Cofnod:
Adeiladu tŷ deulawr
a)
Ymhelaethodd y Swyddog
Rheolaeth Datblygu ar gefndir y cais, gan nodi mai cais llawn ydoedd ar gyfer adeiladu tŷ
deulawr wedi ei orffen gyda rendr a tho llechi.
Amlygwyd bod yr ymgeisydd angen tŷ ar gyfer cynnal a hyrwyddo ei fusnes.
Mae’r safle o fewn dynodiad Ardal Gwarchod y Dirwedd gyda ffin datblygu'r
pentref wedi ei lleoli ar derfyn gogleddol y rhesdai
a’r capel gerllaw. Golygai hyn bod mwyafrif o arwynebedd y tŷ bwriadedig y tu allan i ffin y pentref a bod hyn gyfystyr a
chodi tŷ newydd y tu allan i ffin datblygu.
Tynnwyd sylw at y polisïau perthnasol oedd yn yr adroddiad ynghyd ag
ymatebion i’r ymgynghoriad.
Amlygywd bod yr ymgeisydd yn anghytuno gyda barn swyddogion ynglŷn â lleoliad
y ffiniau ac felly cyflwynwyd cynllun yn dangos gosodiad y datblygiad mewn
perthynas a ffin datblygu'r pentref gyda’r rhaglen. Nid yw’r datblygiad wedi ei
gyflwyno fel bwriad ar gyfer tŷ fforddiadwy ac mae maint a graddfa’r
bwriad yn awgrymu’n gryf nad oes unrhyw fwriad i’r
tŷ fod yn fforddiadwy. Ni chyflwynwyd unrhyw fanylion na thystiolaeth i
ddangos fod yr ymgeisydd angen tŷ fforddiadwy.
Datgan yr ymgeisydd y dylai’r tir fod wedi ei
gynnwys oddi fewn i’r ffin ddatblygu yn CDUG gan ei fod wedi ei gynnwys yn y
mapiau mewnosod drafft a bod y tir wedi ei ddileu o’r ffin yn dilyn
penderfyniad yr Arolygydd i dynhau ffiniau datblygu pentrefi yn gyffredinol.
Deallir gan yr ymgeisydd ei fod wedi gwneud cais i’r Uned Polisi i gynnwys y
safle yn ei gyfanrwydd o fewn ffin
datblygu'r pentref yn CDLl. Gellid cadarnhau nad oedd newid i’r ffin
datblygu yn CDLl mewn perthynas i’r safle yma ar hyn
o bryd.
Er gwaethaf dadleuon yr ymgeisydd nid yw’r Cyngor wedi eu hargyhoeddi, ar
sail y wybodaeth a gyflwynwyd, bod rhesymau cynllunio teilwng wedi eu cyflwyno
i wyro oddi ar bolisïau cyfredol y
Cyngor. Nid yw egwyddor o godi
annedd ar y safle yn cydymffurfio a gofynion polisi tai'r cyngor sef polisi C1,
CH7 a CH9 CDUG a Chanllaw Cynllunio Atodol: Tai Fforddiadwy (2009).
Mae’r tŷ deulawr arfaethedig o ddyluniad
modern ac wedi ei leoli yn agos at derfyn cefn gerddi tai cyfagos a chwrtil y
capel a’r tŷ capel. Mae’r cynlluniau a gyflwynwyd gyda’r cais yn dangos er
na fydd y tŷ yn uwch na’r capel cyfochrog, fe fydd yn sylweddol uwch na’r
tai deulawr gerllaw, ac felly mae pryder ynglŷn â’i
leoliad, maint a’i raddfa mewn perthynas â’r tai
hynny. O ran ei faint a’i raddfa, ni ystyriwyd fod y bwriad yn parchu’r safle
a’i gyffiniau ac y byddai yn achosi niwed arwyddocaol i
breifatrwydd gardd a chwrtil y ty capel a’r eiddo i’r de orllewin o’r safle.
Derbyniwyd sylwadau’r Uned Drafnidiaeth yn cadarnhau nad
oedd gwrthwynebiad i’r bwriad. Fodd bynnag, wedi ymweld ar safle roedd gan y
swyddogion trafnidiaeth bryderon am y fynedfa yn arbennig felly o ran gwelededd
wrth gael mynediad i’r ffordd ddosbarth 2 gyfagos. Fodd bynnag, wedi ystyried
sylwadau’r Uned Drafnidiaeth byddai’n anodd gwrthod y cais ar seiliau diogelwch
ffyrdd.
Wedi ystyried
yr holl faterion
perthnasol gan gynnwys polisïau a chanllawiau lleol a chenedlaethol, sylwadau a dderbyniwyd, ni ystyriwyd fod y datblygiad yn dderbyniol.
Nid oedd cyfiawnhad wedi ei gyflwyno
ar gyfer datblygu’r safle fel safle eithrio
gwledig (polisi CH7), ac oherwydd hynny, ystyriwyd fod y datblygiad yn gyfystyr
a bwriad i godi tŷ newydd
yng nghefn gwlad yn groes
i bolisi C1, CH7 ac CH9
CDUG.
b)
Yn manteisio ar yr
hawl i siarad nododd yr ymgeisydd
y prif bwyntiau canlynol:-
·
Nad oedd cyfeiriad
tuag at ei adroddiad personol ef yn adroddiad
y swyddogion
·
Bod ganddo dystiolaeth nad oedd y wybodaeth yn yr adroddiad
yn gyflawn
·
Bod swyddogion wedi gwneud camgymeriad
yn 2008 gyda’r ffiniau a bod tystiolaeth
o hyn ar gael
·
Ei fod angen byw
yn Llanbedrog i oflau am ei rieni
·
Ei fod yn ddyn
busnes llwyddiannus yn cyflogi dros
20 o bobl
·
Ei fod wedi derbyn
nifer o wobrwyon am ei gyfraniad i Economi Gwynedd
·
Na allai ddeall pam
bod swyddogion Cynllunio yn gwrthwynebu
ei gais ac yntau yn gwneud
ei ran dros
bobl Gwynedd
(c) Cynigwyd ac eiliwyd i ohirio'r
penderfyniad er mwyn derbyn gwybodaeth
lawn am y ffiniau.
PENDERFYNWYD - gohirio'r penderfyniad er mwyn derbyn gwybodaeth lawn am y ffiniau.
Dogfennau ategol: