Gosod mast telethrebu 21m o uchder gan gynnwys gorsaf radio, 3 antena, 2 gabinet offer, cyfarpar offer cysylltiedig ynghyd a ffens diogelwch 1.8 o uchder
AELOD LLEOL:
Cynghorydd Judith M Humphreys
Dolen
i'r dogfennau cefndir perthnasol
Cofnod:
Gosod mast telathrebu 21m o uchder gan
gynnwys gorsaf radio, 3 antena, 2 gabinet offer, cyfarpar offer cysylltiedig
ynghyd a ffens diogelwch 1.8 o uchder
Roedd yr Aelodau wedi ymweld â’r
safle.
Tynnwyd sylw at ddeiseb oedd wedi ei chyflwyno oedd yn cyfeirio ar faterion
tebyg i’r hyn oedd eisoes wedi ei gyflwyno ynghyd â sylwadau ar lafar gan
Gwarchod y Cyhoedd.
(a)
Ymhelaethodd y Rheolwr
Cynllunio ar gefndir y cais, gan nodi bod y cais wedi ei ohirio ym Mhwyllgor
Cynllunio 3.7.17 er mwyn i’r Aelodau ymweld â’r safle cyn gwneud penderfyniad.
Nodwyd bod y safle wedi ei leoli ar gyrion Penygroes i gefn safle cyfnewidfa ffôn a
oedd yn cynnwys adeilad unllawr parhaol. Eglurwyd bod tai preswyl yr ochr
bellaf i’r ffordd gyhoeddus i gyfeiriad y gogledd, gorllewin a’r dwyrain gyda’r
canlynol gerllaw, Ysgol Gynradd Bro Lleu, Ysgol Uwchradd Dyffryn Nantlle a
Chanolfan Hamdden Plas Silyn.
Nodwyd o’r wybodaeth a
gyflwynwyd mai’r bwriad oedd cyflawni amcan y Llywodraeth i ddarparu cyflenwad
signal 4G ble nad yw’n bodoli eisoes mewn ardaloedd gwledig.
Mewn ymateb i’r pryderon a leisiwyd ym Mhwyllgor 3.7.17, cyflwynodd yr
ymgeisydd wybodaeth ychwanegol oedd yn cyfiawnhau lleoli'r mast ar y safle
penodol yma ac roedd y rhain wedi eu cynnwys yn yr adroddiad. Amlygwyd hefyd bod ‘Declaration of
Conformity with the International Commision on Non-Ionizin Radiation Protection
(ICNIRP) Public Exposure Guidelines’ wedi ei gyflwyno fel rhan o’r cais
gerbron, oedd yn cadarnhau fod y datblygiad wedi ei ardystio i gydymffurfio a
chanllawiau’r ‘ICNIRP’ sef canllaw cydnabyddedig ar gyfer y math yma o
ddatblygiad.
Derbyniwyd gwrthwynebiad
ar sail pryder am effaith y datblygiad ar iechyd, ac yn benodol ar iechyd plant
yn y Feithrinfa, yr Ysgol Gynradd a’r Ysgol Uwchradd gerllaw ynghyd â
defnyddwyr Canolfan Hamdden Plas Silyn.
Er y cydnabuwyd fod pryder wedi ei godi ynglŷn ag
effaith posib ar iechyd, ni ystyriwyd fod y bwriad yma yn groes i’r polisïau
cenedlaethol na’r CDLL ac nad oedd angen rhagor o wybodaeth i asesu effaith
posib y datblygiad. Nodwyd bod Polisi
Cynllunio Cymru yn datgan yn glir mewn perthynas â goblygiadau datblygiad
arfaethedig o’r fath i iechyd mai barn Llywodraeth Cymru yw na ddylid bod angen
i awdurdodau cynllunio lleol ystyried ymhellach unrhyw effeithiau iechyd na’r
pryderon amdanynt wrth brosesu cais am ganiatâd cynllunio neu gymeradwyaeth o
flaen llaw os yw’r datblygiad yn bodloni gofynion ICNIRP.
Nodwyd ei fod yn anorfod y byddai’r prif strwythur
arfaethedig yn rhannol weladwy o fannau cyhoeddus oherwydd yr angen iddo fod
mewn lleoliad weddol agored er mwyn sicrhau y byddai’n gweithio i’w gapasiti
llawn. Eglurwyd bod y tai preswyl agosaf rhwng oddeutu 50m a 90m i ffwrdd o
safle’r cais i gyfeiriadau gwahanol a chydnabuwyd y byddai’r math yma o
ddatblygiad yn anorfod yn cael rhywfaint o effaith weledol ar y tai agosaf yma,
ond ni ystyriwyd y byddai’r effaith yn sylweddol. Nodwyd bod nifer o strwythurau main ag uchel yn bodoli eisoes yn yr ardal, megis
polion trydan a golau stryd a gyda’r strwythur yma yn un main a syml yn y bôn,
byddai yn annhebygol o gael effaith amlwg hir dymor ar fwynderau gweledol yr
ardal leol.
b) Gwnaed y prif bwyntiau canlynol gan aelod oedd yn gweithredu fel aelod
lleol (nad oedd yn aelod o’r Pwyllgor Cynllunio hwn):-
·
Gwrthwynebu lleoliad bwriedig
y mast - awyddus adleoli mewn lle addas
·
Byddai’r mast yn creu effaith
ar fwynderau gweledol ac yn rhy agos at dai, meithrinfa ysgolion a chanolfan
hamdden
·
Y gymuned yn ceisio hybu
balchder a gwella gwelededd y pentref – y mast yn tanseilio’r ymdrech i wella
edrychiad
·
Diwallu angen am dai
fforddiadwy i bobl leol drwy osod mast mor agos - byddai yn creu effaith
gormesol ar y tai. (Grŵp Cynefin yn bwriadu adeiladu tai fforddiadwy yma ac yn bygwth
tynnu allan os caniateir y datblygiad).
·
Byddai’r mast yn creu sŵn
parhaus
·
Lleoliadau priodol eraill
angen eu hystyried
·
Bod angen ystyried y Ddeddf
Llesiant
·
Bod y gymuned leol yn pryderu
am effaith negyddol y datblygiad ar iechyd yn enwedig iechyd y plant.
·
Cyfeirio at astudiaethau
rhyngwladol ac apeliadau oedd yn dangos effeithiau ymbelydredd electroneg
magneteg ar iechyd
·
Rhesymau digonol i achosi
pryderon – gormod o risg i leoliad y mast
c) Cymerodd yr Uwch
Gyfreithiwr y cyfle i dynnu sylw’r Aelodau at faterion diweddar oedd wedi bod
gerbron yr Uchel Lys ynglŷn â heriau yn ymwneud â mastiau a’r effaith ar
iechyd. Amlygwyd bod yr her wedi methu a bod yr Uchel Lys wedi bod yn gefnogol
i benderfyniad y Cyngor. Nododd hefyd, gan nad oedd tystiolaeth wedi ei
gyflwyno gan y gwrthwynebwyr a bod gwybodaeth wedi ei gyflwyno gyda’r cais yn
dangos ei fod yn cyfarch y gofynion statudol, ni ddylid ystyried iechyd fel
rheswm i wrthod y cais.
ch) Cynigwyd ac eiliwyd i wrthod y
cais oherwydd yr effaith ar fwynderau gweledol
d) Yn ystod y drafodaeth ddilynol, amlygwyd y
pwyntiau canlynol gan Aelodau unigol:
·
Nad oedd y lleoliad yn addas
·
Y dylai’r ymgeisydd asesu safleoedd eraill
·
Nad oedd y dyluniad yn un da – angen ystyried
dyluniad llai diwydiannol
·
Bod angen ystyried effaith hir dymor y mast - y lleoliad yn un unigryw – yn rhy agos i
sefydliadau oes addysg 2½ – 18 oed
·
Dim yn ymwybodol o’r effaith ar iechyd felly dylid
bod yn rhagofalus;
·
Y dylid annog cwmnïau telathrebu i rannu mast
·
Byddai gwrthod y cais yn anghyfrifol ac yn groes i
ganllawiau
dd) Mewn
ymateb i gwestiwn ynglŷn â bwriad Grŵp Cynefin i ddatblygu tai
fforddiadwy yn yr ardal yma, cadarnhawyd na fyddai’r bwriad yma yn cael effaith
ar unrhyw fwriad i ddatblygu tir cyfagos ac nad oedd y fath gais wedi ei
dderbyn ar hyn o bryd.
e) Mewn
ymateb i’r sylwadau nodwyd na fyddai’r Gwasanaeth Cynllunio mewn sefyllfa i
orfodi rhannu mast, ond yn sicr, fod ymarfer da yn ymwneud gyda datblygiadau
o’r fath yn annog hyn.
f) Pleidleisiwyd ar y cynnig i wrthod y cais, syrthiodd y cynnig
ar bleidlais fwrw'r Cadeirydd.
Cynigiwyd
ac eiliwyd i ganiatáu y cais
Pleidleisiwyd ar y cynnig ac
fe syrthiodd.
Nododd yr Uwch Gyfreithiwr y dylid gohirio'r penderfyniad ar sail bod y
ddau gynnig wedi disgyn.
PENDERFYNWYD gohirio’r
cais
Dogfennau ategol: