Agenda item
- Cyfarfod Pwyllgor Cynllunio, Dydd Llun, 13eg Mawrth, 2017 1.00 y.h. (Item 5.6)
- Datganiadau o fuddiant ar gyfer eitem 5.6
Trosi adeiladau presennol yn dair uned wyliau hunan-wasanaeth.
AELOD LLEOL: Cynghorydd R Hefin Williams
Dolen i’r dogfennau cefndir perthnasol
Cofnod:
Trosi
adeiladau presennol yn dair uned wyliau hunanwasanaeth.
(a) Ymhelaethodd y Swyddog Rheolaeth Datblygu ar gefndir y cais, gan
nodi bod y cais yn cwrdd â gofynion polisïau C4 a D15 o’r CDUG ac felly yn dderbyniol
mewn egwyddor. Cydnabuwyd ei fod yn anorfod y byddai peth sŵn ac ymyrraeth
yn deillio o'r safle ond, o ystyried bod y safle ar gyrion clwstwr o 21 tŷ
presennol, ni ystyrir y byddai'r ymyrraeth a fyddai’n deillio o dair uned
wyliau yn achosi niwed arwyddocaol ychwanegol i fwynderau trigolion.
Nodwyd nad oedd gan y Cyngor Cymuned wrthwynebiad i’r bwriad
ond eu bod yn amlygu eu pryder bod y ffordd at y safle yn gul a gall rhagor o
drafnidiaeth creu problemau. Tynnwyd sylw bod yr Uned Drafnidiaeth yn derbyn,
er byddai'r datblygiad yn debygol o arwain at ychwanegiad mewn lefelau traffig
ar y rhwydwaith ffordd leol, ni fyddai'r cynnydd hwnnw yn gynnydd afresymol nag
yn niweidiol i ddiogelwch y rhwydwaith ffyrdd.
Nodwyd y derbyniwyd cryn ohebiaeth gan wrthwynebydd yn
dangos tystiolaeth o ddigwyddiadau llifogydd hanesyddol yn yr ardal gan gynnwys
honiadau nad oedd y system garthffosiaeth leol yn ddigonol i ymdopi ag unrhyw
gynnydd mewn defnydd. Adroddwyd bod Dŵr
Cymru wedi cadarnhau bod capasiti yn y system
garthffos gyhoeddus i gymryd carthffosiaeth o dair uned ychwanegol ar yr amod
nad oedd dŵr wyneb neu ddŵr draenio tir yn llifo i'r system. Tynnwyd
sylw nad oedd gan CNC na Adran Draenio Tir Ymgynghoriaeth
Gwynedd wrthwynebiad i'r datblygiad. Cadarnhawyd na fyddai estyniadau i'r
adeiladau a byddai wyneb yr ardaloedd parcio o lechi mâl rhydd ac felly ni
fyddai cynnydd yn yr arwyneb caled ar y ddaear, o'r herwydd nid fyddai’r
datblygiad yn debygol o waethygu problemau draenio dŵr mewn unrhyw ffordd.
Tynnwyd sylw at y sylwadau
ychwanegol a dderbyniwyd.
Roedd y datblygiad yn dderbyniol
o safbwynt polisïau lleol a chenedlaethol perthnasol am y rhesymau a roddwyd yn yr
adroddiad.
(b) Yn manteisio ar yr
hawl i siarad nododd gwrthwynebydd y prif bwyntiau canlynol:-
·
Pryderon o ran diogelwch ffyrdd;
·
Fe fyddai’r bwriad yn effeithio
ar hawliau dynol y trigolion a warchodir gan Erthyglau
2 a 8 o’r Confensiwn Ewropeaidd ar Hawliau
Dynol (ECHR);
·
Bod cais wedi ei wrthod
oddeutu 30 mlynedd yn ôl oherwydd
bod y ffordd yn rhy gul;
·
Ei fod yn gwrthwynebu’r balconi oherwydd y byddai gor-edrych.
(c) Yn manteisio ar
yr hawl i siarad nododd yr
ymgeisydd y prif bwyntiau canlynol:-
·
Bwriad y cais oedd defnyddio’r adeiladau ar gyfer
busnes cynaliadwy i alluogi ei
blant ddychwelyd i’r ardal;
·
Eu bod am fanteisio ar y farchnad gwyliau
gwyrdd a darparu llecyn tir bywyd
gwyllt ar y safle;
·
Bod yr Uned Drafnidiaeth o’r farn na
fyddai cynnydd sylweddol o ran traffig;
·
Bod y bwriad yn darparu 8 lle
parcio ar y safle a’i fod
yn barod i greu man pasio
newydd;
·
Y byddai’r
cais yn sicrhau
defnydd economaidd o’r adeiladau fferm.
(ch) Gwnaed y prif bwyntiau canlynol
gan yr aelod
lleol (oedd yn aelod o’r
Pwyllgor Cynllunio hwn):-;
·
Pryder o ran diogelwch ffyrdd
ar y lôn gul, fe fyddai 8 car ychwanegol yn gorlwytho’r lôn;
·
Bod problemau carffosiaeth yn yr ardal, fe fyddai’r bwriad yn gorlwytho’r
system;
·
Er yr holl addewidion gan yr
ymgeisydd, pe byddai newid ym mherchnogaeth y safle y byddai perygl o ran cenedlaethau’r
dyfodol;
·
Gofyn i’r Pwyllgor ymweld â’r safle.
(d) Mewn ymateb i’r sylwadau
uchod, nododd yr Uwch Reolwr Cynllunio:
·
Bod argymhelliad cadarn
gerbron ac nid oedd gwrthwynebiad gan y cyrff statudol;
·
Bod yr ymgeisydd yn gwirfoddoli
darpariaethau pellach o ran man pasio ar y ffordd a llecyn tir bywyd gwyllt ar
y safle;
·
Y gellir
ymweld â’r safle i weld y mannau pasio ar y ffordd.
PENDERFYNWYD caniatáu’r cais.
Amodau:
1. Pum mlynedd
2. Yn unol â’r
cynlluniau
3. Deunyddiau’r balconi i’w cytuno
4. Defnydd gwyliau yn unig/cadw cofrestr
5. Tynnu hawliau datblygiad a ganiateir
6. Amod bioamrywiaeth
7. Angen cytuno cynllun draenio dŵr wyneb a
dŵr tir
8. Creu mannau parcio cyn preswylio’r unedau
gwyliau
9. Cytuno
ar leoliad a chreu llecyn pasio ceir ar dir yr ymgeisydd cyn dechrau’r
datblygiad ac i’w gadw
10. Creu
ardal bywyd gwyllt
Dogfennau ategol: