Rhaglen a chofnodion

Derbyn unrhyw ymddiheuriadau am absenoldeb

Derbyniwyd ymddiheuriad gan y Cynghorydd  Mair Rowlands (Aelod Lleol)

Datgan unrhyw ddatganiad o fuddiant personol

Dim i’w nodi

Nodi unrhyw eitemau sy’n fater brys ym marn y Cadeirydd fel y gellir eu hystyried

Amlygodd y Cadeirydd bod cais wedi dod i law gan yr ymgeisydd yn eitem 4 isod i gyflwyno tystiolaeth fideo yn ystod y gwrandawiad. Amlygodd y Cyfreithiwr, o dan yr amgylchiadau bydd rheoliad 18 o’r Rheoliadau Deddf Trwyddedu 2003 (Gwrandawiadau) 2005 yn berthnasol. Gan fod yr ymgeisydd yn cyflwyno tystiolaeth hwyr bydd angen i bob parti yn bresennol y gwrandawiad roi caniatâd i’r ymgeisydd i ddangos y clip. Os byddai un parti yn gwrthwynebu ni fydd modd i’r Is-bwyllgor ystyried y fideo.

Gadawodd yr Is-bwyllgor yr ystafell a chafodd y partïon gyfle i wylio cynnwys y fideo.

Pan ddychwelodd yr Is-bwyllgor i’r ystafell cadarnhaodd y partïon nad oedd ganddynt wrthwynebiad i’r fideo yn cael ei gyflwyno fel tystiolaeth.

University Plaice, 21 Ffordd Caergybi, Bangor, Gwynedd, LL57 2EU

Ystyried y cais uchod

Croesawyd pawb i’r cyfarfod gan y Cadeirydd, y Cynghorydd Tudor Owen. Cyflwynwyd y panel a’r swyddogion i bawb oedd yn bresennol. Cyhoeddwyd bod gan bawb hyd at 10 munud i gyflwyno sylwadau uniongyrchol ar y cais.

CAIS AM DRWYDDED EIDDO – UNIVERSITY PLAICE, 21 FFORDD CAERGYBI, BANGOR, GWYNEDD LL57 2EU

Ar ran yr eiddo:           Mr  Mehemet Ali Usal a Ms Nia Haf Davies (ymgeiswyr)

Eraill a fynychwyd:     Cynghorydd June Marshall (Aelod Lleol), Cynghorydd Dinas John Martin, Mrs A Davies (Preswylydd Lleol)

Adroddiad ac argymhelliad yr Adain Trwyddedu.

a)         Cyflwynwyd adroddiad y Rheolwr Trwyddedu yn manylu ar gais i amrywio trwydded eiddo ar gyfer University Plaice, 21 Ffordd Gaergybi, Bangor. Lleolwyd yr eiddo ymysg rhes o fusnesau a siopau ym Mangor Uchaf, ac fe ddarparir lluniaeth hwyr y nos i’w fwyta oddi ar yr eiddo. Natur yr amrywiad arfaethedig oedd ymestyn oriau agor y busnes a’r oriau darparu lluniaeth hwyr y nos ar ddydd Llun, Mawrth, Mercher a Sul i 03:00 y bore. Nodwyd bod yr ymgeisydd wedi cynnwys camau priodol i hyrwyddo’r pedwar  amcan trwyddedu fel rhan o’r cais.

Amlygwyd bod yr ymgeisydd wedi cyflwyno sawl cais i ymestyn oriau trwyddedig yr eiddo yn y gorffennol. Nodwyd bod yr Is Bwyllgor yn Hydref 2013, wedi caniatáu iddynt ymestyn oriau agor y busnes ar nos Wener a Sadwrn i 03:30 y bore ac yn Medi 2014, rhoddwyd caniatâd iddynt ymestyn oriau agor y busnes ar nos Iau i 3:00 y bore. Nodwyd bod oriau arfaethedig y cais wedi eu cynnwys yn yr adroddiad.

Yn dilyn cyfnod ymgynghori, nodwyd nad oedd gan y Gwasanaeth Tân ac Achub wrthwynebiad i’r cais ac ni dderbyniwyd sylwadau gan Heddlu Gogledd Cymru a Gwasaneth Iechyd yr Amgylchedd. Derbyniwyd dau wrthwynebiad i’r cais gan yr Aelodau  Lleol yn seiliedig ar yr amcanion trwyddedu o atal niwsans cyhoeddus a throsedd ac anrhefn.  Ychwanegwyd nad oedd gan Cyngor Dinas Bangor wrthwynebiad i egwyddor y cais , ond bod awgrym i’r oriau agor fod yn gyson â sefydliadau eraill tebyg.

Wrth ystyried y cais dilynwyd y drefn ganlynol-:

•           Rhoddwyd cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu.

•           Gwahoddwyd yr ymgeisydd i ymhelaethu ar y cais

•           Rhoddwyd cyfle i’r ymgynghorai gyflwyno eu sylwadau

•           Gwahoddwyd deilydd y drwydded neu ei gynrychiolydd i ymateb i’r sylwadau

•           Rhoddwyd cyfle i aelodau’r Is-bwyllgor ofyn cwestiynau i ddeilydd y drwydded.

•           Rhoddwyd cyfle i aelodau’r Is-bwyllgor ofyn cwestiynau i’r ymgynghorai.

b)         Mewn ymateb i gwestiwn ynglŷn ag oriau agor sefydliadau eraill yn yr ardal cadarnhaodd y Rheolwr Trwyddedu, bod Late Stop, Pizza House, Bella House a Craperie yn gymysg o oriau gwahanol  ar ddyddiau gwahanol, yn amrywio o 2:30am i 3:30am.

c)         Wrth ymhelaethu ar y cais nododd yr ymgeisydd ei fod yn hapus gyda’r hyn oedd wedi ei  gyflwyno ac ategodd y sylwadau  ...  gweld y cofnod llawn ar gyfer eitem 4.