Newid defnydd rhan o'r siop bresennol, gosod blaen siop newydd a chodi estyniad deulawr ar ben yr estyniad cefn presennol i greu 2 siop a llety ar gyfer 65 o fyfyrwyr.
AELOD LLEOL: Cynghorydd
Gwynfor Edwards
Dolen i'r dogfennau cefndir perthnasol
Cofnod:
Newid defnydd rhan o'r
siop bresennol, gosod blaen siop
newydd a chodi estyniad deulawr ar ben yr estyniad
cefn presennol i greu 2 siop
a llety ar gyfer 64 o fyfyrwyr.
(a)
Ymhelaethodd y Rheolwr
Rheolaeth Datblygu ar gefndir y cais,
gan nodi bod y safle ar y Stryd
Fawr o fewn canol Dinas Bangor gerllaw’r gadeirlan. Nodwyd bod yr adeilad yn
adeilad rhestredig gradd II a hefyd wedi ei leoli
o fewn Ardal Cadwraeth Bangor.
Eglurwyd er bod yr estyniad arfaethedig yng nghefn y safle a bod y safle yn eithaf
cuddiedig o fannau cyhoeddus agos, nid oedd yn
cyfiawnhau estyniad o’r raddfa, swmp,
ffurf a’r dyluniad yma gan
yr ystyrir y byddai’n amharu’n sylweddol ar edrychiad
a chymeriad yr adeilad rhestredig. Nodwyd bod Ardal Cadwraeth Bangor yn eang ac yn cynnwys
sawl adeilad rhestredig gradd I gyda topograffi Bangor yn golygu fod
rhannau o’r ddinas yn weladwy
o bellter e.e. golygfeydd o brif adeilad y Brifysgol (sydd yn adeilad
rhestredig gradd I) ar draws y ddinas. Ystyrir y byddai’r elfen to fflat yn ymddangos fel
nodwedd anghydweddol o olygfeydd ar draws y ddinas na
fyddai’n parchu’r adeilad rhestredig o’i flaen, na
phatrymau datblygu strydoedd yr ardal
o’i gwmpas.
Tynnwyd sylw y derbyniwyd gwrthwynebiadau ar sail gor-edrych o ffenestri a gerddi. Nodwyd yr ystyrir
bod y bwriad yn groes i bolisi
B23 o Gynllun Datblygu Unedol Gwynedd (CDUG) gan y byddai’r datblygiad yn cael effaith
niweidiol ar fwynderau preswyl unedau a thai
cyfagos ac na fyddai’r datblygiad yn sicrhau safon
byw ddigonol i breswylwyr y datblygiad.
(b) Cynigwyd ac eiliwyd i wrthod y cais.
Yn ystod y drafodaeth ddilynol nodwyd y prif sylwadau canlynol:
·
Yng nghyswllt asesiad ieithyddol o geisiadau, y dylid asesu’r effaith gronnol yn hytrach
na’r cais yn unig;
·
A fyddai’n bosib derbyn gwybodaeth
o ran nifer yr unedau myfyrwyr a ganiatawyd yn y flwyddyn ddiwethaf ac am y cyfnod o 2 flynedd?
·
Bod yr argymhelliad i wrthod yn gryf,
byddai’r estyniad bwriedig yn dominyddu’r
adeilad rhestredig ac yn dirywio golygfeydd
yn y Ddinas;
·
Bod angen datblygu’r safle ond byddai’r estyniad
yn y cefn yn effeithio’n andwyol ar yr
adeilad rhestredig;
·
Pryder o ran gosod amod sy’n atal
myfyrwyr rhag iddynt ddod a cherbyd
o fewn tair milltir i’r datblygiad
a gofyn am gynllun teithio cyn preswylio’r
datblygiad yn hytrach na darparu
llecynnau parcio ar gyfer y datblygiad
gan na fyddai
modd ei blismona.
(c) Mewn ymateb i’r sylwadau uchod, nododd y
swyddogion:-
·
Fel y nodir yn yr adroddiad,
ni fyddai’r bwriad yn golygu
unrhyw newid ym mhoblogaeth y Ddinas gan fod
y myfyrwyr yn bresennol yn barod
ac ystyrir na fyddai’n debygol o gael effaith arwyddocaol
ar yr Iaith
Gymraeg;
·
Bod gwybodaeth o ran nifer unedau myfyrwyr
ac asesiad o’r manylion wedi eu
cynnwys yn yr adroddiad ym
mharagraffau 5.5 i 5.16;
·
O ran gosod amod sy’n atal
myfyrwyr rhag iddynt ddod a cherbyd
o fewn tair milltir i’r datblygiad
a gofyn am gynllun teithio cyn preswylio’r
datblygiad, bod amodau o’r fath yn
cael eu rhoi
ar ganiatadau yng Nghymru ac yn Lloegr gydag
arolygydd yn ogystal wedi gosod
amod o’r fath;
·
Bod y rhesymau gwrthod yn rhai
cadarn.
PENDERFYNWYD gwrthod y
cais.
Rhesymau:
1. Byddai’r bwriad oherwydd ei
raddfa, swmp, ffurf a’i ddyluniad yn cael effaith niweidiol sylweddol ar
edrychiad a gosodiad yr adeilad rhestredig gradd II a’r ardal Cadwraeth ac
felly yn groes i bolisïau B2, B3 B4, B22 a B24 CDUG ac i ofynion Cylchlythyr
Swyddfa Gymreig 61/96.
2. Ystyrir fod y bwriad yn
groes i bolisi B23 o’r CDUG gan y byddai’r datblygiad yn cael effaith niweidiol
ar fwynderau preswyl unedau a thai cyfagos, oherwydd ei raddfa, swmp, ffurf a’i
ddyluniad trwy gael effaith ormesol, achosi gor-edrych
a cholli preifatrwydd, cysgodi a lleihad sylweddol i golau dydd naturiol ac na
fyddai modd i’r datblygiad sicrhau safon byw ddigonol i breswylwyr y
datblygiad.
Dogfennau ategol: