Lleoliad: Siambr Dafydd Orwig, Swyddfa'r Cyngor, Caernarfon, Gwynedd. LL55 1SH. Gweld cyfarwyddiadau
Cyswllt: Lowri Haf Evans 01286 679878
Rhif | eitem |
---|---|
YMDDIHEURIADAU Derbyn unrhyw ymddiheuriadau am absenoldeb. Dogfennau ychwanegol: Cofnod: Endaf Cooke, Elwyn Edwards, Simon Glyn,
Gwen Griffith, Dyfrig Wynn Jones, June
Marshall, W. Tudor Owen, John Pughe Roberts, Eirwyn Williams, Gruffydd Williams, Hefin
Williams, Owain Williams and Eurig
Wyn. |
|
DATGAN BUDDIANT PERSONOL Derbyn unrhyw ddatganiad o fuddiant personol. Dogfennau ychwanegol: Cofnod: Datganodd yr aelodau canlynol eu bod yn aelodau lleol mewn
perthynas â’r eitemau a nodir: ·
Y
Cynghorydd Tudor Owen, (oedd yn aelod
o’r Pwyllgor Cynllunio hwn), yn eitem 5 ar y rhaglen (ceisiadau cynllunio rhif
C15/0808/20/LL a C15/0807/20/CR)
oherwydd ei fod yn Aelod o Ymddiriedolaeth Harbwr Caernarfon. Ymneilltuodd yr Aelod o’r
Siambr yn ystod y drafodaeth ar y ceisiadau dan sylw ac ni fu iddo
bleidleisio ar y materion hynny. |
|
MATERION BRYS Nodi unrhyw eitemau sy’n fater brys ym marn y Cadeirydd fel y gellir eu hystyried. Dogfennau ychwanegol: |
|
Bydd y Cadeirydd yn cynnig
y dylid llofnodi cofnodion y cyfarfod diwethaf o’r pwyllgor
hwn, a gynhaliwyd ar 19 Hydref 2015, fel rhai cywir. (copi ynghlwm) Dogfennau ychwanegol: Cofnod: Llofnododd y Cadeirydd gofnodion cyfarfod diwethaf o’r pwyllgor hwn a
gynhaliwyd ar 19 Hydref 2015 yn ddarostyngedig ar gywiro Pwynt 4; Penderfyniad / tud 10 fel rhai
cywir. Nodir yn y cofnodion ‘Dim ffenestri’. Cywiriad - ‘Dim ffenestri
ychwanegol’. |
|
CEISIADAU AM GANIATAD CYNLLUNIO Cyflwyno adroddiad Pennaeth Adran Rheoleiddio (copi ynghlwm) Dogfennau ychwanegol: Cofnod: Rhoddodd y Pwyllgor ystyriaeth
i’r ceisiadau canlynol i ddatblygu. Ymhelaethwyd ar fanylion y ceisiadau ac ymatebwyd i gwestiynau
mewn perthynas â’r cynlluniau ac agweddau o’r polisïau. PENDERFYNWYD |
|
Cais Rhif C13/1143/11/AM - Tir yn Pen y Ffridd, Bangor PDF 1 MB Cais amlinellol i godi hyd at 366 o unedau byw, gyda datblygiadau cysylltiol gan gynnwys ffordd fynedfa, llecynnau parcio ag adnoddau cysylltiol. Aelod Lleol: Dogfennau ychwanegol: Cofnod: Cais amlinellol
i godi hyd
at 366 o unedau byw, gyda datblygiadau cysylltiol gan gynnwys ffordd fynedfa, llecynnau parcio ag adnoddau
cysylltiol Roedd aelodau’r Pwyllgor wedi ymweld
â’r safle cyn y cyfarfod. (a) Nododd y Cadeirydd mai dyma’r
cais mwyaf oedd wedi ei gyflwyno i Cyngor Gwynedd. (b) Tynnwyd sylw
at y sylwadau ychwanegol a dderbyniwyd. (c)
Cynigiwyd
ac eiliwyd i ohirio y cais gan nad oedd Aelod Lleol ar ward Dewi (etholiad
lleol i’w gynnal 19.11.15) PENDERFYNWYD gohirioer mwyn cyflwyno’r cais i’r Pwyllgor Cynllunio nesaf gan y bydd Aelod lleol newydd wedi ei ethol. |
|
Cais Rhif C14/0248/03/LL - Rhan o gae AO 8825, Cae Clyd, Manod, Blaenau Ffestiniog PDF 508 KB Adeiladu 5 tŷ deulawr ynghyd a ffordd ystâd ac addasiadau i fynedfa bresennol. Aelod Lleol: Cynghorydd Linda A. W. Jones Dogfennau ychwanegol: Cofnod: Adeiladu 5 tŷ deulawr ynghyd a ffordd ystâd ac addasiadau i’r fynedfa bresennol. (a)
Ymhelaethodd
y Swyddog Rheolaeth Datblygu ar gefndir y cais gan nodi mai
cais llawn ydoedd ar gyfer
adeiladu 5 tŷ (gan gynnwys 2 dŷ
fforddiadwy ar gyfer angen lleol)
ynghyd a ffordd ‘stad a newidiadau i fynedfa bresennol.
Nodwyd y byddai tri o’r tai yn rhai
ar wahân a’r ddau arall
ar ffurf tai par. Amlygwyd bod y safle wedi ei ddynodi
ar gyfer tai ac mae Briff Datblygu
wedi ei ddatblygu
ar ei gyfer
sydd yn nodi
bod y safle wedi ei ddynodi ar
gyfer 18. Er hynny, mae rheswm
cynllunio yn bodoli dros beidio
cynnig 18 tŷ a hynny oherwydd natur a statws y tir fel safle
bywyd gwyllt. Nid yw’r safle yn unffurf nac yn wastad ac mae
cyfyngiadau o safbwynt lefelau tir, presenoldeb nant yn rhedeg drwy’r safle yn golygu nad yw yn rhesymol bosib datblygu’r
holl dir. Nodwyd bod y safle yn dir
agored gydag un tŷ eisoes wedi ei adeiladu
arno. Mae’r safle wedi ei
adnabod fel glaswelltir asidaidd gyda thir sydd
yn rhan ffen,
cors a chors siglennaidd sydd tu allan ac yn
gyfochrog i’r cais. Nodwyd bod yr hyn
sydd wedi ei gynnig yn
dderbyniol gan yr Uned Bioamrywiaeth.
O ran materion trafnidiaeth a mynediad amlygwyd bod
nifer o bryderon ynglŷn â defnydd ychwanegol tebygol o gyffordd y safle
gyda’r A470. Er hynny, nid oedd gan yr
Uned Drafnidiaeth wrthwynebiad i’r bwriad a bod argymhelliad wedi ei wneud i
wella’r mynediad yn gyffredinol. O ran materion llifogydd, amlygwyd bod y cais
yn cynnwys mesurau o reoli llif dŵr wyneb o’r safle ac o ran materion
ieithyddol bod y cais yn cwrdd â’r gofynion priodol.
Ystyriwyd bod y cynnig yn cwrdd gyda’r holl bolisïau lleol a chenedlaethol
perthnasol a nodwyd yn yr adroddiad. (b)
Yn manteisio ar yr hawl i siarad nododd yr
ymgeisydd ·
Bod y cais wedi ei liniaru ac wedi ei addasu i
ymateb i bryderon ·
Bod adeiladu tai gyda phedair llofft yn
adlewyrchu’r gofynion lleol ·
Ei fod yn ymateb i ofynion tai fforddiadwy ·
Bod
llefydd parcio digonol wedi eu cynnwys ·
Ei
fod wedi ei eni a'i fagu yn yr ardal ac felly addasrwydd y safle yn bwysig iddo (c)
Cynigiwyd ac eiliwyd i ganiatáu y cais yn unol â’r argymhelliad (ch) Mewn ymateb i ymholiad gan aelod a oedd yn
pryderu ynglŷn â’r posibilrwydd i gais pellach
gael ei gyflwyno am 13 o dai, nododd y Rheolwr Rheolaeth Datblygu byddai yn
rhaid cyflwyno cais cynllunio o’r newydd a fyddai’n debygol o gael ei wrthod
oherwydd bod gwarchodaeth i’r gwlybtir sydd yn gyfochrog i safle’r datblygiad. PENDERFYNWYD
Dirprwyo’r hawl i’r Uwch Reolwr Cynllunio i ganiatáu’r
cais yn ddarostyngedig i’r ymgeisydd gwblhau Cytundeb 106 yn ymwneud gyda
sicrhau fod 2 o’r 5 tŷ yn dai fforddiadwy ar gyfer angen lleol cyffredinol
ac amodau cynllunio perthnasol yn ymwneud gyda: 1. Amser cychwyn y ... gweld y cofnod llawn ar gyfer eitem 5.2 |
|
Cais Rhif C14/0919/11/AM - Bron Derw, Garth Road, Bangor PDF 879 KB Cais amlinellol i godi llety myfyrwyr pwrpasol i gynnwys 33 lloft ynghyd â chyfleusterau megis cegin ac ystafell hamddena. Aelod Lleol: Cynghorydd Lesley Day Dogfennau ychwanegol: Cofnod: Cais amlinellol
i godi llety
myfyrwyr pwrpasol i gynnwys 33 llofft
ynghyd â chyfleusterau megis cegin ac ystafell hamddena. (a)
Ymhelaethodd
y Rheolwr
Rheolaeth Datblygu ar gefndir y cais, gan nodi mai cais amlinellol
ydoedd ar gyfer codi un adeilad pwrpasol fel llety myfyrwyr. Nodwyd ei fod yn
gais wedi ei ddiwygio o’r cais blaenorol a dynnwyd yn ôl a oedd ar gyfer codi 3
adeilad ar wahân gyda darpariaeth cysgu i 64 o fyfyrwyr. Nodwyd
bod y safle wedi ei leoli o fewn ffiniau datblygu’r ddinas ac yn safle
sydd eisoes wedi cael ei ddatblygu - yn safle sydd yn bodloni gofynion
sylfaenol polisïau C1 a C3 yn ogystal â pholisïau strategol 6 o’r CDU. Er hynny
amlygwyd, er bod gwelliannau wedi eu gwneud i leihau maint y datblygiad roedd y
bwriad yn parhau i fod yn or-ddatblygiad o’r safle ac
y byddai yn cael ardrawiad annerbyniol ar fwynderau gweledol a chyffredinol yr
ardal ac yr adeiladau cyfochrog. (b)
Tynnwyd sylw at y sylwadau
ychwanegol a dderbyniwyd. (c)
Cynigiwyd ac eiliwyd i wrthod yn gais yn unol ar argymhelliad (ch) Yn ystod y drafodaeth nodwyd y sylwadau canlynol ·
Bod y Cynghorydd lleol wedi mynegi gwrthwynebiad yn unol ag argymhelliad y
swyddogion ·
Bod
y datblygiad yn orddatblygiad. ·
Bod rhaid cydnabod bod adeiladau o’r fath yn ‘tagu’ dinas Bangor ac yn ei
anharddu ar gyfer y dyfodol PENDERFYNWYD
Gwrthod – rhesymau 1.
O
ystyried cymeriad ac edrychiadau presennol yr ardal gyfagos ystyrir fod y
bwriad ar y graddfa a’r ffurf a ddangosir yn ormesol ac yn or-ddatblygiad
o'r safle. Mi fyddai'r datblygiad arfaethedig yn anghydnaws gyda ffurf yr ardal
gyfagos gan effeithio yn andwyol ar gymeriad cyffredinol yr ardal ac felly yn
groes i ofynion polisïau B22 a B23 o Gynllun Datblygu Unedol Gwynedd ( 2009 ) a
rhannau 3 a 5 o Ganllawiau Dylunio Gwynedd. 2.
Ystyrir y byddai’r datblygiad yma ar sail graddfa
a ffurf yn effeithio yn andwyol
ar osodiad adeiladau rhestredig cyfagos Erw Fair i raddau annerbyniol
sy’n golygu na fyddai’r
bwriad yn bodloni gofynion polisi B3 o’r CDU na chanllawiau Cylchlythyr y Swyddfa Gymreig 61/96. |
|
Addasu ac ymestyn yr adeilad presennol (i gynnwys adeiladu llawr ychwanegol) er mwyn creu 9 uned gwyliau a dwy uned adwerthu. Aelod Lleol: Cynghorydd Gethin Glyn Williams Dogfennau ychwanegol: Cofnod: Addasu ac ymestyn yr adeilad
presennol (i gynnwys adeiladu llawr ychwanegol) er mwyn creu
9 uned gwyliau a dwy uned adwerthu. (a)
Ymhelaethodd
y Rheolwr
Rheolaeth Datblygu ar gefndir y cais, gan nodi'r byddai’r bwriad yn
cynnwys darparu llawr ychwanegol ar yr adeilad gyda’r unedau gwyliau i’w lleoli
ar lawr cyntaf ac ail yr adeilad ar
unedau manwerthu ar y llawr cyntaf yn wynebu Stryd King Edward. Bydd gweithdy
presennol yn cael ei ddymchwel er mwyn darparu ardaloedd storio biniau a beics
ac 8 llecyn parcio. Amlygwyd bod y dyluniad yn parchu strwythur yr adeilad
gwreiddiol ac yn welliant sylweddol o ran dyluniad yr adeilad presennol sydd
erbyn hyn yn ddolur llygad. Amlygwyd fod y cais yn gofyn am lety gwyliau ac
felly bod amod wedi ei gynnwys yn sicrhau mai defnydd gwyliau yn unig fydd i’r
unedau. Yn ogystal, petai'r angen yn codi i ddiwygio’r defnydd i unedau
fforddiadwy buasai hyn yn dderbyniol gan yr ystyrir fod lleoliad canol tref yr
adeilad yn ogystal a maint yr unedau yn golygu fod yr unedau yn debygol o fod
yn fforddiadwy beth bynnag. Nodwyd bod y bwriad yn dderbyniol ar safle sydd yn
amlwg ac ar un o brif strydoedd Abermaw a'i fod yn cydymffurfio gyda holl
bolisïau perthnasol y Cynllun Datblygu Unedol yn ogystal â pholisïau a
chanllawiau cynllunio Cenedlaethol. (b)
Cynigwyd
a eiliwyd i ganiatáu y cais yn unol â’r argymhelliad (c) Yn ystod y drafodaeth
nodwyd y sylwadau canlynol: ·
Sut
fydd defnydd yr unedau gwyliau yn cael eu monitro? A oes modd cynnwys amod llai
cyffredinol? ·
Ydi
8 llecyn parcio yn ddigonol ar gyfer defnydd gwyliau a staff y siopau? (ch) Mewn ymateb i’r
sylwadau uchod, nododd yr Uwch Reolwr Gwasanaeth Cynllunio:- ·
Yr
ymgeisydd sydd wedi gwneud cais am ddefnydd gwyliau ac felly amod wedi ei
gynnwys i gyfarch hyn. ·
Bod
cadw cofrestr defnydd gwyliau yn amod cynllunio safonol cenedlaethol ac o
ganlyniad bod gan y Cyngor hawl i weld cofrestr ar unrhyw adeg. Os bydd
amheuaeth o gam ddefnydd o’r unedau bydd hawl gan y swyddogion gorfodaeth i
ymchwilio ymhellach. Nid oes adnoddau digonol i wirio pob cofrestr / defnydd
gwyliau, ac felly bydd yr Uned Gorfodaeth yn gwneud hyn drwy sampl neu os y
derbynnir cwyn. Yn ychwanegol, nodwyd y byddai’r unedau yn dderbyniol ar gyfer
anheddau byw parhaol ac felly anodd deall y pryderon. Mewn ymateb i’r sylw ynglŷn â llecynnau
parcio, nododd yr Uwch Beiriannydd Rheolaeth Datblygu bod hyd at un lle ar gyfer
pob uned gwyliau a bod digon o fannau parcio derbyniol
eraill ar gael i’r staff, yn ogystal mae
mannau parcio cyhoeddus ar gael
mewn pellter hwylus o’r safle. PENDERFYNWYD caniatáu’r cais. Caniatáu – amodau 1.
5 mlynedd; 2.
unol a chynlluniau; 3.
amod defnydd gwyliau yn
unig/cadw cofrestr; 4.
llechi ar y to; 5.
gorffeniadau allanol i
gytuno; 6. rhaid i’r canllaw a sgrin afloyw ar y teras/gardd do ar edrychiad gogledd ddwyreiniol y datblygiad fod mewn lle cyn ... gweld y cofnod llawn ar gyfer eitem 5.4 |
|
Cais Rhif C15/0700/22/LL - Parc, Penygroes PDF 936 KB Gosod paneli solar pv ar gyfer creu parc solar ynghyd â gwaith atodol sy'n cynnwys ffens diogelwch a strwythurau. Aelod Lleol: Cynghorydd Dilwyn Lloyd Dogfennau ychwanegol: Cofnod: Gosod paneli
solar pv ar
gyfer creu parc solar ynghyd a gwaith atodol sy'n
cynnwys ffens diogelwch a strwythurau Roedd aelodau’r
Pwyllgor wedi ymweld â’r safle
cyn y cyfarfod. (a)
Ymhelaethodd
y Rheolwr Rheolaeth Datblygu ar gefndir y cais gan nodi mai cais llawn ydoedd
ar gyfer gosod rhesi o baneli solar er mwyn creu parc solar wedi ei leoli i’r
Gorllewin o Cilgwyn. Amlygwyd bod y safle yn mesur 12 acer mewn arwynebedd ac
yn cynnwys 3 cae sydd yn cael eu defnyddio yn rhannol at ddiben pori defaid.
Disgrifiwyd y lleoliad fel safle o fewn Tirlun o Ddiddordeb Hanesyddol
Eithriadol Dyffryn Nantlle fel y’i cynhwysir o fewn Rhan 2, Cofrestr Tirweddau,
Parciau a Gerddi o Ddiddordeb Hanesyddol Arbennig gyda nifer helaeth o
adeiladau rhestredig yn gyfagos ynghyd â nifer o henebion wedi eu lleoli o fewn
2km i safle y cais Eglurwyd yng nghyd destun y polisïau cynllunio lleol a chyngor cenedlaethol sy’n ymwneud a datblygiadau ar gyfer cynhyrchu ynni adnewyddadwy a chynaliadwy ei bod yn hanfodol cloriannu’r
angen am ddatblygiadau o’r fath yn
erbyn eu heffaith bosibl ar ansawdd y dirwedd
ac ystyriaethau amgylcheddol
a chymdeithasol eraill. Yng nghyd-destun y cais yma amlygwyd
nad oedd y safle yn dir
rhesymol i osod paneli solar arno oherwydd ei
natur anwastad ac agored - nid oedd
modd lliniaru'r datblygiad na chuddio'r
safle a rhagwelwyd y buasai gosod 9000 o baneli solar yn dirywio gwerth gweledol yr ardal
ac y byddai’n ddatblygiad estron ac amlwg iawn.
Credwyd hefyd bod y bwriad, oherwydd ei faint a’i natur yn debygol o gael
effaith andwyol ar fwynderau trigolion cyfagos ac effaith ar fwynderau
cyffredinol cerddwyr sy’n defnyddio llwybrau cyhoeddus poblogaidd cyfagos gyda
golygfeydd agored a chlir o’r ardal. Tynnwyd sylw at y sylwadau ychwanegol a
dderbyniwyd. (b)
Yn manteisio ar yr hawl
i siarad nododd gwrthwynebydd y prif bwyntiau canlynol:- ·
Bod y canllawiau yn mynegi
tir gwastad ar gyfer datblygiad
o’r fath ·
Bod
cynllun yn amlygu ffens 3m i’w hadeiladau tu ôl i waliau traddodiadol ·
Bydd
y paneli solar yn amlwg i'w gweld ymysg y grug ac yn elfen estronol i’r tirlun ·
Y safle wedi ei
leoli o fewn tirwedd hanesyddol ·
Adnewyddu
hen fythynnod i’w gymeradwyo, ond y paneli solar yn amlwg am anharddu'r ardal
agored ·
Y
paneli solar yn gorchuddio llwybrau cyhoeddus ·
Teledu
cylch cyfyng ar y datblygiad yn atal preifatrwydd trigolion cyfagos ·
Damcaniaeth yn unig
yw ynni glan (c)
Yn manteisio ar yr hawl
i siarad nododd asiant ar
ran yr ymgeisydd y prif bwyntiau canlynol:- ·
Datgan siom bod swyddogion yn gwrthod
y cais ·
Yn
gynllun da ac yn gyfle teg i’r tirfeddiannwr arallgyfeirio ·
Gall
defaid barhau i bori’r tir ·
Effaith
gyfyngedig ar y rhostir ·
Bod
y cynllun yn annog bioamrywiaeth a bod bwriad i wella’r llwybrau cyhoeddus ·
Sawl
ymgais wedi ei wneud i liniaru’r sefyllfa gyda thrigolion cyfagos ·
Nifer o lythyrau cefnogi’r cais wedi eu derbyn ·
Y
tirfeddianwyr yn gefnogol i’r gymuned leol (ch) Gwnaed y prif bwyntiau canlynol gan yr aelod lleol ... gweld y cofnod llawn ar gyfer eitem 5.5 |
|
Cais Rhif C15/0755/41/LL - Tyddyn Gwyn, Llangybi PDF 671 KB Gosod a gweithredu fferm solar ffotofoltaidd (pv) ar y tir ar 6.9 hectar o dir amaethyddol ynghyd â chyfarpar cyswllt, ffens dioglewch, camerau cylch cyfyng, thoilet compostio, strwythurau/cabannau trawsnewid, storio, isorsaf a rheoli a chreu trac newydd. Aelod Lleol: Cynghorydd Aled Ll. Evans Dogfennau ychwanegol: Cofnod: Gosod a gweithredu fferm solar ffotofoltaidd (pv) ar y tir ar
6.9 hectar o dir amaethyddol ynghyd a chyfarpar cyswllt, ffens diogelwch, camerâu cylch cyfyng,
thoilet compostio, strwythurau/cabannau trawsnewid, storio, is-orsaf a rheoli a chreu trac newydd. (a)
Ymhelaethodd y Swyddog
Rheolaeth Datblygu ar gefndir y cais gan nodi bod y safle yn mesur oddeutu 6.9
hectar ac yn cynnwys tir porfa sydd wedi ei leoli ar lwyfandir eithaf
gwastad. Ategwyd bod y safle mewn cefn gwlad
agored o fewn tirwedd tonnog rhwng ucheldiroedd canol Llŷn a Bae
Ceredigion gyda chloddiau a gwrychoedd aeddfed o‘i amgylch. Nodwyd bod y safle
yn weladwy o ambell i dŷ preifat ond bod bwriad i atgyfnerthu’r gwrychoedd
ac i blannu mwy o goed i sicrhau na fydd effaith niweidiol arwyddocaol ar
dirwedd yr ardal. Amlygwyd bod yr Uned Bioamrywiaeth wedi codi rhai pryderon
ynghylch effaith posib y datblygiad ar gynefinoedd a rhywogaethau a’u
hamddiffynnir yn statudol, fodd bynnag credid y gellid goresgyn hyn drwy
sicrhau mesurau lliniaru a rheolaethol ar gyfer y safle - ategwyd bod
trafodaethau yn parhau rhwng yr Uned a’r datblygwyr. O ganlyniad, ystyriwyd nad oedd y bwriad yn groes i bolisïau perthnasol ac
yn dderbyniol yn ddarostyngedig i amodau perthnasol. Tynnwyd sylw at y sylwadau ychwanegol a dderbyniwyd. (b) Yn manteisio ar yr
hawl i siarad
nododd asiant yr ymgeisydd y prif bwyntiau canlynol:- ·
Bod y cais yn unol â
chanllawiau lleol a chenedlaethol ·
Bod y safle wedi ei sgrinio yn
dda gyda bwriad i blannu mwy o wrychoedd, gweirgloddiau llawn blodau gwyllt a
gosod bocys nythod i adar ac ystlumod ·
Trafodaethau ynglŷn â
chynlluniau bioamrywiaeth yn cael eu cynnal ·
Bod defnydd pori yn parhau ar
y safle ac ar ddiwedd cyfnod y cais bydd y tir yn dychwelyd yn ôl i ddefnydd
amaethyddol llawn. ·
Bod mynediad addas i’r safle ·
Llawer o wybodaeth wedi ei
rannu gyda’r gymuned leol ·
Ynni glan yn adnodd gwerthfawr
sydd i’w groesawu. (c)
Cynigiwyd
ac eiliwyd i gynnal ymweliad safle. Pleidleisiwyd ac fe syrthiodd
y cynnig Cynigiwyd ac eiliwyd i
ganiatáu yn unol â’r argymhelliad (ch) Nodwyd y sylwadau canlynol o blaid yr argymhelliad: ·
Bod patrymau cynnal cefn gwlad
yn newid - nid parc yw Gwynedd, rhaid derbyn mai bywoliaeth ydy hyn i drigolion
cefn gwlad sydd yn sicrhau eu dyfodol. ·
Pwysig
cadw ‘tirwedd del’ ond hefyd rhaid sicrhau bod tirwedd ar gyfer cynnal
bywoliaeth. (d)
Nodwyd y sylwadau canlynol yn groes i’r
argymhelliad: ·
Annog ymweliad safle gan fod
tai preifat gerllaw Mewn ymateb i’r sylwadau uchod, nododd y swyddogion
nad oedd gwrthwynebiad wedi ei dderbyn gan y cyhoedd i’r cais PENDERFYNWYD Dirprwyo’r hawl i’r Uwch Reolwr Cynllunio i ganiatáu’r cais yn
ddarostyngedig i’r ymgeisydd gytuno ar fesurau lliniaru priodol er amddiffyn nodweddion
bioamrywiaeth ac er cytuno ar y llwybr ffordd fwyaf priodol i gyrraedd y safle
ynghyd ag amodau cynllunio perthnasol yn ymwneud gyda: 1. Amser cychwyn
y datblygiad 2. Cwblhau’r datblygiad yn unol â’r ... gweld y cofnod llawn ar gyfer eitem 5.6 |
|
Cais Rhif C15/0769/34/LL - Graianog, Llanllyfni PDF 879 KB Codi tyrbin gwynt 24.8 i'r hwb a 36.6m i frig y llafn ynghyd a gosod bwlch rheoli a gwaith cysylltiedig. Aelod Lleol: Cynghorydd Owain Williams Dogfennau ychwanegol: Cofnod: Codi tyrbin gwynt 24.8 i'r hwb a 36.6m i frig y llafn ynghyd â gosod blwch rheoli a gwaith cysylltiedig Roedd aelodau’r Pwyllgor wedi ymweld
â’r safle cyn y cyfarfod. (a)
Ymhelaethodd
y Swyddog Rheolaeth Datblygu ar gefndir y cais gan nodi bwriad i godi tyrbin
gwynt 85kw gyda chwt i gadw
peirianwaith cysylltiol ger ei waelod
ynghyd a chysylltiadau
grid. Byddai mynediad newydd yn cael
ei greu i
arwain at y tyrbin o drac mynediad chwarel
presennol. Ategwyd y byddai’r tyrbin wedi ei leoli
ar lwyfandir bychan mewn cae
a ddefnyddi’r fel porfa a fu gynt
yn rhan o chwarel Graianog, rhwng y chwarel weithredol bresennol ac iard storio / prosesu.
Ar wahân i’r chwarel, mae’r
tirlun yn un amaethyddol tonnog
sydd yn codi
yn raddol i gyfeiriad Bwlch
Mawr a Pharc Cenedlaethol Eryri tua 2km i’r dwyrain. (b)
Amlygwyd
bod y Parc Cenedlaethol yn nodi pryder ar effaith cronnus datblygiadau gydag
elfennau fertigol yn yr ardal yma a fuasai yn achosi niwed arwyddocaol i
olygfeydd i mewn ac allan o’r Parc Cenedlaethol (ac yn yr un modd gydag ANHE
Llŷn ac ar Osodiad Henebion Cofrestredig yn yr ardal ac ar dirwedd
hanesyddol Dyffryn Nantlle). Mewn ymateb nodwyd bod asesiad diweddar yn mynegi
y gall y dirwedd ymdopi gyda’r
datblygiad hwn ac nad ydyw effaith y tyrbin yn un o niwed arwyddocaol. Amlygwyd
bod effaith dynol yn amlwg ar y tirwedd a nodwyd na fyddai’r datblygiad yn cael
effaith negyddol arwyddocaol ar y tirlun yn gyffredinol. (c) Yn manteisio ar yr hawl i siarad
nododd yr ymgeisydd y prif bwyntiau canlynol:- ·
Bod
ganddo deulu ifanc a bod angen mentro er mwyn edrych i’r dyfodol ·
Bod
y tyrbin yn bwysig o ran elfennau cynaladwyedd ·
Bod trac mynediad eisoes yn bodoli ·
Bod
modd cydweithio gyda Gwyriad gerllaw ·
Bod
polisïau lleol a chenedlaethol yn hyrwyddo datblygiadau o’r fath ·
Bod
gosodiad y tyrbin mewn llecyn cuddiedig er mwyn lleihau effaith gweledol a bod
Cyfoeth Naturiol Cymru wedi nodi mai cyfyngedig fuasai’r effaith oherwydd y
tirlun tonnog. ·
Bod mast Nebo gerllaw
a pheilonau trydan – y tyrbin dipyn llai
o ran maint ·
Nifer
o lythyrau wedi ei derbyn yn gefnogol i’r cais ·
Byddai
caniatáu’r cais yn sicrhau hyfywdra i’r fferm deuluol (ch) Gwnaed y prif
bwyntiau canlynol gan yr aelod lleol (a oedd yn aelod o’r Pwyllgor Cynllunio
hwn) a oedd yn gwrthwynebu’r cais: ·
Bod
uchder y tyrbin yn sylweddol
·
Bod y tyrbin yn creu effaith
weledol ar yr ANHE a’r Parc
Cenedlaethol cyfagos ·
Bydd maint y tyrbin yn creu effaith
ar safle cyfagos hanesyddol Bryn Derwin Cynigwyd ac eiliwyd i ganiatáu’r cais
yn unol âr argymhelliad. (d)
Yn ystod y drafodaeth nodwyd y prif sylwadau
canlynol: ·
Bod
nifer o strwythurau fertigol eraill yn bodoli yn yr ardal ac felly ni fuasai’r
tyrbin yn sefyll ar ben ei hun ·
Bod
y tyrbin yn sicrhau hyfywdra ·
Bod
hyn yn fodd i’r teulu ifanc arallgyfeirio ·
Cryfhau
diwylliant ac iaith cefn gwlad |
|
Cais Rhif C15/0808/20/LL - Menai Marina, Hen Gei Llechi, Y Felinheli PDF 769 KB Cais ôl-weithredol i gadw pontwn o fewn y cei. Aelod Lleol: Cynghorydd Sian Gwenllian Dogfennau ychwanegol: Cofnod: Cais ôl-weithredol
i gadw pontŵn
o fewn y cei. (a)
Ymhelaethodd
y Rheolwr Rheolaeth Datblygu ar gefndir y cais gan nodi mai cais llawn, olweithredol
ydoedd i gadw pontŵn o fewn y cei (gohiriwyd y cais ym Mhwyllgor 19.10.15
oherwydd gweithrediad y drefn siarad). Ategwyd bod y pontŵn wedi ei leoli
ar y wal ogleddol ac yn mesur 30m o hyd a 2m o led fydd wedi ei gysylltu â wal yr
harbwr mewn 3 lleoliad gyda braced haearn a fydd yn gadael i’r pontŵn godi
gyda’r llanw. Ychwanegwyd bod wal yr harbwr wedi ei restru fel adeilad
rhestredig gradd II. Nodwyd bod y pontŵn newydd yn gweddu i’r ardal o
agwedd dyluniad ac edrychiad ac ei fod mewn marina gweithredol. Nid oedd oblygiadau ar edrychiad
na chymeriad
y strwythur rhestredig na mwynderau’r ardal na thrigolion
cyfagos, ac ystyriwyd bod yr adroddiad peirianyddol
a gyflwynwyd yn datgan cryfder y wal i allu
cynnal y pontŵn. Ystyriwyd felly bod
y bwriad yn dderbyniol ac yn unol â pholisïau B2, B3, B22,
B23, B24 a B25 CDUG. (b)
Yn manteisio ar yr
hawl i siarad nododd gwrthwynebydd i’r cais y pwyntiau
canlynol:- ·
Bod yr harbwr yn
un hanesyddol ·
Bod pontwnau wedi eu hadeiladu yn 2001 heb ganiatâd cynllunio ·
Bod
y morglawdd wedi ei chwalu yn 2008 gyda difrod i erddi trigolion cyfagos. Y
trigolion rannodd y costau atgyweirio. ·
Pontŵn
wedi ei adeiladu Mawrth 2015 - eto heb ganiatâd ·
Pryder,
gan mai cais ôl-weithredol ydyw, y bydd cwymp arall a bydd trigolion cyfagos yn
erlyn y Cyngor am y difrod. (c)
Yn manteisio ar yr
hawl i siarad nododd asiant i’r cais y pwyntiau canlynol: ·
Bod
ardal y doc yn Felinheli yn un
llwyddiannus ·
Bod basn y doc wedi ei ddylunio ar
gyfer gwaith diwydiannol trwm a llongau masnachol ·
Bod
y pontŵn efallai wedi cael effaith ar gwymp y wal ·
Bod y doc o fudd i’r economi
leol ac i’r gymuned ·
Bod y wal dan sylw
mewn cyflwr da heb unrhyw arwydd
o ddirwasgu ·
Bydd cynllun rheoli gorfodaeth yn ei le ·
Dim tystiolaeth i wrthod
y cais (ch) Gwnaed y prif
bwyntiau canlynol gan aelod oedd yn
gweithredu ar ran yr aelod lleol (nad oedd yn aelod o’r Pwyllgor Cynllunio hwn)
a oedd yn gwrthwynebu’r cais: ·
Ei
fod wedi cyfarfod gyda thrigolion cyfagos a’u bod yn bryderus i ddigwyddiad
tebyg i’r un a ddigwyddodd yn 2008 - hynny
yw bod y
pontŵn yn rhyddhau'r wal ac yn achosi difrod fydd yn gostus i’r trigolion. ·
Bod
y pontŵn dan sylw yn agosach i’r tai ac felly'r
pryder yn fwy ·
Bod
crac difrifol yn y wal a bod y wal yn eithaf bregus. ·
Ei
fod yn anghytuno gyda’r adroddiad peirianyddol a gyflwynwyd gyda’r cais oedd yn
nodi nad oedd gosod pontŵn yn debygol o gael effaith andwyol o safbwynt
strwythur peirianyddol. ·
Bod
angen adroddiad peirianyddol mwy cynhwysfawr er mwyn lleddfu ofnau’r trigolion · Os caniatáu, dylid cynnwys ... gweld y cofnod llawn ar gyfer eitem 5.8 |
|
Cais Rhif C15/0807/20/CR - Menai Marina, Hen Gei Llechi, Y Felinheli PDF 769 KB Cais ôl-weithredol i gadw pontwn o fewn
y cei. Aelod Lleol: Cynghorydd Sian
Gwenllian Dogfennau ychwanegol: Cofnod: PENDERFYNWYD
Gohirio gwneud penderfyniad ar y cais rhestredig ar
sail penderfyniad ar gais rhif 8 ar yr agenda sef cais cynllunio rhif C15/0808/20/LL
(uchod) - Menai Marina, Hen Gei Llechi, Y Felinheli. |
|
Cais Rhif C15/0810/40/LL - Tir ger Fferm Llwyndyrys, Y Ffôr PDF 641 KB Adeiladu fferm solar gyda gwaith cysylltiol i gysylltu â'r rhwydwaith dosbarthu trydan, ffordd fynediad, compownd adeiladu dros dro, ffensys diogelwch a gwelliannau ecolegol a tirweddu. Aelod Lleol: Cynghorydd Peter Read Dogfennau ychwanegol: Cofnod: Adeiladu fferm
solar gyda gwaith cysylltiol i gysylltu
â'r rhwydwaith dosbarthu trydan, ffordd fynediad, compownd adeiladu dros dro, ffensys
diogelwch a gwelliannau ecolegol a thirweddu. (a)
Ymhelaethodd
y Swyddog Rheolaeth Datblygu ar gefndir y cais gan nodi bod
safle’r cais yn mesur oddeutu 11.56 hectar ac yn cynnwys chwe
cae amaethyddol graddfa 3 a 4. Disgrifiwyd y caeau fel caeau pori gwastad gyda
llethr ysgafn wedi eu rheoli yng nghefn gwlad agored gyda rhes drwchus o goed
aeddfed i’r dwyrain o’r safle a gwrychoedd o amgylch mwyafrif o ffiniau’r
caeau. Ategwyd bod y safle o fewn Tirwedd o Ddiddordeb Hanesyddol Eithriadol
Llyn ac Ynys Enlli ac mae’r ANHE oddeutu 2km i’r gogledd orllewin. Nodwyd bod polisi C27 CDUG yn caniatáu cynigion am
gynlluniau ynni adnewyddadwy cynaliadwy a rheoli ynni cyn belled
ag y gellir cydymffurfio a chyfres o feini prawf sydd
yn ymwneud ag effaith ar ansawdd gweledol y dirwedd a ffactorau amgylcheddol a
chymdeithasol. O ran tirlunio'r safle
adroddwyd bod bwriad gadael yr ardal o dan y paneli solar fel tir pori ac
ystyriwyd bod y manylion tirlunio a gyflwynwyd yn dderbyniol., Er hynny,
amlygwyd bod angen cyflwyno a chytuno ar gynllun rheolaeth tirlunio i sicrhau
bod tirlunio yn cael ei gynnal a’i gadw i safon uchel dros oes y cynllun. Bydd
angen atgyfnerthu gwrychoedd a phlannu coed ychwanegol ac unwaith bydd y rhain
wedi datblygu, bydd y sgrinio yn effeithiol. Er bod y safle wedi ei leoli o fewn 200m i dri
beudy rhestredig gradd II fferm Llwyndyrys ni ystyriwyd y byddai’r datblygiad
yn cael effaith niweidiol ar osodiad yr adeiladau rhestredig nac ar berthynas
yr adeiladau rhestredig a’r tir amaethyddol cyfagos. Nodwyd bod bwriad y
datblygiad yn dderbyniol a rhannau o’r datblygiad yn unig fydd yn weledol. Ni
dderbyniwyd gwrthwynebiadau lleol i’r cais. Ni ystyriwyd bod y bwriad yn groes
i bolisïau perthnasol ac felly ei fod yn dderbyniol i’w ganiatáu yn
ddarostyngedig i amodau cynllunio. (b)
Yn manteisio ar ei hawl
i siarad, nododd yr ymgeisydd
y sylwadau canlynol: ·
Bod
yr ynni yn ynni glân ac adnewyddadwy ·
Bod
y tir yn dir amaethyddol o ansawdd isel, ond bod modd parhau i bori defaid arno ·
Bod cyfathrebu da gyda’r gymuned leol - Nid oedd gwrthwynebiad
lleol i’r cais ·
Bod
bwriad plannu gwrychoedd ychwanegol ·
Bod y tir yn cael
ei ddatblygu drwy hyrwyddo cynllun
bioamrywiaeth ·
Bod tri defnydd i’r tir
– ar gyfer pori defaid, gwasanaethau
ecolegol ac ynni adnewyddadwy Cynigiwyd
ac eiliwyd i ganiatáu y cais yn unol â’r argymhelliad (c)
Yn ystod y drafodaeth nodwyd y prif sylwadau
canlynol: ·
Angen herio’r datganiad bod ansawdd tir Llŷn o safon isel – gwahanol
ydyw ac nid salach. Y tir yn
gynefin prin i rywogaethau ·
Pryder
ar ardrawiad ffermydd solar ar y Sir ac felly angen adroddiad llawn ar y nifer
sydd yn cael eu cyflwyno / caniatáu ·
Bod y datblygiad yn creu
effaith weledol o’r ANHE · Pryder bod y ffordd yn gul drwy Llwyndyrys ac felly angen sicrhau ... gweld y cofnod llawn ar gyfer eitem 5.10 |
|
Cais Rhif C15/0847/35/LL - Cilan, Ffordd Caernarfon, Cricieth PDF 732 KB Codi
estyniad deulawr cefn i annedd. Aelod Lleol: Cynghorydd Eirwyn Williams Dogfennau ychwanegol: Cofnod: Codi estyniad deulawr
cefn i annedd (a)
Ymhelaethodd
y Swyddog Rheolaeth Datblygu ar gefndir y cais gan nodi bod y cais ar gyfer
ymestyn tŷ deulawr presennol a chodi dwy elfen dau lawr sylweddol newydd
ar gefn yr eiddo. Adroddwyd bod y tŷ presennol yn dŷ tair llofft ar
wahân mewn rhes o dai o wahanol faint a dyluniadau mewn ardal anheddol ar y
brif ffordd allan o Griccieth. Amlygwyd bod y cais
wedi dod gerbron y Pwyllgor oherwydd y derbyniwyd mwy na thri o sylwadau yn
groes i argymhelliad y swyddog. Nodwyd mai 3m yn unig fyddai rhwng yr estyniad a ffin gardd drws
nesaf. Yn ogystal nodwyd os cwblheir y datblygiad dim ond oddeutu 5m o ardd fyddai’n weddill ym mhen y safle ac
fe fyddai hyn yn debygol o leihau’r lle gwag amwynder sydd o amgylch y tŷ
mewn modd annerbyniol. Fe ystyriwyd bod y datblygiad yn or-ddatblygiad
o’r safle ar sail ei swmp, maint, lleoliad, ffurf, graddfa a’r effaith
annerbyniol y byddai’n cael ar fwynderau
eiddo cyfagos oherwydd cysgodi a gor-edrych. (b)
Yn manteisio ar ei hawl i siarad nodwyd ar ran yr
ymgeisydd y pwyntiau canlynol: ·
Ei fod yn gefnogol i gais ei deulu ·
Bod y teulu angen llofft, a stafell ychwanegol ar
gyfer gweithio / gwaith cartref ·
Barn
y swyddog yn unig yw bod yr estyniad yn rhy fawr ·
Nid oes sylw
yn yr adroddiad at yr ardd /
lawnt sydd i flaen y tŷ a lle digonol i barcio pedwar car. ·
Ni fydd yr estyniad yn taflu cysgod ar dai cyfochrog ·
Y
Gymraeg yw iaith yr aelwyd ac felly pwysig iawn i’r teulu gael aros o fewn eu
cynefin ·
Adeiladu estyniad yw eu hymgyrch at aros yn lleol ·
Y
cais wedi derbyn cefnogaeth llawn gan y gymuned leol (c)
Gwnaed y prif bwyntiau canlynol gan yr aelod lleol
(oedd yn aelod o’r Pwyllgor Cynllunio hwn) a oedd yn gefnogol i’r cais: ·
Bod
y tŷ presennol yn rhy fach i deulu o chwech ·
Bod y cais wedi derbyn cefnogaeth leol ·
Bod
y Cyngor tref yn unfrydol yn eu cefnogaeth i’r cais ·
Bod digon o le i godi estyniad sydd allan o olwg
pawb ·
Cefnogol
i’r cais er mwyn sicrhau bod y teulu lleol yn cael parhau i fyw yn lleol Cynigiwyd ac eiliwyd i ganiatáu y cais, yn groes
i’r argymhelliad, gan fod y Pwyllgor yn ystyried fod dyluniad y bwriad yn
dderbyniol ac nad oedd yn groes i’r polisïau perthnasol. (ch) Yn
ystod y drafodaeth nodwyd y prif sylwadau canlynol: ·
Nad
oedd tai fforddiadwy ar gael yn lleol i’r teulu ·
Bod
cadw teulu yn lleol yn cryfhau cymuned Gymraeg yng Nghricieth ·
Enghraifft
o gais i gadw cymunedau yn fyw ·
Nifer o blaid y cais sydd yn arwydd o fywiogrwydd
cymunedol ·
Dim gwrthwynebiadau wedi eu derbyn gan gymdogion (d) Mewn ymateb i’r sylwadau nododd yr Uwch Reolwr Gwasanaeth Cynllunio bod caniatáu y cais yn gosod cynsail beryglus gan na ellid dewis a dethol os yw cais yn cael ei ... gweld y cofnod llawn ar gyfer eitem 5.11 |
|
Cais Rhif C15/0872/44/LL - Greenacres Caravan Site, Morfa Bychan PDF 670 KB Cais ol-weithdredol i osod 6 llwyfan
bren a gwaith
cysylltiol er mwyn lleoli 6 pabell
safari i gymeryd lle 6 safle carafan
teithiol a ganiatawyd fel rhan o ganiatad
cynllunio cyfeirniod
C13/0873/44/LL. Aelod Lleol: Cynghorydd E.
Selwyn Griffiths Dogfennau ychwanegol: Cofnod: Cais ôl-weithdredol i osod 6 llwyfan
bren a gwaith cysylltiol er mwyn
lleoli 6 pabell saffari i gymryd
lle 6 safle carafán teithiol a ganiatawyd fel rhan o ganiatâd cynllunio cyfeirnod
C13/0873/44/LL (a)
Ymhelaethodd y Swyddog Rheolaeth Datblygu ar gefndir y cais
gan nodi mai cais cynllunio
llawn ôl weithredol ydoedd i osod 6 llwyfan
bren a gwaith cysylltiol er mwyn
lleoli 6 ‘pabell safari’ i gymryd lle
6 safle uned teithiol a ganiatawyd fel rhan o ganiatâd
cynllunio cyfeirnod
C13/0873/44/LL, yn ogystal
â diwygiadau i’r gosodiad. Ategwyd y byddai’r pebyll yn ymestyn amrediad
o wasanaethau gwyliau'r parc. (b)
Nodwyd y byddai rhywfaint o’r safle i’w
weld o anheddau sydd agosaf i’r safle
yn enwedig yn ystod misoedd
y gaeaf o ystyried y bydd y coed yn colli eu dail.
Er hyn, pe
caniateir y cais gellid lleihau'r effaith weledol drwy sicrhau cyfnod
aros/lleoli carfanau teithiol ar y safle i
gyfyngiad defnydd gwyliau rhwng Mawrth1af a Hydref 31ain mewn unrhyw flwyddyn a bod y pebyll, ynghyd a’r llwyfannau pren, yn cael
eu symud oddi ar y safle
tu allan i’r cyfnod hwn.
Credir, drwy amodau perthnasol i reoli’r tymor
a’r cynllun tirlunio a phlannu sydd eisoes wedi
ei weithredu, na fyddai unrhyw
ardrawiad annerbyniol yn deillio o ddefnyddio’r
safle ar gyfer y defnydd hwn. Ategwyd bod lleoliad, dyluniad, gorffeniad a ffurf y datblygiad yn dderbyniol
a bod y pebyll yn cydweddu gyda’r lleoliad. Tynnwyd sylw
at y sylwadau ychwanegol a dderbyniwyd. (c)
Yn manteisio
ar ei hawl
i siarad, nododd asiant ar
ran yr ymgeisydd y sylwadau canlynol: ·
Ei fod
yn cytuno gydag adroddiad y swyddogion ·
Bod y pebyll yn cynyddu’r amrywiaeth
a’r math o wasanaethau sydd gan y parc
gwyliau i’w gynnig ·
Bod
gwaith lliniaru’r tirwedd wedi ei
weithredu i safon uchel ·
Bod
symud y llwyfannau pren yn ymyrraeth
ddiangen ac felly cais i addasu’r amod
oherwydd bydd gofyn adeiladu llwyfannau newydd bob blwyddyn. (ch) Gwnaed y prif bwyntiau canlynol gan yr aelod lleol
(nad oedd yn aelod o’r Pwyllgor Cynllunio hwn): ·
Bod newid i’r bwriad gwreiddiol ·
Bod y parc wedi gwrthod gwrando
ar gyngor bod angen caniatad i newid defnydd ·
Bod y pebyll yn parhau ar
y safle er bod y cyfnod amser aros/tymor gwyliau wedi
dod i ben ·
Bod y cwmni, yn barhaus, yn
torri rheolau bychain ·
Angen sicrhau
bod rheolau tynn ar fodolaeth 6 pabell yn unig ·
Os bydd yr amod yn nodi
bod rhaid symud y llwyfannau pren, yna rhaid sicrhau
bod y cwmni yn cadw at hynny. (d)
Cynigiwyd ac eiliwyd i ganiatau y cais
yn unol ar
argymhelliad. Nododd y Rheolwr Rheolaeth Datblygu bod trafodaethau wedi eu cynnal i dynnu'r canfas a’r ffram yn unig, ond buasai hyn yn cadw’r platform sydd yn strwythur yn ei le. Nodwyd bod symud llwyfannau pren ar ddatblygiadau tebyg tu allan i gyfnod amser aros/ tymor ... gweld y cofnod llawn ar gyfer eitem 5.12 |
|
Cais Rhif C13/1298/11/AM - Tir ger Lon Pobty, Lon Pobty, Bangor PDF 1 MB Cais llawn ar gyfer codi adeilad deulawr sy'n darparu 18 uned hunan gynhaliol ar gyfer myfyrwyr, torri coed wedi eu gwarchod gan orchymyn gwarchod coed, newidiadau i'r fynedfa gerbydol bresennol ynghyd a chreu mynedfa newydd i gerddwyr, a thirlunio. Aelod Lleol: Cynghorydd D. Gwynfor Edwards Dogfennau ychwanegol: Cofnod: Cais llawn ar gyfer codi
adeilad deulawr sy'n darparu 18 uned hunan gynhaliol
ar gyfer myfyrwyr, torri coed wedi eu gwarchod
gan orchymyn gwarchod coed, newidiadau i'r fynedfa gerbydol
bresennol ynghyd a chreu mynedfa newydd
i gerddwyr, a thirlunio Roedd aelodau’r Pwyllgor wedi ymweld â’r
safle cyn y cyfarfod. (a)
Ymhelaethodd y Rheolwr
Rheolaeth Datblygu ar gefndir y cais gan nodi y gohiriwyd gwneud y penderfyniad
ar y cais ym Mhwyllgor Cynllunio 28.9.15 er mwyn galluogi ymweliad safle.
Ategwyd mai cais llawn am ganiatad cynllunio ydoedd i
godi adeilad deulawr fyddai yn darparu 18 uned hunan gynhaliol ar gyfer
myfyrwyr. Nodwyd bod y safle yn wag ac wedi gordyfu, ei fod wedi ei leoli o
fewn ardal breswyl ar gyrion y ddinas, ond tu fewn i’r ffin datblygu. Adroddwyd
bod y safle wedi ei leoli ar dir serth ger ffordd gyhoeddus Lon Bopty ac o
ganlyniad wedi derbyn nifer o wrthwynebiadau yn ymwneud a diogelwch ffyrdd,
mynediad a chynnydd mewn traffig o ganlyniad i’r datblygiad dan sylw. Er y
gwrthwynebiadau, amlygwyd nad oedd yr Uned Drafnidiaeth yn gwrthwynebu’r bwriad. Nodwyd
na fyddai’r bwriad yn cael effaith andwyol ar yr adeilad rhestredig gerllaw
oherwydd lefelau tir a graddfa’r bwriad. Yng nghyd-destun cynnwys torri coed
sydd wedi eu gwarchod a phlannu coed newydd yn eu lle, nodwyd bod cynllun
tirweddu wedi ei gyflwyno i gyfleu hyn. Amlygwyd hefyd bod yr Uned
Bioamrywiaeth wedi cadarnhau fod y coed sydd wedi eu gwarchod o gyflwr gwael ac
felly nid oes gwerth eu cadw ar y safle. Ystyriwyd
bod y bwriad yn dderbyniol o safbwynt polisiau lleol
a chenedlaethol a bod y bwriad yn ddefnydd addas o dir, gwag a blêr sydd
ynghanol y ddinas. (b)
Cynigiwyd ac
eiliwyd i wrthod y cais ar
sail y rhesymau isod: -
Bod yr allt yn serth,
yn gul a throellog -
Mynediad cyfyngedig -
Bydd cynnydd sylweddol mewn
traffig ar sail cynnydd mewn myfyrwyr sydd wedi eu lleoli ar safle Santes Fair -
Cynnydd mewn traffig yn
beryglus i gerddwyr a myfyrwyr -
Anodd gwneud y sefyllfa yn ddiogel (yn
enwedig yn ystod misoedd yr
Hydref a’r Gaeaf) Mewn
ymateb i’r cynnig amlygodd yr Uwch Beiriannydd Rheolaeth Datblygu nad oedd
hanes damweiniau i’r safle ac roedd yn cydnabod bod y lleoliad yn beryglus i ddreifwyr a cherddwyr. Er hynny, nodwyd bod llwybrau eraill
ar gyfer y cerddwyr a bod rhywfaint o welliannau i’r fynedfa ac i’r ffordd wedi
eu cynnig. Ategwyd hefyd bod hyd at 6 man parcio yn ddigonol. Yng nghyd-destun
cynnydd mewn traffig o ganlyniad i gynnydd mewn myfyrwyr ar safle Santes Fair, nodwyd bod y sefyllfa wedi ei hasesu yn ystod cyfnod
diwethaf yr adeiladu ac yn ystod y cyfnod roedd myfyrwyr yn symud i mewn i’r
neuaddau preswyl. (c)
Yn
ystod y drafodaeth nodwyd y sylwadau canlynol: · Bod y datblygiad yn creu effaith ar y tŷ rhestredig cyfagos · Bod
rhaid ystyried y gorchymyn coed · Bod
y bwriad yn or-ddatblygiad · Y dyluniad ei hun yn ... gweld y cofnod llawn ar gyfer eitem 5.13 |