Cais i gadw gwaith i ymestyn ty heb gydymffurfio a chaniatad rhif C13/944/22/LL dyddiedig 07/01/2014
Aelod Lleol: Cynghorydd Craig ab Iago
Cofnod:
Cais llawn i gadw gwaith i
ymestyn tŷ heb gydymffurfio â chaniatad rhif C13/0944/22/LL.
(a)
Ymhelaethodd y Swyddog Rheolaeth Datblygu ar gefndir
y cais gan nodi bod y cais presennol yn dangos
estyniad o ddyluniad tebyg i’r cynllun
a ganiatawyd yn 2014 a’r ddyluniad allanol
yn adlewyrchu lleoliad agoriadau y drysau a’r ffenestri
fel y caniatad blaenorol ac eithr bod yr estyniad yn uwch o tua 1.0m a bod hyd yr estyniad (yn
cynnwys yr estyniad croes) tua 2.0m yn hirach
na’r estyniad a ganiatawyd yn flaenorol.
Noder bod waliau allanol yr estyniad
bwriadedig yn cael eu gorchuddio
gyda cherrig cae sylweddol a bod hyn yn ychwanegu
at faint gorffenedig yr estyniad. Mae’r cais hwn, fel
y caniatâd blaenorol yn cynnwys dymchwel
rhan deulawr o’r tyddyn presennol
ynghyd ac adeiladu estyniad unllawr yng nghornel deheuol
y tyddyn.
Cyfeiriwyd at y polisiau cynllunio perthnasol ynghyd â’r ymgynghoriadau
cyhoeddus.
Cyflwynwyd y cais diwygiedig i’r Cyngor o ganlyniad
i’r Uned Gorfodaeth dderbyn cwyn yn datgan
nad oedd y gwaith o adeiladu'r estyniad yn cydymffurfio
gyda'r hawl cynllunio. O ganlyniad i archwilio'r safle
ynghyd â’r cynlluniau a ganiatawyd daeth i’r amlwg
nad oedd gwaith adeiladu yn gaeth unol
â’r cynlluniau a ganiatawyd ac yn
dilyn trafod y mater gyda’r perchennog cyflwynwyd cais ôl gweithredol i’r Cyngor am ystyriaeth.
Pwysleiswyd bod yr egwyddor i godi
estyniad i’r tyddyn eisoes wedi
ei sefydlu oherwydd bod y cais cynllunio a ganiatwyd yn 2014 dal mewn grym hyd 2019. Er bod maint yr estyniad
sydd yn destun
y cais presennol yn fwy na’r
estyniad a ganiatwyd yn wreiddiol, ni
ystyrir bod y gwahaniaeth yn ddigon i
gyfiawnhau gwrthod y cais.
Tynnwyd sylw at y sylwadau ychwanegol a dderbyniwyd gan nodi bod adeilad
wedi ei godi
ar y tir ond yn dilyn
trafod gyda’r perchennog deallir mai dros dro
yn unig ydoedd
er hwyluso’r gwaith ar y tŷ.
(b)
Yn manteisio ar yr hawl
i siarad, nododd y gwrthwynebydd y prif bwyntiau isod:
·
Fel perchennog eiddo gyferbyn â’r datblygiad
roedd yn pryderu am uchder yr adeilad arfaethedig
oherwydd ei fod yn llawer
iawn uwch na’r hyn sydd
eisoes o amgylch yr ardal
·
Mae'n gwrthddweud yr adran addasu ac ymestyn o Ganllawiau Dylunio Cyngor
Gwynedd sy'n datgan na ddylai'r estyniad oruchafu’r adeilad
gwreiddiol. Yn gyffredinol mai’n well eu bod yn llai o faint gyda llinellau crib
isel a bod unrhyw fath o estyniad yn gyflenwol i'r adeilad gwreiddiol ac yn
debyg yn gymesur â goleddf y to ac uchder
·
bod rhan o'r maes datblygu wedi cael ei gynnwys yn y gofrestr o feysydd o dirlun
o ddiddordeb eithriadol yng Nghymru
·
Bod y datblygiad sydd heb ei ganiatáu yn sylfaenol wahanol i'r cynllun a ganiateir felly
bod amheuaeth pam nad yw’r datblygiad anawdurdodedig wedi bod yn destun cais
cynllunio llawn o dan adran 17 o Ddeddf Cynllunio Gwlad a Thref
·
Bod yr adeilad eisoes wedi gosod
cynsail yn rhinwedd estyniad a diffyg cydymffurfio â dogfennau adeiladu a dylunio
a nodwyd gan y Cyngor, a bod unrhyw wyriad pellach o’r caniatâd cynllunio yn
amhriodol
·
Rydym yn byw mewn
ardal o harddwch eithriadol ac yn warchodwyr y tir a deallir bod adeiladau yn gorfod
cael eu hadeiladu ar gyfer budd y gymuned. Fodd bynnag, yn yr achos hwn nid yw
o fudd i'r gymuned a byddai'r goblygiadau yn ymestyn i geisiadau adeiladu
eraill mewn ardaloedd o harddwch
(c) Yn manteisio ar yr
hawl i siarad,
nododd asiant yr ymgeisydd fel
a ganlyn:
·
Cyflwynwyd
y cynlluniau ar fyrder er mwyn
ystyriaeth am ganiatad a bu i’r adeiladwr
dynnu sylw am yr angen i’r
wal geudod fesur 100mm gyda 300mm o gerrig a dyna’r rheswm am y cynnydd yn hyd yr
estyniad
·
Bod cynnydd
o ran uchder yn deillio o’r gwaith
dur a maint y distiau oherwydd y dyluniad
·
O ran effaith,
teimlir nad oes gan yr adeilad arfaethedig unrhyw effaith ar eiddo cyfagos o
ystyried bod yr estyniad wedi cael ei gymeradwyo ac mai’r unig destun sydd dan
sylw yw ychwanegiad o 2m mewn hyd ac 1m mewn uchder
· Ni ellir ei ostwng a’i fod
yn cydymffurfio â’r polisiau cynllunio
ac ni theimlir y byddai’n cael effaith
ar gymdogion oherwydd ei fod
170medr oddi wrth unrhyw eiddo
(ch) Cynigwyd ac eilwyd argymhelliad y swyddogion i’w ganiatau.
(d) Gwnaed y sylwadau canlynol:
·
Rhaid bod yn ofalus nad yw ei
ganiatau yn creu cynsail i
ganiatau datblygiadau eraill sydd ddim
yn cydymffurfio â’r cynlluniau a gymeradwywyd a nodwyd pwysigrwydd i Swyddog
Gorfodaeth yr Uned Gynllunio sicrhau bod yr estyniad arfaethedig yn cydymffurfio â’r ychwanegiad mewn hyd ac uchder
·
Cydymdeimla Aelod â’r gwrthwynebydd ac roedd hi’n ei
chael yn anodd i ddeall
sut nad oedd
yr asiant / ymgeisydd yn ymwybodol
o’r rheolau / polisiau cynllunio ac o’r herwydd fe
fyddai’n atal ei phleidlais ar
y cynnig i’w ganiatau gan ei
bod o’r farn nad oedd hyn
yn deg
·
pe byddai’r cais yn un newydd i
gynnwys y mesuriadau cyfredol, a fyddai’r swyddogion cynllunio yn ei ganiatau?
(dd) Mewn ymateb i’r
uchod, eglurodd y Rheolwr Rheolaeth Datblygu mai asesu’r
ychwanegiad mewn maint sydd gerbron
ac nad yw yn faterol wahanol
i’r caniatad blaenorol ac o’r herwydd argymhelliad y swyddogion ydoedd cefnogi’r cais.
Bu i’r bleidlais ar y cynnig i’w ganiatau
gario gyda dau aelod yn
atal eu pleidlais.
Penderfynwyd: Caniatau yn unol â’r
amodau canlynol:
1. Adeiladu yr estyniad yn unol
a’r cynlluniau a ganiateir.
2. Gosod llechi i’r to.
3. Gorchuddio muriau
allannol yr adeilad gyda cherrig
cae.
4. Cynllun tirlunio.
5. Rhaid cadw y llwybr cyhoeddus cyfochrog yn glir o unrhyw rhwystr yn ystod cyfnod adeilad ac wedyn.
Dogfennau ategol: