Cofnod:
Adeiladu tŷ deulawr.
(a)
Ymhelaethodd yr Uwch Swyddog
Rheolaeth Datblygu ar gefndir y cais,
gan nodi y gohiriwyd y cais yng nghyfarfod y Pwyllgor a gynhaliwyd ar 5 Mehefin 2017 er mwyn rhoi cyfle i swyddogion yr Uned Polisi Cynllunio ar y Cyd baratoi cynllun
ar gyfer y pwyllgor yn dangos lleoliad y tŷ bwriadedig
mewn perthynas i ffin datblygu'r pentref fel y dynodwyd o fewn Cynllun Datblygu
Unedol Gwynedd (CDUG) a Chynllun Datblygu Lleol ar y Cyd (CDLl).
Roedd y cynllun wedi ei gynnwys yn y rhaglen ac amcangyfrifir y byddai 60% o
arwynebedd llawr y tŷ tu allan i’r ffin datblygu.
Nodwyd mai’r prif fater
cynllunio oedd egwyddor y datblygiad. Eglurwyd oherwydd bod rhan helaeth o’r
safle ynghyd â’r tŷ wedi
eu lleoli tu allan
i’r ffin datblygu roedd y bwriad cyfystyr a chodi tŷ newydd
yng nghefn gwlad ac yn groes
i bolisi C1, CH4 a CH9 o’r CDUG.
Nodwyd bod y swyddogion yn parhau
i bryderu ynglŷn ag effaith
andwyol y bwriad ar sail gor-edrych, colli preifatrwydd a chreu strwythur gormesol gan gael
effaith negyddol ar ddeiliaid tai cyfagos.
Wedi ystyried yr holl faterion
perthnasol gan gynnwys polisïau a chanllawiau lleol a chenedlaethol, y sylwadau a’r wybodaeth a dderbyniwyd gan yr ymgeisydd, ni
ystyriwyd fod y datblygiad yn dderbyniol.
(b) Cynigwyd ac eiliwyd i gynnal ymweliad safle.
Yn ystod y
drafodaeth ddilynol nodwyd y prif sylwadau
canlynol gan aelodau:
·
Wedi derbyn gohebiaeth gan yr ymgeisydd,
roedd yn anghytuno o ran lleoliad y ffin datblygu;
·
A fyddai canran uwch o arwynebedd
llawr tu fewn y ffin yn
gwneud gwahaniaeth?
·
Bod nifer o geisiadau aflwyddiannus wedi eu cyflwyno
yng nghyswllt y safle;
·
Cyngor Cymuned Llanbedrog wedi tynnu eu
sylwadau yn ôl;
·
Nid oedd y bwriad yn
cydymffurfio â’r polisïau gan ei
fod tu allan
i’r ffin datblygu ac fe fyddai’n amharu ar fwynderau preswyl
tai cyfagos;
·
Er mwyn dangos tegwch
i’r ymgeisydd dylid cynnal ymweliad
safle;
·
Ddim yn gweld diben
cynnal ymweliad safle;
·
Wedi cynnig cynnal ymweliad
safle er mwyn asesu agosatrwydd
y tŷ at y gweithdy ac effaith y bwriad ar y lôn a’r
fynedfa.
(c) Mewn
ymateb i’r sylwadau uchod, nododd y swyddogion:
·
Y derbyniwyd cadarnhad gan yr
Uned Polisi Cynllunio ar y Cyd bod y ffin datblygu yn y CDUG a’r CDLl yr un peth ac oherwydd y drafodaeth yn y Pwyllgor
blaenorol fod sleid wedi ei ddarparu i’r Pwyllgor er mwyn dangos y sefyllfa
ynglŷn â’r ffin a lleoliad y tŷ arfaethedig
yn glir.
·
Ei fod yn fater o egwyddor,
dim ond mewn rhai sefyllfaoedd eithriadol y caniateir tŷ marchnad agored
tu allan i’r ffin datblygu. Nid oedd amgylchiadau y cais hwn yn eithriadol
felly ni welir diben mewn cynnal ymweliad safle.
Pleidleisiwyd ar y cynnig i gynnal ymweliad
safle, syrthiodd y cynnig.
(ch) Cynigwyd ac eiliwyd i wrthod y cais.
Holodd aelod a oedd yr
ymgeisydd wedi trafod efo’r swyddogion
yng nghyswllt gwella’r bwriad. Mewn ymateb, nododd
y Rheolwr Cynllunio byddai gosod y tŷ mwy i
mewn i’r ffin datblygu yn
gwaethygu’r effaith ar fwynderau preswyl
tai cyfagos. Eglurodd bod y swyddogion eisoes wedi trafod nifer
o opsiynau gyda’r ymgeisydd.
PENDERFYNWYD gwrthod y cais.
Rhesymau:
1. Mae Polisi CH7 o Gynllun Datblygu Unedol
Gwynedd yn datgan mai fel eithriad i bolisi y caniateir tai ar gyrion ffiniau datblygu
pentrefi a hynny ar gyfer tai fforddiadwy. Nid yw’r datblygiad arfaethedig yn
cynnig datblygiad fforddiadwy, nid oes tystiolaeth wedi ei gyflwyno i ddangos
fod yr ymgeisydd mewn gwir angen tŷ fforddiadwy ac nid oes unrhyw fwriad i
gyfyngu meddiannaeth i’r dyfodol i angen fforddiadwy, felly mae’r cynnig
cyfystyr a thŷ newydd yng nghefn gwlad. Mae’r bwriad felly yn groes i
egwyddorion polisi C1, CH7 a CH9 o Gynllun Datblygu Unedol Gwynedd; a Chanllaw
Cynllunio Atodol: Tai Fforddiadwy Cyngor Gwynedd 2009.
2. Byddai’r tŷ, oherwydd ei faint a’i leoliad yn arwain at ymwthiad gormesol a niweidiol i fwynderau trigolion eiddo cyfagos, yn enwedig oherwydd effaith ddominyddol y tŷ arfaethedig a’r gor-edrych a fyddai'n deillio ohono. Mae'r cais felly'n groes i bolisïau B22 a B23 Cynllun Datblygu Unedol Gwynedd.
Dogfennau ategol: