Rhaglen a chofnodion

          Derbyn unrhyw ymddiheuriadau am absenoldeb.

Y Cynghorydd Lesley Day.

          Derbyn unrhyw ddatganiad o fuddiant personol.

          Ni dderbyniwyd datganiad o fuddiant gan unrhyw aelod oedd yn bresennol.

Nodi unrhyw eitemau sy’n fater brys ym marn y Cadeirydd fel y gellir eu hystyried.

Dim.

          Bydd y Cadeirydd yn cynnig y dylid llofnodi cofnodion y cyfarfod blaenorol o’r pwyllgor hwn a gynhaliwyd ar 25 Ionawr, 2016 fel rhai cywir  (ynghlwm).

Llofnododd y Cadeirydd gofnodion y cyfarfod blaenorol o’r pwyllgor hwn a gynhaliwyd ar 25 Ionawr, 2016 fel rhai cywir.

Ystyried adroddiad y Swyddog Monitro  (ynghlwm).

Cyflwynwyd – adroddiad y Swyddog Monitro yn gofyn i’r pwyllgor ystyried a phenderfynu ar ddau gais am oddefeb gan aelodau o Gyngor Tref Tywyn mewn perthynas â thrafodaethau pwyllgor rheoli safle carafanau y mae’r Cyngor Tref yn berchen arno, sef Parc Carafanau a Gwersylla Ynysymaengwyn, oherwydd bod ganddynt fuddiannau sy’n rhagfarnu drwy eu cysylltiadau â safleoedd carafanau cyfagos. 

Manylwyd ar y ddau gais yn unigol, sef:-

·         Cais gan y Cynghorydd Richard Vaughan, am hawl i siarad yn unig.

·         Cais gan y Cynghorydd Anne Lloyd Jones, am hawl i siarad a phleidleisio.

Cais y Cynghorydd Richard Vaughan

Nododd yr Uwch Gyfreithiwr ymhellach:-

·         Bod yr ymgeisydd yn gallu defnyddio ei brofiad o redeg busnes tebyg i ddarparu cyngor a gwybodaeth i Bwyllgor Rheoli Safle Carafanau Ynysymaengwyn.

·         Bod rheolwr safle Ynysymaengwyn a’i wraig yn mynychu’r cyfarfodydd hefyd.

·         Mai mater i’r pwyllgor oedd cloriannu pwysigrwydd y Cod Ymddygiad yn erbyn cyfraniad yr aelod i’r Pwyllgor Rheoli.

Yn dilyn trafodaeth:-

PENDERFYNWYD gwrthod y cais am oddefeb am y rhesymau a ganlyn:-

·         Tra yn derbyn bod gan yr aelod wybodaeth ac arbenigedd oedd yn berthnasol ac yn ddefnyddiol i waith Pwyllgor Maes Carafanau Ynysymaengwyn, ‘roedd yn medru darparu’r wybodaeth gan ei fod yn rhedeg maes carafanau masnachol tebyg, cyfagos.  ‘Roedd y buddiant felly yn un sylweddol iawn ac felly ‘roedd y perygl o niwed i hyder y cyhoedd yn uchel.  Nid oedd y pwyllgor o’r farn bod y wybodaeth a’r cyngor allai ddarparu mor arbenigol neu unigryw fel nad oedd modd yn rhesymol ei gael o ffynonellau eraill.

‘

Cais y Cynghorydd Anne Lloyd Jones

Nododd yr Uwch Gyfreithiwr ymhellach:-

·         Gan nad oedd yr ymgeisydd yn rhedeg safle gyda’r un math o ofynion nac ar yr un raddfa â Pharc Carafanau a Gwersylla Ynysymaengwyn (eithr safle trwyddedig ar gyfer aelodau’r Clwb Carafanau yn unig), nid oedd mewn sefyllfa i gynnig yr un lefel o arbenigedd i Bwyllgor Rheoli Safle Carafanau Ynysymaengwyn.

·         Ei fod ar ddeall bod yr aelod yn weithgar gyda Chwmni Twristiaeth Canolbarth Cymru ac yn medru adrodd yn ôl o’r maes hwnnw i’r Pwyllgor Rheoli.

·         Mai mater i’r pwyllgor oedd cloriannu pwysigrwydd y Cod Ymddygiad yn erbyn cyfraniad yr aelod i’r Pwyllgor Rheoli.

Yn dilyn trafodaeth:-

PENDERFYNWYD gwrthod y cais am oddefeb am y rhesymau a ganlyn:-

·         Nid oedd tystiolaeth fod gan yr aelod arbenigedd neu wybodaeth arbenigol neu unigryw a fyddai gymaint o fudd i waith Pwyllgor Maes Carafanau Ynysymaengwyn fel y byddai’n cyfiawnhau caniatáu iddi gymryd rhan yn nhrafodaethau’r pwyllgor.  ‘Roedd y Pwyllgor Safonau, felly, o’r farn y byddai hyder y cyhoedd yn cael ei niweidio petai’n caniatáu goddefeb yn yr achos hwn.

Ystyried adroddiad y Swyddog Monitro (ynghlwm).

          Cyflwynwyd - adroddiad y Swyddog Monitro yn gofyn i’r pwyllgor gynnal asesiad o waith ac allbynnau’r Pwyllgor yn ystod 2015-16 ac ystyried rhaglen waith ddrafft ar gyfer 2016-17.

          Gofynnwyd i’r aelodau ystyried y swyddogaethau a restrwyd yng ngholofn gyntaf yr hunan asesiad gan nodi pa asesiad a gredai oedd yn berthnasol iddynt gan ddefnyddio’r categorïau canlynol:-

Categori 1 – Tystiolaeth bod y pwyllgor yn cyflawni’r gofynion yn llawn.

Categori 2 – Tystiolaeth bod y pwyllgor yn cwrdd â’r gofynion sylfaenol, ond bod modd gwneud rhagor i gwrdd yn llawn.

Categori 3 – Dim tystiolaeth bod y pwyllgor yn cyflawni’r gofynion.

Gwahoddwyd y pwyllgor hefyd i ychwanegu at y colofnau ‘Tystiolaeth’ a ‘Chamau Pellach’ ac eglurwyd y byddai unrhyw awgrymiadau am gamau pellach yn bwydo trwodd i raglenni gwaith y pwyllgor i’r dyfodol.

PENDERFYNWYD

(a)     Mabwysiadu’r canlynol fel hunan asesiad y pwyllgor o’i waith (ychwanegiadau i’r ddogfen mewn llythrennau italig ac wedi’u tanlinellu):-