Agenda item
Cais i newid amod
3 o ganiatad cynllunio C13/0028/35/AM er mwyn ymestyn yr amser a roddwyd i
gyflwyno'r materion a gadwyd yn ôl.
AELOD LLEOL:
CYNGHORYDD EIRWYN WILLIAMS
Cofnod:
Cais i newid amod 3 o ganiatâd cynllunio C13/0028/35/AM er mwyn
ymestyn amser a roddwyd i gyflwyno’r materion a godwyd yn ôl.
(a)
Ymhelaethodd y Rheolwr
Rheolaeth Datblygu ar gefndir y cais gan nodi mai cais llawn ydoedd i ddiwygio amod 3 o ganiatâd cynllunio amlinellol C13/0028/35/AM er mwyn ymestyn yr
amser a roddwyd i gyflwyno’r materion
a gadwyd yn ôl. Mae’r datblygiad
yn golygu codi 34 uned breswyl
i’r henoed, un llety warden a 2 llety staff a chyfleusterau cymunedol. Byddai’r bwriad hefyd yn
darparu 18 llecyn parcio ar gyfer
defnydd yr unedau preswyl a 15 llecyn parcio i
ddefnydd Gwesty’r George IV
yr ochr arall
i’r Stryd Fawr. Mae’r safle yn gorwedd o fewn
y ffin datblygu a hefyd o fewn yr Ardal Gadwraeth.
Amlygwyd nad oedd unrhyw newid i’r cynllun, nac i’r cynllun a ganiatawyd
drwy apêl yn flaenorol. Amlygwyd bod egwyddor y bwriad wedi ei dderbyn ac eisoes
wedi ei sefydlu gan Arolygydd mewn penderfyniad apêl, a thrwy’r
caniatâd cynllunio amlinellol pellach er mwyn ymestyn amser. Gyda cheisiadau
o’r fath, nodwyd fod gofyn ystyried os
yw amgylchiadau neu sefyllfa polisi cynllunio wedi newid ers caniatáu’r cais
hwn yn wreiddiol. Dim ond os oedd tystiolaeth o newid sylweddol mewn sefyllfa y
gellid cysidro’r bwriad yn wahanol yng nghyd destun y polisïau hyn. Nodwyd bod
datblygiad o’r math yma yn parhau i gyd fynd a Strategaeth Partneriaeth Tai
Gwynedd a Strategaeth Comisiynu Pobl
Hŷn.
Nodwyd bod Datganiad Ieithyddol cyfredol wedi ei
gyflwyno fel rhan o’r cais
yn cynnwys gwybodaeth benodol ynglŷn â’r ardal, y boblogaeth leol ag effaith
y datblygiad ar faterion perthnasol. Roedd yr adroddiad
yn cydnabod pwysigrwydd yr iaith Gymraeg a’r
ystyriaeth y dylid ei rhoi i’r
holl ystyriaethau perthnasol.
Nodwyd bod yr holl faterion perthnasol gan gynnwys y gwrthwynebiadau wedi
eu hystyried ac nad oedd y bwriad o ymestyn yr amser a roddwyd ar ganiatâd
amlinellol C13/0028/35/AM er mwyn cyflwyno’r materion a gadwyd yn ôl, yn groes i’r polisïau na’r canllawiau lleol a
chenedlaethol a nodir o fewn yr asesiad. Nodwyd nad oedd unrhyw faterion
cynllunio perthnasol eraill sy’n datgan i’r gwrthwyneb ac ystyriwyd bod y
bwriad yn parhau i fod yn dderbyniol yn ddarostyngedig i amodau perthnasol ac
fel y rhoddwyd ar y cais amlinellol a ganiatawyd yn flaenorol.
Tynnwyd sylw at y sylwadau ychwanegol a dderbyniwyd
(b) Yn manteisio ar yr hawl i siarad nododd gwrthwynebydd y pwyntiau canlynol:
·
Y
cais wedi ei gyflwyno yn wreiddiol yn 2009 am 38 o fflatiau.
·
Y
datblygiad tu allan i ffin datblygu Criccieth ac nad oedd galw am y bwriad
·
Cyngor Gwynedd wedi gwrthod yn
wreiddiol ond y cynlluniau wedi eu caniatáu yn dilyn apêl
·
Nid oedd dim datblygiad i'r
safle ers 7 mlynedd ac felly hyn yn profi nad oedd galw am ddatblygiad o’r fath
·
Caniatawyd estyniad amser
eisoes yn 2013 - dim rhesymau digonol i ganiatáu estyniad amser pellach
·
Nid oedd bwriad i ddatblygu'r
safle ond cadw'r tir a’i werthu am y pris uchaf
·
Cariad
at arian sydd yma ac nid cariad at iaith
(c)
Yn
manteisio ar yr hawl i siarad nododd asiant yr ymgeisydd y pwyntiau canlynol
a’r rhesymau dilys dros ddiffyg datblygiad ar y safle:
·
Perchnogion
gwahanol i’r gwreiddiol
·
Y perchennog wedi gorfod
ymdrin â phroblemau llysiau’r dial
·
Cais gerbron am estyniad amser
- y polisïau yn aros yr unfath
·
Tystiolaeth
fanwl wedi ei gynnwys dros yr angen sydd hefyd wedi ei gydnabod yn yr adroddiad
·
Bod y perchennog yn cadw at ei
air o roi cyfraniad o £134k at dai fforddiadwy yn yr ardal - hwn yn daliad
swmpus
·
Y perchennog yn awyddus i
symud ymlaen
ch) Nododd yr
Aelod lleol (a oedd yn aelod o’r Pwyllgor Cynllunio hwn) ei fod yn
gwrthwynebu’r cais am estyniad amser. Nid oedd Gwynedd ar werth.
(d) Cynigwyd ac eiliwyd i ganiatáu’r cais
(dd) Yn ystod y drafodaeth
ddilynol, nodwyd y pwyntiau canlynol gan aelodau unigol:
·
Dim gwaith wedi ei wneud ar y safle felly a yw’r
datblygiad yn ‘dal yn fyw’?
·
Angen tystiolaeth gyfredol o’r
angen? A oes darpariaeth arall yng Nghricieth ar
gyfer Pobl Hŷn?
·
Y datblygwr wedi cael amser digonol i weithredu
·
Awgrym i gyflwyno cais o’r
newydd gyda thystiolaeth briodol o’r angen
·
Hen gais = hen hanes
·
Rhaid derbyn sylwadau Cyngor Tref Criccieth dros
wrthod y cais
·
Sefyllfa wedi newid yn
sylweddol mewn 7 mlynedd
·
Nid yw llysiau’r dial yn cymryd hyd at 3 blynedd i’w
waredu
·
Pryder dros ardrawiad ar yr
iaith Gymraeg - angen asesiad iaith ddiweddar
·
Sylwadau'r Uned Strategol Tai
yn ddilys ac felly angen ystyried rhesymau cynllunio dros wrthod
·
Y cais yn un amlinellol
·
Nid oes unrhyw addasiadau i’r cynllun ac felly anodd
fuasai gwrthwynebu estyniad amser
e) Mewn
ymateb i’r sylwadau nododd yr Uwch Reolwr Gwasanaeth Cynllunio nad oedd yr amgylchiadau
wedi newid ac nad oedd y polisïau wedi newid. Pwysleisiwyd bod yr adroddiad yn
amlygu sefyllfa gyfredol gyda gwybodaeth fanwl yn egluro bod angen y math yma o
ddatblygiad yng Nghriccieth. Amlygwyd bod yr asiant
wedi cyflwyno rhesymau dilys dros yr oedi. Erfyniwyd ar yr aelodau i edrych ar
y dystiolaeth gerbron a bod yr argymhelliad sydd yn cael ei nodi yn yr
adroddiad yn un cadarn. Ar y sail yma, amlygwyd fod risgiau sylweddol i’r
Cyngor pe bai’r cais yn cael ei wrthod, gan gynnwys y risg o gostau pe bai
apêl. O ganlyniad, pe bai’r Pwyllgor yn gwrthod y cais yna ni fyddai opsiwn ond
cyfeirio’r cais i gyfnod cnoi cil.
f)
Yn unol â’r
Rheolau Gweithdrefn, cofnodwyd y bleidlais ganlynol i ganiatáu y cais:
O blaid y cynnig i
ganiatáu y cais, (5) Y Cynghorwyr: Gwen Griffith,
Anne Lloyd Jones, June E Marshall, Michael Sol Owen a John Wyn Williams
Yn erbyn y cynnig i
ganiatáu y cais, (6) Y Cynghorwyr: Simon Glyn,
Eric Merfyn Jones, W Tudor Owen, John Pughe Roberts, Gruffydd Williams ac Owain
Williams
Atal, (0)
ff)
Nododd
Aelod ei fod yn cynnig gwrthod ar sail diffyg tystiolaeth gyfredol o’r angen am
y math yma o ddatblygiad, ynghyd a’r angen i ystyried ardrawiad iaith newydd.
g)
Mewn
ymateb, nododd y Cyfreithiwr bod tystiolaeth gyfredol o’r angen wedi ei gyflwyno
yn yr adroddiad ac wedi ei asesu gan
Gwasanaeth Tai y Cyngor. Amlygwyd bod y ffeithiau hynny yn gywir.
ng) Tynnwyd
y cynnig yn ei ôl.
h)
Cynigiwyd
ac eiliwyd i wrthod y cais ar sail bod angen cyflwyno mwy o wybodaeth yn
ymwneud gyda’r materion ieithyddol.
i)
Cynigiwyd
ac eiliwyd gwelliant i’r cynnig i ohirio'r penderfyniad ar sail bod angen mwy o
wybodaeth am faterion ieithyddol
PENDERFYNWYD gohirio'r penderfyniad ar sail bod angen mwy o wybodaeth am
faterion ieithyddol.
Dogfennau ategol:
- 5.3 - Tir gyferbyn Gwesty George IV, Stryd Fawr, Cricieth, eitem 5.3 PDF 656 KB
- Cynlluniau, eitem 5.3 PDF 746 KB