I gadarnhau cofnodion cyfarfod blaenorol o Bwyllgor Ymgynghorol Harbwr Aberdyfi a gynhaliwyd ar 28 Chwefror 2017.
Cofnod:
Cyflwynwyd: Cofno
Penderfynwyd: Derbyn a chymeradwyo’r cofno
4.1
Materion yn codi o’r cofnodion – Eitem 4 (d) (i) Wal y Cei
Nododd y Cadeirydd siom na oedd yn bosibl i swyddog
Ymgynghoriaeth Gwynedd fod yn bresennol yn y cyfarfod i roi diweddariad
peirianyddol ar ddatblygiad gwaith i wal y cei. Roedd y Cadeirydd wedi mynychu
cyfarfod yn ddiweddar gyda swyddogion Uned Ymgynghoriaeth Gwynedd ac fe
adroddodd ar ei ddealltwriaeth o’r sefyllfa diweddaraf sef bod bras amcan
gyfrif y cynlluniau diwygiedig o ail-ddatblygu wal y cei ar gost o £2.2m. Ar hyn o bryd, gellir cael oddeutu 75% o’r
costau drwy grantiau ac arian Ewrop ond bod diffyg o 25% sydd yn cyfateb i
£500,000. Yn y cyfarfodydd diwethaf fe
drafodwyd y posibilrwydd o ddenu trydydd parti i gyfrannu at y costau ac fe
fyddai modd trafod hyn ymhellach yng nghyfarfod nesaf y Pwyllgor Ymgynghorol
hwn. Awgrymwyd bod holl Aelodau’r Pwyllgor yn ystyried y gofyn am gefnogaeth
ariannol bosibl a bod y wybodaeth hyn yn cael ei amlygu I aelodau o’r holl
gymdeithasau a gynrychiolir ar y Pwyllgor Harbwr. Deallwyd yr amlygwyd pryder
gan Cyfoeth Naturiol Cymru ynglyn â’r bwriad i ymestyn y strwythur presennol
allan oddeutu medr i’r môr ac y byddai’n
effeithio ar gynefinoedd, ond bellach deallir eu bod yn hapus gyda’r
cynlluniau diwygiedig. Deallir ymhellach
y bydd y cais yn cael ei gyflwyno a’i ystyried gan Awdurdod y Parc
Cenedlaethol, sef yr Awdurdod Cynllunio yn Aberdyfi yn fuan.
Ychwanegodd y Swyddog Morwrol a Pharciau Gwledig y
byddai’n trefnu bod copiau o’r cynlluniau ar gael i’w gweld yn swyddfa’r Harbwr
Feistr ac y byddai’n cylchredeg nodiadau o’r broses sydd wedi digwydd yn yr
wythnosau nesaf. Nodwyd y byddai’n
heriol i geisio canfod £500,000 gyda’r bwriad i edrych ar bob ffynhonell
ariannol posibl.
O safbwynt amserlen, hyderir y gellir dechrau ar y
gwaith ym mis Ebrill 2019.
Yn ystod y drafodaeth ddilynol, amlygwyd y pwyntiau
canlynol:
·
O safbwynt denu cyfraniad lleol, teimlwyd bod
£500,000 yn heriol ac a fyddai modd i’r Cyngor ystyried ffynhonellau o
gyfeiriad ffrydiau twristiaeth
·
Bod 2018 yn cael ei ddynodi yn Flwyddyn y Môr a phwy
a wyr efallai y byddai adnoddau ariannol ar gael gan Lywodraeth Cymru.
·
Cytunwyd yn y gorffennol bod y cei yn adnodd bwysig
i Aberdyfi yn enwedig ar gyfer cynnal busnesau, sefydliad y Bad Achub a.y.b.
·
Bod Yr Arglwydd Dafydd Elis Thomas wedi ei benodi’n
ddiweddar yn Weinidog Diwylliant, Twristiaeth a Chwaraeon, ac y byddai o fudd
cynnal trafodaeth gydag ef ynghylch unrhyw gymorth y gallasai awgrymu
·
Nad oedd yn opsiwn i beidio adnewyddu wal y cei, neu
fe fyddai’n disgyn i’r môr ond bod y llwybr i gyrraedd y nod yn anodd
Penderfynwyd: (a) Derbyn
a nodi’r uchod ac edrychir ymlaen i’w drafod ymhellach yng nghyfarfod nesaf y
Pwyllgor Ymgynghorol hwn ym mis Mawrth 2018.
(b) Bod y cynlluniau diwygiedig ac adroddiad diweddaraf
ar gael yn Swyddfa’r Harbwr Feistr ar gyfer eu harchwilio ymhellach gan
aelodau’r Pwyllgor Ymgynghorol hwn ac Aelodau o’r cyhoedd.
4.2 Eitem
4 (d) (ff) – Tir Comin / tir ystorfa, gwastraff
Adroddwyd bod y tir uchod yn parhau yn broblemus
gyda’r cyhoedd yn gwaredu pob math o ysbwriel yn anghyfreithlon ar y tir, gan
gynnwys oergelli, rhewgelli, asbestos a.y.b.
Eglurodd y Swyddog Morwrol a Pharciau Gwledig bod
asbestos ar y tir sydd yn gorfod cael ei waredu gan arbenigwyr ac yn unol â
chanllawiau llym. Nodwyd bod y
Gwasanaeth wedi neilltuo oddeutu £10,000 wrth gefn ar gyfer y gwaith clirio
gyda thua £8,000 yn ychwanegol ar gyfer gosod ffens bwrpasol fel bo neb yn
gallu gwaredu ysbwriel neu gwneud unrhyw ddfnydd o’r tir heb ganiatad i’r
dyfodol. Hyderir y bydd y safle wedi ei
glirio erbyn dechrau mis Ebrill 2018.
Erbyn diwedd yr haf mawr obeithir fe fydd llecyn taclus ar gael yn yr
ardal i gadw cawelli ac offer pysgotwyr sydd yn gweithio yn rheolaidd allan o
harbwr Aberdyfi. Roedd y Gwasanaeth mewn
trafodaeth gyda chwmni gwaredu o Gaernarfon er ceisio amcan bris I waredu’r
gwastraff.
Nododd cynrychiolydd y Clwb Hwylio bod ganddynt les
ar gyfer rhan bach o’r tir ac y byddai’r Clwb yn fodlon cyfrannu yn ariannol ac
yn ymarferol ar waredu’r gwastraff anghyfreithlon. Gofynwyd bod y cynrychiolydd
yn cylch redeg copi o’r brydles I swyddogion ar y cyfle cyntaf
Nododd Aelod unwaith y bydd y tir wedi ei glirio, fe
fydd yn adnodd gwerthfawr a diogel ar gyfer cadw celfi swyddogol ac mewn
lleoliad delfrydol.
Pwysleisiodd y Swyddog Morwrol bod angen i bysgotwyr
sicrhau fod eu holl eiddo, gan gynnwys offer pysgota o unrhyw fath, wedi ei
storio mewn ffordd daclus. Fe fydd
unrhyw offer sydd yn cael ei adnabod fel defnydd na fyddai wedi cael ei
ddefnyddio neu ei gynnal a chadw ers amser yn cael ei waredu.
Awgrymodd Aelod y gellir canfod pwy sydd yn
gwaredu’n anghyfreithlon drwy ymchwilio i’r rhifau cyfresol ar y deunyddiau.
Nodwyd fel mater o wybodaeth bod cwmni “Clarach
Waste Services” ar gael yn Aberystwyth sydd yn cynnal gwasanaeth wythnosol i
Dywyn ac efallai y byddai’n werth cysylltu â hwy am bris i waredu’r ysbwriel.
Penderfynwyd: Derbyn a nodi’r uchod.
Dogfennau ategol: