Newid defnydd cyn Eglwys yn uned gwyliau.
AELOD LLEOL: Cynghorydd Anwen Davies
Cofnod:
Newid defnydd cyn Eglwys yn
uned gwyliau.
(a) Ymhelaethodd
y Rheolwr Rheolaeth Datblygu ar gefndir
y cais gan nodi bod yr eglwys
yn wag ers peth amser ac eisoes
wedi newid dwylo o berchnogaeth yr Eglwys yng
Nghymru i berchnogaeth breifat.
Tynnwyd sylw
at y manylion ychwanegol a dderbyniwyd gan yr asiant ar
gais y swyddogion.
Nodwyd bod y bwriad
yn dderbyniol o safbwynt egwyddor ac yn unol â pholisïau
B3, C4 a D15 o’r CDUG. Eglurwyd
bod y bwriad yn golygu adfer yr
adeilad yn bennaf ac oherwydd lleoliad agored cefn gwlad y safle
ni ystyrir
y byddai’r bwriad yn amharu ar
fwynderau’r safle na’r ardal.
Amlygwyd pryder
a godwyd yn yr ymgynghoriad cyhoeddus y byddai’r bwriad yn amharu
ar fynediad i’r fynwent. Nodwyd y derbyniwyd cadarnhad gan yr Eglwys
yng Nghymru eu bod dal yn berchen
y fynwent ac y byddai’n parhau i fod
yn agored i’r cyhoedd.
Nodwyd
yn dilyn derbyn gwybodaeth ychwanegol gan yr asiant bod yr
argymhelliad wedi newid i’r hyn
a nodwyd yn yr adroddiad a bellach argymhellir i ddirprwyo’r hawl
i’r Uwch Reolwr Cynllunio ganiatáu’r cais yn ddarostyngedig i dderbyn cynlluniau
yn ymwneud a’r glwydfan ystlumod
ac i dderbyn sylwadau ffafriol yr Uned Bioamrywiaeth
i’r cynlluniau hynny, derbyn manylion
darparu/gosod y gwasanaethau i’r adeilad ar hyd
y llwybr ac i amodau perthnasol.
(b) Gwnaed y prif bwyntiau
canlynol gan yr aelod lleol
(nad oedd
yn aelod o’r Pwyllgor Cynllunio
hwn):-
·
Bod teuluoedd y rhai a
gladdwyd yn y fynwent yn pryderu y byddai’r beddi yn cael eu hamharchu;
·
Y dylid gosod ffens o amgylch
yr adeilad a gwneud hynny cyn y gellir gosod y
tŷ;
·
Bod angen sicrhau cadarnhad
swyddogol y byddai mynediad y cyhoedd i’r fynwent yn parhau.
(c) Mewn ymateb i sylwadau’r
aelod lleol, nododd y Rheolwr Rheolaeth Datblygu:-
·
Yr unig sicrwydd a gellir ei dderbyn o ran mynediad i’r fynwent
oedd y cadarnhad gan yr Eglwys
yng Nghymru y byddai’n parhau;
·
Bod dyletswydd i warchod yr
adeilad rhestredig a’i atal rhag
dirywio;
·
Pryder o ran gosod ffens solet gan
fod yr Eglwys
yn adeilad rhestredig gradd II a byddai angen cytundeb
CADW o ran sut i wahaniaethu’r ffiniau. Gellir ystyried gosod cadwyni ar
bolion i nodi’r ffiniau ac fe ellir
amodi hyn.
(ch)
Cynigwyd a eiliwyd i ganiatáu’r
cais yn unol
â’r argymhelliad gan ychwanegu amod
i gytuno ar ddull o wahaniaethu’r
ffiniau.
Yn ystod y drafodaeth ddilynol nodwyd y prif sylwadau canlynol:
·
Ni fyddai cadwyni yn stopio
plant rhag mynd i’r fynwent felly dylid rhoi ffens
a fyddai’n creu rhwystr;
·
Angen bod yn bragmataidd o ran defnydd adeiladau o’r math yma ac fe ddylid
gwarchod pensaernïaeth ddeniadol yr Eglwys;
·
Y byddai rhywbeth isel yn
dynodi ffiniau yn dderbyniol er
mwyn peidio tynnu oddi ar
yr elfen gofrestredig;
·
Beth fyddai cyfnod gosod y llety gwyliau?
·
Balch bod gwaith yn cael ei
wneud i gadw’r
adeilad;
·
Y dylid gofyn i’r ymgeisydd
roi enw Cymraeg
ar yr adeilad.
(d) Mewn ymateb i’r sylwadau
uchod, nododd y Rheolwr Rheolaeth Datblygu:-
·
Bod angen cadw mewn cof
ei fod yn
fynwent gyhoeddus ac nad oedd dim byd
yn bresennol yn atal plant rhag
mynd i’r fynwent;
·
Gan fod y cais ar gyfer
llety gwyliau un ystafell wely y byddai’n bur annhebyg o ddenu teulu efo
plant i aros;
·
Gofynnir i’r Pwyllgor adael
i’r swyddogion gytuno ar y driniaeth
o’r ffin;
·
Y byddai’r llety gwyliau ar
gael i’w osod drwy gydol
y flwyddyn gyda chofrestr i’w gadw
i brofi’r defnydd a ni fyddai’n
brif fan byw unrhyw berson;
·
Gellir gofyn i’r ymgeisydd roi
enw Cymraeg ar yr adeilad.
PENDERFYNWYD dirprwyo’r hawl i’r Uwch
Reolwr Cynllunio i ganiatáu’r cais
yn ddarostyngedig i dderbyn cynlluniau
yn ymwneud â’r glwydfan ystlumod
ac i dderbyn sylwadau ffafriol yr Uned Bioamrywiaeth
i’r cynlluniau hynny, derbyn manylion
darparu/gosod y gwasanaethau i’r adeilad ar hyd
y llwybr ac i amodau perthnasol yn ymwneud â:
1. 5 mlynedd
2. Unol a’r cynlluniau a’r argymhellion yn yr adroddiad
ystlumod
3. Amodau yn ymwneud
a’r llawr cyntaf
4. Amodau yn ymwneud
a gwaith ar y to
5. Drws newydd o wneuthuriad
pren
6. Y drws gwreiddiol i’w gadw o fewn/neu yn rhan
o’r adeilad bob amser
7. Amodau yn ymwneud
a’r gwydriad eilradd
8. Gwaith rendr a phlaster gyda chalch
9. Rhaid cadw rhai
o’r seddi gwreiddiol o fewn yr adeilad bob amser (i’w gytuno
gyda’r ACLL cyn dechrau gwaith)
10. Amodau yn ymwneud
a gwaith archeolegol
11. Cofnod ffotograffig
12. Amodau ystlumod
13. Gwyliau yn unig/cadw cofrestr
14. Cytuno ar y driniaeth
o’r ffin.
Dogfennau ategol: