Penderfyniadau

Penderfynwyd fod:

     I.        Cyfarfod sydd wedi ei amserlenu o’r  Bwrdd Uchelgais Economaidd Gogledd Cymru yn cytuno ar restr fer o ymgeiswyr i’w gwahodd ar gyfer ystyriaeth bellach.

    II.        Pob ymgeisydd ar y rhestr fer yn cael eu gwahodd i fynychu Canolfan Asesu Broffesiynol. Bydda’i Ganolfan Asesu yn cael ei harwain gan asesydd allanol a ddefnyddir gan y Corff Atebol ar gyfer penodi i uwch swyddi. Bydd yr asesydd yn darparu adroddiad ysgrifenedig ar berfformiad pob ymgeisydd.

  III.        Cyfweliad ffurfiol gyda phob ymgeisydd ar y rhestr fer mewn cyfarfodydd ychwanegol o’r Bwrdd i’w drefnu gydag adborth o’r Ganolfan Asesu i’w ddarparu yn y cyfarfod cyn gwneud y penodiad.

  IV.        Cytunwyd, yn dilyn asesiad swydd, y bydd y swydd yn cael ei hysbysebu gyda’r cyflog o £86,000 i £96,000, gyda’r hyblygrwydd o ychwanegiad y farchnad os y byddai ymgeisydd arbennig yn ymgeisio.

Cymeradwyo statws RAG (Red, Amber, Green) pob tasg o fewn y Rhaglen Waith gan nodi fod dau weithred o’r adran Penawdau’r Telerau sydd yn cael ei nodi yn isod yn newid o liw melyn i goch.

·         Sesiynau Herio gyda Gweinidigoion o Lywodraeth y DU a Llywodraeth Cymru

·         Cymeradwyaeth ffurfiol i Benawdau’r Telerau ar gyfer Cynllun Twf. 

Addasu’r amserlen a’r cyfrifoldeb ar gyfer rhai tasgau yn y Rhaglen Waith, yn unol â’r eglurhad yn rhan 4.3 a 4.4 o’r adroddiad.

     I.        Derbyn a mabwysiadu Cyllideb y Bwrdd Uchelgais Economaidd ar gyfer 2019/20, wedi’i rannu rhwng costau’r Swyddfa Rheoli Rhaglen, Gwasanaethau Cefnogol y Corff Atebol a’r Cydbwyllgor.

    II.        Cymeradwyo’r trefniadau ac ariannu i Gyngor Gwynedd gyflawni swyddogaethau’r Corff Atebol, fel y nodir yn yr adroddiad.

  III.        Dirprwyo’r awdurdod i’r Cyfarwyddwr Rhaglen a Swyddog Adran 151 Cyngor Gwynedd i weithredu’r gyllideb a gymeradwyir.

  IV.        Cymeradwyo i drosglwyddo’r tanwariant o’r cyn trefniadau cysgodol i Gydbwyllgor y Bwrdd Uchelgais Economaidd.

   V.        Cymeradwyo i drosglwyddo’r tanwariant ar ddiwedd blwyddyn ariannol 2018/19 i gronfa wrth gefn neilltuol, fydd ar gael i ariannu costau un-tro yn y dyfodol.

Cymeradwyo’r Cynllun Gweithredu fel sail ar gyfer trafodaethau pellach gyda

Llywodraeth y DU a Llywodraeth Cymru ar gytundeb Penawdau’r Telerau Posib ar gyfer Cynllun Twf Gogledd Cymru yn ddarostynedig i’r addasiadau isod yn cael eu ymgorffodi yn y Cynllun:

1.    Hyblygrwydd o ran amerlenu, proffilio gwariant a blaenoriaethu prosiectau yn Rhan 7 o’r Cynllun Gweithredu ar sail eu haeddfedrwydd a’u fforddiadwyedd.

2.    Hyblygrwydd ar y pecyn cyllideb gan y ddwy Lywodraeth ar gyfer gweithredu’r prosiectau yn y Cynllun Gweithredu.

3.    Ychwanegu amserlen ar gyfer sefydlu Gorffennaf 2019 fel y dyddiad ar gyfer cytuno  Pennawdau’r Telerau i’r naill Lywodraeth.

Penderfynwyd i:

1.    Derbyn yr adroddiad

2.    I dderbyn y bydd Bwrdd Uchelgais Economaidd Gogledd Cymru cyn belled y mae’n rhesymol bosib yn cyfarfod mewn un lleoliad priodol yng Ngogledd Cymru yn ôl unol a’r adroddiad.

3.    Yn ddarostyngedig i sefydlu Bwrdd Arweinyddion Busnes ffurfiol. I benodi Cadeirydd y Grwp Busnes Gogledd Cymru fel Ymgynghorydd i’r Bwrdd Uchelgais Economaidd a chadarnhau strwythur Ymgynghorwyr.

4.    Fod adroddiad pellach ar yr Is fyrddau arfaethedig yn cael eu cyflwyno i’r cyfarfod nesaf o’r Bwrdd Uchelgais Economaidd Gogledd Cymru.

5.    I dderbyn Protocol Gweithredol ar gyfer y Bwrdd Uchelgais Economaidd Gogledd Cymru yn ddarostyngedig i gadarnhadu  hawl i’r Swyddog Monitro ac i’r Swyddog Adran 151 i adrodd yn unigongyrchol i’r Bwrdd Uchelgais Economaidd Gogledd Cymru pe cyfyd angen.

1.    Dirprwyo’r hawl i’r Pennaeth Gwasanaethau Cyfreithiol:

a)    I baratoi manylion swydd a phersonol ynghyd a threfn benodi ar gyfer swyddi Crwner cynorthwyol a hynny mewn ymgynghoriad a’r Uwch Grwner a threfnu i hysbysebu

b)    I sefydlu panel er mwyn tynnu rhestr fer a chyfweld ymgeiswyr, ac i benodi Crwneriaid Cynorthwyol yn ôl yr angen.

Cadarnhau’n derfynol y cyfraniad gan y Cyngor tuag at becyn ariannu llawn o £12.7miliwn ar gyfer ad-drefnu darpariaeth Addysg Gynradd Dalgylch Bangor.

Cymeradwyo ymrwymiad Cyngor Gwynedd i weithredu’r Strategaeth Anableddau Dysgu yn lleol.