Agenda item

Creu safle carafanau teithiol 12 llain gan gynnwys gwelliannau ffyrdd

 

AELOD LLEOL: Cynghorydd W Gareth Roberts

 

Dolen i'r dogfennau cefndir perthnasol

 

 

 

 

Creu safle carafanau teithiol 12 llain gan gynnwys gwelliannau ffyrdd.          

 

Tynnwyd sylw at y sylwadau ychwanegol a gyflwynwyd 

 

(a)       Ymhelaethodd yr Uwch Swyddog Rheolaeth Datblygu ar gefndir y cais a nodi'r bwriad i sefydlu safle carafanau teithiol newydd ar gyfer lleoli 12 o garafanau ynghyd â gwneud gwelliannau ffyrdd. Byddai'r 12 carafán deithiol yn cael eu lleoli ger ffiniau’r cae ac wedi ei gosod ar  lleiniau caled o wyneb llechi man.  Ategwyd bod bwriad hefyd gwneud gwelliannau i ddau gilfan anffurfiol ar y ffordd a bydd tanc septig newydd i wasanaethu’r bwriad hefyd yn cael ei osod. Defnyddir y safle ers sawl blwyddyn ar gyfer lleoli 5 carafán deithiol gyda chlybiau carafán ble nad oes angen caniatâd cynllunio ffurfiol. Deallir bod darpariaeth ymolchi, golchi a chyfleusterau ailgylchu yn barod ar y safle.

 

          Mae polisi D19 yn caniatáu cynigion i ddatblygu safleoedd carafanau teithiol ac unedau teithiol newydd os cydymffurfir â’r cyfan o’r meini prawf perthnasol. Lleolir y safle yng nghefn gwlad ac oddi fewn i Ardal Gwarchod y Dirwedd a’r Dirwedd o Ddiddordeb Hanesyddol Eithriadol Llyn ac Ynys Enlli. Ni ystyriwyd fod y safle wedi ei leoli mewn man ymwthiol yn y dirwedd, gan ei fod yn weddol guddiedig wedi ei amgylchynu gyda gwrychoedd presennol a ffiniau aeddfed. Yng nghyd-destun mwynderau cyffredinol a phreswyl, eglurwyd bod rhai tai annedd i’w cael yn y cyffiniau er hyn ni ystyriwyd y byddai safle o 12 carafan deithiol yn golygu gôr ddatblygu safle.

 

          O safbwynt agosrwydd at y rhwydwaith ffyrdd, lleoli’r y safle oddeutu 850 medr oddi wrth ffordd sirol trydydd dosbarth.  Nid oes angen gwneud unrhyw addasiadau i’r fynedfa fel rhan o’r cais ond amlygywd y bydd amod i sicrhau bod y gwaith o wella’r cilfanau yn cael ei wneud cyn bod y defnydd fel safle carafanau yn dechrau. Ystyriwyd hefyd na fydd ychwanegiad mewn traffig yn cael niwed arwyddocaol ar fwynderau lleol.

 

          Er bod ambell faes carafannau teithiol arall yn y cyffiniau,  nid yw’r bwriad yn mynd tu hwnt i allu rhesymol y cyffiniau i gynnwys datblygiad o’r fath wrth ystyried effaith gronnol safleoedd presennol yn yr ardal.

 

Nodwyd , gan fod y bwriad yn ymwneud a datblygiad twristiaeth a fydd yn creu deg neu fwy o unedau gwyliau, bod gofyn i Ddatganiad Ieithyddol a Chymunedol  gael ei baratoi er mwyn cydymffurfio gyda gofynion Canllaw Cynllunio Atodol: Cynllunio a’r Iaith Gymraeg. Cadarnhawyd bod datganiad ieithyddol wedi ei gynnwys fel rhan o’r cais a bod yr Uned Polisi Cynllunio ar y Cyd wedi ymateb gan nodi na fyddai natur na graddfa’r datblygiad yn debygol o gael effaith andwyol ar yr iaith Gymraeg.

 

(b)       Nodwyd nad oedd gan yr Aelod Lleol wrthwynebiad i’r cais

(c)       Yn manteisio ar ei hawl i siarad, nododd asiant ar ran yr ymgeisydd:

·         Bod 5 llain ar gyfer carafanau eisoes ar y safle -  cais i gynyddu i 12 llain

·         Bod yr adnoddau a’r cyfleusterau sydd ar y safle yn gallu ymdopi a’r ychwanegiadau heb unrhyw addasiadau pellach

·         Bydd dau fae pasio yn cael eu creu ermwyn gwella diogelwch y ffordd

·         Hawliau pysgota gan y fferm ac felly adnodd i ddenu ymwelwyr i hybu yr economi leol

·         Bod y datblygiad yn gwarchod swyddi lleol

 

(ch)   Cynigiwyd ac eiliwyd i ganiatau y cais

(d)       Mewn ymateb i sylw ynglŷn â’r nifer o geisiadau cynllunio oedd yn berthnasol i’r eiddo dan sylw, nodwyd nad oedd y ceisiadau blaenorol yn berthnasol i’r cais carafanau. Amlygwyd  mai ceisiadau oeddynt i wella’r tŷ ac adnoddau’r fferm ac felly nid oedd pryder am orddatblygu y safle.

 

Mewn ymateb i gwestiwn pellach ynglŷn â phwy sydd yn rhoi arweiniad ar y nifer o feysydd carafanau yng nghefn gwlad ac ar hyd yr arfordir, nodwyd bod y polisi perthnasol yn gofyn ystyried unrhyw effaith cronnol ac fod hyn yn cael ei wneud ar gyfer pob cais o’r fath.Amlygywd hefyd bod gwaith diweddar ar gapasiti y tirwedd gan cwmni Gillespies yn ogystal a Land Map yn cael eu defnyddio ar gyfer asesuceisiadau cynllunio.

 

·         Gwnaed sylw nad oedd sylwadau wedi eu cyflwyno gan y Cyngor Cymuned

 

(dd)   Penderfynwyd caniatau y cais yn unol a’r argymhelliad diwygiedig,

PENDERFYNWYD caniatáu y cais

 

Amodau:

1.     Unol â chynlluniau a gyflwynwyd.

2.     Nifer o unedau ar y safle ar unrhyw un adeg i’w cyfyngu i 12.

3.     Amodau cyfnod gosod carafanau/cyfnod gwyliau/symud y carafanau pan ddim mewn defnydd.

4.     Dim storio ar y tir.

5.     Rhestr cofnodi.

6.     Tirlunio.

7.     Cwblhau’r mannau pasio cyn dechrau ar y defnydd a ganiateir

 

Nodiadau:

1.      Nodiadau priffyrdd.

2.      Copi o sylwadau safonol Cyfoeth Naturiol Cymru.