Agenda item
- Cyfarfod Pwyllgor Cynllunio, Dydd Llun, 13eg Chwefror, 2017 1.00 y.h. (Item 5.3)
- Y cefndir i eitem 5.3
Addasu cyn Gapel i 9 uned breswyl gyda darpariaeth parcio.
AELOD LLEOL: Cynghorydd E.
Selwyn Griffiths
Dolen i'r dogfennau
cefndir perthnasol
Cofnod:
Addasu
cyn Gapel i 9 uned breswyl gyda darpariaeth parcio.
(a) Ymhelaethodd y Rheolwr Cynllunio ar gefndir y cais, gan nodi bod yr adeilad presennol yn sefyll yn wag ers oddeutu 18 mlynedd. Adroddwyd y
caniatawyd cais yn 2010 i addasu’r adeilad i 8 uned byw, ond ni weithredwyd y
caniatâd yn ystod y cyfnod statudol. Nodwyd bod safle’r cais o fewn canol tref
Porthmadog gyda ffordd dosbarth 3 yn rhedeg o flaen yr adeilad a oedd yn
adeilad rhestredig gradd II.
Ystyriwyd bod y bwriad yn dderbyniol mewn egwyddor.
Cyfeiriwyd at bolisi CH6 o’r CDUG a oedd yn ymwneud â sicrhau canran o dai
fforddiadwy mewn datblygiad o’r math yma. Nodwyd o edrych ar y cynlluniau llawr
roedd sawl un o’r unedau yn disgyn o fewn maint uned yr ystyrir i fod yn
fforddiadwy yng nghyd-destun y Canllaw Cynllunio Atodol: Tai Fforddiadwy.
Ystyriwyd nad oedd lleoliad y datblygiad yng nghanol y dref yn rhoi gwerth
premiwm ar yr unedau a fyddai’n cael eu darparu ac felly fod hyn, yn ogystal â’u maint, yn golygu fod canran o’r unedau am fod yn
fforddiadwy beth bynnag heb yr angen i gyfyngu hynny ymhellach drwy Gytundeb
106. Adroddwyd y derbyniwyd ar fore’r Pwyllgor gadarnhad o bris marchnad agored
tebygol ar gyfer yr unedau ac nid oedd pris ddim un o’r unedau yn uwch na
£110,000. Ystyriwyd y byddai’n afresymol i gyfyngu'r pris ymhellach drwy
Gytundeb 106.
Nodwyd ni fwriedir gwneud llawer o addasiadau allanol i’r
adeilad, fe fyddai’r gwaith mwyaf ar flaen yr adeilad er mwyn creu mynedfa
gerbydol newydd i ddarparu lle parcio ar gyfer bob uned byw.
Nodwyd bod y cynllun yma yn gyfle i sicrhau defnydd hirdymor
yr adeilad rhestredig gradd II a oedd yn dirywio.
Cyfeiriwyd at y gwrthwynebiadau gan drigolion lleol ar sail gor-edrych ac aflonyddwch yn ystod gwireddu’r cynllun.
Nodwyd yr argymhellir gosod amod i sicrhau fod y ffenestri a oedd yn gwynebu tŷ Gwylfa yn cael eu hail-wydro gyda gwydr
wedi ei gymylu (neu ddull tebyg) er mwyn sicrhau preifatrwydd y tŷ ac na
fyddai unrhyw or-edrych annerbyniol yn digwydd o
ganlyniad i’r bwriad.
Tynnwyd sylw at y sylwadau ychwanegol a dderbyniwyd gan yr
Uned Polisi Cynllunio ar y Cyd oedd yn nodi eu bod yn ystyried bod y bwriad a’r
materion o ran tai fforddiadwy yn dderbyniol.
Roedd y datblygiad yn dderbyniol o safbwynt polisïau lleol a chenedlaethol perthnasol am y rhesymau a roddwyd yn yr
adroddiad.
(b) Nodwyd bod yr aelod
lleol yn gefnogol i’r cais efo’r
amodau.
Cynigwyd ac eiliwyd i ganiatáu’r
cais.
(c) Yn ystod y drafodaeth ddilynol nodwyd y prif sylwadau canlynol:
·
Er bod yr unedau yn naturiol
yn fforddiadwy gan fod eu
maint yn cyfyngu eu gwerth,
ni ellir
eu hatal rhag mynd yn
lety gwyliau, felly fyddai’n bosib rhoi cytundeb 106 ar rai ohonynt?
·
Gan nad
oedd yr ymgeisydd
wedi gwrthod cytundeb 106, pam na ellir gosod cytundeb
106 a fyddai o help i’r Cyngor o ran darparu tai fforddiadwy?
·
Nid oedd gosod amod 106 yn ddatrysiad i
bob dim, roedd prisiau’r unedau yn rhesymol
beth bynnag;
·
Y byddai’r bwriad yn ddefnydd
da o’r adeilad.
Mewn ymateb i’r sylwadau, nododd yr Uwch Gyfreithiwr bod problemau efo rhoi
cytundeb 106 ar unedau pan fo prisiau marchnad agored yn isel ac fe allai disgownt ar y pris olygu eu bod yn anhyfyw. Eglurwyd nad oedd yn bosib cyfyngu unedau yn y
canolfannau mwy, fel Porthmadog, i bobl leol. Nodwyd bod polisïau cenedlaethol
yn hyrwyddo dod ac adeiladau rhestredig yn ôl i ddefnydd ac roedd costau
sylweddol ynghlwm.
PENDERFYNWYD caniatáu’r cais.
Amodau:
1. 5
mlynedd
2. Unol a’r cynlluniau diwygiedig
3. Dyluniad a gorffeniad y fynedfa gerbydol i’w gymeradwyo yn
ysgrifenedig gan yr ACLL.
4. Amod cofnod ffotograffig
5. Llechi
to i gydweddu a’r llechi presennol
6. Ffenestri
gwreiddiol i’w trwsio fel y mae ac unrhyw ffenestri amnewidir i gyd fynd a’r
gwreiddiol/amodau gwydro gyda gwydr wedi ei gymylu /afloyw
7. Drws
newydd cefn i fod o wneuthuriad pren i gyd fynd a’r gweddill
8. Nwyddau
dwr glaw o wneuthuriad haearn bwrw
9. Grisiau
gwreiddiol i’w cadw bob amser
10. Manylion
gwarchod y rhosyn to i’w gytuno o flaen llaw a’i gymeradwyo yn ysgrifenedig gan
yr ACLL
11. Rhaid
i'r gwaith adeiladau cael ei gynnal rhwng 08.00 - 18.00 ar ddydd Llun i ddydd
Gwener, 08.00 - 13.00 ar ddydd Sadwrn a dim gwaith o gwbl ar ddydd Sul neu
Wyliau'r Banc.
12. Amodau
priffyrdd
13. Dwr
Cymru
14. Manylion
unrhyw fents allanol i’w gymeradwyo yn ysgrifenedig
gan yr ACLL cyn dechrau’r gwaith.
15. Cytuno
ar gynllun i ail-ddefnyddio nodweddion mewnol o fewn y datblygiad.
Nodyn: ystlumod
Dogfennau ategol: