Penderfyniadau

Cymeradwyo’r drefn ar gyfer sefydlu strategaeth asedau newydd ar gyfer y cyfnod 2019/20 hyd ar 2028/29 a nodir yng nghymalau 18 i 21 yr adroddiad.

Derbyniwyd yr adroddiad ar adolygiad diwedd y trydydd chwarter (sefyllfa 31 Rhagfyr 2017) o’r Gyllideb Refeniw, ac ystyried y sefyllfa ariannol ddiweddaraf parthed cyllidebau pob adran / gwasanaeth, gan ofyn i’r Aelodau Cabinet a’r penaethiaid adrannau perthnasol gymryd camau priodol ynglŷn â materion o dan eu harweiniad / rheolaeth.

Penderfynwyd i gynaeafu (£270k) o danwariant Gostyngiad Treth y Cyngor, (£12k) tanwariant un-tro ar fidiau a (£803k) o ganlyniad i dderbyniad grant ac amgylchiadau ffafriol ar gyllidebau eraill y Cyngor, gan eu trosglwyddo i’r Gronfa Strategaeth Ariannol i gynorthwyo gyda pwysau anochel un-tro ar gyllidebau’r Cyngor, gyda elfen ohono ar gyfer digolledu effaith gorwariant posib ar gludiant tacsis ysgolion ar ddiwedd y flwyddyn.

Derbyniwyd a nodwyd y wybodaeth yn yr adroddiad.

Derbyniwyd yr adroddiad ar adolygiad y trydydd chwarter (sefyllfa Rhagfyr 2017) o’r rhaglen gyfalaf, a chymeradwyo’r ariannu addasedig a gyflwynir yn rhan 4 o’r adroddiad, sef:

-        (£21,000) lleihad mewn defnydd o fenthyca

-        £567,000 cynnydd mewn defnydd o grantiau a chyfraniadau

-        £27,000 cynnydd mewn defnydd o dderbyniadau cyfalaf

-        £71,000 cynnydd mewn defnydd o gyfraniadau refeniw

-        £132,000 cynnydd mewn defnydd o gronfeydd adnewyddu ac eraill

Nodwyd y cynnydd calonogol tuag at wireddu’r cynlluniau arbedion 2015/16 – 2017/18

Derbyniwyd a nodwyd y wybodaeth yn yr adroddiad.

Derbyniwyd a nodwyd y wybodaeth yn yr adroddiad.

Penderfynwyd i:

-        Ddirprwyo’r hawl i Bennaeth Adran Economi a Chymuned mewn ymgynghoriad â Phennaeth Gwasanaethau Cyfreithiol i baratoi dogfennau cyfansoddiadol cwmni cyfyngedig drwy warant gan ymgorffori y prif faterion ac egwyddorion a argymhellir yn yr adroddiad.

-        Awdurdodi’r Pennaeth Adran Economi a Chymuned mewn ymgynghoriad â’r Pennaeth Cyfreithiol i fwrw ymlaen i gofrestru’r Cwmni yn Nhŷ’r Cwmnïau yn unol â gofynion ac amserlen y Prosiect Hamdden a chymryd unrhyw gamau angenrheidiol i sicrhau hyn.

-        Cadarnhau fod y broses o benodi’r  Bwrdd o Gyfarwyddwyr a Rheolwr Gyfarwyddwr i gychwyn.

Penderfynwyd i gytuno i’r Cytundeb Integreiddio fel sydd wedi ei osod allan yn Atodiad 1. Mae’r cytundeb yma yn darparu’r trefniadau llywodraethu i Wasanaethau Gofal Cymdeithasol i weithio mewn partneriaeth ar draws y rhanbarth ac i fodloni gofynion deddfwriaethol fel y nodir yn Rhan 9 Deddf Gwasanaethau Cymdeithasol a Llesiant (Cymru).

Yn ogystal penderfynwyd fod yr Aelod Cabinet i gymeradwyo cytundebau unigol ar gyfer prosiectau penodol oni bai bod oblygiadau penodol sydd yn addas i gael barn y Cabinet arnynt.

Derbyn a nodi’r wybodaeth yn yr adroddiad.

Penderfynwyd i:

-        ddefnyddio grymoedd Caniatâd Gwaredu Cyffredinol (Cymru) 2003 i brydlesu Adeilad Henblas, Y Bala, yn uniongyrchol i Gwmni Pum Plwy Penllyn Cyf am lai na gwerth y farchnad er mwyn sicrhau buddiannau cymdeithasol, economaidd ac amgylcheddol.

-        Dirprwyo’r hawl i’r Uwch Reolwr Adran Eiddo i gytuno ar y telerau gyda’r cwmni.