Agenda item
Cais i drosi cyfleusterau cyheddous di-ddefnydd i dy annedd, i gynnwys codi uchder y to presennol a newidiadau allanol.
AELOD LLEOL: Cynghorydd Gethin Glyn Williams
Dolen i'r dogfennau cefndir perthnasol
Cofnod:
Cais i drosi
cyfleusterau cyhoeddus diddefnydd i dy annedd, i gynnwys codi uchder y to
presennol a newidiadau allanol.
(a) Ymhelaethodd y Swyddog Rheolaeth Datblygu ar gefndir y cais gan nodi’r
bwriad i drosi cyn cyfleusterau cyhoeddus diddefnydd i dy annedd wedi ei leoli
ynghanol tref arfordirol Abermaw gyda’r ysgol gynradd i’r dwyrain o’r safle. Saif cae chwarae’r ysgol ar derfyn cefn a
gogleddol safle’r cais. Ceir palmant a
ffordd sirol ddi-ddosbarth i orllewin y safle gyda’r promenâd a thraeth ar
draws y ffordd. Defnyddiwyd yr adeilad
fel toiledau cyhoeddus cyn eu cau yn 1997 a’u gwerthu gan y Cyngor yng Ngorffennaf 2015.
Ceir cymysgedd o ddefnyddiau tir yn lleol sydd yn cynnwys tai preswyl,
gwestai a’r ysgol gynradd. Nodwyd bod y
safle o fewn ffin datblygu tref Abermaw ac o fewn Tirwedd o Ddiddordeb
Hanesyddol Eithriadol Mawddach.
Derbyniwyd sawl ymateb i’r ymgynghoriad gyda’r cynnig yn bodloni
gofynion trafnidiaeth, Dwr Cymru a Chyfoeth Naturiol Cymru. Fe godwyd nifer o
wrthwynebiadau gan y cyhoedd gan gynnwys ystyriaethau megis agosatrwydd yr
adeilad at gae chwarae’r ysgol, diffyg tir mwynderol o amgylch yr adeilad, bod yr adeilad yn anaddas
i’w drosi a bod safon y dyluniad yn annerbyniol ynghyd a materion eraill a’u
trafodir yn yr adroddiad. ‘Roedd hefyd gohebiaeth yn croesawu’r datblygiad fel
gwelliant i gyflwr blêr presennol y safle.
O safbwynt y
penderfyniad cynllunio, nodwyd pwysigrwydd i gofio
bod y bwriad yn ymwneud a throsi adeilad presennol i annedd o fewn ffin
ddatblygu Canolfan Leol fel y’i diffinnir gan y Cynllun Datblygu Unedol.
Tynnwyd sylw at bolisi CH11 o’r Cynllun sy’n ymwneud yn benodol a chynigion i
drosi adeiladau o fewn ffiniau datblygu ar gyfer defnydd preswyl. Rhoddwyd ystyriaeth i feini prawf y polisi
hwnnw yn yr adroddiad ac fe gredir bod y cynnig yn
cwrdd â phob un o’r meini prawf hynny. Nodwyd bod polisi C4 hefyd yn gefnogol i
addasu adeiladau gweigion at ddefnyddiau priodol newydd.
O safbwynt mwynderol, mae’r safle’n sefyll
ar ben ei hun, ac o bellter digonol oddi
wrth unrhyw eiddo preswyl eraill i beidio â chael effaith uniongyrchol arnynt.
Ystyrir yn ogystal y byddai adfer ac ail ddefnyddio’r adeilad yn cynnig
y cyfle i’w dacluso a’i atal rhag dirywio ymhellach a thrwy hynny fe ellir
gwarchod a gwella ansawdd a chyflwr y safle ac amddiffyn mwynderau gweledol yr
ardal yn gyffredinol.
Nodwyd bod hwn yn
gais i ail-ddatblygu adeilad sydd o fewn ffin ddatblygu at ddefnydd sy’n
briodol ar gyfer y lleoliad ac felly argymhellwyd i gymeradwyo’r cais gydag
amodau fel y rhestrir yn yr adroddiad.
(b) Yn manteisio ar yr
hawl i siarad, nododd y gwrthwynebydd ar ran corff llywodraethol
a rhieni Ysgol y Traeth eu bod yn gwrthwynebu’r
cais yn seiliedig
ar:
1. Mwynderau - byddai newid yr adeilad yn amharu ar fwynderau plant i chwarae
gan fod cefn yr adeilad yn ffinio hefo maes chwarae’r Ysgol
2. Dyluniad – nad oedd y cynnig yn parchu’r
ardal o ran ei raddfa gan y byddai’n
uwch na’r adeilad presennol ac allan o gymeriad
3. Deunyddiau – nad yw’r cynnig yn gwarchod
cymeriad gweledol yr ardal gan
bo’r ymgeisydd yn defnyddio dur
ac nid llechi gleision ar y to o ystyried bod yr Ysgol, gwesty a thai cyfagos
hefo toeau llechi o ansawdd uchel
4. Ail-gartrefi – bod y cais
yn arwain at gynnydd yn y nifer
o ail-gartrefi mewn cymuned lle maent
eisoes yn ffurfio cyfran uchel o’r stoc
dai
5. Risg o Lifogydd – bod Cyfoeth
Naturiol Cymru wedi dynodi’r ardal
yn fregus uchel o ran llifogydd a chyfeiriwyd at yr effaith difrifol o lifogydd 2014 yn ardal Abermaw
(c) Yn manteisio ar yr
hawl i siarad, nododd yr ymgeisydd
y prif bwyntiau canlynol:
·
Bod cynnwys llythyr ei Phensaer yn
lliniaru mwyafrif o’r pryderon
·
Ei bod yn
gweithio dros Gymru gyfan a’r
prif fwriad ydoedd prynu’r eiddo iddi fyw
ynddo ac nad oedd bwriad i wneud
elw ohono
·
Ei bod wedi cynnal trafodaethau helaeth gyda’r Adran
Gynllunio wrth ddatblygu’r cynlluniau er mwyn sicrhau bod yr holl faterion cynllunio
wedi derbyn sylw llawn
·
Bod y deunyddiau i’w defnyddio ar yr
adeilad wedi eu hawgrymu gan
yr Adran Gynllunio, fel rhan o’r broses gynllunio
·
Ei bod wedi cysylltu gyda Phennaeth Ysgol y Traeth ac yn
barod i barhau gydag unrhyw drafodaethau pellach
·
Ei bod wedi
ymrwymo i brynu trwydded parcio fel rhan o Gynllun
Parcio’r Cyngor er mwyn sicrhau
unrhyw bryderon parcio
·
Ei bod yn
ymwybodol bod yr eiddo yn cefnu
ar gaeau chwarae, fel roedd
y Cyngor ar adeg gwerthu’r eiddo a dyna pam nodwyd gan y Cyngor nad
oedd modd rhoi ffenestri mwy o faint yng nghefn yr eiddo,
a’i bod wedi ffocysu’r dyluniad i gydweddu gyda’r ardal leol
·
Ni dderbyniwyd gwrthwynebiad gan y Cyngor Tref na
Chyfoeth Naturiol Cymru mewn perthynas â llifogydd ond fe wnaed newidiadau
bychan i’r dyluniad drwy godi lefel y llawr
·
Tra’n cydnabod
bod yr adeilad yn fach roedd
yn ddigon o faint ar gyfer ty un llofft
·
Dymunir trawsnewid adeilad diddefnydd ac yn ddolur
llygaid yn dy annedd rhag iddo fynd i gyflwr gwaeth a dirywiad pellach
·
Ei bod yn fwy na bodlon cwrdd â thrigolion lleol i
sicrhau bod pawb yn hapus gyda’r gwaith adeiladu a’i bod yn dymuno bod yn rhan o’r gymuned
(ch)
Mewn ymateb i bryderon amlygwyd gan y gwrthwynebydd, nododd y Rheolwr Rheolaeth
Datblygu eu bod wedi derbyn ystyriaeth lawn ac wedi eu nodi yng nghynnwys yr adroddiad. Nodwyd ymhellach bod y bwriad arfaethedig yn gwneud
defnydd da o’r adeilad.
(d) Cynigwyd ac eilwyd i ganiatáu’r cais.
(dd) Mewn ymateb i sylwadau wnaed gan
Aelodau unigol, nododd y Rheolwr Rheolaeth Datblygu:
·
O safbwynt pryder ynglyn a
llifogydd, bod lefel llawr yr eiddo i fod o faint penodol ac y byddai hyn yn
destun amod priodol. Nid oedd gwrthwynebiad gan Cyfoeth Naturiol Cymru.
·
Na fyddai’r adeilad yn gallu dygymod
gyda tho llechi a’r bwriad
ydoedd ei gadw mor debyg
i’r hyn sydd
ar yr eiddo’n
barod
Penderfynwyd: Caniatáu yn unol
a’r amodau canlynol:
1. Cychwyn y datblygiad o fewn 5
mlynedd o ddyddiad caniatáu
2 . Unol a chynlluniau a gyflwynwyd;
3 . Deunyddiau i’w cytuno yn ysgrifenedig
cyn cychwyn datblygu;
4. Lefel
llawr gorffenedig y datblygiad ddim is na 6.53 Uwchlaw
Seilnod Ordnans;
5. Dim
ffenestri ar edrychiad cefn/gorllewinol yr adeilad, a dim i’w gosod yn y
drychiad hwn yn y dyfodol;
6 . Dim cynnydd net o ddŵr wyneb i
gael ei waredu i’r garthffos
gyhoeddus
7 . Tynnu hawliau datblygu caniataol
Dogfennau ategol: