliniaru rhag llifogydd, goleuo, draenio ynghyd a diogelu rhywogaethau gwarchodedig (ystlumod).
8. Deunyddiau allanol ynghyd a samplau.
9. Manylion y mannau caled i’w cymeradwyo.
10. Tynnu hawliau datblygiad
a ganiateir o’r llety gwyliau.
11. Cyfyngu
defnydd yr unedau i ddefnydd gwyliau yn unig
ynghyd â chadw cofrestr.
12. Trosi’r gwesty fel ei fod
yn agored i’r cyhoedd cyn
preswylio’r 9 uned gwyliau cyntaf.
13.
Cyfyngu ar oriau agor
y caffi.
Dogfennau ategol: