Aelod Cabinet: Y Cyng.
Gareth Thomas
I dderbyn adroddiad gan GwE mewn ymateb
i ymholiadau penodol gan y Pwyllgor Craffu.
(Copi’n amgaeedig)
Cofnod:
Cyflwynwyd adroddiad gan Uwch Ymgynghorydd Her a Chefnogaeth GwE yn
ymateb i ymholiadau penodol gan aelodau’r Pwyllgor Craffu Gwasanaethau.
Nododd yr Aelod Cabinet Addysg bod y berthynas rhwng GwE a’r awdurdod yn
hynod bwysig ac roedd yn ymfalchïo yn y gwaith a wneir drwy’r
Sir ac yn y ffaith nad oedd ‘run ysgol yng Ngwynedd o
fewn categori statudol Gwelliant Sylweddol/Mesurau Arbennig. Gwelwyd cynnydd o 5% ym mherfformiad
disgyblion o fewn trothwy TL2+ ac ers 2012 roedd y perfformiad wedi gwella
13.5% ers cychwyn y Cyngor hwn. Eglurwyd
bod gan GwE gynllun busnes ar draws rhanbarth y Gogledd a bod gan y 6 awdurdod fanylebau benodol.
Sefydlwyd Bwrdd Ansawdd Sirol lle mae swyddogion GwE a’r awdurdodau
addysg yn trafod ysgolion unigol.
Amlygwyd y pwyntiau canlynol gan Aelodau unigol ac fe dderbyniwyd ymateb
iddynt fel a ganlyn:
(a)
Faint o staff ysgolion
Gwynedd sydd ar secondiad gyda GwE ar hyn o bryd?
Nodwyd bod 1
Pennaeth ac 1 Dirprwy ar secondiad hefo GwE ac yn gweithredu yng Ngwynedd/Mon. Eglurodd y Pennaeth Addysg bod hysbysebu am
swyddi i GwE yn broses agored ac
oherwydd yr elfen ieithyddol a’r gofyn am ddwyieithrwydd, ‘roedd y swyddi yn
ddeniadol i staff ysgolion Gwynedd. Ni ellir gwahardd staff rhag ymgeisio am
swyddi ond ar hyn o bryd 'roedd y cydbwysedd yn eitha’
cyfartal. Nid oedd yr awdurdod addysg yn
awyddus i weld Penaethiaid yn symud i
weithio i GwE ond ar yr un pryd ei fod yn fodd o allu rhannu arbenigedd a bod
hyn yn ei dro yn gallu bod yn werthfawr.
Y broblem a wynebai’r Sir ydoedd denu arweinwyr ysgolion a rhaid
meithrin arweinwyr a sicrhau safonau gwydn i’r dyfodol.
Cyfeiriwyd at enghraifft hanesyddol o golli Pennaeth Adran Mathemateg ac
o’r herwydd bod y disgyblion yn dioddef, esboniodd y Pennaeth Addysg bod diffyg
athrawon yn y pynciau craidd yn bryder ac yn deillio o gyfarfod gyda Grŵp
y Sector Uwchradd yn ddiweddar penderfynwyd:
·
Cyd-benodi athrawon yn
ganolog uwchben yr hyn sydd ei angen fel y gellir
llenwi swyddi mewn achosion o absenoldebau salwch, absenoldebau mamolaeth, a.y.b.
·
Bod Grŵp o
Benaethiaid Uwchradd yn cyd-drafod gyda Phrifysgol Bangor y math o raglen a
ddymunir ar gyfer y dyfodol. Trwy
gyd-drafod a dechrau meithrin arbenigedd disgyblion yn y 6ed dosbarth efallai y
byddai’n ymateb diffyg athrawon pynciol yn y tymor hir.
(b)
A oes cynrychiolaeth o’r ysgolion yn
gwasanaethu ar y Bwrdd Ansawdd Sirol?
Atgoffwyd y Pwyllgor bod y model cenedlaethol yn seiliedig ar ranbarthau
wedi ei osod ar fframwaith penodol a threfniant llywodraethu. Eglurwyd bod 6 Aelod Cabinet Addysg ar draws
y Gogledd yn gwasanaethu ar Cydbwyllgor GwE sydd yn gosod cyfeiriad strategol i
GwE a bod y cynllun busnes bellach gyda chydbwysedd yn agos i’w le ac fe welwyd
hyn o’r canlyniadau diweddar. Nodwyd bod
y Bwrdd Ansawdd Sirol yn cyfarfod pob pythefnos i drafod ac adnabod ysgolion
sydd angen cefnogaeth.
Mewn ymateb i honiadau bod capasiti GwE yn
mynd i leihau, nid oedd y Pennaeth Addysg yn ymwybodol o hyn, roedd o’r farn bod y staffio yn sefydlog. Fodd bynnag nodwyd bod grantiau yn cael eu
torri yn gyson gan Lywodraeth Cymru ac nad yw yn glir beth fydd y setliad o
safbwynt y grantiau.
(c)
Croesawyd y ffaith bod cytundeb bellach na
ystyrir secondiadau cyn trafod yn gyntaf gyda’r awdurdod beth fyddai
goblygiadau ac effaith apwyntiadau ar sefyllfa ysgol unigol. Fodd bynnag, teimlai Aelod y dylai hyn fod
wedi digwydd eisoes a chyfeiriwyd yn benodol at bedwar Pennaeth medrus wedi eu
colli i GwE dros y misoedd diwethaf o fewn ei Ward. Teimlwyd bod yn ofynnol cynnal golwg craff
iawn ar waith Gwe a gofynnwyd a oedd yn cynnig gwerth am arian?
O safbwynt atebolrwydd, nododd y Pennaeth Addysg bod GwE yn atebol i’r
Aelod Cabinet Addysg ac mai gwaith y Pwyllgor Craffu ydoedd sicrhau bod plant
Gwynedd yn cael y gorau o’r gwasanaeth.
Rhaid cofio bod y model yn aeddfedu a’i fod yn cymryd amser i ymddiried
mewn unrhyw endid newydd. Sicrhawyd bod
Gwynedd yn cael gwerth am arian o’r gwasanaeth gan GwE.
Awgrymwyd ymhellach gan y Pennaeth Addysg y byddai’n ddefnyddiol i’r
Pwyllgor Craffu pe byddai yn cynnal sesiwn ar wahân iddynt ar drefniadaeth GwE
yn ei gyfanrwydd.
(d)
Faint sydd yn gweithio
yn GwE?
Nododd yr Uwch Ymgynghorydd Her GwE bod y tîm craidd o’r cynllun busnes
yn cyllido oddeutu 30 Ymgynghorydd Her ar draws y rhanbarth sy’n gweithio gydag
465 o ysgolion cynradd ac uwchradd. Nodwyd bod unigolion ychwanegol sydd
yn cyfrannu at agweddau o’r gwaith yn cael eu cyllido gan grantiau o Lywodraeth
Cymru ac yn aml grantiau tymor byr oeddynt yn arwain ar flaenoriaethau
penodol.
(ch) Mewn ymateb i gwestiwn ynglŷn â’r cyfraniad cyllidol i GwE, nododd Uwch Ymgyngorydd Her GwE bod y fformwila
yn seiliedig ar yr IBA h.y. ar niferoedd disgyblion cynradd, uwchradd, a
dysgwyr sydd a hawl i brydau ysgol am ddim a bod pwysiad penodol i’r grwpiau uchod yn y gwahanol oedran.
(e)
Beth yw gwerth y model ysgol i ysgol?
Eglurodd y Pennaeth Addysg bod y model uchod yn syniad cenedlaethol ar
gyfer ysgolion i adnabod eu cryfderau eu hunan.
Ymhelaethodd yr Uwch Ymgynghorydd Her GwE ar drefniadau’r model ysgol i
ysgol gan nodi bod y rhaglen yn seiliedig ar 3 model:
(i)
Grŵp Ysgolion sydd
yn y categori melyngoch / coch lle cynhelir y gweithrediad dwysaf gyda chynllun
cymorth i bob un ysgol a’r Ymgynghorydd Her GwE yn ganolog i’r daith o wella
safonau addysg ysgol. Mae’r model wedi arwain at welliannau sylweddol.
(ii)
Grŵp Ysgolion sydd
yn y categori melyn - lle mae ysgolion yn parhau ar y daith gwella hefo ffocws
i ddatblygu gwell gwydnwch i ansawdd arweinyddiaeth yn yr ysgol. Mae presenoldeb Ymgynghorydd Her yn llai o
ran gweithredu ond fe geir hyd at 10
diwrnod ychwanegol o gefnogaeth. Yn y categori hwn gwelir ysgolion sydd ag
anghenion cyffredin yn dod at ei gilydd ac yn cydweithio.
(iii)
Grŵp Ysgolion
Gwyrdd (neu felyn cadarn) - lle mae ysgolion yn cael rhyddid ac annibyniaeth i
arwain agenda eu hunain. Pan sefydlwyd y
model yn wreiddiol diffiniwyd rôl Penaethiaid yng nghyd-destun rôl yr
Ymgynghorydd Her a gofyn i Benaethiaid gyd-herio cymeriad a chymryd cyfrifoldeb o waith categoreiddio’r
ysgolion unigol sef proses oeddynt yn wneud i’w gilydd. Fodd bynnag
roedd Penaethiaid yn teimlo’n anghyfforddus gyda’r drefn a thrwy broses
o ymgynghori fe dynnwyd y gofyn hyn oddi wrthynt, a bellach roedd y model yn gosod
yr Ymgynghorydd Her yn fwy canolog iddynt.
Gwelwyd dros y flwyddyn bod yr ysgolion wedi eu gosod o fewn teuluoedd a
chynhaliwyd cyfres o weithgareddau, hyfforddiant a sesiynau cyd-ddatblygu o
fewn y teuluoedd ac maent wedi arloesi ar sawl agwedd gan greu cyfundrefn hunan
wella. Gwelwyd lefel uwch o aeddfedrwydd mewn ysgolion a
chynnydd yn y nifer o ysgolion yn yr haen yma sy’n tystiolaethu i
effeithiolrwydd y model. Fodd bynnag
parheir i esblygu’r model.
Estynnodd yr Uwch Ymgynghorydd gwahoddiad i Aelodau’r Pwyllgor Craffu hwn
gysgodi Ymgynghorwyr Her GwE er mwyn i aelodau ddyfnhau eu dealltwriaeth o’u
gwaith a’r trefniadau.
(f)
O ran ddisgyblion sydd
ddim yn derbyn addysg mewn ysgolion oherwydd nifer o resymau megis anawsterau
emosiynol, salwch, a.y.b. eglurodd y
Pennaeth Addysg bod Bwrdd penodol wedi ei sefydlu yn lleol i ganolbwyntio ar y
plant hyn i sicrhau eu bod yn derbyn yr hawl a haeddiant i addysg gyflawn ac
sydd yn arwain at gymhwyster. Rhaid
cofio bod diogelwch y plant yn hanfodol ac fe fyddir yn monitro’r canlyniadau.
(ff) O
safbwynt un ysgol sydd wedi ei dyfarnu yn “Rhagorol” yn dilyn arolwg ESTYN ond
eto mewn categori monitro awdurdod, esboniwyd oherwydd gweithdrefnau a
fframwaith arolygu ESTYN ynglŷn á phresenoldeb disgyblion gosodwyd yr
ysgol yn yr hanner isaf a dyna’r rheswm pam bu’n rhaid monitro.
(g)
Beth yw natur a statws y rhaglen o gefnogaeth
fydd yn adnabod arweinwyr y dyfodol?
Eglurodd yr Uwch Ymgynghorydd Her GwE bod gwaith wedi cychwyn i adnabod
arweinwyr canol cyfredol gyda photensial i fod yn Benaethiaid effeithiol a
bellach bod rhaglen ddatblygu gyflawn yn ei lle ac yn cael ei weithredu. Pan
fydd cyfleoedd yn codi i’r unigolion yntau i fod yn ysgwyddo rôl fel Pennaeth
Gweithredol neu Bennaeth mewn gofal nodwyd bod rhaglen i’w cefnogi nhw fel eu bod
yn gallu ymgymryd â’r dasg yn y tymor byr ac fe ellir
teilwro’r rhaglen i anghenion y
Pennaeth.
(h)
Mewn ymateb i gwestiwn
ynglŷn â yw ysgolion yn gwbl barod
am arolygiadau?
Eglurodd y Pennaeth Addysg bod Penaethiaid wedi mynychu hyfforddiant
oddeutu blwyddyn yn ôl ac wedi eu trwytho ynglyn a
chynlluniau datblygu ysgolion, hunan arfarniadau, tracio disgyblion a bod yr
Ymgynghorwyr Her Gwe wedi dilyn y materion hyn i fyny ac fe welwyd ei fod
wedi dwyn ffrwyth. Sicrhaodd y Pennaeth
Addysg ei fod yn herio yn rheolaidd ac o’r farn bod
bron pob un o’r ysgolion yn agos o fod yn barod am arolwg.
(e) Mewn ymateb i gwestiwn
ynglŷn â rhannu ei ddyletswyddau rhwng y Sir a GwE, argyhoeddodd y
Pennaeth Addysg y Pwyllgor mai ei brif ddyletswydd ydoedd cadw golwg ar safonau
addysg ysgolion Gwynedd ac o ran y secondiad i GwE bod ganddo waith i’w
gyflawni o’r hyn sydd yn effeithiol ac angen newid o fewn y rhanbarth.
Penderfynwyd: (a)
Derbyn, nodi a diolch am yr ymatebion i ymholiadau penodol y Pwyllgor.
(b) Cymeradwyo i’r awgrymiadau wnaed sef:
(i)
Gwahodd y Pennaeth Addysg i esbonio trefn llywodraethu GwE i’r Pwyllgor
Craffu mewn sesiwn i’w drefnu ar wahan
(ii)
Bod yr Uwch Ymgynghorydd Her GwE, mewn ymgynghoriad gyda’r Uwch Reolwr
Cefnogaeth Gorfforaethol, yn gwahodd aelodau i gysgodi Ymgynghorwyr Her GwE
iddynt ehangu eu dealltwriaeth o waith GwE
(c) Bod y Pennaeth Addysg, yn dilyn ei
secondiad i Gwe, yn cyflwyno asesiad o’i
ganfyddiadau ar gryfderau a gwendidau o drefniadau presennol GwE i sicrhau
trefniadau hyfyw a chynaliadwy ar gyfer y dyfodol.
Dogfennau ategol: