Codi tyrbin gwynt 24.8 i'r hwb a 36.6m i frig y llafn ynghyd a gosod bwlch rheoli a gwaith cysylltiedig.
Aelod Lleol: Cynghorydd Owain Williams
Cofnod:
Codi tyrbin gwynt 24.8 i'r hwb a 36.6m i frig y llafn ynghyd â gosod blwch rheoli a gwaith cysylltiedig
Roedd aelodau’r Pwyllgor wedi ymweld
â’r safle cyn y cyfarfod.
(a)
Ymhelaethodd
y Swyddog Rheolaeth Datblygu ar gefndir y cais gan nodi bwriad i godi tyrbin
gwynt 85kw gyda chwt i gadw
peirianwaith cysylltiol ger ei waelod
ynghyd a chysylltiadau
grid. Byddai mynediad newydd yn cael
ei greu i
arwain at y tyrbin o drac mynediad chwarel
presennol. Ategwyd y byddai’r tyrbin wedi ei leoli
ar lwyfandir bychan mewn cae
a ddefnyddi’r fel porfa a fu gynt
yn rhan o chwarel Graianog, rhwng y chwarel weithredol bresennol ac iard storio / prosesu.
Ar wahân i’r chwarel, mae’r
tirlun yn un amaethyddol tonnog
sydd yn codi
yn raddol i gyfeiriad Bwlch
Mawr a Pharc Cenedlaethol Eryri tua 2km i’r dwyrain.
(b)
Amlygwyd
bod y Parc Cenedlaethol yn nodi pryder ar effaith cronnus datblygiadau gydag
elfennau fertigol yn yr ardal yma a fuasai yn achosi niwed arwyddocaol i
olygfeydd i mewn ac allan o’r Parc Cenedlaethol (ac yn yr un modd gydag ANHE
Llŷn ac ar Osodiad Henebion Cofrestredig yn yr ardal ac ar dirwedd
hanesyddol Dyffryn Nantlle). Mewn ymateb nodwyd bod asesiad diweddar yn mynegi
y gall y dirwedd ymdopi gyda’r
datblygiad hwn ac nad ydyw effaith y tyrbin yn un o niwed arwyddocaol. Amlygwyd
bod effaith dynol yn amlwg ar y tirwedd a nodwyd na fyddai’r datblygiad yn cael
effaith negyddol arwyddocaol ar y tirlun yn gyffredinol.
(c) Yn manteisio ar yr hawl i siarad
nododd yr ymgeisydd y prif bwyntiau canlynol:-
·
Bod
ganddo deulu ifanc a bod angen mentro er mwyn edrych i’r dyfodol
·
Bod
y tyrbin yn bwysig o ran elfennau cynaladwyedd
·
Bod trac mynediad eisoes yn bodoli
·
Bod
modd cydweithio gyda Gwyriad gerllaw
·
Bod
polisïau lleol a chenedlaethol yn hyrwyddo datblygiadau o’r fath
·
Bod
gosodiad y tyrbin mewn llecyn cuddiedig er mwyn lleihau effaith gweledol a bod
Cyfoeth Naturiol Cymru wedi nodi mai cyfyngedig fuasai’r effaith oherwydd y
tirlun tonnog.
·
Bod mast Nebo gerllaw
a pheilonau trydan – y tyrbin dipyn llai
o ran maint
·
Nifer
o lythyrau wedi ei derbyn yn gefnogol i’r cais
·
Byddai
caniatáu’r cais yn sicrhau hyfywdra i’r fferm deuluol
(ch) Gwnaed y prif
bwyntiau canlynol gan yr aelod lleol (a oedd yn aelod o’r Pwyllgor Cynllunio
hwn) a oedd yn gwrthwynebu’r cais:
·
Bod
uchder y tyrbin yn sylweddol
·
Bod y tyrbin yn creu effaith
weledol ar yr ANHE a’r Parc
Cenedlaethol cyfagos
·
Bydd maint y tyrbin yn creu effaith
ar safle cyfagos hanesyddol Bryn Derwin
Cynigwyd ac eiliwyd i ganiatáu’r cais
yn unol âr argymhelliad.
(d)
Yn ystod y drafodaeth nodwyd y prif sylwadau
canlynol:
·
Bod
nifer o strwythurau fertigol eraill yn bodoli yn yr ardal ac felly ni fuasai’r
tyrbin yn sefyll ar ben ei hun
·
Bod
y tyrbin yn sicrhau hyfywdra
·
Bod
hyn yn fodd i’r teulu ifanc arallgyfeirio
·
Cryfhau
diwylliant ac iaith cefn gwlad
(dd) Mewn ymateb i
gwestiwn ynglŷn â phrofion anemometer, nodwyd
nad oedd rheidrwydd cael y wybodaeth yma gyda chais cynllunio am dyrbin. Cais
oedd hwn am dyrbin 36.6m i frig y llafnau ac felly dyna’r
hyn oedd yn cael ei ystyried. O ran buddion cymunedol a chyfraniadau ariannol,
pwysleisiodd yr Uwch Gyfreithiwr nad oedd cyfraniad ariannol yn rhan o’r drefn
cynllunio
Gwnaed
cais am bleidlais gofrestredig a cefnogwyd hyn.
Yn unol â’r Rheolau Gweithdrefn, cofnodwyd y bleidlais ganlynol i ganiatáu
y cais:
O blaid y cynnig i ganiatau
y cais, (11) Y Cynghorwyr: Endaf
Cooke, Elwyn Edwards, Gwen Griffith, Anne T. Lloyd Jones, Dyfrig Wynn Jones,
June Marshall, Tudor Owen, John Pughe
Roberts, Eirwyn Williams, Hefin Williams ac Eurig Wyn.
Yn erbyn y cynnig i ganiatau
y cais, (2) Y Cynghorwyr: Seimon
Glyn a Gruffydd Williams
Atal,
(1) Y Cynghorydd Michael Sol Owen
PENDERFYNWYD caniatáu’r cais.
Amodau
1.
dechrau gwaith o fewn 2 flynedd
2.
caniatâd am gyfnod o 25 mlynedd
3.
yn unol â’r cynlluniau
4.
lliw llwyd i’r tyrbin
a’r uned rheoli i weddu
5.
sŵn
6.
dadgomisiynu
7.
cytuno manylion ac edrychiad unrhyw offer/peirianwaith
ar
y safle ceblau tanddaearol
Dogfennau ategol: