Cofnod:
Adeiladu adeilad ffram portal
ar gyfer ail leoli busnes trwsio cerbydau ynghyd â gwella mynedfa, llawr caled
allanol, draenio a thirlunio
(a) Ymhelaethodd y Rheolwr Cynllunio ar gefndir y cais,
gan nodi bod polisi D7 o’r CDUG yn datgan y caniateir
cynigion ar gyfer gweithdai neu unedau diwydiannol
/ busnes ar raddfa fach y tu
allan i ffiniau
datblygu os gellir dangos mai
safle’r datblygiad oedd y lleoliad mwyaf addas i
gyflenwi’r angen ac os gellir cydymffurfio
gyda meini prawf yn y polisi.
Nodwyd yr ystyriwyd fod y datblygiad o ran ei faint yn un ar
raddfa fach. Roedd gofyn hefyd
fod y safle yn cael ei
gyfiawnhau fel yr un mwyaf
addas i gyflenwi’r
angen. Adroddwyd y cyflwynodd yr ymgeisydd
wybodaeth am nifer o safleoedd roedd wedi ei ystyried
ac nad ydynt
yn addas neu ddim ar
gael am amrywiol resymau. O’r wybodaeth
a gyflwynwyd ymddengys fod ymdrech wedi
ei wneud i geisio safle
neillog, gan gynnwys safleoedd ar neu ger
stadau diwydiannol presennol, ac nad
oedd safle neillog addas ar
gael.
Eglurwyd bod y bwriad yn cydymffurfio efo’r meini prawf
o dan y polisi hwn oherwydd:
·
Bod y safle wedi ei leoli
yn union gerllaw ffin ddatblygu’r pentref. Er y byddai
peth wahaniad oddi wrth yr
adeilad agosaf tua’r dwyrain ystyriwyd
bod y bwriad wedi ei leoli yn
gymharol agos at adeiladau yn y pentref a pan fyddai’r tai oedd gyda chaniatâd
cynllunio byw ar eu cyfer
ar yr ochr
ddeheuol o’r ffordd sirol yn
cael eu hadeiladu
byddai’r bwriad yn ymddangos fel
ei fod wedi
ei leoli o fewn grŵp o adeiladau.
·
Bod graddfa’r bwriad yn dderbyniol
ar gyfer y safle;
·
Y byddai’r tirlunio arfaethedig yn digolledu yn
erbyn y golled o’r clawdd presennol
er mwyn creu
mynedfa addas. Gellir gofyn hefyd
fel rhan o’r manylion tirlunio
am gynllun rheoli tymor hir ar
gyfer y tirweddu;
·
Ni ystyriwyd y byddai’r bwriad yn achosi niwed
arwyddocaol i’r gymdogaeth leol o ran ei raddfa, math a dyluniad.
Tynnwyd sylw bod y safle o fewn Tirwedd o Ddiddordeb Hanesyddol Eithriadol Llŷn ac Enlli. Nodwyd o ran ei leoliad a’i
faint ystyriwyd mai yn lleol y byddai
effaith y bwriad ac na fyddai’n
cael effaith ehangach ar y dirwedd
hanesyddol.
Nodwyd
yr ystyrir y datblygiad yn addas a derbyniol ar gyfer y safle
a’i fod yn cydymffurfio gyda’r polisïau a chanllawiau lleol a chenedlaethol a
nodwyd yn yr adroddiad.
(b) Yn manteisio ar yr
hawl i siarad nododd asiant yr
ymgeisydd y prif bwyntiau canlynol:-
·
Bod archwiliad safleoedd posib i ail leoli’r busnes
yn dangos diffyg safleoedd addas heblaw am y safle dan sylw;
·
Byddai ymestyn cyfyngiad cyflymder 30mya y pentref tu hwnt
i’r safle yn gwella diogelwch
ffordd;
·
Byddai’r bwriad yn diogelu
busnes a oedd yn cyflogi 3 llawn
amser a 4 rhan amser;
·
Byddai’r bwriad yn diogelu
gwasanaeth pwysig yng nghefn gwlad;
·
Bod y bwriad yn cydymffurfio â pholisïau’r CDUG;
·
Nad oedd gwrthwynebiad i’r bwriad a derbyniwyd
80 llythyr o gefnogaeth gan y gymdogaeth leol.
(c) Gwnaed y prif bwyntiau
canlynol gan yr aelod lleol
(nad
oedd yn aelod
o’r Pwyllgor Cynllunio hwn):-
·
Bod angen gwaith yng nghefn
gwlad;
·
Bod y Cyngor Cymuned, yr Uned
Drafnidiaeth, Cyfoeth Naturiol Cymru a’r gymuned o blaid y cais;
·
Wedi bod yn amser dyrys i’r
busnes ond gobeithir y cefnogi’r cais.
(ch) Cynigwyd
ac eiliwyd i ganiatáu’r cais.
Yn ystod y drafodaeth ddilynol nodwyd y prif sylwadau
canlynol gan aelodau:
·
Bod y lleoliad yn ardderchog ac fe fyddai’r datblygiad
o fudd i’r economi leol;
·
Cwestiynu’r amser agor a
argymhellir. Byddai’n annheg rhwystro’r busnes rhag cystadlu
gan gyfyngu’r oriau felly dylid newid yr oriau
agor i rhwng
8 y bore a 6 yr hwyr ac ychwanegu bore dydd Sadwrn er mwyn
bod yr un fath a busnesau tebyg;
·
Balch bod y Cyngor wedi cydweithio efo’r ymgeisydd i gael ateb a nodi diolch
i’r ymgeisydd a swyddogion.
Mewn ymateb i’r sylwadau uchod, nododd y Rheolwr
Cynllunio mai’r ymgeisydd oedd wedi cynnig yr oriau agor.
PENDERFYNWYD dirprwyo’r hawl i’r Uwch Reolwr Cynllunio ganiatáu’r cais efo
amodau yn ddarostyngedig i gynnal trafodaethau efo’r ymgeisydd o ran oriau gwaith.
Amodau:
1. Cychwyn o fewn 5 mlynedd.
2. Cwblhau yn unol gyda chynlluniau.
3. Yr adeilad i fod o liw gwyrdd BS 12 C 39.
4. Cyflwyno a chytuno cynllun ar gyfer
adeiladu’r clawdd a thirlunio ynghyd â chyflwyno cynllun rheoli hir dymor ar
gyfer y tirweddu.
5. Gweithredu’r cynllun tirlunio.
6. Adeiladu’r cloddiau cyn cychwyn ar y
defnydd.
7. Oriau Gwaith.
8. Amodau Priffyrdd.
9. Adeiladu byndiau addas ar gyfer tanciau.
10. Amod Dŵr Cymru.
11. Cynllun goleuo i’w gytuno a dim goleuadau
allanol eraill i’w gosod heb ganiatâd ysgrifenedig yr Awdurdod Cynllunio Lleol.
12. Dim trwsio cerbydau y tu allan i’r adeilad.
Dogfennau ategol: