Agenda item
Estyniad ochr, gosod tanc septig ac adeiladu ffordd fynediad newydd.
AELOD LLEOL: Cynghorydd W. Gareth Roberts
Cofnod:
Estyniad
ochr, gosod tanc septig ac adeiladu ffordd fynediad newydd.
(a) Ymhelaethodd
yr Uwch Swyddog
Rheolaeth Datblygu ar gefndir y cais,
gan nodi bod safle'r cais wedi
ei leoli yng nghefn gwlad
o fewn yr AHNE a Thirwedd o Ddiddordeb Hanesyddol Eithriadol.
Nodwyd
bod yr estyniad o ran ei ddyluniad, graddfa
a maint yn dderbyniol ac yn gymesur gyda’r eiddo presennol.
Tynnwyd
sylw bod yr Uned AHNE wedi nodi bod yr estyniad
a fwriedir yn gweddu’n dda i’r
adeilad gwreiddiol ac nad oedd pryderon
o ran yr effaith ar yr AHNE. Nodwyd
yn dilyn derbyn sylwadau gan yr Uned
AHNE yng nghyswllt y trac mynediad, fe argymhellir gosod amod, pe
caniateir y cais, ar gyfer cyflwyno
manylion tirlunio ar gyfer y trac
ac yn benodol ar gyfer y ffin
ddwyreiniol.
Roedd
y datblygiad yn cydymffurfio gyda’r CDUG am y rhesymau a roddwyd yn yr adroddiad.
(b) Yn manteisio ar yr
hawl i siarad nododd cynrychiolydd gwrthwynebydd y prif bwyntiau canlynol:-
·
Ei fod yn siarad ar
ran teulu Fferm Bryn a oedd yn denantiaid
amaethyddol i’r ymgeisydd;
·
Nad oedd yr ymgeisydd wedi
ymgynghori efo’r tenantiaid cyn cyflwyno’r cais;
·
Bod y fferm oddeutu 100 acer a byddai colli ychydig o dir yn cael
effaith gan fygwth hyfywdra'r fferm;
·
Bod y perchennog wedi cadarnhau ar lafar efo’r
tenantiaid na fyddai’r safle yn cael ei
werthu;
·
Byddai’n well lleoli’r estyniad tu cefn i’r
tŷ, yn hytrach na’r ochr,
er mwyn osgoi’r
tir amaethyddol;
·
Bod angen cyflwyno adroddiad o ran ystlumod a’r dylluan
wen a oedd yn cynefino yn yr
adeiladau allanol.
(c) Yn manteisio ar yr
hawl i siarad nododd asiant yr
ymgeisydd y prif bwyntiau canlynol:-
·
Bod y bwriad yn dderbyniol o safbwynt cynllunio;
·
Materion tenantiaeth ddim yn berthnasol o ran cynllunio;
·
Nid oedd yr Uned Bioamrywiaeth,
Uned AHNE, Cyngor Cymuned na Chyfoeth
Naturiol Cymru yn gwrthwynebu’r bwriad.
(ch) Gwnaed y prif bwyntiau canlynol gan yr aelod lleol
(nad oedd yn aelod o’r
Pwyllgor Cynllunio hwn):-
·
Bod yr estyniad yn gweddu i’r
adeilad presennol;
·
Ei fod yn cytuno efo’r
sylwadau yn yr adroddiad o ran yr angen i godi clawdd gan ddefnyddio'r pridd a godir i wneud y trac mynediad;
·
Bod angen cynnal archwiliad i
gadarnhau os oedd ystlumod yn bresennol cyn gwneud y gwaith.
(d) Mewn ymateb i’r
sylwadau uchod, nododd y Rheolwr Cynllunio bod yr Uned Bioamrywiaeth wedi cadarnhau mai isel oedd
risg presenoldeb ystlumod yn yr
adeilad ac y byddai’n afresymol gofyn am arolwg llawn. Ychwanegodd,
pe caniateir y cais, yn unol
â’r arfer fe roddir nodyn
ar y cais yn nodi’r rheidrwydd
i atal gwaith
os oedd ystlumod
yn bresennol. Roedd hyn yn
cael ei reoli
tu allan i’r drefn cynllunio.
(dd) Cynigwyd ac eiliwyd i ganiatáu’r
cais.
Nododd aelod ei
fod ddim yn deall pam y gofynnir am drac mynediad newydd yn yr AHNE pan fo mynediad i’r
safle eisoes. Cynigodd welliant i gynnal ymweliad
safle, eiliwyd y gwelliant.
Yn ystod y drafodaeth ddilynol nodwyd y prif sylwadau canlynol
gan aelodau:
·
Bod rhaid i dir feddiannwr
rhoi rhybudd i denant amaethyddol;
·
Pryder o ran y llwybr cyhoeddus gyda’r estyniad gyferbyn;
·
Os byddai’r ymgeisydd ddim yn gallu darparu
trac mynediad newydd, beth fyddai’r
sefyllfa?
(e) Mewn ymateb i’r sylwadau uchod, nododd y swyddogion:
·
Bod rhai materion
a gyfeiriwyd atynt gan gynrychiolydd y gwrthwynebydd ddim yn faterion cynllunio
ac nid oedd addewidion y perchennog i’r tenant yn ystyriaeth cynllunio;
·
Nid oedd gan yr Uned AHNE
wrthwynebiad i’r bwriad;
·
Byddai’r trac mynediad
newydd yn hwyluso preifatrwydd ond os na fyddai’n bosib creu trac mynediad
newydd fe fyddai’r mynediad presennol yn dderbyniol.
Pleidleisiwyd ar y gwelliant, fe syrthiodd
ar bleidlais fwrw’r Cadeirydd.
Pleidleisiwyd ar y cynnig gwreiddiol.
PENDERFYNWYD caniatáu’r cais.
Amodau:
1. Cychwyn o fewn
5 mlynedd.
2. Unol a'r cynlluniau.
3. Llechi’r to i
gydweddu.
4. Waliau allanol
i fod o rendr
lliw gwyn.
5. Tirlunio yn arbennig ochr ddwyreiniol
y trac.
Nodyn:
1. Diogelu llwybr
cyhoeddus.
2. Copi o sylwadau
Cyfoeth Naturiol Cymru.
3. Peidio’r gwaith os darganfyddir fod ystlumod yn yr eiddo.
Dogfennau ategol: