Agenda item

Uwchraddio 10 carafan sefydlog bresennol gan ail leoli 5 i gae 471 a’r 5 arall i gae 470, ymestyn y safle carafanau i ran o gae 470, gostwng y nifer o garafanau teithiol o 55 i 52, ail leoli carafanau teithiol o gae 471 i gae 472, cynyddu'r arwynebedd ar gyfer storio 40 o garafanau teithiol ar gae 472 dros fisoedd y gaeaf, codi derbynfa newydd ar safle'r cytiau moch yn unol â’r caniatad roddwyd eisoes.

 

Aelod Lleol:  Cynghorydd Llywarch Bowen Jones

Cais llawn i uwchraddio - 10 carafan sefydlog bresennol gan ail-leoli 5 i gae 471 a’r 5 arall i gae 470, ymestyn y safle carafanau i ran o gae 470, gostwng y nifer o garafanau teithiol o 55 i 52, ail-leoli carafanau teithiol o gae 471 i gae 472, cynyddu’r arwynebedd ar gyfer storio 40 o garafanau teithiol ar gae 472 dros fisoedd y gaeaf, codi derbynfa newydd ar safle’r cytiau moch yn unol â’r caniatad roddwyd eisoes.

 

(a)       Ymhelaethodd y Rheolwr Rheolaeth Datblygu ar gefndir y cais gan nodi y cynhaliwyd trafodaethau gyda asiant yr ymgeisydd ynglyn â’r bwriad.  Fel rhan o’r uwchraddio byddai y niferoedd o garafanau teithiol  o fewn y safle yn ei gyfanrwydd yn cael ei leihau o 55 i 52.  Byddai’r bwriad hefyd yn fodd o reoleiddio lleoli 9 carafan deithiol ar gae 4942. 

  

            Yn bresennol mae caniatâd cynllunio yn bodoli ar gyfer lleoli cyfanswm o 10 carafán sefydlog a 55 carafán deithiol ar y safle.  Mae caniatâd hefyd yn bodoli ar gyfer storio 40 o garafanau teithiol ar ran gogleddol cae 472 yn ystod misoedd y gaeaf.  Yn bresennol mae caniatâd cynllunio ar gyfer defnyddio cae 470 fel cwrs golff a’r safle wedi ei leoli yng nghefn gwlad ac o fewn Ardal o Harddwch Naturiol Eithriadol.

 

            O safbwynt egwyddor y datblygiad, nodwyd bod polisi D17 o Gynllun Datblygu Unedol Gwynedd yn caniatáu cynigion i uwchraddio safleoedd carafanau sefydlog presennol gan gynnwys estyniadau bach i arwynebedd tir, adleoli unedau, cynnydd bychan yn y niferoedd  a chyfnewid llecynnau teithiol am unedau carafannau gwyliau sefydlog os gellir cydymffurfio â’r 3 maen prawf perthnasol. 

 

Esboniwyd bod y cais hefyd yn cynnwys bwriad i ymestyn y safle storio carafanau teithiol dros fisoedd y gaeaf i gynnwys cae 472 yn ei gyfanrwydd.  Ni fwriedir cynyddu’r niferoedd o garafanau teithiol a fyddai’n cael eu storio.  Mae y rhan o gae 472 y bwriedir ymestyn y safle storio iddo yn un gyda thyfiant o’i amgylch ac ni ystyrir y byddai’n safle ymwthiol yn y dirwedd. Ystyrir fod y bwriad yn dderbyniol o ran Polisi D21 CDUG.

 

            Nodir hefyd fod yr Uned AHNE wedi datgan y byddai’r datblygiad i’w weld o’r lon rhwng Pistyll a Phentreuchaf.  Er y cytunir y gellir cael cipolwg o’r safle o rannau o’r ffordd yma ni ystyrir yn sgil y plannu sydd wedi ei ymgymryd dros y blynyddoedd a lleoliad y safle sydd i’w ymestyn i’r gogledd o ffin y safle carafanau presennol y byddai’r bwriad i’w weld yn eglur o’r lon rhwng Pistyll a Phentreuchaf nag ychwaith o ffyrdd eraill yn y cyffiniau.  Yn sgil yr uchod, y sefyllfa bresennol a’r hyn sy’n cael ei gynnig fel rhan o’r cais ni ystyrir y byddai’r bwriad yn cael effaith andwyol ar yr AHNE ac felly ei fod yn dderbyniol yng nghyd-destun polisi B8 CDUG.

 

Gorwedd y safle hefyd o fewn Tirwedd o Ddiddordeb Hanesyddol Llyn ac Ynys Enlli.  Fodd bynnag ni ystyrir y byddai’r bwriad yn groes i  Bolisi B12 CDUG gan na fyddai’n ddatblygiad ar y fath raddfa ac mor fawr fel y byddai’n cael effaith mwy nag effaith leol ar y dirwedd hanesyddol

  

Ystyrir y byddai’r bwriad yn gwella gosodiad y safle ac yn caniatáu lleoli’r unedau teithiol mewn un rhan o’r safle yn hytrach nag yn ei ffurf bresennol sy’n fwy gwasgaredig.  Mae’r cais yma hefyd wedi cyflwyno cynllun manwl o sut y bwriedir gosod allan y safle a byddai cael un caniatâd ar gyfer y safle yn lanach ac yn haws i’w reoli na’r caniatadau tameidiog sydd wedi eu caniatáu dros y blynyddoedd.  Byddai’r bwriad yn cael ei wneud mewn camau a fyddai’n sicrhau na fyddai newidiadau amlwg i’w gweld dros nos ac yn fodd o sicrhau fod y datblygiad yn cael ei wneud yn drefnus gan gadw at y niferoedd o garafanau fyddai wedi ei ganiatáu.

 

(b)       Cynigiwyd, eilwyd a phleidleiswyd yn unfrydol i ganiatau’r cais.

 

(c)        Mewn ymateb i ymholiad gan Aelod ynglyn â chyfrifoldeb o’r man pasio, esboniodd yr Uwch Beiriannydd Rheolaeth Datblygu bod y ffordd i’r safle wedi ei mabwysiadu yn rhannol ond bod angen ymgymryd â gwaith ychwanegol ar y man pasio (sef tarmacio) fel rhan o’r cais blaenorol cyn i’r Cyngor ei fabwysiadu. 

 

Penderfynwyd:                      Caniatáu gyda’r amodau canlynol:

 

1.         5 mlynedd

2.         Unol gyda’r cynlluniau.

3.         Y gwaith uwchraddio i’w gwblhau yn unol gyda’r 6 rhan datblygu sydd wedi ei gyflwyno fel rhan o’r cais ac y dylid cwblhau un cam o’r gwaith uwchraddio cyn symud ymlaen i’r rhan nesaf.

4.         Cyfanswm o 10 uned sefydlog yn unig.

5.         Cyfanswm o 52 uned deithiol yn unig.

6.         Tymor gwyliau carafannau sefydlog.

7.         Tymor gwyliau carafannau teithiol.

8.         Defnydd gwyliau yn unig – carafannau sefydlog a teithiol.

9.         Cadw cofrestr o ddefnyddwyr.

10.       Cytuno lliw'r unedau sefydlog newydd a rhai sy’n cael eu cyfnewid yn y dyfodol.

11.       Y mannau pasio ar y trac fyny at y safle yn cael eu hadeiladu hyd at safon fabwysiedig cyn i’r carafannau sefydlog sydd yn cael eu hail leoli gael eu meddiannu.

12.       Y trac dros dro sydd i’w greu i gael mynediad i gae 470 i gael ei ddileu a’r tir i gael ei adfer i’w gyflwr presennol cyn cychwyn ar bedwerydd cam y datblygiad.

13.       Yn dilyn cael gwared o’r ffordd dros dro yn unol ag amod 13 uchod bydd mynediad i’r unedau a leoli’r ar gae 470 drwy gae 471 yn unig.

14.       Cytiau moch i’w gofnodi drwy gofnod ffotograffau a drwy law a chyflwyno copi i’r ACLl a’r Comisiwn Brenhinol Henebion Cymru cyn eu dymchwel.

15.       Llechi Cymreig i do’r adeilad dderbynfa newydd.

16.       Ffenestri a drysau newydd yr adeilad derbynfa newydd o wneuthuriad pren

17.       Nwyddau dŵr glaw'r adeilad derbynfa newydd i fod o wneuthuriad alwminiwm.

18.       Edrychiadau gorllewinol a deheuol yr adeilad dderbynfa newydd i gael ei orffen gyda charreg i’w ail-ddefnyddio o’r cytiau moch presennol.

19.       Cyfyngu defnydd o’r adeilad derbynfa newydd i ddefnydd sy’n gysylltiedig gyda’r safle carafannau yn unig.

20.       Tirlunio.

21.       Dim storio cychod ar y tir.

22.       Uchafswm o 40 carafan teithiol i gael eu storio dros fisoedd y gaeaf yn cae rhif 472.

23.       Y carafannau teithiol sy’n cael eu storio i’w lleoli o fewn 1 medr i’w gilydd.

24.       Unrhyw olau i’w osod ym ‘mhorch’ yr adeilad newydd unai yn gweithio ar amserydd neu yn un sy’n ymateb i symudiad.