Cais ol-weithredol ar gyfer cadw adeilad amaethyddol
AELOD LLEOL:
Cynghorydd W Gareth Roberts
Cofnod:
Cais ôl-weithredol ar gyfer cadw adeilad amaethyddol
a)
Ymhelaethodd y Swyddog
Rheolaeth Datblygu ar gefndir y cais, gan nodi mai cais cynllunio ôl-weithredol
ydoedd i gadw adeilad amaethyddol o ffrâm dur oedd yn y broses o gael ei
adeiladu. Awgrymir y ffrâm bresennol adeilad gyda rhediad to mono pitch, ond bwriedir cwblhau‘r adeilad gyda tho brig.
Byddai gorffeniad allanol yr adeilad yn gymysgedd o wal blociau concrid a
gorchudd proffil dur o liw gwyrdd tywyll. Lleoli’r yr adeilad yng nghefn gwlad
tu allan i unrhyw ffin datblygu, ac mewn cae amaethyddol o fewn Ardal o
Harddwch Naturiol Eithriadol Llyn. Mae’n gorwedd 5.5 medr oddi wrth dŷ
annedd unllawr sydd yn adeilad rhestredig gradd II.
Tynnwyd sylw ar y polisïau perthnasol oedd wedi eu rhestru yn yr adroddiad
ynghyd a’r sylwadau ychwanegol a dderbyniwyd.
Amlygwyd bod yr egwyddor o ganiatáu adeiladau at ddefnydd amaethyddol yng
nghefn gwlad wedi ei sefydlu gan Bolisi D9 CDUG sydd yn cymeradwyo cynigion i godi
adeiladau ar gyfer dibenion amaethyddol os ydynt yn rhesymol angenrheidiol.
Datgan asiant yr ymgeisydd bod yr adeilad yn angenrheidiol ar gyfer cadw
anifeiliaid yn ystod tywydd garw achlysurol, ac i gadw offer yn gysylltiedig ag
anifeiliaid sydd yn pori’r tir, ac amaethu. Gan nad oedd manylion anifeiliaid
wedi eu cyflwyno ystyriwyd cynnwys amod oedd yn cyfyngu defnydd yr adeilad at
bwrpas amaethyddol yn unig, ac y dylid ei ddymchwel petai defnydd amaethyddol
yn darfod o fewn cyfnod o 10 mlynedd. Yn ddarostyngedig i gynnwys yr amod
uchod, ystyriwyd y byddai’r bwriad yn cydymffurfio a pholisi C1 a D9 CDUG, ac
na fyddai’n tanseilio Polisi PCYFF 1 y Cynllun Datblygu Lleol ar y Cyd.
Gyda’r safle yn gorwedd mewn man amlwg o fewn AHNE Llyn ystyriwyd yr angen i
leihau unrhyw ardrawiad ar fwynderau gweledol yr AHNE. O ganlyniad, derbyniwyd cynllun diwygiedig (30 Mawrth
2017) yn dangos adeilad bwriedig gyda tho brig, gyda
gostyngiad uchder yr adeilad terfynol yn 3.7 medr uwchlaw lefel daear -
gostyngiad 0.4 medr. Yn ogystal roedd bwriad gorchuddio’r adeilad gyda setiau
proffil gwyrdd tywyll, gan ei fod yn lleihau ardrawiad adeiladau ar safleoedd
amlwg yn y dirwedd. Derbyniwyd sylwadau'r Swyddog AHNE yn nodi y byddai’r
addasiadau yn gwneud yr adeilad yn llai amlwg o’r ffordd..
Eglurwyd bod tŷ annedd agosaf (heblaw eiddo'r ymgeisydd) i’r adeilad bwriedig wedi ei leoli oddeutu 30 medr o’r safle. Oherwydd
maint y bwriad a’i leoliad mewn
perthynas â’r eiddo cyfagos ni ystyriwyd bod yr
adeilad bwriedig yn achosi difrod arwyddocaol i’r
eiddo hwnnw. Yn ychwanegol, ni ystyriwyd bod y bwriad yn amharu ar breifatrwydd
rhesymol defnyddwyr yr eiddo sydd gerllaw nac yn golygu gor-ddatblygiad
o’r safle.
Wedi ystyried yr holl wybodaeth a gyflwynwyd fel rhan o’r cais, amlygywd bod y datblygiad yn dderbyniol ar sail egwyddor,
lleoliad, defnydd, dyluniad, deunyddiau ac effaith ar amwynder gweledol, ac ei
fod yn cydymffurfio gyda gofynion polisïau a chyngor cynllunio lleol a
chenedlaethol.
b)
Yn manteisio ar yr
hawl i siarad
nododd asiant yr ymgeisydd y prif bwyntiau canlynol:-
·
mai
cwt bychan oedd yma ar ddarn bach o dir i ddarparu cysgod i anifeiliaid - yn
nhermau amaethyddol roedd o raddfa fechan iawn
·
bod
cynlluniau diwygiedig yn dangos to crib
·
byddai'r bwriad gorffenedig yn
ymdoddi yn sylweddol i’r tirlun
·
bod trafodaethau ynglyn ag edrychiad y bwriad wedi eu cynnal gyda swyddogion
c)
Gwnaed
y prif bwyntiau canlynol gan yr aelod lleol (nad oedd yn aelod o’r Pwyllgor
Cynllunio hwn):-
·
Nad oedd yn cytuno gyda
chynnwys yr adroddiad oedd yn ymddangos fel cyfiawnhad dros yr angen i olweithredu
·
Nad
oedd sylw yn yr adroddiad at lwybr cyhoeddus cyfagos
·
Gwell fuasai gosod y sied tu
ôl i’r tŷ - awgrym i ail ystyried y safle
·
Er yr addasiadau uchder,
byddai’r sied yn parhau yn uchel ac yn debygol o gael effaith ar y tŷ
·
Tyddyn yw’r tŷ ac felly
angen ystyried y polisi yng nghyd-destun ‘amaeth’
·
Nid
yw’r Cyngor Cymuned yn fodlon gyda’r dyluniad
ch) Cynigiwyd ac eiliwyd i gynnal
ymweliad safle
d)
Cynigiwyd ac eiliwyd gwelliant
i ohirio'r penderfyniad er mwyn i swyddogion ail asesu y cais, edrych ar
leoliad y llwybr cyhoeddus a’r cyfiawnhad am yr angen i’r fath adeilad a
chyflwyno adroddiad diwygiedig.
PENDERFYNWYD gohirio er mwyn ail asesu y cais a chyflwyno adroddiad diwygiedig.
Dogfennau ategol: