Agenda item
- Cyfarfod Pwyllgor Cynllunio, Dydd Llun, 25ain Gorffennaf, 2016 1.00 y.h. (Item 17.)
- Datganiadau o fuddiant ar gyfer eitem 17.
Cais diwygiedig – Diwygio amod 1. o ganiatâd C11/1077/16/LL er mwyn caniatáu 5 mlynedd ychwanegol i weithredu’r caniatâd ynghyd a diwygio amod 2. (yn unol a’r cynlluniau a ganiatawyd) er mwyn addasu’r gosodiad a ganiatawyd i leoli 39 o dai yn lle 17.
AELOD LLEOL: Y Cynghorydd Dafydd Meurig
Dolen
i’r dogfennau cefndir perthnasol
Cofnod:
Cymerwyd y Gadair gyda caniatad y Pwyllgor gan y Cynghorydd Gwen
Griffiths ar yr eitem hon gan bod y Cadeirydd wedi datgan buddiant personol ac
wedi gadael y Siambr ac nad oedd yr Is Gadeirydd yn bresennol
Cais diwygiedig – Diwygio
amod 1. o ganiatâd C11/1077/16/LL er mwyn caniatáu 5 mlynedd ychwanegol i
weithredu’r caniatâd ynghyd a diwygio amod 2. (yn unol a’r cynlluniau a
ganiatawyd) er mwyn addasu’r gosodiad a ganiatawyd i leoli 39 o dai yn lle 17
Roedd Aelodau’r Pwyllgor
Cynllunio wedi ymweld a’r safle.
(a) Ymhelaethodd yr Uwch
Swyddog Rheolaeth Datblygu ar gefndir y cais gan nodi mai cais i ddiwygio amod
oedd gerbron er mwyn caniatau 5 mlynedd ychwanegol i weithredu’r caniatad
ynghyd a diwygio amod 2. Nodwyd bod y
cais blaenorol a ganiatwyd yn ymwneud a throsi adeilad rhestredig Plas y Coed
ei hun i gynnwys 12 uned byw yn ogystal a chodi 17 uned byw ar wahan o fewn y
cae cyfagos. Golyga’r bwriad greu
mynedfa gerbydol newydd. Prif bwrpas y cais ydoedd addasu’r cynllun er mwyn
adeiladu 39 o dai yn lle’r 17 ac yn golygu codi 23 tŷ 3 llofft, 8 tŷ
2 llofft ac 8 tŷ 1 llofft. Tynnwyd
sylw bod y bwriad yn cynnwys cynlluniau i drosi’r Plas i 12 uned byw. Nodwyd bod gosodiad y tai yn eithaf tebyg i’r
caniatad roddwyd yn flaenorol ac fe fydd y tai ychwanegol yn cael eu darparu
trwy godi tai par a dau floc o fflatiau un llofft yn lle’r unedau mwy ar wahan
oedd yn rhan o’r cais blaenorol. Cyfeiriwyd at y polisiau perthnasol ynghyd a’r
ymgynghoriadau cyhoeddus. Nodwyd bod y
safle wedi ei leoli o fewn ffiniau datblygu dinas Bangor ac egwyddor i’w
ddatblygu eisoes wedi ei dderbyn trwy’r caniatad blaenorol ac nid oedd newid yn
y polisiau ers hynny. Prif ystyriaeth y cais ydoedd effaith sy’n deillio o 22 o
dai ychwanegol ar y safle. Nodwyd wrth gynyddu’r nifer bod y bwriad yn gwneud
gwell defnydd o’r safle gyda dwysedd y datblygiad yn fwy cymesur a’r ffigwr o
30 uned yr hectar. Oherwydd cynnydd yn y datblygiad, nodwyd bod posibilrwydd o
ail-asesu’r tai fforddiadwy gyda’r caniatad cyfredol wedi sicrhau 4 uned
fforddiadwy o fewn y Plas a chyfraniad ariannol a oedd gyfystyr a 3 uned
fforddiadwy. Nodwyd bod y cynllun wedi newid o’r caniatad blaenorol drwy gynnig
cymysgedd o dai gwahanol sy’n golygu cynnig 10 uned fforddiadwy ar safle’r cae
ac fe geir rhesymau o fewn yr adroddiad paham nad yw’n hyfyw i ddarparu unedau
fforddiadwy yn y Plas. Tynnwyd sylw bod
y cais yn parhau i fod yn dderbyniol o safbwynt llecynnau adloniadol,
darpariaeth addysgol, materion trafnidiaeth a mynediad gyda digon o lefydd
parcio. O safbwynt effaith ar fwynderau
preswyl, nodwyd mai’r Lodge wrth y fynedfa fyddai’n gweld effaith mwyaf o’r
datblygiad oherwydd ei leoliad ac agosrwydd i’r safle. Er gwybodaeth, derbyniwyd cais cynllunio i
ymestyn cwrtil y Lodge sy’n golygu y gellir gosod rhwystr rhwng y fynedfa a lon
y stad. O ran dyluniad nodwyd ei fod yn
eithaf safonol ac ddim yn wahanol i’r
caniatad blaenorol fodd bynnag byddai angen gosod amodau o ran
gorffeniadau. Nodwyd bod rhywfaint o
welliant o ran effaith yr adeilad rhestredig gan y byddai wal y Plas yn weladwy
ac yn ei wneud yn hawdd darllen hanes y safle ac yn creu nodwedd deniadol o
fewn y stad. Ar ol rhoddi ystyriaeth i’r holl faterion pertrhnasol, argymheiad
y swyddogion cynllunio ydoedd dirprwyo’r hawl i’r Uwch Reolwr Cynllunio i
ganiatau’r cais yn ddarostyngeidg i amodau cynllunio perthnasol.
(b) Yn manteisio ar yr hawl i
siarad, nododd yr ymgeisydd y prif bwyntiau isod:
·
Gofynnnir i Aelodau gadarnhau'r newidiadau arfaethedig i'r cynllun safle
i hwyluso newid i'r math o unedau preswyl arfaethedig
·
Bod pob elfen arall o'r cynllun yn parhau i fod heb eu newid i’r cais
blaenorol a ganiatawyd
• Yn lle darpariaeth o 17 uned ar wahân, bod y cais gerbron yn gofyn am gymeradwyaeth am 39 uned o 1, 2, 3 ystafell wely unedau pâr sy'n
mabwysiadu cynllun tebyg i'r cynllun a gymeradwywyd
·
Bod yr angen i gymeradwyo cymysgedd gwahanol o unedau wedi codi o
ganlyniad i ymchwil helaeth i'r farchnad ymhellach gan Gwmni Watkin Jones sydd
wedi dangos bod y galw am dai mawr ar wahân ym Mangor yn cael ei ddiwallu ar
hyn o bryd gan y datblygiad Redrow Goetra Uchaf
• Bod pob adroddiad technegol blaenorol wedi eu diweddaru i adlewyrchu cyflwr
presennol y safle
·
Bod agwedd gadarnhaol arall ar y safle sef ymestyn nifer o dai fforddiadwy gan fod y
cais yn cynnig unedau llawer mwy fforddiadwy i deuluoedd
·
Bod Cwmni Watkin Jones yn
ymroddedig iawn i'r cynllun sydd yn gyflawnadwy yn economaidd ac yn dderbyniol
o ran darparu tai fforddiadwy o ran sicrhau datblygiad preswyl o safon uchel a
gwir angen gwaith adfer ac adnewyddu'r Plas - adeilad pwysig sydd wedi bod mewn
cyflwr gwael llawer rhy hir
(c) Nododd yr Aelod LLeol (nad
oedd yn Aelod o’r Pwyllgor Cynllunio hwn) y prif bwyntiau canlynol:
·
Ei
fod wedi gwrthwynebu’r cais pan oedd gerbron y Pwyllgor Cynllunio yn flaenorol
i ganiatau 17 o dai yn seiliedig ar effaith i fwynderau preswyl Plas y Coed
Lodge
·
Tra’n
derbyn yr egwyddor, bod cynnydd o 17 i 34 uned yn peri pryder a mwy o sðn i
Plas y Coed
·
Croesawyd
bod cytundeb ar faterion trafnidiaeth a bod y Pwyllgor Cynllunio wedi ymweld
a’r safle
·
Pwysigrwydd
bod sylw yn cael ei roi i Plas y Coed ar unwaith oherwydd ei gyflwr a hyderir y
bydd yn cael ei atgyweirio cyn i’r tai gael eu hadeiladu
(ch) Cynigwyd ac eilwyd i ganiatau’r cais.
(d) Mewn
ymateb i bryderon amlygwyd yn deillio o’r sylwadau uchod, esboniodd yr Uwch
Reolwr Gwasanaeth Cynllunio:
·
Gellir
trafod gyda’r datblygwr ynglyn ag amod I sicrhau datblygiad cam wrth gam parthed yr angen cychwyn ar ddatblygiad Plas
y Coed yn ffurfiol
·
O
safbwynt tai fforddiadwy a’r cyfraniad ariannol, bod y cais gerbron yn
gymysgedd llawer mwy eang o dai na’r cais blaenorol sy’n cyfarch angen y
farchnad dai yng Ngwynedd a phwysleiswyd
bod 10 o’r tai yn rhai fforddiadwy ac yn cael eu hadeiladu i safonau
Cymdeithasau Tai.
·
Bod
materion ieithyddol wedi derbyn ystyriaeth ac wedi ei gyflwyno fel rhan o’r
cais
Penderfynwyd: Dirprwyo’r hawl i’r Uwch
Rheolwr Cynllunio i ganiatáu’r cais yn ddarostyngedig i’r amodau isod ac i
arwyddo cytundeb 106 i sicrhau darpariaeth o dai fforddiadwy.
1. Amser
2. Cydymffurfio gyda
chynlluniau.
3. Deunyddiau a
gorffeniadau i’r tai a Plas.
4. Llechi.
5. Tynnu hawliau
datblygiadau a ganiateir.
6. Manylion tirlunio a
ffensys.
7. Amodau trafnidiaeth.
8. Cynllun draenio tir.
9. Tirweddu a phlannu
coed.
10. Amod gwaith
archeolegol
11. Amodau gwarchod
coed.
12. Amodau i warchod
ystlumod yn cynnwys amod i gwblhau’r clwydfan cyn cychwyn ar safle’r tai
newydd.
13. Darparu llecyn
agored mwynderol.
14. Darparu ardal
lliniaru bioamrywiaeth, yn cynnwys cynllun rheoli diwygiedig.
15. Dim torri coed yn y
cyfnod nythu adar.
16. Cynllun goleuo.
17. Darparu ffens i atal
mamaliaid.
18. Cytuno datblygiad
cam wrth gam.
Dogfennau ategol: