Cais amlinellol i godi 18 uned anheddol (gan
gynnwys 4 uned fforddiadwy) ynghyd a chreu mynedfa gerbydol newydd, ffordd stad
fewnol a llwybr troed ar gyfer cerddwyr (cynllun diwygiedig i’r hyn a
ganiatawyd ar apel cyf C13/0766/13/LL – Apel APP/Q6810/A/14/2215839
Aelod Lleol:
Cynghorydd Ann Williams
Dolen
i’r dogfennau cefndir perthnasol
Cofnod:
Cais amlinellol i godi 18 uned
anheddol (gan gynnwys 4 uned fforddiadwy) ynghyd a chreu mynedfa gerbydol
newydd, ffordd stad fewnol a llwybr
troed ar gyfer cerddwyr (cynllun diwygiedig i’r hyn a ganiatawyd ar apêl cyf
C13/0766/13/LL - Apêl APP/Q6810/A/14/221539).
(a)
Adroddwyd bod llythyrau hwyr wedi ei derbyn
yn ceisio cyfiawnhau y datblygiad
Ymhelaethodd yr Uwch Swyddog Rheolaeth Datblygu ar gefndir y cais gan
atgoffa'r aelodau bod y safle yn un lle gwrthodwyd cais blaenorol ar gyfer
datblygiad preswyl i godi 24 uned byw (gan gynnwys 16 uned fforddiadwy), ond a
dderbyniwyd caniatâd yn ddiweddarach o ganlyniad i benderfyniad gan Arolygydd
Cynllunio ar Apêl. Derbyniwyd cais diweddarach i amrywio’r cynllun fel bod
cyfanswm yr unedau yn lleihau o 24 i 18 gyda 11 o’r tai a ganiatawyd yn dai
fforddiadwy. Amlygywd bod y cais cyfredol yn un
amlinellol ar gyfer 18 annedd, ond bod y gyfran tai fforddiadwy wedi lleihau o
11 i 4.
Eglurwyd bod y safle wedi ei leoli yn rhannol oddi mewn i ffin datblygu
Bethesda sydd wedi ei ddynodi fel Canolfan Lleol yng Nghynllun Datblygu Unedol
Gwynedd. Ategwyd bod y safle yn hanesyddol wedi bod fel modurdy/depo loriau.
Nodwyd bod y defnydd yma wedi dod i ben a’r safle bellach wedi ei glirio o
adeiladau a safai yno yn y gorffennol. Ystyriwyd bod y safle yn dir sydd wedi
ei ddatblygu eisoes ac felly yn cael ei ddiffinio fel safle Tir Llwyd.
Ategwyd bod angen sylweddol am dai fforddiadwy
yn yr ardal
ac felly anodd derbyn nad yw hyn
yn cael ei
gyfarch yn y cais diwygiedig
Tynnwyd sylw at y sylwadau
ychwanegol a dderbyniwyd
(b)
Yn manteisio
ar yr hawl
i siarad nododd asiant yr ymgeisydd
y prif bwyntiau canlynol:-
·
mai datblygiad preswyl ydoedd am 18 o dai marchnad agored
a 4 tŷ fforddiadwy
·
cais wedi ei ganiatáu yn dilyn
apêl ddilys
·
derbyn bod rhan o’r safle tu
allan i’r ffin datblygu
·
cyfiawnhad mai tir sydd yma
sydd eisoes wedi ei ddatblygu (tir llwyd) ac felly caniatâd wedi ei gyfarch ar
gyfer y safle i gyd
·
nad oedd gan Cyngor Gwynedd
gyflenwad tir am 5 mlynedd
·
yn unol â chanllawiau dylunio
- y tai fforddiadwy wedi eu
hintegreiddio gyda thai marchnad agored
·
cyfiawnhad digonol ar gyfer y
cais arfaethedig
(c)
Cynigiwyd i ganiatáu y cais yn
groes i’r argymhelliad. Disgynnodd y cynnig
(ch) Cynigiwyd
ac eiliwyd i wrthod y cais yn unol â’r argymhelliad
(d)
Gwnaed cais i’r Uwch Reolwr ymateb i sylwadau'r
asiant.
Amlygodd yr Uwch Reolwr bod angen tystiolaeth bellach cyn ystyried y cais yn llawn - pam cyfiawnhau
tai marchnad agored tu allan i ffin datblygu lleol? Amlygwyd bod materion
sylfaenol dros wrthod y cais i) egwyddor y datblygiad, ii)
nid yw’r polisiau yn caniatáu datblygu tu allan i’r
ffin datblygu ac iii) mae tystiolaeth gadarn i
awgrymu bod angen dwys am dai fforddiadwy ym Methesda.
Nodwyd bod caniatâd eisoes ar gyfer 11 tŷ fforddiadwy, pam felly cwtogi
hyn i 4.
(e)
Yn ystod y drafodaeth ddilynol nodwyd y prif sylw
canlynol:
·
bod angen rhesymau eithriadol
i ddatblygu tu allan i’r ffin - nid yw'r bwriad yn rhesymol ac yn ymddangos yn
waeth na’r caniatâd sydd eisoes yn bodoli
PENDERFYNWYD
gwrthod y cais.
Rheswm
Nid yw’r rhan o’r
bwriad sy’n golygu datblygu tai ar gyfer y farchnad
agored y tu allan i ffin
ddatblygu Canolfan Lleol Bethesda yn dderbyniol oherwydd bod datblygu tai marchnad agored y tu allan
i ffiniau datblygu dynodedig yn groes i
bolisïau mabwysiedig lleol a chenedlaethol, yn
ogystal fe fyddai’r datblygiad hwn yn lleihau’r
cyflenwad tai fforddiadwy sydd wedi ei
ganiatau ac mae tystiolaeth gadarn yn bodoli
o’r angen am dai fforddiadwy yn yr ardal
sydd wedi ei brofi ar
apêl. Fe fyddai’r datblygiad felly’n groes i bolisïau
C1, C3 ac CH7 o Gynllun Datblygu
Unedol Gwynedd yn ogystal â’r Canllaw
Cynllunio Atodol: Adeiladu Tai Newydd yng Nghefn Gwlad,
Polisi Cynllunio Cymru, Pennod 9 (Argraffiad 8, 2016) a Nodyn Cynllunio Technegol 6: Cynllunio ar gyfer
Cymunedau Gwledig Cynaliadwy (2010).
Dogfennau ategol: