Codi annedd newydd ar gyfer gweithiwr amaethyddol hanfodol ynghyd ag adeilad amaethyddol a mynedfa gerbydol.
AELOD LLEOL: Y Cynghorydd Menna Baines
Cofnod:
Codi annedd newydd ar gyfer gweithiwr
amaethyddol hanfodol ynghyd ag adeilad amaethyddol a mynedfa gerbydol.
(a)
Ymhelaethodd
yr Uwch Swyddog Rheolaeth Datblygu ar gefndir y cais, gan nodi bod safle’r cais
yng nghefn gwlad agored y tu allan i unrhyw ffin ddatblygu gyda’r bwriad i godi
byngalo 3 llofft ynghyd â sied amaethyddol ac i addasu’r fynedfa amaethyddol
bresennol oddi ar y lon ddi-ddosbarth sy’n mynd heibio’r
safle.
Cyfeiriwyd
at y polisïau cynllunio perthnasol o fewn yr adroddiad ac fe nodwyd y
derbyniwyd gwybodaeth ychwanegol gan yr Uned Draenio Tir a oedd wedi ei nodi ar
y ffurflen sylwadau ychwanegol.
O
safbwynt egwyddor y datblygiad, nodwyd mai dim ond mewn rhai amgylchiadau
arbennig iawn y caniateir tai newydd mewn safleoedd cefn gwlad, h.y. pan fod
angen tŷ i gartrefu gweithiwr llawn amser neu un a gyflogir yn bennaf mewn
amaethyddiaeth, coedwigaeth neu ddiwydiant gwledig arall sy’n seiliedig ar
ddefnyddio’r tir.
Tynnwyd
sylw at ofynion Nodyn Cyngor Technegol 6 a pholisi CH9 y Cynllun Datblygu
Unedol sy’n gofyn am wybodaeth a phrofion yn ymwneud â’r materion isod:
·
Y
Prawf swyddogaethol
·
Y
Prawf Amser
·
Y
Prawf Ariannol
·
Prawf
Anheddau Amgen
a
chydnabuwyd bod y datblygiad yn cwrdd â’r gofynion uchod.
O safbwynt dyluniad a mwynderau gweledol, ystyriwyd
bod y cynllun am y tŷ yn un cymharol fychan ac anymwthiol. Ar y cyfan, credir bod dyluniad y tŷ a’r
sied yn eithaf disylw ac yn adlewyrchu dyluniad cyfredol adeiladau o’r fath yng
nghefn gwlad Cymru. Er derbynnir bod y
lleoliad yn eithaf amlwg ac y byddai’r datblygiad newydd yn weladwy o fannau
cyhoeddus gerllaw, ystyriwyd nad yw’r safle o fewn dirwedd ddynodedig ac y
byddai’r datblygiad yn un nodweddiadol o’r ardal hon.
Er gwaethaf gwrthwynebiad gan breswylwyr eiddo
Tyddyn Hir, sef y tŷ agosaf at y safle, oherwydd y pellter sydd rhwng y
safle ynghyd â’r ffaith bod gwrychoedd aeddfed rhwng y safleoedd hyn, ni
ystyriwyd y byddai’r bwriad yn achosi niwed uniongyrchol annerbyniol i
fwynderau preswylwyr Tyddyn Hir.
Nodwyd bod y ffordd sy’n gwasanaethu’r safle yn
un eithaf cul. Fodd bynnag, er y
byddai’r bwriad yn debygol o angen symudiadau trafnidiaeth amaethyddol mewn
perthynas â’r gweithgareddau ar y safle, ni thybir y byddai rhain yn ddim gwaeth
na’r lefel traffig a ddisgwylir gweld mewn perthynas â’r busnes amaethyddol
petai’r tir yn cael ei ffermio gan berchennog yn byw tu hwnt i Waen Wen.
Cadarnhawyd bod yr Uned Trafnidiaeth wedi datgan eu bodlonrwydd gyda’r
cynllun.
Yn dilyn asesiad o’r oll ystyriaethau cynllunio
perthnasol, gan gynnwys materion a godwyd gan wrthwynebwyr, ystyriwyd bod y
datblygiad yn addas ar gyfer y safle ac argymhellwyd i’w ganiatáu yn ddarostyngedig
i amodau a nodir yn yr adroddiad ynghyd ag amod Uned Draenio Tir.
(b) Yn manteisio ar yr hawl i siarad, nododd
gwrthwynebydd y prif bwyntiau canlynol:
• O'r farn bod y datganiad ym mharagraff 5.3 o adroddiad
y swyddog cynllunio yn sylfaenol ddiffygiol
• bod canllawiau arfaethedig o Gynllun Datblygu ar y Cyd sydd hyd yma heb eu
mabwysiadu yn dal yn cyfeirio at ganllawiau TAN6 ar gyfer datblygiadau mewn
cymunedau gwledig
• Bod y cais yn methu ar ddau brawf a amlinellwyd gan TAN6;
1. Prawf Swyddogaethol – mae’r cais ar gyfer adeilad amaethyddol
mawr ynghyd ag annedd menter wledig ar sail fod angen swyddogaethol. Dim ond 6 hectar o dir sydd i’r safle ac nid
yw ger y fenter ffermio o 97 hectar o dir ac mae’n cynrychioli llai na 6% o’r
ardal busnes. Mae’r gwerthusiad
amaethyddol yn cyfeirio at berchnogaeth a rheolaeth dros 500 o wartheg. Gall y sied arfaethedig ddal 40 o wartheg
sy’n cynrychioli llai na 8% o’r da byw.
Ar sail hyn rydym yn dadlau nad yw’r safle yn gallu cwrdd â’r angen
swyddogaethol a nodwyd gan fod y 6 hectar yn rhan ansylweddol o’r busnes. Golyga defnydd arfaethedig y sied y bydd
cynnydd mewn traffig cludo da byw, danfoniadau symiau
mawr o gyflenwadau angenrheidiol i’r fenter amaeth i’r safle bach yma ar lorïau
HGV - a bydd hyn wedyn yn creu angen sylweddol am gludiant i’w hanfon ymlaen i
safleoedd eraill gan felly greu canolfan ddosbarthu yn ddiarwybod. Credwn fod yr ongl 105 gradd i’r gyffordd ar
gyfer ffordd Pentir i Gaerhun sydd â lled ffordd o
20tr, yn annigonol i lorïau HGV heb iddynt achosi niwed sylweddol i’r ffordd
a’r ochr ac mae’r tarmac mewn mannau ar hyd y ffordd ddynesu yn annigonol i
ddefnydd amaethyddol trwm, rheolaidd.
2. Llety amgen - Adnabu arolwg eiddo
presennol Right
Move fod
dau dŷ tair llofft yn yr ardal ar werth am dros £185K. Yn unol â
chanllaw TAN 6, fe wnaeth chwiliad ehangach o radiws pellach o dair milltir
ddangos fod 116 o dai yn is na £250k gyda 58 o dan £150K. Ar sail hyn dadleuwn fod y cais yn
methu o dan y prawf llety amgen.
3. Gwrthwynebir y cais gan nad yw’r safle yn un
cynaliadwy a dylid ei wrthod.
(c)
Yn
manteisio ar yr hawl i siarad, nododd yr Ymgeisydd y prif bwyntiau canlynol:
·
Ei
fod yn denant ar fferm nid nepell o safle’r cais a bod y cae yn ei feddiant a’i
fod yn defnyddio’r tir hefo tir Pen Hower a chaeau eraill ar gyfer amaethu
·
Ei
fod wedi dechrau amaethu allan o ddim ers nifer o flynyddoedd a ffermio wedi
bod yn ei waed erioed
·
Nad
oedd ganddo ef, ei briod a’i ddwy ferch fach ddim cartref ond yn byw mewn
carafán sydd yn bell o fod yn ddelfrydol ac wedi byw yno ers 3 blynedd a
chyflwynir y cais i gael cartref amaethyddol
·
Nad
oedd modd prynu tai cyfagos gan bod prisiau yn uchel tu hwnt a thu draw i’w
gallu
·
Bod
natur amaethyddiaeth yn ofynnol i fyw mor agos a phosibl i’r
fferm
·
Tra’n
derbyn bod cymdogion wedi gwrthwynebu am wahanol resymau roedd yr adran gynllunio wedi ymateb i’r
gwrthwynebiadau
·
Ei
fod yn enedigol o’r ardal ac yn un o’r ychydig rai sydd yn ffermio yn lleol gan
bod tiroedd wedi eu gwerthu neu ar osod ar rent
·
Bod
amaethu yn bwysig er lles yr ardal ac yn sicr i gynnal Cymreictod cefn gwlad
Cymru
(d) Nodwyd bod yr Aelod lleol yn gefnogol i’r cais.
(dd) Cynigwyd ac eiliwyd
i ganiatáu’r cais.
Penderfynwyd: Caniatáu’r cais
yn ddarostyngedig i’r amodau canlynol
:
Amodau
1.
5 mlynedd
2. Gweithiwr amaethyddol yn unig i drigo yn
y tŷ
3. Gwaith
yn unol â’r
cynlluniau
4. Deunyddiau / Llechi ar do'r tŷ
5. Tŷnnu hawliau cyffredinol a ganiateir
6. Defnydd amaethyddol yn unig i'r sied
7. Rhaid codi'r sied cyn
codi'r tŷ
8.
gwaredu dŵr arwyneb yn unol a gofyion
TAN 15 a rheolaeth llygredd
9. Amodau rhaglen waith lliniaru
Archeolegol
Nodiadau
Nodyn Cyfoeth Naturiol Cymru yn amlygu'r rheoliadau
perthnasol ynghylch ymdrin â dŵr aflan a rheolaeth llygredd.
Dogfennau ategol: