Agenda item
- Cyfarfod Pwyllgor Cynllunio, Dydd Llun, 24ain Ebrill, 2017 1.00 y.h. (Item 5.2)
- Y cefndir i eitem 5.2
Datblygiad preswyl o 5 tŷ fforddiadwy ynghyd â mynediad gerbydol newydd a lôn stâd.
AELOD LLEOL: Cynghorydd W. Gareth Roberts
Dolen
i’r dogfennau cefndir perthnasol
Cofnod:
Datblygiad
preswyl o 5 tŷ fforddiadwy ynghyd â mynediad cerbydol newydd a lôn stad.
(a) Ymhelaethodd y Rheolwr Cynllunio ar gefndir
y cais, gan nodi bod y safle yn ei gyfanrwydd
wedi ei leoli
y tu allan
ond yn union gerllaw ffin datblygu
pentref Aberdaron. Nodwyd bod polisi C1 o’r CDUG yn datgan
y caniateir cynigion am dai fforddiadwy
ar safleoedd gwledig addas oedd
union ar ffin pentrefi a chanolfannau lleol fel eithriad
i bolisïau tai arferol os gellir
cydymffurfio gyda’r holl feini prawf
a gynhwysir yn y polisi.
Eglurwyd bod y bwriad yn cydymffurfio efo’r meini prawf
o dan y polisi hwn oherwydd:
·
Bod y wybodaeth a gyflwynwyd yn y Datganiad Tai Fforddiadwy ac ymateb yr Uned
Strategol Tai yn cadarnhau bod angen yn yr ardal
am unedau fforddiadwy;
·
Y byddai’r safle yn ffurfio
estyniad rhesymegol i ffurf adeiledig
y rhan yma o bentref Aberdaron ac na fyddai’n ffurfio
estyniad annerbyniol i gefn gwlad;
·
Y cyfyngir meddiannaeth y tai fel tai fforddiadwy drwy gytundeb 106 tai fforddiadwy ar gyfer angen lleol
cyffredinol.
Cadarnhawyd bod y tai yn cyd-fynd
gyda gofynion Canllaw Cynllunio Atodol: Tai Fforddiadwy o ran maint. Adroddwyd y derbyniwyd gwybodaeth am bris marchnad agored y tai gyda’r prisiad
yn nodi y byddai pris y tai ar y farchnad agored
rhwng £230,000 a £250,000. Nodwyd
o ystyried y prisiau a dderbyniwyd a sylwadau’r Uned Strategol Tai yr ystyriwyd y dylai disgownt o werth pris marchnad
agored y tai fod o leiaf 40%.
Nodwyd bod yr Uned Drafnidiaeth
yn fodlon gyda’r bwriad os
caniateir y cais efo amodau o ran y fynedfa a pharcio.
Roedd y datblygiad yn dderbyniol o safbwynt polisïau lleol a chenedlaethol perthnasol am y rhesymau a roddwyd yn yr
adroddiad.
(b) Cefnogwyd y cais gan yr aelod
lleol (nad oedd
yn aelod o’r Pwyllgor Cynllunio
hwn), nododd ei fod yn
estyniad rhesymegol i’r pentref a dylid
cefnogi pobl ifanc leol yn
eu hymgais i gael cartref.
(c) Cynigwyd ac eiliwyd i ganiatáu’r cais.
Nododd
aelod ei fod yn croesawu’r
cais ond yn pryderu o ochr
fforddiadwyedd y tai, nid oedd yn
amlwg bod yr Uned Strategol Tai yn hollol fodlon
efo’r hyn a gynigir. Roedd yn synnu nad oedd cymysgedd o dai ac o’r farn bod angen
rhoi cyfle i bobl ifanc
oedd angen tŷ 2 neu 4 ystafell wely.
Mewn
ymateb, nododd y Rheolwr Cynllunio bod y Datganiad Tai Fforddiadwy yn nodi bod y tai
yn cyfarch anghenion 5 teulu penodol.
Nododd
aelod ei fod wedi ei
argyhoeddi’n llwyr fod angen lleol
a bod y bwriad yn cyfarch anghenion cyplau ifanc a
oedd eisiau byw’n lleol.
PENDERFYNWYD dirprwyo’r hawl i’r Uwch Reolwr
Cynllunio i ganiatáu’r cais yn ddarostyngedig i’r ymgeisydd gwblhau cytundeb
106 yn clymu’r tai fel tai fforddiadwy angen cyffredinol.
Amodau:
1. Amser
2. Cydymffurfio gyda chynlluniau
3. Llechi ar y to
4. Cytuno deunyddiau waliau allanol.
5. Tynnu hawliau datblygiadau a ganiateir
6. Sicrhau na fydd y modurdy/ cwt /balconi ond
yn cael eu defnyddio i’r perwyl hynny a ddim yn cael eu newid i ffurfio rhan o
ystafelloedd y tŷ.
7. Priffyrdd
8. Cynllun draenio.
9. Cytuno ar union fanylion y cloddiau.
Nodiadau
1. Dŵr Cymru.
2. Priffyrdd.
Dogfennau ategol:
- Tir rhwng Y Ddôl a Penllech Bach, Lon Deunant, Aberdaron, eitem 5.2 PDF 365 KB
- Cynlluniau, eitem 5.2 PDF 1 MB