Agenda item

1.1   Cymeradwyo a nodi sefyllfa ariannol derfynol adrannau’r Cyngor am 2016/17.

1.2    Cymeradwyo’r symiau i’w cario ymlaen (y golofn “Gor/(Tan) Wariant Addasedig” o’r talfyriad yn Atodiad 1), sef:

1.3   Cymeradwyo’r argymhellion a’r trosglwyddiadau ariannol canlynol (sydd wedi’u egluro yn Atodiad 2) –

• Defnyddio (£46k), sef tanwariant uwchlaw £100k Oedolion, Iechyd a Llesiant i gyfrannu tuag at ddiffyg mewn adran arall.
• Clirio gorwariant yr Adran Plant a Theuluoedd er mwyn caniatáu iddynt symud ymlaen i wynebu her 2017/18, a'i ariannu drwy ail gyfeirio tanwariant yr Adran Oedolion Iechyd a Llesiant (£46k) a thanwariant Corfforaethol (£151k).
• Clirio gorwariant yr Adran Priffyrdd a Bwrdeistrefol er mwyn caniatáu iddynt symud ymlaen i wynebu her 2017/18, a'i ariannu drwy ail gyfeirio tanwariant Corfforaethol (£88k).
• Defnyddio’r tanwariant £939k ar Gyllidebau Corfforaethol am 2016/17 fel a ganlyn:

- £151k i glirio gorwariant Adran Plant a Theuluoedd

- £88k i glirio gorwariant Adran Priffyrdd a Bwrdeistrefol

- £700k i’w glustnodi mewn cronfa er mwyn cyfrannu tuag at Strategaeth Ariannol i'r dyfodol.

1.4 Cymeradwyo’r trosglwyddiadau ariannol o gronfeydd penodol a rhyddhau’r ddarpariaeth fel a amlinellir yn Atodiad 3 yn dilyn adolygiad cynhwysfawr o gronfeydd a darpariaethau.

1.5 Datgan i’r adrannau mai dim ond mewn amgylchiadau arbennig iawn y bydd y Cabinet yn clirio gorwariant i’r dyfodol, ac y bydd disgwyl i adrannau gario unrhyw orwariant ymlaen yn y dyfodol (yn unol a’r drefn o gario tanwariant ymlaen).

Cyflwynwyd yr adroddiad gan Cyng. Peredur Jenkins

PENDERFYNIAD

1.1   Cymeradwyo a nodi sefyllfa ariannol derfynol adrannau’r Cyngor am 2016/17.

1.2   Cymeradwyo’r symiau i’w parhau (y golofn “Gor/(Tan) Wariant Addasedig” o’r talfyriad yn Atodiad 1), sef:

1.3   Cymeradwyo’r argymhellion a’r trosglwyddiadau ariannol canlynol (sydd wedi’u hegluro yn Atodiad 2) -

• Defnyddio (£46k), sef tanwariant uwchlaw £100k Oedolion, Iechyd a Llesiant i gyfrannu tuag at ddiffyg mewn adran arall.
• Clirio gorwariant yr Adran Plant a Theuluoedd er mwyn caniatáu iddynt symud ymlaen i wynebu her 2017/18, a'i ariannu drwy ail gyfeirio tanwariant yr Adran Oedolion Iechyd a Llesiant (£46k) a thanwariant Corfforaethol (£151k).
• Clirio gorwariant yr Adran Priffyrdd a Bwrdeistrefol er mwyn caniatáu iddynt symud ymlaen i wynebu her 2017/18, a'i ariannu drwy ail gyfeirio tanwariant Corfforaethol (£88k).
• Defnyddio’r tanwariant £939k ar Gyllidebau Corfforaethol am 2016/17 fel a ganlyn:

- £151k i glirio gorwariant Adran Plant a Theuluoedd

- £88k i glirio gorwariant Adran Priffyrdd a Bwrdeistrefol

- £700k i’w glustnodi mewn cronfa er mwyn cyfrannu tuag at Strategaeth Ariannol i'r dyfodol.

1.4 Cymeradwyo’r trosglwyddiadau ariannol o gronfeydd penodol a rhyddhau’r ddarpariaeth fel a amlinellir yn Atodiad 3 yn dilyn adolygiad cynhwysfawr o gronfeydd a darpariaethau.

1.5 Datgan i’r adrannau mai dim ond mewn amgylchiadau arbennig iawn y bydd y Cabinet yn clirio gorwariant i’r dyfodol, ac y bydd disgwyl i adrannau gario unrhyw orwariant ymlaen yn y dyfodol (yn unol â’r drefn o gario tanwariant ymlaen).

TRAFODAETH

Cyflwynwyd yr adroddiad i ystyried a nodi sefyllfa ariannol derfynol adrannau’r Cyngor. Nodwyd fod yr adroddiad yn un calonogol iawn a diolchwyd i’r aelodau staff am ei greu. Crynodebau fesul adran sydd i’w weld yn atodiad 1, sy’n dangos fod mwyafrif o’r adrannau yn tanwario. Nodwyd os yw adran yn tanwario uwchlaw £100k bydd yr arian yn cael ei drosglwyddo i adrannau a phrosiectau eraill.

Nodwyd fod tanwariant o £939k o dan benawdau cyllideb gorfforaethol, gyda £239k ohono yn mynd tuag at leddfu gorwariant mewn dwy adran. Mynegwyd fod £700k yn cael ei glustnodi ar gyfer ariannu strategaeth ariannol i’r dyfodol, a golygai hyn fod £1.76m mewn cronfa benodol i’r perwyl. Gan fod y Cyngor yn wynebu cyfnod o ansicrwydd ynglŷn â lefel ariannu grant Llywodraeth erbyn 2018/19 a thu hwnt, gallasai’r  gronfa yma roi’r amser i’r Cyngor gynllunio er mwyn ymateb yn briodol.

Nodwyd fod yr adroddiad wedi bod at y Pwyllgor Archwilio, a'u bod yn cefnogi’r argymhellion.

Adroddwyd fod y Pwyllgor Archwilio wedi holi am addasu cyllidebau 2017/18 yr adrannau i adlewyrchu perfformiad ariannol 2016/17.  Bu iddynt holi a derbyn eglurhaon o’r gorwariant yn yr Adran Plant a’r tanwariant yn yr Adran Oedolion, a sefydlwyd fod hynny ddim oherwydd methiant i ddarparu gwasanaethau. Nodwyd gweithrediad masnachol yr Adran Ymgynghoriaeth.

Sylwadau’n codi o’r drafodaeth:

-        Trafodwyd gan fod yr adrannau yn tanwario os bydd hyn yn rheswm i’r Llywodraeth leihau maint y grant i’r dyfodol. Nodwyd nad oedd yn rheswm ar gyfer lleihau grant gan fod hwnnw yn destun fformiwla nad oedd unrhyw beth i’w wneud a pherfformiad cyllidol.

Trafodwyd y ddadl am glirio gorwariant adrannau a’r peryglon o greu diwylliant lle nad oes gan gorwario unrhyw sgil effaith. Penderfynwyd ychwanegu pwynt 1.5 i’r argymhelliad i ddatgan i adrannau mai dim ond mewn achosion arbennig y bydd y Cabinet yn clirio gorwariant y dyfodol ac y bydd disgwyl i adrannau gario unrhyw orwariant ymlaen yn y dyfodol.