Cais llawn i godi 12 tŷ ynghyd â chreu mynedfa a lôn stad.
AELOD LLEOL: Cynghorydd Elfed Wyn Williams
Dolen
i’r dogfennau cefndir perthnasol
Cofnod:
Cais llawn i godi 12 tŷ ynghyd a chreu mynedfa a lôn
stad.
(a)
Ymhelaethodd y Rheolwr
Cynllunio ar gefndir y cais, gan nodi bod y safle wedi ei
glustnodi yng Nghynllun Datblygu Unedol Gwynedd (CDUG) ar gyfer datblygiad preswyl (tai ar gyfer angen cyffredinol
a’r farchnad agored) a bod Briff Datblygu wedi ei
ddarparu ar gyfer y safle i
gyd fynd â’r dynodiad. Ymhelaethwyd
y byddai’r bwriad yn golygu codi
4 tŷ 3-llofft (tai fforddiadwy),
4 tŷ 2-lofft (farchnad
agored) ynghyd â 4 tŷ 3-llofft (farchnad agored).
Nodwyd bod y bwriad o ddarparu elfen o dai fforddiadwy
ynghyd â darparu cymysgedd o wahanol dai ar y safle hwn yn cyd-fynd ac amcanion
polisi’r CDUG a Cynllun Datblygu Lleol
ar y Cyd Gwynedd a Môn(CDLL) . Eglurwyd er nad oedd y CDLLwedi ei fabwysiadu roedd bellach yn ystyriaeth
cynllunio berthnasol o ran rheolaeth datblygu. Ymhelaethwyd bod polisi
cenedlaethol yn datgan ei fod yn bwysig cael cyfuniad o dai gwerth y farchnad a
thai fforddiadwy angen lleol ynghyd â’r angen i
ddarparu gymaint â phosibl o dai fforddiadwy ar draws yr ardal.
Nodwyd o ran y materion trafnidiaeth a mynediad,
bioamrywiaeth a llifogydd roedd yr amodau a argymhellir yn gwneud y cais yn
dderbyniol.
Adroddwyd bod yr ymgeisydd wedi cyflwyno asesiad hyfywdra a
oedd yn datgan na fyddai’r datblygiad yn hyfyw pe roddir cyfraniad addysgol a
chyfraniad o ran llecynnau agored o werth adloniadol i ymateb i’r gofynion
polisi. Cyfeiriwyd at asesiad yr Uned Bolisi Cynllunio ar y Cyd o’r wybodaeth a
gyflwynwyd. Nodwyd ar sail asesiad yr Uned Bolisi Cynllunio ar y Cyd ei fod yn
glir na fyddai’r datblygiad yn hyfyw pe bod angen y cyfraniadau. Nodwyd bod
polisi cenedlaethol yn nodi, cyn belled a bod yr
isadeiledd a oedd ei angen ar gyfer gwireddu’r datblygiad wedi ei warchod,
darparu tai fforddiadwy ddylid cael blaenoriaeth.
(b)
Gwnaed cais i rannu
lluniau, nodwyd na ellir eu
rhannu yn y cyfarfod ond fe
ellir eu cyflwyno i’r Gwasanaeth
Cynllunio.
Yn manteisio ar yr hawl
i siarad nododd gwrthwynebydd y prif bwyntiau canlynol:-
·
Bod problemau o ran llifogydd yn bresennol
yn yr ardal;
·
Bod y Cyngor a Chyfoeth Naturiol Cymru (CNC) yn edrych ar ddatrysiad
i’r problemau ac fe fyddai caniatáu’r
cais hwn yn ei atal
rhag mynd yn ei flaen;
·
Y byddai’r bwriad yn gwaethygu’r
sefyllfa o ran problemau llifogydd.
(c)
Yn manteisio ar yr
hawl i siarad nododd asiant yr
ymgeisydd y prif bwyntiau canlynol:-
·
Bod pryderon o ran llifogydd ar dir
cyfagos a bod y Cyngor a
CNC wedi asesu’r sefyllfa;
·
Bod rhaid cadw’r ffoes er
mwyn i’r bwriad fod yn
dderbyniol gan yr Uned Bioamrywiaeth;
·
Nid oedd trafodaeth wedi cymryd lle efo’r
perchennog o ran defnyddio’r
tir dan sylw
fel rhan o’r datrysiad i’r
problemau llifogydd;
·
Safle’r cais wedi ei glustnodi
fel safle tai;
·
Bod trafodaethau
wedi eu cynnal
o ran dyluniad a draenio tir, roedd y materion
wedi eu cyfarch.
(ch) Gwrthwynebwyd y cais
gan yr aelod
lleol (nad oedd yn
aelod o’r Pwyllgor Cynllunio hwn) a gwnaed y prif bwyntiau canlynol ganddo:-
·
Cwestiynu’r angen am dai o
ystyried bod 5 safle yn yr ardal wedi derbyn caniatâd am gyfanswm o 49 o dai,
nid oedd unrhyw un wedi cychwyn er bod Tai Teg yn nodi bod galw am dai;
·
Dylid ystyried y ffaith bod y
safle wedi ei dynnu allan o’r CDLL fel safle ar gyfer tai;
·
Bod problemau llifogydd yn yr
ardal a ni fyddai’r bwriad yn gwella’r sefyllfa;
·
Pryder y byddai cyflwr y lôn
yn gwaethygu oherwydd cynnydd yn y defnydd a dŵr ar y lôn;
·
Fe ddylid cynnwys llecyn
agored o werth adloniadol yn y datblygiad yn unol â’r
briff datblygu o ystyried nad oes palmant o’r safle i’w wneud yn ddiogel i fynd
i lecyn arall.
(d) Mewn ymateb i’r sylwadau uchod nododd yr Uwch Reolwr Gwasanaeth Cynllunio:
·
Bod yr adroddiad yn cyfarch y
materion draenio tir a llifogydd, roedd CNC a Dŵr Cymru yn fodlon efo’r
bwriad os gosodir amod o ran cyflwyno cynllun draenio ar gyfer y safle. Nododd
y gall y Pwyllgor, pe dymunir, ofyn i’r ymgeisydd gyflwyno cynllunio draenio
cyn penderfynu ar y cais;
·
Nad oedd gan yr Uned
Drafnidiaeth wrthwynebiad;
·
Ni ellir cynnwys llecyn agored
yn y datblygiad oherwydd materion hyfywdra.
(dd) Cynigwyd ac eiliwyd i gynnal
ymweliad safle.
Gwnaed a eiliwyd gwelliant y dylid yn ogystal gofyn
i’r ymgeisydd gyflwyno cynllun draenio.
Yn ystod y drafodaeth ddilynol nodwyd y prif sylwadau
canlynol gan aelodau:
·
Ei fod yn ofyn statudol
bod gan blant le diogel i chwarae
felly fe ddylid ail-edrych ar y ddarpariaeth
o lecyn agored ar y safle neu
gyfraniad tuag at gyfleusterau newydd neu well mewn man arall;
·
Pryder ei fod yn or-ddatblygiad;
·
Ddim yn gweld tystiolaeth o’r angen gyda
gormodedd o dai ar werth yn
y pentref;
·
Y dylid derbyn adroddiad technegol o ran draenio;
·
Fe ddylai’r Aelod Lleol gymryd
rhan yn y trafodaethau a chael cyfle i gyflwyno
tystiolaeth.
PENDERFYNWYD gohirio’r cais er mwyn cynnal ymweliad safle a gofyn i’r
ymgeisydd gyflwyno cynllun draenio.
Dogfennau ategol: