Agenda item

• Cymeradwyo’r Asesiad Digonolrwydd Gofal Plant 2017-22 er gyfer ei gyflwyno i Lywodraeth Cymru
• Defnyddio’r adnoddau a chyllid presennol i fynd i’r afael a’r bylchau a amlygwyd yn yr Asesiad, a datblygu gofal plant ychwanegol lle bo’r angen, yn unol ar gynllun gweithredu.

Cyflwynwyd yr eitem gan Cyng. Mair Rowlands

PENDERFYNWYD

• Cymeradwyo’r Asesiad Digonolrwydd Gofal Plant 2017-22 ar gyfer ei gyflwyno i Lywodraeth Cymru
• I ddefnyddio adnoddau a chyllid presennol i fynd i’r afael a’r bylchau a amlygwyd yn yr Asesiad, ac i ddatblygu gofal plant ychwanegol lle bo angen, yn unol ar cynllun gweithredu.

TRAFODAETH

Cyflwynwyd yr adroddiad ac Asesiad Digonolrwydd Gofal Plant 2017-22, gan nodi fod yr Asesiad angen ei gyflwyno i Lywodraeth Cymru erbyn 30 Ebrill. Amlygwyd y bydd angen defnyddio adnoddau a chyllid presennol i fynd i’r afael a’r bylchau sydd wedi ei amlygu i gyd fynd a’r Cynllun Gweithredu.

Mae Deddf Gofal Plant 2006 (Asesiad Awdurdodau Lleol) (Cymru) 2016, yn mynnu fod Awdurdodau Lleol yn paratoi Asesiad o ddigonolrwydd y ddarpariaeth gofal yn eu hardal ac yn adolygu y rhain yn rheolaidd. Nodwyd fod Cynllun Gweithredu yn adnabod y blychau o fewn yr asesiad ac mae trefn yn ei lle o fewn Canllawiau Statudol Gofal Plant.

Sylwadau yn codi o’r drafodaeth

-       Holwyd sut y bydd y Cynllun 30 awr o ofal plant yn cydweithio a’r prosiect hwn. Nododd Rachel Jones ei bod wedi ysgrifennu’r asesiad ynghyd a gweithio gyda’r cynllun 30 awr o ofal plant, ac o ganlyniad bydd y ddau brosiect yn cydblethu.

-       Nodwyd yn adran Camau Gweithredu yn yr Asesiad nad oes llawer wedi ei nodi yn y golofn Cerrig Milltir felly holwyd pwy fydd a’r cyfrifoldeb fod y cerrig milltir yn digwydd. Pwysleisiwyd y bydd cerrig milltir ar gyfer pob cam gweithredu ynghyd a sefydlu Bwrdd Strategol Gofal Plant ar y cyd rhwng Gwynedd a Môn.

-       Cwestiynwyd pam y bu ymateb holiaduron rhieni yn yr ymgynghoriad mor isel – nododd Rachel Jones fod y Llywodraeth wedi cysoni yr asesiad a holiaduron dros Gymru a nodwyd o ganlyniad i hyn fod ymatebion wedi bod yn isel ar draws Cymru. Amlygodd Rachel yn ogystal ei bod wedi creu holiadur byr lleol ei hun yn ogystal er mwyn cael mwy o wybodaeth gan  rieni. 

-       Nodwyd fod grantiau yn cyd-fynd a’r Asesiad, ond natur grantiau yw e bod yn dod i ben a ble fydd yn hyn gadael y gwasanaeth. Pwysleiswyd fod hyn i’w weld ym mhob adran a bydd yr adran yn blaenoriaethu a edrych ar eu gwasanaethau.

-       Pan yn edrych ar y Gymraeg, holwyd os y bydd y cynllun a’r gofal plant sydd ar gael yn cyd-fynd a polisi iaith yr adran addysg. Amlygwyd fod yr eirfa a ddefnyddwyd yn yr holiadur yn nodi os y ddarpariaeth drwy gyfrwng y Gymraeg ond yn cwblhau gwaith papur drwy gyfrwng y Seasneg wedi eu nodi fel lleioliad sy’n gweithio yn ddwyieithog er fod y ddarpariaeth ar gael drwy’r Gymraeg i’r plant. Pwylsieswyd mai dilyn geifra Llywodraeth Cymru oedd yr holiadur a nodwyd fod angen cadarnhau fod y ddarpariaeth ar gael drwy gyfrwng y Gymraeg.

-       Mynegwyd fod trafodaeth ar hyn o bryd i ddatblygu cynllun gofal rhyngenhedlaeth yn digwydd gyda Prifysgol Bangor i ddod a gofal plant a gofal pobl hyn at ei gilydd, nodwyd fod yr adran yn gobeithio y bydd perthynas rhwng y cynllun hwn a’r asesiad.

Cyn terfynu diolchodd Arweinydd y Cyngor i swyddogion y Cyngor am eu cefnogaeth yn ystod ei gyfnod fel Arweinydd y Cyngor.