Codi tri tŷ annedd deulawr ar wahan a datblygiadau cysylltiedig.
AELOD LLEOL: Cynghorydd Elfed W. Williams
Cofnod:
Codi
tri tŷ annedd deulawr ar wahân
a datblygiadau cysylltiedig.
(a) Ymhelaethodd y Swyddog
Rheolaeth Datblygu ar gefndir y cais
gan nodi bod safle’r cais yn
dir llwyd o fewn ffin datblygu
pentref Clwt y Bont. Nodwyd ei
fod yn fwriad
codi tri thŷ deulawr gyda phedair
llofft ar y safle ar gyfer
y farchnad agored gyda mynedfa ar
wahân i’r tri eiddo ac fe
fyddai pob un yn arwain at ffordd
ddi-ddosbarth sy’n gwasanaethu nifer o anheddau.
Tynnwyd sylw at y sylwadau ychwanegol a dderbyniwyd.
Nodwyd mai’r brif ystyriaeth oedd polisi CH4 o’r CDUG a oedd
yn caniatáu cynigion i adeiladu tai newydd ar safleoedd na ddynodwyd ac oedd o
fewn ffiniau datblygu pentrefi os gellir cydymffurfio
â holl bolisïau perthnasol y CDUG a’r 3 maen prawf a oedd yn ffurfio rhan o’r
polisi. Tynnwyd sylw bod maen prawf 1 yn ymwneud gyda chael cyfran o bob uned
sydd ar y safle yn rhai fforddiadwy oni bai na fyddai’n briodol darparu tai
fforddiadwy ar y safle. Eglura’r Datganiad Cynllunio Cefnogol (wedi ei gefnogi
gan y Cyfrifiadau Hyfywdra) nad ydyw’n hyfyw i gynnig elfen fforddiadwy fel
rhan o’r cynllun.
Nodwyd bod sawl honiad wedi ei wneud fod y tir wedi ei
lygru gan wastraff megis hen geir ac mae polisi B30 yn awgrymu gwrthod
ceisiadau ar dir sydd wedi ei lygru heb wybodaeth i dangos triniaeth dderbyniol
o’r safle. Fodd bynnag, nid oedd unrhyw dystiolaeth gadarn wedi ei chyflwyno i
gefnogi'r honiadau o ansefydlogrwydd y tir nac o unrhyw beryglon llygredd ac
nid oedd unrhyw un o'r asiantaethau swyddogol a ymgynghorwyd a hwy wedi codi'r
materion hyn. Pe caniateir y cais argymhellir gosod amod ychwanegol er mwyn
sicrhau bod archwiliad desg i asesu risg o lygredd ar y safle yn cymryd lle ac
os oes gwir angen gweithrediad pellach bod sicrwydd bod hyn yn digwydd cyn
datblygu’r safle. Yn ogystal argymhellir amod i gytuno manylion unrhyw waith
peirianyddol a fyddai’n ymwneud efo newid lefelau unrhyw ran o’r safle yn
enwedig yr ymdriniaeth o’r ffiniau.
Cadarnhawyd na ystyrir
bod y gwrthwynebiadau a dderbyniwyd
yn gorbwyso’r ystyriaethau polisi na’r materion cynllunio
perthnasol. Roedd y datblygiad yn cydymffurfio
gyda’r CDUG am y rhesymau a roddwyd yn yr
adroddiad
(b) Yn manteisio ar yr hawl
i siarad nododd gwrthwynebydd y prif bwyntiau canlynol:-
·
Ei fod yn ddatblygiad
amhriodol ar dir amhriodol;
·
Pryder o ran sefydlogrwydd y
tir;
·
Bod nodi nad oedd y safle yn
llygredig yn fwriadol gamarweiniol o ystyried bod deunydd megis ceir, batris ac
asbestos wedi ei dipio ar y tir;
·
Bod llysiau’r dial yn tyfu ar
y safle;
·
Pryder y byddai’r datblygiad
yn dinistrio calon y pentref hanesyddol;
·
Bod cwestiwn cyfreithiol yn
codi o ran cymdogion yn gyd llofnodwyr i unrhyw gais ar gyfer datblygu’r safle
hwn o ystyried bod tipio wedi digwydd ar eu tir yn ogystal.
(c) Yn manteisio ar yr
hawl i siarad nododd asiant yr
ymgeisydd y prif bwyntiau canlynol:-
·
Bod yr ymgeisydd wedi derbyn cyngor cyn
cyflwyno cais gan swyddogion ac fe roddwyd ystyriaeth
i’r sylwadau;
·
Y byddai’r tai wedi eu lleoli
mewn pellter addas o dai cyfagos
a bod dyluniad a gosodiad y
bwriad yn sicrhau na fyddai
effaith ar fwynderau cyffredinol a phreswyl;
·
Y byddai’r datblygiad yn creu
dim ond ychydig o symudiadau cerbyd ychwanegol ac nad oedd gan yr
Uned Drafnidiaeth unrhyw wrthwynebiad ar sail diogelwch ffyrdd a strydoedd;
·
Bod pryderon trigolion cyfagos o ran sefydlogrwydd tir yn gysylltiedig ag eiddo cyfagos yn
hytrach na’r safle ei hun;
·
Nid oedd unrhyw dystiolaeth o ran ansefydlogrwydd tir a bod camau priodol wedi
eu gosod allan yn y dyluniad
i ddiogelu’r llethr ar gyrion
y safle a fyddai’n cael ei reoli
gan y broses Rheolaeth Adeiladu;
·
Nid oedd tystiolaeth
bod y tir yn llygredig ond roedd
yr ymgeisydd yn barod i
dderbyn amod o ran delio ac unrhyw lygredd os oedd
angen.
(c) Gwnaed
y prif bwyntiau canlynol gan yr aelod lleol
(nad oedd
yn aelod o’r Pwyllgor Cynllunio
hwn):-
·
Bod y bwriad yn groes i bolisi
B23 a B28 o’r CDUG;
·
Ni chynhwysir
elfen fforddiadwy yn y bwriad ac nid oedd digon
o dystiolaeth wedi ei gyflwyno i
beidio cynnwys tŷ fforddiadwy;
·
Byddai pris y tai yn uwch
na’r hyn a all bobl leol
ei fforddio;
·
Pryderon o ran
diogelwch ffyrdd ac awgrymu y dylid lledu’r ffordd;
·
Bod ceisiadau
eraill am dai
a ganiatawyd yn yr ardal ddim
wedi eu datblygu.
(ch) Mewn ymateb i’r sylwadau, nododd yr Uwch Reolwr
Gwasanaeth Cynllunio:-
·
Nid oedd tystiolaeth bod y tir yn ansefydlog;
·
Bu’r ffigyrau a ddarparwyd gan yr ymgeisydd yn
destun dadansoddiad gan yr Uned
Polisi Cynllunio ar y Cyd gan
ddefnyddio methodoleg safonol Cyngor Gwynedd ar gyfer asesu
hyfywdra datblygiadau tai arfaethedig a daethpwyd i’r casgliad na
fyddai'r datblygiad yn hyfyw yn
economaidd pe bai'n cynnwys elfen
o dai fforddiadwy;
·
Nid oedd yr Uned Drafnidiaeth
yn gwrthwynebu’r bwriad.
(d) Cynigwyd
ac eiliwyd i gynnal
ymweliad safle.
Yn ystod y drafodaeth ddilynol nodwyd y prif sylwadau
canlynol:
·
Bod y lonydd yn gul ac wrth
gymryd i ystyriaeth pryderon y bobl leol y dylid
ymweld â’r safle;
·
A ellir cadarnhau hygrededd pris y tai?
·
Na fyddai’r tai yn fforddiadwy i bobl leol
o ystyried cyfartaledd cyflogau yn lleol;
·
Y dylid cymryd i ystyriaeth
bod trafferth gwerthu tai newydd yn
Neiniolen.
(dd)
Mewn ymateb i’r sylwadau uchod, nododd yr Uwch Reolwr
Gwasanaeth Cynllunio:-
·
Bod yr Uned Polisi Cynllunio
ar y Cyd wedi defnyddio pecyn cyfrifiadurol a ddefnyddir yn genedlaethol ar gyfer asesu hyfywdra
datblygiadau tai arfaethedig
a daethpwyd i’r casgliad na fyddai’r
datblygiad yn hyfyw yn economaidd
pe bai'n cynnwys elfen o dai fforddiadwy;
·
Bod yr Uned Eiddo wedi
nodi bod cost adeiladu a ddangoswyd gan yr ymgeisydd yn
briodol yn yr achos hwn
ac yn gyson â datblygiadau eraill yn lleol;
·
Y byddai’n anodd iawn cyfiawnhau
gwrthod y cais ar sail bod dim angen am dai gan nad oedd tystiolaeth
o hynny.
PENDERFYNWYD cynnal
ymweliad safle.
Dogfennau ategol: