Penderfyniadau

1. Sefydlu Is-grŵp Ynni gyda’r Rôl a Chylch Gorchwyl  yn Atodiad 1yr adroddiad.

2.Penodi Cyng. Llinos Medi, Arweinydd Cyngor Ynys Môn fel aelod o’r Bwrdd Uchelgais Economaidd Gogledd Cymru a fydd yn gweithredu fel aelod cyswllt ar gyfer yr Is-grŵp Ynni.

Gohirio'r penderfyniad i ariannu un swydd gyfwerth a llawn amser (£50,000 am 12 mis) a fuasai’n gweithio ar brosiectau Porth Gwybodaeth a Chyngor a Llwybrau Cyflogadwyedd i gael cyfle i ystyried y prosiectau yn wyneb y Strategaeth Sgiliau fydd yn dod ger bron y Bwrdd yn fuan,  ymchwilio a chael trafodaethau gyda Llywodraeth Cymru a Prydain am y maes.

Gohirio cadarnhau'r dull cydlynu’r rhaglen sgiliau a chyflogadwyedd, gan ofyn am wybodaeth bellach ac eglurdeb pellach ar y rhaglen Sgiliau a Chyflogaeth.

1. Nodi’r adroddiad a’r cynnydd sydd wedi’i wneud i sefydlu’r Is-fwrdd Cyflawni Trafnidiaeth

2. Cadarnhau derbyn y gefnogaeth gyllid a gynigir gan Lywodraeth Cymru ac awdurdodi llofnodi’r llythyr cynnig grant gan yr Awdurdod Lletya.

Cadarnhawyd y pennir strwythur staffio’r Swyddfa Raglen yn ystod cyfnod Cytundeb Llywodraethu 1 (“GA1”) gan Fwrdd Uchelgais Economaidd Gogledd Cymru.

Cytunwyd i ddirprwyo’r cyfrifoldeb i benodi swyddi ar y strwythur staffio cymeradwy dan lefel y Cyfarwyddwr Rhaglen i’r Cyfarwyddwr Rhaglen ac o fewn y cyfnod interim, Prif Weithredwr Y Corff Atebol  yn unol â’r adroddiad.

Cymeradwyo strwythur craidd y Swyddfa Rhaglen fel y nodwyd yn yr adroddiad a symud at recriwtio ar yr amod nad yw’n ychwanegu ar gyfraniadau ariannol craidd y Cynghorau a’r Partneriaid.

Ail-hysbysebu’r swydd gyda chyflog wedi  osod rhwng £86,000 ac uchafswm o £106,000 yn ddarostyngedig i adrodd ar y cyflog arfaethedig  i  Gyngor Llawn y Corff Atebol fydd yn lletya’r swydd.

Adolygwyd, diweddarwyd a chymeradwywyd statws RAG pob tasg o fewn y Rhaglen Waith.