I ystyried adroddiad Pennaeth Gwasanaethau Democrataidd.
Cofnod:
(A) Darpariaeth Llechen
Cyflwynwyd adroddiad yr Uwch
Reolwr Democratiaeth a Chyflawni a’r Rheolwr
Gwasanaethau Democrataidd yn diweddaru’r Aelodau ar faterion technoleg
gwybodaeth.
Nodwyd bod sesiwn peilot gydag
8 aelod wedi ei drefnu ar
gyfer 26 Mehefin 2015 i’w uwchsgilio ar ddefnydd i-Pads. Yn ddibynnol ar adborth
y sesiwn byddir yn bwrw ymlaen
i barhau gyda grwpiau bychain.
(a)
Yn ystod y drafodaeth ddilynol, amlygwyd y sylwadau canlynol gan Aelodau unigol:
(i)
Nad oedd meddalwedd yr i-pad (Apple) a’r sustem gyfrifiadurol
gorfforaethol (Microsoft) yn
gytûn hefo’i gilydd
(ii)
bod hyfforddiant pellach yn wastraff
amser ac y byddai derbyn mwy o feddalwedd
arnynt yn fwy buddiol
(iii)
siomedig bod yr hyfforddiant yn y Gymraeg yn
unig a bod rhai Aelodau yn ei chael
yn anodd dilyn ac nad oedd
pob un Aelod mor ddeallus ar
ddarpariaeth gyfrifiadurol
(iv)
bod gormod o ddefnydd o’r i-pad yn creu trafferth
i’r llygaid
(v)
trafferthion i agor rhai atodiadau
Ymatebodd yr Uwch Reolwr Technoleg
Gwybodaeth i’r sylwadau uchod fel a ganlyn:
(a)
Bod nifer o aelodau yn ymwybodol
o anghenion sylfaenol yr i-pads ond yn
awyddus i’w defnyddio yn fwy
hyderus. Nodwyd ymhellach nad oedd unrhyw
benderfyniad wedi ei gymryd ynglŷn
â meddalwedd ychwanegol arnynt
(b)
Nad oedd yr Uned Technoleg
Gwybodaeth yn gallu cefnogi gwahanol
fathau o feddalwedd ond yn hytrach
y rhai safonol ar yr i-pads
(c)
Bod defnydd y llechen fwy ar
gyfer darllen ac ymateb i e-byst, ac os oes angen
ymgymryd â gwaith gyda thaenlenni, llythyrau, a.y.b. bod yn rhaid gwneud
hyn ar gyfrifiadur
personol
(ch)y byddai hyfforddiant yn ddefnyddiol ar gyfer unioni
pa mor llachar yw’r sgrin, maint
y
ffont, gwirio sefyllfaoedd anffodus o newid geirfa
(d)
Awgrymwyd i Aelodau a oedd yn profi
anhawster i agor atodiadau iddynt anfon y wybodaeth ymlaen i’r Uned
Technoleg Gwybodaeth er mwyn ymchwilio
ymhellach i’r broblem
Penderfynwyd: Cymeradwyo i symud ymlaen hefo’r rhaglen
hyfforddiant peilot ac i adrodd yn ôl
ar yr adborth
i gyfarfod nesaf y Pwyllgor.
(B) Modern Gov
Adroddwyd, er gwybodaeth, gan yr Uwch
Reolwr Democratiaeth a Chyflawni o safbwynt y system gweinyddu pwyllgorau electronaidd uchod ei fod
yn cynnig mwy o hyblygrwydd ac yn ddull o gyhoeddi
deunydd ar wefan newydd y Cyngor. Bydd y system yn galluogi:
·
gweinyddu pwyllgorau yn fwy
effeithiol
·
gosod rhaglenni yn fwy hwylus
ar lechi aelodau
·
yn asio yn dda gyda
gwe-ddarlledu
·
modd hwylus o gasglu gwybodaeth am bresenoldeb, a.y.b.
Hyderir y bydd y system yn cael ei gosod
ym mis Gorffennaf
gyda hyfforddiant i Aelodau
ar 25 Tachwedd 2015. Fe fyddir yn rhannu gwybodaeth
bellach yn Rhaeadr pan fydd y system wedi ei osod.
Addawodd yr Uwch Reolwr
Technoleg Gwybodaeth ymchwilio ymhellach i wendid y peiriannau chwilio ar y wefan
newydd yn unol â chais Aelod.
Penderfynwyd: Derbyn a nodi’r wybodaeth uchod.
(C) Gwefannau Cynghorau Tref a Chymuned
Atgoffwyd yr Aelodau o’r ddarpariaeth grant o £500 a oedd ar gael yn
2013/14 i Gynghorau Tref a Chymuned
i sefydlu gwefan a bu i 48 ohonynt drwy Wynedd gymryd
mantais o’r grant. Bu i’r Uned Technoleg
Gwybodaeth wahodd datganiadau o ddiddordeb gan gwmnïau addas
ar gyfer dylunio a sefydlu gwefan ar y cyd
i’r Cynghorau Tref a Chymuned ond yn
anffodus nid oedd y tri dyfynbris ddaeth i law o fewn £500. Nodwyd bod y grant
bellach wedi dirwyn i ben.
Mewn ymateb i ymholiadau gan Aelodau, nododd yr Uwch Reolwr
Technoleg Gwybodaeth fel a ganlyn:
(i)
Byddai’n ymchwilio ymhellach i ganllawiau'r grant ar gyfer y Cynghorau Tref / Cymuned sydd heb
gwblhau i sefydlu gwefan erbyn diwedd
mis Mawrth 2015
(ii)
O safbwynt yr union wybodaeth i’w ddarparu ar
y wefan, dylid cyfeirio at Unllais Cymru am arweiniad
(iii)
Nid oedd modd i’r Uned
Technoleg Gwybodaeth y
Cyngor i greu gwefan i’r Cynghorau Tref / Cymuned oherwydd prinder adnoddau ond gellir rhannu’r
wybodaeth gyda hwy o’r cwmnïau
ar y farchnad
Penderfynwyd: (a) Derbyn a nodi’r uchod
(b) Gofyn i’r Rheolwr Gwasanaethau
Democrataidd / Uwch Reolwr Technoleg Gwybodaeth wirio canllawiau’r grant ynglŷn â datgan buddiannau ar y wefan, ac anfon arweiniad ymlaen i Aelodau’r Pwyllgor.
Dogfennau ategol: