Agenda item

Penderfynwyd i

1. Cefnogi’r egwyddor fod Cyngor Gwynedd yn cymryd rôl Corff Arweiniol i’r prosiect

2. Yn amodol ar dderbyn cadarnhad o’r cyfraniadau eraill:

                              i.        Bod y Cabinet yn rhoi sêl bendith i benderfyniad yr adran Economi a Chymuned i ymrwymo £250,000 o’i Cronfa Cydariannu tuag at cynllun oddeutu £25,000,000 i ddatblygu isadeiledd priodol i gefnogi datblygiad Canolfan Awyrofod Eryri yn Llanbedr.

                             ii.        Bod Cyngor Gwynedd yn ymrwymo £250,000 arall i’r cynllun ymlaen llaw o’r Cynllun Rheoli Asedau arfaethedig.

Cyflwynwyd yr eitem gan y Cyng. Ioan Thomas

PENDERFYNWYD

Penderfynwyd i:

1. Cefnogi’r egwyddor fod Cyngor Gwynedd yn cymryd rôl Corff Arweiniol i’r prosiect

2. Yn amodol ar dderbyn cadarnhad o’r cyfraniadau eraill:

                              i.        Bod y Cabinet yn rhoi sêl bendith i benderfyniad yr adran Economi a Chymuned i ymrwymo £250,000,o’i Cronfa Cydariannu tuag at cynllun oddeutu £25,000,000 i ddatblygu isadeiledd priodol i gefnogi datblygiad Canolfan Awyrofod Eryri yn Llanbedr.

                             ii.        Bod Cyngor Gwynedd yn ymrwymo £250,000 arall i’r cynllun ymlaen llaw o’r Cynllun Rheoli Asedau arfaethedig.

TRAFODAETH

Cyflwynwyd yr adroddiad gan nod fod angen buddsoddiad pellach ar y lleoliad. Amcangyfrifir y gall datblygu Canolfan Awyrofod Eryri, Llanbedr yn ganolfan rhagoriaeth ar gyfer datblygu a threialu cerbydau a reolir o bell arwain bell arwain at greu 100 o swyddi. Nodwyd i alluogi datblygiad y safle mae angen buddsoddiad pellach gan gynnwys gwelliannau i’r cyfleusterau ar y maes awyr a ffordd mynediad newydd yn osgoi canol pentref Llanbedr.

Pwysleisiwyd fod y Maes Awyr yn ased sylweddol a all ddatblygu economi Meirionnydd drwy greu swyddi gwerth uchel. Mae’r safle yn ogystal yn rhan o Ardal Fenter Eryri, ac mae Cyngor wedi bod yn gweithio yn agos a’r cwmni sy’n gweithredu’r safle a Llywodraeth Cymru i’w ddatblygu. Pwysleisiwyd mai Llywodraeth Cymru sy’n berchen y safle ac maent wedi llesu'r safle i gwmni Snodonia Aerospace ar gytundeb hirdymor.             

Pwysleisiwyd yn glir fod cyfraniad Gwynedd yn mynd yn gyfan gwbl ar wella mynediad i’r safle fydd yn cynnwys gwelliannau i lonydd lleol.

Sylwadau yn codi o’r drafodaeth

-           Nodwyd fod llawer o unigolion a mudiadau yn holi os bydd buddsoddiad i’r cwmnïau sydd wedi ei lleoli ar y safle - gan fod cwmnïau sydd yn datblygu arfau, Pwysleisiwyd eto y bydd arian y Cyngor yn cael ei ddefnyddio i ddatblygu'r ffordd ac nid ar y lleoliad ei hun.

-           Nodwyd fod Meirionydd wedi gweld gwymp yn nifer y swyddi Gwerth Uchel yn ystod y blynyddoedd diwethaf, nodwyd fod angen buddsoddi mewn isadeiledd er mwyn cael swyddi gwerth uchel a galluogi pobl leoli i aros yn yr ardal. Ychwanegwyd fod 10 cwmni lleol yn defnyddio’r safle ac mae’r ffordd bresennol yn un gwael, angen buddsoddi yn y ffordd i alluogi cwmni lleol i ehangu.

-           Holwyd pam mai Cyngor Gwynedd a fydd yn cymryd y rôl Arweiniol - nodwyd oherwydd mai oherwydd bod Llywodraeth Cymru yn derbyn yr arian gan Ewrop, ac felly yn methu rhoi'r arian iddynt eu hunain ac nid oes profiad gan y Cwmni sy’n rhedeg y safle ac felly'r Cyngor yw’r unig opsiwn.

-           Holwyd beth mae’r cwmni sydd a’r les yn ei wneud - nodwyd fod y cwmni yn y broses o ddatblygu cynllun busnes er mwyn gallu llogi rhannau o’r lleoliad i gwmnïau lleol, i uwchraddio safleoedd ar y safle ac maent yn gwneud cais i fod yn Ganolfan Awyrofod. Nodwyd eu bod yn anelu i gynnal y safle ac i ddyrchafu gwerth y safle a chael mwy o denantiaid.

-           Trafodwyd er gyfer rheolaeth y dyfodol ac a fydd y datblygiadau yn parhau i orfod dilyn rheolau cynllunio’r Cyngor - nodwyd y bydd ac ni fydd y buddsoddiad ar y ffordd yn effeithio ar y drefn.

-           Nodwyd nad oedd unrhyw sôn am Gynllun i ddatblygu arfau / drones yn yr adroddiad gan holi os oes unrhyw gynlluniau i wneud hyn. Nodwyd fod cwmni QinetiQ, sydd yn gwneud gwaith ym maes drones, yn denant ar y safle ond nad yw’r safle yn benodol iddynt hwy.

-           Nodwyd o ran y Cyngor fod gwneud gwelliannau i’r ffordd yn fargen dda - gan ei fod yn gyfraniad at greu mwy o swyddi yn lleol.

-           Holwyd beth oedd barn pobl leol Llanbedr i’r cais - nodwyd eu bod wedi bod yn gofyn am ffordd osgoi'r pentref ers 1950au a'u bod yn annog i’r Cyngor symud ymlaen a’r Cais.