(a) Cefnogaeth ychwanegol i Ysgol Tywyn
I dderbyn adroddiad llafar ar yr uchod gan Uwch Reolwr Gwasanaeth Adnoddau Addysg
(b) Gwybodaeth cryno o wasanaeth rhwydwaith ysgolion
I dderbyn adroddiad llafar ar yr uchod gan Uwch Reolwr Technoleg Gwybodaeth a Thrawsnewid
(c) Diweddariad Talu-ar-lein
I dderbyn adroddiad llafar ar yr uchod gan Uwch Reolwr Gwasanaeth Adnoddau Addysg
(d) Diweddariad ymgynghoriad Clwb Brecwast
I dderbyn adroddiad llafar ar yr uchod gan Uwch Reolwr Gwasnaeth Adnoddau Addysg
Cofnod:
(a) Eitem 5 – Cyllideb a Diffyg Ariannol Ysgol Tywyn
Adroddodd yr Uwch Reolwr Gwasanaeth Adnoddau Addysg yn dilyn cais gan
Gadeirydd Corff Llywodraethol Ysgol Uwchradd Tywyn am gefnogaeth i’r sefyllfa o
ddiffyg ariannol hanesyddol, bod trafodaethau yn digwydd ar hyn o bryd ar y
ffordd ymlaen. Ychwanegwyd nad oedd y
mater hyd yma wedi ei drafod gan Tim Arweinyddiaeth y
Cyngor.
Penderfynwyd: Derbyn
a nodi’r uchod.
(b) Eitem 8 (b)
- Gwasanaeth Rhwydwaith Ysgolion
Derbyniwyd cyflwyniad, ar ffurf sleidiau, gan
yr Uwch Rheolwr TG a Thrawsnewid, gan roi hanes y rhyngrwyd o’i ddyfodiad yn
1969 ac erbyn heddiw bod y defnydd wedi cynyddu a dyfeisiadau wedi symud yn eu
blaen yn aruthrol. O dan raglen grant
Dysgu yn y Gymru Ddigidol, darparwyd cysylltiad band eang ar gyflymder o 10Mbps
i ysgolion cynradd a 100Mbps i ysgolion uwchradd.
Eglurwyd esblygiad y rhwydwaith i’r ysgolion a’r gwelliannau mae’r
rhwydwaith PSBA ar gyfer y sector gyhoeddus yng Nghymru wedi ei gael a
manteision cynyddol i’r dyfodol.
O ran pwy sy’n gyfrifol am beth, eglurwyd fel
a ganlyn:
·
Bod CYNNAL yn darparu cefnogaeth i’r cyfarpar sy’n
cysylltu i’r rhwydwaith a gweinyddu’r hidlo
·
Bod y Cyngor yn gyfrifol am ddarparu cefnogaeth
rhwydwaith, rheoli cytundeb BT, di-wifr, diogelwch, hidlo a datblygu gwasanaeth
newydd (megis ffonau)
·
Bod BT yn gyfrifol am seilwaith y rhwydwaith PSBA
O safbwynt dyraniad costau o £540,000,
byddai’n seiliedig ar y pedwar elfen isod:
·
Cyswllt uniongyrchol
·
Rhwydwaith
·
Cynnal a chadw i gynnwys meddalwedd
·
Cefnogaeth staff canolog – ymateb i broblemau ac i
ddatblygu’r rhwydwaith
Yn ystod y drafodaeth ddilynol, ymatebodd yr
Uwch Reolwr TG a Thrawsnewid i’r ymholiadau fel a ganlyn:
(i)
bod y Cytundeb Lefel Gwasanaeth bron iawn yn ei le,
a thrwy amlygu’r hyn a fwriedir hyderir y bydd ysgolion yn cytuno i
ddarpariaeth drwy’r awdurdod i gael at rwydwaith ddibyniadwy
ac yn hyn o beth fe ellir cydweithio gyda Llywodraeth Cymru i hwyluso rhaglen
Dyfodol Llwyddiannus
(ii)
o safbwynt oedran y cyfarpar y byddai’n rhaid
ychwanegu ar ôl oddeutu 10 mlynedd (mae’r cyfarpar yn 4 oed yn barod)
(iii)
yng nghyd-destun ariannu unrhyw ychwanegiad i’r
cyfarpar yn oddeutu 2021-2023, byddai’n ofynnol i ysgolion gynllunio ymlaen
llaw ar gyfer y costau
Mewn ymateb i (ii) a
(iii) uchod, pwysleisiodd yr Aelod Cabinet Addysg yr
angen i roi cynllun at ei gilydd yn fuan a’r angen hefyd i rybuddio ysgolion
ymlaen llaw o debygolrwydd o gostau gan bod technoleg yn newid mor gyflym.
Penderfynwyd: Derbyn,
nodi a diolch am y cyflwyniad.
(c) Eitem 9 – Talu ar Lein
Adroddodd yr Uwch Reolwr Gwasanaeth Adnoddau
Addysg bod gwasanaeth talu-ar-lein bellach wedi ei gyflwyno i ysgolion cynradd
a’r rhan helaeth o staff yr ysgolion
wedi derbyn hyfforddiant. Croesawyd y
gwasanaeth ac ychydig iawn o sylwadau a dderbyniwyd megis nad oedd rhieni yn
gallu gweld balansau / credyd. Penderfynwyd i ddefnyddio cyfarpar “SIMS Dinner Money”
gyda’r awdurdod yn ariannu’r modiwl.
‘Roedd oblygiadau i ail-hyfforddi Clercod Arian Cinio ond y byddai’r
modiwl yn fanteisiol oherwydd y byddai’n lleihau’r gaith
cyfrifo a balansio.
Nodwyd bod trafodaethau yn mynd rhagddynt gyda CYNNAL ar gyfer
hyfforddiant ac y byddir yn ymgorffori hyfforddiant gyda hyfforddiant a drefnir
ar gyfer casglu arian clybiau brecwast (gweler isod).
Penderfynwyd: Derbyn
a nodi’r uchod.
(ch)
Eitem 10 – Ymgynghoriad Clwb Brecwast
Adroddodd yr Uwch Reolwr Gwasanaeth Adnoddau
Addysg bod y Cabinet yn ei gyfarfod ar 3 Hydref 2017 wedi penderfynu codi ffi o
80c am yr elfen
gofal plant cyn y clwb brecwast. Fe fyddai’n ofynnol i lunio
llythyr unigryw ar gyfer pob
ysgol i amlinellu’r
trefniadau, amseroedd, dull
talu, a.y.b. gyda’r llythyr i bwysleisio bod dyletswydd statudol i gynnig brecwast
am ddim ac mai am yr elfen amser
gwarchod y byddir yn codi’r ffi.
Ychwanegwyd y bydd
angen cynnig hyfforddiant i staff ysgolion (Clercod Arian) ar gyfer casglu’r
arian ac i’w gynnal yr un pryd
â hyfforddiant “SIMS Dinner Money”. Fe fyddir yn trafod gydag
Undebau’r Staff ategol yr elfennau uchod. Yn ogystal, fe fyddai’r
drefn yn cynnig cytundeb parhaol i’r Goruchwylwyr
Clwb Brecwast gyda’r hawl i
dâl salwch.
Mewn ymateb i ymholiad gan
Bennaeth ynglyn â gweinyddu’r drefn a’r angen i
sicrhau bod manylion yn glir mewn
cynllun busnes, esboniwyd y byddir yn casglu’r arian ar lein a chydnabuwyd
y bydd newid i’r drefn ac anogwyd
ysgolion i gysylltu â’r Adran
Addysg os rhagwelir bod unrhyw fater o bryder i’w ddatrys.
Penderfynwyd: Derbyn a nodi’r uchod.