Agenda item
- Cyfarfod Pwyllgor Cynllunio, Dydd Llun, 17eg Hydref, 2016 1.00 y.h. (Item 5.7)
- Datganiadau o fuddiant ar gyfer eitem 5.7
Codi tri ty annedd deulawr ar wahan a datblygiadau cysylltiedig
AELOD LLEOL: Cynghorydd Elfed Williams
Cofnod:
Codi tri ty annedd
deulawr ar wahân a datblygiadau cysylltiedig.
(a) Ymhelaethodd y Swyddog Rheolaeth Datblygu ar gefndir y cais gan nodi bod y
cais hwn wedi bod gerbron y Pwyllgor Cynllunio dwywaith yn barod gydag ymweliad
safle wedi’i gynnal. Esboniwyd y bwriad
i godi tri thŷ ar safle tir llwyd o fewn ffin ddatblygu Clwt y Bont.
Defnyddiwyd y safle yn y gorffennol fel safle parcio yn bennaf ar gyfer y
Swyddfa Bost dros y ffordd (sydd yn awr ar gau). Ymddengys i’r safle cael ei
greu trwy fewnlenwi deunydd yn y gorffennol i greu platfform gwastad oddeutu
60m x 30m gyda llethrau serth yn disgyn o’r tir ar dair ochr.
Cyfeiriwyd at
faterion yn ymwneud a mwynderau fel y gwelir ym mharagraffau 5.11 i 5.23 o’r
adroddiad lle ystyrir materion megis yr effaith weledol, yr effaith ar
breifatrwydd, pryderon ynghylch tir ansefydlog a materion bioamrywiaeth a
daethpwyd i’r casgliad bod y datblygiad a gynigir yn dderbyniol o safbwynt y
materion hyn yn ddarostyngedig i’r amodau a gynigir yn Rhan 7 yr adroddiad.
O ystyried fod hwn
yn safle tir llwyd, o fewn y ffin ddatblygu nodwyd bod yr egwyddor o
ddatblygu'r safle'n cael ei gefnogi gan y Cynllun Datblygu Unedol. Fodd bynnag
mae Polisi CH4 yn datgan y dylid sicrhau bod cyfran o’r unedau a fwriedir eu
hadeiladu o fewn pentrefi yn rhai fforddiadwy oni bai na fyddai’n briodol
darparu tai fforddiadwy ar y safle. Gwelir cyfeiriad manwl o’r mater ym
mharagraffau 5.1 i 5.8 o’r adroddiad.
Darparwyd
Cyfrifiadau Hyfywdra gyda’r cais sy’n dangos na fyddai’r cynllun yn hyfyw gydag
elfen fforddiadwy yn rhan ohono. Nodwyd bod Uned Eiddo’r Cyngor wedi cytuno bod
y costau adeiladu a gyflwynwyd yn rhai rhesymol a bod yr Uned Polisi Cynllunio
ar y Cyd wedi defnyddio’r fethodoleg safonol y maen nhw, a chynghorau eraill,
yn ei ddefnyddio at ddibenion asesu hyfywdra cynigion ac yn cytuno na fyddai’r
cynllun yn hyfyw petai gofyn i un o’r tai fod yn uned fforddiadwy.
Yn dilyn y
drafodaeth yn y Pwyllgor diwethaf cadarnhaodd yr Uned Polisi eu cyfrifiadau ac
maent yn credu, wrth ystyried y dystiolaeth sydd gerbron, na fyddai’n rhesymol
gwrthod y cais ar sail y diffyg darpariaeth fforddiadwy. Nodwyd bwysigrwydd, oherwydd cyfyngiadau’r
safle o safbwynt mynediad priffyrdd, nad yw’n bosibl datblygu’r safle i’w lawn
botensial, mae’n safle ddigon mawr i gynnwys o bosib pump neu chwech uned ac yr
adeg honno mae’n sicr y byddai elfen fforddiadwy yn dod yn fwy hyfyw. Ond o
ystyried cyfyngiadau’r safle ac yng ngolwg y dystiolaeth sydd gerbron, ni
chredir bod cyfiawnhad gofyn i un o’r tai fod yn fforddiadwy ar gynllun o’r
raddfa hon. Ystyrir bod y datblygiad a gynigir yn dderbyniol mewn
egwyddor a gan nad ydyw’n debygol o achosi effaith andwyol annerbyniol ar
fwynderau y dylid caniatáu’r cais.
(b)Gwrthwynebwyd
y cais gan yr aelod lleol (nad oedd yn aelod o’r Pwyllgor Cynllunio hwn) am y
rhesymau canlynol:
·
Nad oedd prisiau’r tai yn fforddiadwy i bobl leol
o ystyried cyflogau isel yr ardal
·
Nad oedd cyfeiriad am gost prynu’r safle
·
Pryder am ddwysedd adeiladu’r safle
·
Bod ffigyrau ac astudiaethau manwl am brisiau
tai ond eto cyfeirir ym mharagraff 5.6 nad oedd yn bosib cael gwybodaeth
benodol ar gyfer ardal Clwt y Bont a Deiniolen a chwestiynwyd felly sut y
gellir asesu’r cais yn llawn
·
Bod sgrap yn cynnwys hen geir, bysiau, a.y.b. wedi eu
claddu ar y tir ac y byddai’n rhaid i unrhyw ddarpar ddatblygwr orfod tyllu i
lawr a thynnu tunelli o rwbel oddi yno
·
Y byddai’r
gwaith adeiladu yn cael effaith ar fwynderau trigolion cyfagos i’r safle
·
Y byddai traffig cynyddol ar lon gul a
phryderwyd am ddiogelwch plant yn enwedig nad oedd llefydd addas i loriau
droi
·
Aflonyddwch yn cynnwys sŵn, llwch a thywyllu tai'r
trigolion
·
Tra bo’r Adran Gynllunio yn datgan na ddylid ystyried
effeithiau negyddol ar drigolion tra bo’r adeiladu yn digwydd, teimlai’r aelod
os yw’r Cyngor yma o ddifri yn ei ymgyrch i weithredu egwyddorion Ffordd
Gwynedd dylai pob penderfyniad gael ei wneud gyda thrigolion Gwynedd yn
ganolog i bopeth, yn hyn o beth felly'r
unig benderfyniad ydoedd gwrthod y cais
·
Bod safleoedd eisoes wedi derbyn caniatadau yng Nghlwt y
Bont sydd yn ymateb i anghenion Deiniolen a Chlwt y Bont
(c)
Mewn
ymateb i’r sylwadau uchod, esboniodd yr Uwch Reolwr Gwasanaeth Cynllunio y gohiriwyd cymryd penderfyniad ar y cais yn flaenorol er mwyn
derbyn mwy o fanylion ynglyn a thai
fforddiadwy a chyfeiriwyd at y paragraffau penodol yn yr adroddiad. Cydnabuwyd
bod trigolion yn ymwybodol o hanes y safle a bod y costau datblygu yn adlewyrchu’r math yma o safle. Cadarnhawyd bod y cais wedi ei wirio gan Uned
Eiddo ac Uned Polisi ar y cyd y
Cyngor ac nad oedd cyfiawnhad yn yr achos yma i fynnu tai fforddiadwy. Yn ogystal, roedd tystiolaeth
bod angen tai cyffredinol ac felly dim tystiolaeth i wrthod y cais.
Derbyniwyd y sylw bod angen ystyried mwynderau preswyl y trigolion ac fe gaiff hyn ei gyfarch yn amod 6 o’r caniatâd cynllunio i
ddatblygu’r safle a bod y cais yn cydymffurfio
gyda’r polisiau perthnasol.
(ch) Cynigwyd ac eilwyd i ganiatáu’r
cais.
(a)
Nodwyd
y pwyntiau canlynol yn erbyn caniatau’r cais :
·
Ffordd yn gul
·
Effeithio ar fwynderau’r ardal
·
Tai fforddiadwy
(dd)
Nodwyd y pwyntiau canlynol o blaid y cais:
·
Nad oedd y Cyngor Cymuned yn gwrthwynebu’r
cais
·
Nad oedd gwrthwynebiad o Adran Trafnidiaeth y Cyngor mewn
perthynas â chynnydd yn y traffig
(b)
Mewn
ymateb i ymholiadau ychwanegol gan Aelodau unigol, nododd yr Uwch Reolwr
Gwasanaeth Cynllunio:
·
bod natur rwystredig rhwydwaith ffyrdd yn gyfyngedig i
ddwysedd y tai a dyna’r rheswm pam na ellir cael rhagor o dai ar y safle
·
byddai amodau o fewn y caniatâd i gyfarch pryderon
cynnydd y traffig
·
byddai amod ynglyn a’r dull adeiladu ac y
gellir cynnig amod archwiliad o’r safle yng nghyd-destun llygredd y tir
·
o safbwynt diogelwch, byddai’r gwaith
adeiladu yn cael ei gyfarch o fewn rheoliadau adeiladu
Penderfynwyd: Caniatáu yn unol â’r amodau
canlynol:
1. Amser
2. Cydymffurfio
gyda chynlluniau
3. Toeau
llechi
4. Rhaid cyflwyno a chytuno manylion y
deunyddiau allanol
5. Amod
Dwr Cymru
6.
Rhaid
cyflwyno a chytuno “Cynllun Dulliau Adeiladu” (Construction Method Statement) a
fydd yn cynnwys
·
Manylion unrhyw
waith peirianyddol yn ymwneud a newid lefelau tir
·
Cynlluniau ar
gyfer yr ymdriniaeth o ffiniau’r safle
·
Cynllun gwaredu llysiau’r dial
·
Cynllun tirlunio a phlannu coed gan gynnwys manylion rheolaeth y nodweddion hyn yn
yr hirdymor
7. Rhaid
cyflwyno a chytuno archwiliad desg i asesu’r risg o lygredd. Pe byddai’r archwiliad
desg yn dangos fod angen gweithrediad pellach, bydd angen cytuno unrhyw fesurau
rhagofalus ac/neu adferol cyn dechrau’r datblygiad.
8. Dim gwaith clirio’r safle yn ystod y
tymor nythu adar
9. Amodau priffyrdd
10. Rhaid codi ffens briodol o amgylch gardd
y tŷ de ddwyreiniol.
11. Tynnu hawliau datblygiad a ganiateir.
Dogfennau ategol:
- Tir gyferbyn Swyddfa Bost, Clwt y Bont, Caernarfon, eitem 5.7 PDF 816 KB
- Cynlluniau, eitem 5.7 PDF 1 MB