Agenda item
Newid amod rhif 2 (yn unol a'r cynlluniau a ganiatawyd) o caniatad rhif APP/Q6810/A/16/314218 er mwyn diwygio gosodiad mewnol yr ail lawr er mwyn darparu 8 uned 1 llofft a 2 uned 4 lloft yn lle 8 uned 1 lloft.
AELOD LLEOL: Cynghorydd
John Wynn Jones
Cofnod:
Newid amod rhif 2 (yn unol
â'r cynlluniau a ganiatawyd) o ganiatâd rhif APP/Q6810/A/16/314218 er mwyn diwygio gosodiad
mewnol yr ail lawr er mwyn
darparu 8 uned 1 llofft a 2 uned 4 llofft yn lle
8 uned 1 llofft.
(a) Ymhelaethodd y Rheolwr Rheolaeth Datblygu ar gefndir y cais
gan nodi mai cais ydoedd
i ddiwygio amod rhif 2 o ganiatâd
blaenorol er mwyn diwygio gosodiad
mewnol yr ail lawr er mwyn
darparu 2 uned ychwanegol o fewn y datblygiad (sef cyfanswm o 29 uned yn lle’r 27 uned
a ganiatawyd yn flaenorol). Nodwyd nad oedd
y cynllun yn golygu unrhyw newid
i edrychiad allanol yr adeilad
na gosodiad ffenestri o’r hyn
oedd eisoes wedi ei ganiatáu
ar apêl.
Nodwyd y caniatawyd y cais blaenorol ar apêl ac roedd
yr arolygydd cynllunio o’r farn
bod y nifer o unedau yn weddol gymedrol
ac na fyddai’n or-ddatblygiad o’r safle nac yn
debygol o arwain at unrhyw niwed sylweddol
i fwynderau preswylwyr presennol o ran sŵn neu aflonyddwch
oherwydd gosodiad a dyluniad yr adeilad,
rheolaeth y defnydd a phresenoldeb o fusnesau yn yr ardal
gyfagos.
Pwysleisiwyd nad
oedd newid wedi bod yn y sefyllfa
bolisi ers caniatáu’r cynllun blaenorol ac felly bod yr egwyddor yn parhau
i fod yn
dderbyniol gan fod y defnydd eisoes
wedi ei ganiatáu
ac mae’r bwriad yma yn ddiwygiad
bychan i’r caniatâd hwnnw felly ni ellir cwestiynu’r
angen.
Nodwyd y dylid
rhoi ystyriaeth a phwysau sylweddol i’r arweiniad clir
a roddwyd yn y penderfyniad apêl diweddar. Roedd y datblygiad yn cydymffurfio
gyda’r CDUG ynghyd â pholisïau cenedlaethol am y rhesymau a roddwyd yn yr
adroddiad.
(a)
Yn manteisio ar yr
hawl i siarad nododd asiant yr
ymgeisydd y prif bwyntiau canlynol:-
·
Mai newid gosodiad mewnol yn unig oedd
dan sylw;
·
Fe newidir y gosodiad gan nad
oedd galw am y math o unedau a gynlluniwyd;
·
Y byddai’r bwriad yn darparu
unedau hunangynhaliol o safon ar gyfer
myfyrwyr;
·
Bod yr arolygydd wedi nodi wrth benderfynu’r
apêl “Yn groes i farn
y Cyngor, rwy’n ystyried bod nifer yr unedau a gynigir
yn weddol gymedrol.”
(b)
Gwrthwynebwyd y cais gan yr aelod lleol, (nad oedd
yn aelod o’r Pwyllgor Cynllunio
hwn), a gwnaed y prif
bwyntiau canlynol ganddo:
·
Nad oedd yn ymwybodol o’r apêl
tan ar ôl y dyfarniad;
·
Ei siomedigaeth y cysidrir
caniatáu’r cais gan nad oes gofyn am y math yma o ddarpariaeth;
·
Y byddai’r fflatiau yn wag gan
fod maint yr ystafelloedd yn mynd rhy fach;
·
Ei fod yn flin bod adeilad hanesyddol wedi ei golli.
(ch) Mewn ymateb i
sylwadau’r aelod lleol, nododd yr Uwch Reolwr Gwasanaeth Cynllunio:-
·
Ei fod wedi trafod y mater o ran derbyn rhybudd o’r apêl efo’r
aelod lleol a’i fod wedi
dod i’r amlwg
bod problemau technegol efo I-Pad yr aelod
wedi golygu nad oedd wedi
derbyn rhybudd;
·
Ei fod yn deall y pryderon
a’r siom o golli’r adeilad ond yng ngoleuni’r
penderfyniad apêl diweddar a gan mai cais am 2 uned
ychwanegol yn unig ydyw y byddai’n
anodd tystiolaethu gwrthodiad.
(d) Cynigwyd i wrthod y cais oherwydd ei fod yn
or-ddatblygiad. Eiliwyd y cynnig.
Nododd
yr Uwch Reolwr
Gwasanaeth Cynllunio bod y Pwyllgor wedi gwrthod y cais gwreiddiol ar y sail ei fod
yn or-ddatblygiad ac os gwrthodir y cais yma ar
yr un sail, y byddai risg o gostau yn
erbyn y Cyngor mewn apêl yn
enwedig o ystyried na fyddai newid
ffisegol i’r adeilad. Nodwyd y byddai disgwyliad
i’r cynigydd a’r eilydd gynrychioli’r
Cyngor mewn apêl.
Mewn
ymateb i sylw gan y cynigydd
bod 2 uned ychwanegol yn golygu nad
oedd y bwriad yr un fath, nododd
yr Uwch Gyfreithiwr
bod y ffaith nad yw’r bwriad yr
un fath ddim yn golygu ei
fod yn or-ddatblygiad a bod rhaid tystiolaethu bod yr effaith o’r ddwy
uned ychwanegol yn annerbyniol o safbwynt cynllunio.
Tynnodd y cynigydd
ei gynnig yn ôl.
Nododd yr
eilydd ei ddymuniad i wrthod
y cais oherwydd gormodedd o lety myfyrwyr, safle’r cais wedi ei
leoli mewn ardal breswyl deuluol
a phroblemau parcio ar Ffordd Euston. Mewn ymateb, nododd
yr Uwch Reolwr
Gwasanaeth Cynllunio os gwrthodir y cais am y rhesymau yma y byddai apêl
yn cael ei
golli gyda chostau i’r Cyngor
felly ni fyddai ganddo unrhyw ddewis
ond i gyfeirio’r
cais i gyfnod
o gnoi cil.
(dd) Cynigwyd ac eiliwyd i ganiatáu’r
cais.
Mewn
ymateb i sylw gan aelod
o ran pendraw i geisiadau llety myfyrwyr, nododd yr Uwch Reolwr
Gwasanaeth Cynllunio bod rhaid delio efo’r
cais gerbron. Ychwanegodd unwaith y byddai’r Cynllun Datblygu Lleol ar y Cyd
wedi ei fabwysiadu
y byddai’r polisïau yn rhoi mwy
o fanylder ac o gymorth i’r Pwyllgor wrth
ddod i benderfyniad
ar geisiadau.
Yn ystod y drafodaeth ddilynol nodwyd y prif sylwadau canlynol:
·
Ei fod yn anodd cael
rhesymau i gyfiawnhau gwrthod y cais o ystyried fod y cais gwreiddiol
wedi derbyn caniatâd ar apêl;
·
Cydymdeimlo a safbwynt yr aelod
lleol a bod patrwm yn ymddangos lle
bo datblygwyr yn derbyn caniatâd
am lety myfyrwyr ac yn hytrach na
datblygu yn gwerthu’r safle am elw;
·
Bod y safle yn bell o’r brifysgol
ac mewn ardal deuluol gan osod
cynsail;
·
Tristwch o golli adeilad hanesyddol.
PENDERFYNWYD caniatáu’r cais.
Amodau:
1. Amser
2. Cydymffurfio gyda’r cynlluniau.
3. Cydymffurfio gyda’r amodau ynghlwm i’r
caniatâd a rhoddwyd ar apêl APP/Q6810/A/ 16/314218 (llechi, deunyddiau, Dwr
Cymru / materion draenio tir, tirweddu).
Dogfennau ategol:
- Cyn Clwb y Rheilffordd (Railway Institute), Euston Road, Bangor, eitem 5.7 PDF 875 KB
- Cynlluniau, eitem 5.7 PDF 2 MB