Cais llawn i godi adeilad tri llawr newydd ar gyfer canolfan cwmni Zip World i gynnwys derbynfa/adnoddau cysylltiol gan gynnwys caffi a bar ynghyd a gwaredu adeiladau dros dro presennol, codi cwrs weiren sip newydd, creu maes parcio, codi llwybr troed pren cysylltiol a'r maes parcio presennol i ymwelwyr a gosod gwaith trin
carthffosiaeth.
Aelod Lleol: Cynghorydd Gwen Griffith
Cofnod:
(a) Ymhelaethodd yr Uwch Swyddog
Rheolaeth Datblygu ar gefndir y cais
gan nodi mai cais llawn
ydoedd ar gyfer codi adeilad
tri llawr newydd ar gyfer canolfan
cwmni Zip World i gynnwys derbynfa/adnoddau cysylltiol gan gynnwys caffi
a bar ynghyd a gwaredu adeiladau dros dro presennol, codi cwrs weiren
sip newydd, creu maes parcio, codi
llwybr troed pren cysylltiol o’r maes parcio
presennol i ymwelwyr a gosod gwaith trin carthffosiaeth. Mae’r safle’r cais ei
hun ar blatfform
o wastraff llechi/carreg sydd wedi
ei leoli’n is na’r safle sydd
yn cael ei ddefnyddio’n bresennol.
Nodwyd bod y safle wedi ei leoli o fewn ffiniau Chwarel Penrhyn ar gyrion
Bethesda, gan ddefnyddio’r un fynedfa i’r Chwarel ag sydd yn bresennol. Mae
busnes Zip World wedi ei
sefydlu o fewn y Chwarel ac wedi datblygu fel atyniad llwyddiannus a
phoblogaidd iawn sydd yn cyfrannu i’r economi
leol ynghyd a chynnig ffordd i gysylltu gyda threftadaeth economaidd yr
ardal. O ganlyniad mae galw am ddarparu adeilad o safon fydd yn gwella delwedd
yr atyniad i’r dyfodol.
Cyfeiriwyd at bolisi D8 o’r Cynllun Datblygu Unedol Gwynedd sydd yn ymwneud
ac ehangu mentrau diwydiannol a busnesau presennol neu fentrau eraill os gellir cydymffurfio gyda meini prawf penodol yn ymwneud
gydag addasrwydd y defnydd presennol o safbwynt yr ardal o’i amgylch a
defnyddiau cyfagos a’i berthynas a’r gwaith presennol. Nodwyd hefyd ei bod yn
ofynnol cyflwyno Datganiad Ieithyddol a Chymunedol ar gyfer y bwriad oherwydd
maint ei arwynebedd llawr, sy’n fwy na 1000m sgwâr. Eglurwyd bod yr Uned Bolisi
ar y Cyd wedi cadarnhau na ragwelir bydd y datblygiad yn cael adrawiad arwyddocaol ar fewnfudiad i’r ardal ac felly yn
unol gyda gofynion polisi A2.
Tynnwyd sylw at y sylwadau ychwanegol a dderbyniwyd ynghyd a gwybodaeth
hwyr sydd i law yn gofyn ystyried ail
leoli’r adeilad a’r maes parcio ar safle arall o fewn y linell goch oherwydd
problemau sydd wedi dod i’r amlwg gyda datblygu yn y lleoliad sydd wedi ei
ddangos fel rhan o’r cais presennol.
(b) Yn manteisio ar yr
hawl i siarad
nododd asiant ar ran yr ymgeisydd y pwyntiau canlynol:-
·
Bod angen
symud y lleoliad rhyw ychydig, o fewn y llinell goch, gan nad
yw’r sylfaeni yn addas
·
Yr atyniad yn denu ymwelwyr i
Ogledd Cymru
·
Adnoddau presennol ddim yn
dderbyniol ar gyfer ymwelwyr a staff ac felly angen gwella'r ddarpariaeth
·
Bydd yr adeilad yn cael ei
ddefnyddio fel Pencadlys y Cwmni sydd bellach yn
gweithredu drwy’r Deyrnas Unedig
·
Bydd 20 person ychwanegol yn
cael eu cyflogi.
(c) Mynegodd yr aelod lleol
(a oedd yn aelod o’r Pwyllgor
Cynllunio hwn) y pwyntiau canlynol:
·
Cyflogaeth y cwmni yn bwysig i
Wynedd
·
Bydd zip
fechan i’r plant yn cynnig atyniad i’r teulu
·
Angen adnoddau gwell i’r staff
·
Cwmni yn buddsoddi yn lleol
·
Bod penderfyniad y Cwmni i
leoli eu Pencadlys yng Ngwynedd yn arwydd calonogol
o’u hymrwymiad i’r Sir
·
85,000 yn defnyddio'r wifren
yn flynyddol - y busnes yn datblygu
·
Cais i annog arwyddion
dwyieithog
(ch) Cynigwyd a eiliwyd i ganiatáu’r cais
(d) Sylwadau yn codi o’r
drafodaeth:
·
Yr atyniad wedi datblygu yn
gyflym ac felly croesawu bod y cwmni yn gwella'r adnodd ymhellach ac o
ganlyniad yn uwchraddio atyniadau Gogledd Cymru.
PENDERFYNWYD dirprwyo’r hawl i’r Uwch Reolwr Cynllunio i ganiatáu’r cais yn
ddarostyngedig i dderbyn cynlluniau yn ymwneud gyda lleoliad newydd yr adeilad
a’r maes parcio ac i dderbyn sylwadau ffafriol yn dilyn cyfnod ail-ymgynghori.
Amodau:
1. 5 mlynedd
2. Unol a’r cynlluniau
3. Rhaid ymgymryd â’r mesurau lliniaru
yn unol â’r
adroddiad ecolegol a’r addendum.
4. Cyfyngir defnydd y caffi/bar a’r siop
o fewn yr adeilad a ganiateir drwy hyn i
ddefnyddiau cysylltiol gyda’r prif ddefnydd
cwrs weiren sip yn unig.
5. Rhaid cyflawni’r lliniaru yn unol
â gofynion adroddiad ecolegol 05.05.2015
6. Rhaid cyflwyno rhaglen o waith archeolegol
7. Llechi
8. Deunyddiau
Nodyn: arywddion dwyieithog
Dogfennau ategol: