Cais diwygiedig i ddymchwel annedd presennol ac adeiladu annedd newydd yn ei le ynghyd a gwaith cysylltiol.
AELOD LLEOL: Y Cynghorydd Anwen J Davies
Cofnod:
Cais diwygiedig i ddymchwel
annedd presennol ac adeiladu annedd newydd yn ei le ynghyd a gwaith cysylltiol
(a) Ymhelaethodd yr Uwch Swyddog Rheolaeth
Datblygu ar gefndir y cais gan nodi y gohirwyd y cais hwn ym Mhwyllgor
Cynllunio Chwefror 2015 er mwyn derbyn gwybodaeth angenrheidiol o ran ystlumod
ac i dderbyn adroddiad technegol i gyfiawnhau pam nad yw’n bosib lleoli’r
tŷ yn agosach at leoliad y tŷ presennol. Golyga’r bwriad i ddymchwel annedd presennol
ac adeiladu annedd newydd yn ei le ar leoliad gwahanol o fewn eiddo 1-3
Arddgrach, Llannor, ynghyd a gwaith cysylltiol, a oedd yn cynnwys byngalo
gromen gyda thair ystafell wely, gyda’i wyneb blaen yn wynebu’r de
ddwyrain. Byddai’r tŷ wedi ei
orffen gyda tho llechi ac wyneb rendr llyfn wedi ei beintio. Bwriedir creu mynedfa newydd ar safle’r
tŷ presennol, gan ymestyn trac o ymyl y gerbydlon i’r tŷ a throi i
gyfeiriad giat mynedfa i’r cae cyfochrog.
Gwrthodwyd cais y llynedd i ddymchwel yr annedd a chodi tŷ newydd
o’r un dyluniad a’r cais hwn ond ymhellach i mewn i gefn y llain. Cyfeiriwyd at y polisiau perthnasol o fewn yr
adroddiad ynghyd a’r ymatebion i’r ymgynghoriadau cyhoeddus. O safbwynt egwyddor y datblygiad, nodwyd nad
oedd y bwriad yn cydymffurfio a holl meini prawf polisi CH13 o Gynllun Datblygu
Unedol Gwynedd. Er bod materion ystlumod
wedi ei ddatrys drwy gyflwyno gwybodaeth ychwanegol, ystyrir bod y swyddogion
cynllunio o’r farn bod lleoliad a gosodiad y tŷ annedd arfaethedig yn
anaddas ac yn groes i egwyddor polisiau tai, dylunio Cynllun Datblygu Unedol
Gwynedd. Er bod potensial i ddatblygu’r safle, ni ystyrir fod yr ail gyflwyniad
gerbron yn dderbyniol ac yn seiliedig ar y wybodaeth ychwanegol a’r cynlluniau
a gyflwynwyd argymhellir i wrthod y cais.
(b) Nododd yr Aelod lleol (nad
oedd yn aelod o’r Pwyllgor Cynllunio hwn) y prif bwyntiau canlynol o blaid y
cais:
·
Tra’n
derbyn bod y lleoliad wedi newid pwysleiswyd ni ellir adeiladu ar yr un
sylfeini oherwydd cyflwr y tir o ran llifogydd o godiad tir y tu ol i’r tai
·
Cefnogwyd
yr uchod mewn adroddiad annibynol oddi wrth Mr Phil Jones, arbenigwr mewn
rheolaeth draenio a llifogydd, a oedd yn nodi, yn dilyn archwiliad, bod y wal
gynnal yn gollwng dwr ac yn arllwys i lawr y ffordd. Roedd tystiolaeth o dryddiferiad afreolus mewn sawl lleoliad ac y
byddai’n annoeth i ystyried ailosod yr annedd ar safle’r tŷ presennol
oherwydd ei agosrwydd i’r wal gynnal a natur gwlyb y tir. Rhaid i’r tŷ fod wedi ei leoli oddi wrth
y wal gynnal a’r problemau draenio cysylltiol.
·
Bod
tai cymysg eu mhaint wedi eu hadeiladu ym mhentref Llannor ac yn gweddu o fewn
y pentref
·
Bod
trigolion y pentref yn gefnogol i’r cais ac y byddai’n welliant aruthrol i’w
leoli ar safle hen sied amaethyddol
·
Bod
yr ymgeisydd yn lleol – yn nain gyda theulu o’i chwmpas
·
Bod
yr holl ymgynghoriadau cyhoeddus yn gefnogol i’r cais
(c) Cynigwyd ac eilwyd i’w
ganiatau yn erbyn argymhelliad y swyddogion Cynllunio.
(ch) Nodwyd y
prif bwyntiau canlynol o blaid ei ganiatau:
·
Bod
y cynllun yn welliant ac nad oedd ei adeiladu ar leoliad y tŷ presennol yn
addas o ystyried barn yr arbenigwr annibynnol ar reoli draenio
·
Y
dylid bod ychydig yn hyblyg er mwyn cefnogi tai yng nghefn gwlad ar gyfer bobl
leol
·
Bod
y cais yn cydymffurfio a meini prawf 1, 2 4 a 5 o bolisi CH13 o Gynllun
Datblygu Unedol Gwynedd ac er nad oedd yn cydymffurfio a maen prawf 3 (sef bod
yr uned newydd yn cael ei leoli ar safle’r uned gwreiddiol neu cyn agosed ag
sy’n ymarferol bosibl), derbyniwyd tystiolaeth ac eglurhad gan yr ymgeisydd o’r
rhesymau pam bod angen ad-leoli’r tŷ ar safle’r sied amaethyddol ac nad
oedd yn ymwthiol ar y safle hwn
·
Bod
ôl-troed y tŷ presennol yn gul ac na fyddai adeiladu tŷ arno yn
ymarferol i ddibenion teulu
(d) Nodwyd y pwyntiau canlynol
yn erbyn caniatau’r cais:
·
Nad
oedd digon o dystiolaeth gerbron pam na ddylid adeiladu’r tŷ arfaethedig
ar sylfeini’r annedd presennol
·
Y
byddai gwerth y tŷ ar y farchnad agored yn uwch ac y dylid gwarchod
cynaldwyedd y tŷ i’r dyfodol
·
Oherwydd
nad oedd y bwriad yn cydymffurfio a pholisi CH13, y byddai’r tŷ araethedig
ar safle arall yn cael ei ystyried fel tŷ newydd ac y dylai tai newydd yng
nghefn gwlad fod yn rhai fforddiadwy
(dd) Pleidleiswyd ar y cynnig i’w ganiatau ac fe gariodd y
cynnig hwn.
Penderfynwyd: Caniatau’r cais yn unol a’r rhesymau amlinellir yn (ch) uchod ac i amodau cynllunio perthnasol a bennir gan yr Uwch Reolwr Gwasanaeth Cynllunio.
Dogfennau ategol: