Aelod Cabinet:
Cynghorydd Dafydd Meurig
Ystyried adroddiad yr Aelod Cabinet
Cofnod:
a)
Cyflwynwyd adroddiad gan yr Aelod Cabinet yn rhoi
diweddariad ar y cynnydd a wnaed gyda’r gwaith o baratoi adolygiad o’r Cynllun
Gwella Hawliau Tramwy. Adroddwyd bod y gwaith o baratoi’r Cynllun Gwella wedi
cael ei rannu’n ddau ran, sef adolygu a pharatoi
Datganiad Gweithredu. Wrth adolygu, ystyriwyd gwerthuso i ba raddau y
cyflawnwyd amcanion y cynllun blaenorol, asesu cyflwr presennol y rhwydwaith a
chanfod i ba raddau mae hawliau tramwy yn bodloni gofynion y cyhoedd. Er mwyn
sefydlu darlun o’r sefyllfa gyfredol, o safbwynt cyflwr y rhwydwaith a chanfod
barn y cyhoedd, cynhaliwyd ymgynghoriad cyhoeddus drwy baratoi holiadur
digidol. Ategwyd bod 1,386 o ymatebion dilys wedi eu derbyn, oedd yn nifer
calonogol iawn.
Eglurwyd bod y datganiad gweithredu drafft (a oedd wedi ei gynnwys gyda’r adroddiad.) yn ceisio adnabod y prif themâu gwaith a’r camau gweithredu ar gyfer y Cynllun Gwella Hawliau Tramwy ac mai dyma fyddai sail ar gyfer paratoi rhaglenni gwaith manwl. Y gobaith yw sefydlu rhaglen waith realistig a chyraeddadwy yn ogystal ag osgoi rhai o wendidau’r cynllun blaenorol.
b) Yn ystod y drafodaeth nodwyd y sylwadau
canlynol:
·
Bod
y rhaglen yn un heriol o ystyried rhaglen arbedion y Cyngor
·
Bod
diffyg gwybodaeth am y mynediad sydd ar gael i’r cyhoedd
·
A
yw’r gyllideb yn ymateb i flaenoriaethau ymatebwyr yr holiadur?
·
Anodd
coelio nad oes mapiau o’r llwybrau ar gael ar wefan y Cyngor
·
A
oes cynlluniau pellach ar gyfer y dyfodol wedi eu hystyried petai praesept Cynghorau Cymuned yn lleihau
neu’n dod i ben?
Mewn ymateb i gwestiwn ynglŷn â
chyfraniad y Parc Cenedlaethol a Llwybr yr Arfordir i’r rhwydwaith, amlygwyd
bod Cyfoeth Naturiol Cymru yn cyfrannu £80k y flwyddyn ond nad oedd manylion
manwl ar wariant y Parc Cenedlaethol.
Mewn ymateb i sylw ynglŷn â
blaenoriaethu themâu'r rhaglen waith, amlygwyd y byddai agweddau o bob thema yn
cael sylw, ond bod hyn yn ddibynnol ar yr adnoddau fydd ar gael.
Mewn ymateb i sylw am y categorïau llwybrau
a phetai blaenoriaeth yn cael ei roi i gategori 1, beth fyddai yn digwydd i
gategori 4, amlygodd yr Aelod Cabinet mai anodd yw cadw balans rhwng y
categorïau ac nad oedd unrhyw fwriad i anwybyddu categori 4. Ategwyd y byddai’r
Uned yn parhau i archwilio, cydweithio a cheisio cadw mynediad yn agored.
Mewn ymateb i sylw petai rhwystrau ar y
categorïau isaf, amlygwyd bod angen rhannu'r wybodaeth er mwyn ceisio datrys y
rhwystr. Ategwyd mai cyfrifoldeb y perchennog tir fydd adnewyddu giatiau a
chamfeydd.
Mewn ymateb i sylw ynglŷn â datblygu
mapiau ar y wefan, amlygwyd bod trafodaethau wedi eu cynnal a bod angen
cefnogaeth Adran Gwefan y Cyngor i weithredu ymhellach. Nodwyd bod nifer wedi
holi am y gwasanaeth ac felly'r gobaith yw datblygu mapiau i’r dyfodol.
Mewn ymateb i sylw ynglŷn â'r
posibilrwydd i Gynghorau Cymuned fethu
ag ymdopi gyda chyfrifoldebau ychwanegol ac os oes deddfwriaeth statudol yn
nodi bod angen i’r Cyngor sicrhau eu bod yn cynnal yr holl lwybrau, adroddwyd
mai cyfrifoldeb y Cyngor yw sicrhau mynediad. Pwysleisiwyd er hynny, mai
categori 1 a 2 fyddai yn cael blaenoriaeth, oni bai bod tystiolaeth ddigonol yn
dangos bod categori 3 a 4 yn cael mwy o ddefnydd.
Derbyniwyd y sylw na fydd modd dibynnu ar y
Cynghorau Cymuned i wneud y gwaith gan fod y gofynion eu cyfrifoldebau yn
cynyddu.
Mewn ymateb i sylw petai praesept Cynghorau Cymuned ar gyfer cynnal a chadw
llwybrau yn lleihau ac os oedd cynllun pellach yn ei le nodwyd bod yr Adran
wedi ceisio gwarchod arian y Cynghorau Cymuned, ond anodd fyddai gwybod faint o
arian sydd ar gael i’r dyfodol. Er hynny, ategwyd bod staff arbenigol gan yr
uned fyddai yn cynnig hyfforddiant, defnydd o offer a chefnogaeth ac yr angen i
ystyried y posibilrwydd o gydweithio gyda chynlluniau cymunedol megis Tref
Werdd. Ategwyd nad oedd arian wrth gefn, ond byddai rhaid defnyddio arian y
categoriau ac arfogi'r Cynghorau Cymuned i wneud y gwaith. Nodwyd hefyd bod y
cynllun yn cael ei adolygu pob dwy flynedd i asesu os yw’r rhaglen yn rhy
uchelgeisiol.
c) Derbyniwyd yr adroddiad
Dogfennau ategol: