Agenda item

Newid defnydd i gyfleuster ailgylchu deunyddiau a gweithgynhyrchu tanwydd solet sydd wedi ei adfer.

 

Aelod Lleol:  Cynghorydd E. Selwyn Griffiths

Newid defnydd i gyfleuster ailgylchu deunyddiau a gweithgynhyrchu tanwydd solet sydd wedi ei adfer

       

(a)      Ymhelaethodd yr Uwch Swyddog Cynllunio Mwynau a Gwastraff bod y cais hwn yn rhannol ôl-weithredol ac yn ymwneud â newid defnydd perthnasol o uned ddiwydiannol sy’n bodoli i gyfleuster ailgylchu deunyddiau ar gyfer gweithgynhyrchu Ynni Solid wedi’i Adfer (SRF) allan o wastraff sgip o ffynonellau lleol, wedi’i ddidoli ac sydd heb fod yn. Bydd y datblygiad yn destun mewnbwn o 72,000 tunnell y flwyddyn a bydd yr holl weithgaredd yn cael ei gynnal tu mewn i’r adeilad. Bwriedir gweithgynhyrchu SRF i’w werthu i gwmnïau cynhyrchu ynni a rhai eraill sy’n defnyddio tanwydd solid.

(b)      O ran egwyddor y datblygiad, eglurwyd bod Llywodraeth Cymru wedi ei gwneud yn glir drwy fabwysiadu dogfen strategaeth gwastraff cyffredinol i Gymru, Tuag at Ddyfodol Ddiwastraff, ei fod wedi ymrwymo i strategaeth hirdymor ar gyfer effeithlonrwydd adnoddau a rheoli gwastraff rhwng nawr a 2050, yn seiliedig ar lefelau uchel iawn o ailgylchu gwastraff a chompostio ynghyd â’r lefelau isaf posib o dirlenwi.

 

(c)      Amlygwyd bod datblygu cyfleuster i gynhyrchu ynni solid wedi’i adfer yn dderbyniol mewn egwyddor yn y lleoliad hwn ac yn cydymffurfio â pholisïau a chanllawiau cenedlaethol a rhanbarthol a hefyd gyda Pholisïau C3, C22 a D2 y CDU yn amodol ar asesiad o'r ystyriaethau cynllunio perthnasol. Mynegwyd bod yr adeilad yn adeilad pwrpasol ar gyfer y math yma o weithgaredd.

 

Tynnwyd sylw at y sylwadau ychwanegol a dderbyniwyd

 

(ch)  Yn manteisio ar yr hawl i siarad nododd asiant ar ran yr ymgeisydd y prif bwyntiau canlynol:-

·         Mai amrywiad bychan  ydyw o’r defnydd presennol

·         Y lleoliad yn addas, yr adeilad wedi ei insiwleiddio i safon uchel

·         Ni fydd ardrawiad sŵn

·         Oriau gwaith yn y dydd yn unig, 6 diwrnod yr wythnos

·         Cyflawni tuag at her Gwynedd i gyflawni eu targedau rheoli gwastraff

·         Tystiolaeth yn dangos fod y cais yn un dilys

·         Bydd cyflogaeth o 11 person ar y dechrau

·         Bod y lleoliad yn cydymffurfio â pholisïau a chanllawiau a rhanbarthol

·         Bod y safle eisoes gyda chaniatâd cynllunio ar gyfer warws a chanolfan dosbarthu

 

(d)       Gwnaed y pwyntiau canlynol gan yr aelod lleol (nad oedd yn aelod o’r Pwyllgor Cynllunio hwn):-

·      Bod y safle wedi bod yn wag ers tro

·      Pryderon pobl leol yn cynnwys, materion iechyd a diogelwch, llwch a safon yr awyr, effaith sŵn o’r gwaith a sŵn o drafnidiaeth

·      Os daw ceisiadau am ychwanegiadau neu ehangu pellach bod rhaid cyflwyno cais cynllunio penodol

·      Angen sicrhau monitro rheolaidd yng nghyd-destun y gwaith fydd yn cael ei gyflawni ar y safle ynghyd â monitro diogelwch tân

·      A fydd y dŵr ar y safle yn cael ei storio? A fydd y dŵr yn llifo allan? Angen eglurder.

·      Angen i oriau gwaith gyd-fynd ac oriau derbyn a danfon deunyddiau

 

(dd)       Cynigwyd ac eiliwyd i ganiatáu’r cais

 

(e)          Nodwyd y sylwadau canlynol o blaid yr argymhelliad

·         Er yn derbyn pryderon Cyngor Tref Porthmadog a’r gymuned leol, amodau wedi eu gosod at y dibenion hyn

·         Nid oes simnai i’r adeilad ar gwaith yn gaeedig, felly ni fydd sŵn yn debygol

·         Cefnogol i fenter sydd yn osgoi tir lenwi

·         Cyfleon cyflogaeth lleol

 

(f)      Derbyniwyd y sylw am oriau gwaith ac i’r sylw i sicrhau fod yr amodau yn unol gyda’r sylwadau hwyr oedd wedi’u derbyn

 

PENDERFYNWYD dirprwyo’r hawl i’r Uwch Reolwr Gwasanaeth Cynllunio gymeradwyo’r cais yn ddibynnol ar ddiwedd y cyfnod ymgynghori a’r amodau a ganlyn a chadarnhad o’r oriau gweithredu:  -

• Cynllun monitro a rheoli sŵn a llwch,
• Manylion pellach ynglŷn â’r mesurau i gadw’r adeilad dan bwysau negyddol,
• Dim cadw llwythi stoc o ddeunydd gwastraff na chynnyrch terfynol i’w storio y tu allan i’r adeilad,
• Darparu offer golchi olwynion neu fesurau eraill i wneud arwynebau y tu allan i’r adeilad yn llaith er mwyn rhwystro llwch rhag cael ei gludo i ffwrdd,
• Amodau sŵn,
• Oriau Gwaith 07:30 – 17:30.  Oriau derbyn a danfon deunyddiau rhwng 07:00 – 19:00,
• Manylion pellach ynglŷn â’r offer atal llwch a’r porthiant dŵr arfaethedig,
• Y systemau sbrincler i’w cadw fel mesur atal tân,
• Cyfyngu’r cyfanswm tunelli o ddefnydd crai a chynnyrch terfynol gaiff eu storio o fewn yr adeilad ar unrhyw adeg,
• Cyflwyno asesiad risg Legionela cyn cychwyn gweithredu,
• Ddim i lygru’r cyrsiau dŵr pan fo’r safle’n weithredol,
• Nodyn i’r ymgeisydd ynglŷn â gofynion statudol CNC, Dŵr Cymru a Nework Rail.