Cais rhannol ol-weithredol ar gyfer codi adeilad a’i ddefnyddio fel modurdy masnachol, newid adeilad a ganiatawyd ac a ddefnyddiwyd yn flaenorol fel modurdy masnachol yn Gallt y Beren i ddefnydd amaethyddol, ynghyd a gwelliannau bwriedig i’r fynedfa i’r B4415 o Hendre Wen.
Aelod Lleol: Cynghorydd Anwen J. Davies
Cofnod:
Cais rhannol ôl-weithredol ar gyfer codi adeilad a’i ddefnyddio fel modurdy
masnachol, newid adeilad a ganiatawyd ac a ddefnyddiwyd yn flaenorol fel
modurdy masnachol yn Gallt y Beren i ddefnydd amaethyddol, ynghyd a gwelliannau
i’r fynedfa i’r B4415 o Hendre Wen
(a) Ymhelaethodd yr Uwch Reolwr Gwasanaeth Cynllunio ar gefndir y cais. Adroddwyd i’r Pwyllgor Cynllunio ar y 27
Ebrill 2015 a bwriad y Pwyllgor oedd caniatáu’r cais yn groes i argymhelliad
swyddogion. Y rhesymau a roddwyd gan y Pwyllgor dros gefnogi’r cais oedd
oherwydd eu bod yn ystyried bod y datblygiad yn cydymffurfio a pholisi D7 o
Gynllun Datblygu Unedol Gwynedd (Gweithdai Gwledig neu Unedau
Diwydiannol/Busnes ar raddfa fach tu allan i ffiniau datblygu); bod y
datblygiad yn darparu cyflogaeth yn lleol; bod angen lleol yn ddaearyddol, a
bod diffyg busnes cyffelyb o fewn cyrraedd y
safle.
Tynnwyd sylw y derbyniwyd
1 llythyr o gefnogaeth i’r cais ar y sail fod yr effaith weledol yn cael ei
ystyried yn dderbyniol, nad oedd safleoedd amgen addas ac nad oedd yna effaith
o ran trafnidiaeth, ers cyhoeddi’r adroddiad.
(b) Manylwyd ar gefndir y cais gan nodi mai’r elfen ôl-weithredol o’r cais yw
cadw adeilad a’i ddefnyddio fel modurdy masnachol gydag arwynebedd llawr o
264m2 ger annedd a adnabyddir fel Hendre Wen, ynghyd a newidiadau i’r fynedfa
i’r B4415 o Hendre Wen. O ran hanes cynllunio'r safle tynnwyd sylw y gwrthodwyd cais i newid
defnydd sied amaethyddol yn Hendre Wen i fod yn garej a gorsaf MOT ar 21
Chwefror 2013, ac o ganlyniad rhoddwyd rhybudd gorfodaeth i ddiweddu’r defnydd
a dymchwel yr adeilad a ddefnyddir fel modurdy masnachol a symud yr holl
ddeunydd cysylltiedig â’r defnydd hwnnw oddi ar y
safle.
Adroddwyd yr apeliwyd y rhybudd gorfodaeth a’r gwrthodiad cynllunio,
gwrthodwyd y ddwy apêl yn Mai 2014. Diwygiwyd y rhybudd gorfodaeth, yn unol â
phenderfyniad yr Arolygiaeth Cynllunio, er mwyn ymestyn y cyfnod cydymffurfio
efo’r rhybudd i 12 mis. Nodwyd y byddai’r cyfnod yn dod i ben ar 4 Mai 2015,
ond nad oedd unrhyw ymgais wedi ei wneud hyd yn hyn i gydymffurfio ag anghenion
y rhybudd. Amlygwyd bod yr ymgeisydd yn
gweithredu yn groes i’r argymhelliad yr Arolygydd ac felly yn troseddu. Pwysleiswyd fod yr hanes cynllunio diweddar i’r cais yn
sefydlu’n gadarn a chlir beth oedd y safbwynt polisi cynllunio cyfredol gyda’r
cais yma, a bod y cais yn gwbl groes i bolisi o ran egwyddor.
Nodwyd gan fod y datblygiad yn un diwydiannol ei fod yn hanfodol ystyried
os oedd gan y datblygiad anghenion lleoli arbennig dan bolisi D5 o’r CDUG. Yn
yr achos yma nid oes unrhyw anghenion lleoli arbennig i leoli busnes ar y safle
penodol hwn yng nghefn gwlad agored, yn arbennig o gofio
bod gan yr ymgeisydd fusnes sefydledig mewn sied ar y fferm deuluol gyferbyn
a’r safle yn bresennol. Nodwyd bod unedau ar gael yn ardaloedd fel Nefyn ac Y
Ffor a fyddai o bosib yn cydymffurfio gydag anghenion yr ymgeisydd, ac
ystyriwyd y dylid archwilio’r posibilrwydd o addasu a defnyddio un o’r unedau
yma yn hytrach na chaniatáu cadw uned o’r newydd ar leoliad cwbl annerbyniol. Nodwyd
hefyd bod busnesau eraill yn yr ardal yn darparu'r math yma o wasanaeth ac
felly nad oedd cyfiawnhad i dderbyn y bwriad fel ‘datblygiad anghenion lleol
arbennig’.
Ystyriwyd fod y bwriad yn cael effaith
annerbyniol ar gymeriad yr ardal, ac nad oedd cyfiawnhad dros leoli’r
datblygiad ar y safle. Pwysleisiwyd fod penderfyniad yr Arolygiaeth Cynllunio
ar ran Gweinidogion Cymru i wrthod y cais yn cefnogi safbwynt y Cyngor yn yr
achos hwn i wrthod apêl yn erbyn gwrthodiad cais cynllunio blaenorol a rhybudd
gorfodaeth. I’r perwyl hyn, byddai’n anodd iawn i’r Pwyllgor allu cyfiawnhau
mynd yn groes i’r penderfyniad apêl heb greu risgiau sylweddol i’r Cyngor.
Amlygwyd bod y bwriad yn groes i’r cyfarwyddyd a geir yn y polisïau
cenedlaethol a lleol.
Amlygwyd mai’r risg fwyaf i’r Cyngor fuasai i
Lywodraeth Cymru ymyrryd yn ffurfiol yn y modd y mae’r Cyngor yn darparu’r
Gwasanaeth Cynllunio, fydd yn y pen draw, yn tynnu’r hawl i benderfynu ar
geisiadau cynllunio yn gyfan gwbl, neu yn rhannol, oddi wrth y Cyngor.
Rhestrwyd opsiynau i’r Pwyllgor eu hystyried yn yr adroddiad gan bwysleisio fod
yr argymhelliad i wrthod y cais yn un cadarn a chlir gan ysytyried
yr hanes cynllunio diweddar.
(c) Gwnaed y prif bwyntiau canlynol
gan yr aelod lleol
(nad oedd
yn aelod o’r Pwyllgor Cynllunio
hwn):-
·
Bod diffyg penderfyniad ar y
cais yn achosi pryder i’r teulu ac i’r gymuned leol.
·
Bod y busnes yn llwyddiannus
yng nghanol cefn gwlad
·
Bod y cwmni yn cynnig
gwasanaeth i beiriannau amaethyddol ac felly'r maint
yn addas
·
Y busnes yn cyflogi 6 aelod o
staff. Rhain yn deuluoedd ifanc, lleol yn ceisio dyfodol i’w plant; yn swyddi gwerthfawr mewn ardal wledig lle
nad oes llawer o swyddi;
·
Bod y busnes yn cyfrannu’n
sylweddol i’r economi leol;
·
Bod yr ymgeisydd yn bwriadu
newid lliw'r sied.
·
Byddai gwrthod y cais yn
golygu colli gwaith yng nghefn gwlad ynghyd â bywoliaeth teulu’r ymgeisydd.
·
Ei bod yn gefnogol i’r cais
Cynigwyd ac eiliwyd i wrthod y cais
yn unol â’r argymhelliad gan awgrymu i’r
ymgeisydd drafod posibiliadau gyda'r Gwasanaeth Cynllunio mewn perthynas â’r safle yn Gallt y Beren, a lleoliadau neillog addas
eraill - opsiwn 5.1(ii)
o’r adroddiad.
(ch) Nodwyd y sylwadau canlynol o blaid yr
argymhelliad:
·
Rhaid ystyried penderfyniad yr Arolygiaeth Cynllunio
·
Bod yr
arolygydd wedi cefnogi penderfyniad y swyddogion ac ni ellir tanseilio penderfyniad yr arolygydd;
·
Bod angen penderfynu yn unol
â’r polisïau er sicrhau tegwch
a chysondeb i bob ymgeisydd.
·
Derbyn bod y penderfyniad yn
un anodd ond rhaid bod yn ofalus a pheidio gosod cynsail peryg
·
Cytuno ar yr angen i gefnogi
diwydiant a chyflogaeth yng nghefn gwlad, ond gan fod yr apêl wedi ei wrthod
dwywaith, rhaid i’r Pwyllgor gadw at eu polisïau
·
Y bwriad
yn mynd yn
erbyn 7 polisi o’r CDUG;
(d) Nodwyd y sylwadau
canlynol yn groes i’r argymhelliad:
·
Bod y busnes
yn fenter economaidd lwyddiannus ac yn un i’w
groesawu.
·
Bod y busnes
wedi datblygu’n naturiol, yn gefnogol
i ffermwyr lleol ac yn profi
bod angen i’r gwasanaeth barhau ar y safle
·
Bod adeiladau
amaethyddol wedi bodoli ar y safle
ers tro ac felly rhaid blaenoriaethu diwydiant yng nghefn
gwlad a derbyn bod hyn yn eithriad.
·
Buasai gofyn
i gwsmeriaid deithio yn
bellach, gyda thractorau efallai, olygu cynnydd mewn
lefelau traffig yn ystod yr
Haf ar lonydd
gwledig
·
Bod angen
sicrhau swyddi a chefnogi cwmni sydd yn cefnogi'r
iaith Gymraeg
·
Bod yr
ymgeisydd yn bwriadu gwella’r safle drwy dirlunio
i’w wneud yn llai gweledol
·
Nid oes
unedau addas cyfagos
·
Os gosodir cynsail wrth ganiatáu’r
datblygiad yna fyddai’n anfon neges bositif y cefnogir busnes lleol ac ieuenctid lleol.
(dd)
Yn unol â’r Rheolau
Gweithdrefn, cofnodwyd y bleidlais ganlynol i wrthod y cais:
O blaid y cynnig i wrthod y cais, (8) Y Cynghorwyr: Gwen Griffith, Anne T. Lloyd Jones, Dyfrig Wynn Jones, June
Marshall, Michael Sol Owen, Tudor Owen, Eirwyn Williams a Hefin Williams.
Yn erbyn y cynnig i wrthod y cais, (7) Y Cynghorwyr: Elwyn Edwards, Alwyn Gruffydd, Dilwyn Lloyd, John Pughe
Roberts, Gruffydd Williams, Owain Williams ac Eurig Wyn.
PENDERFYNWYD gwrthod y cais yn unol â’r
argymhelliad gan awgrymu i’r ymgeisydd
drafod posibiliadau gyda'r Gwasanaeth Cynllunio mewn perthynas â’r safle
yn Gallt y Beren, a lleoliadau neillog addas eraill
(opsiwn 5(ii)).
1.
Ystyrir bod y bwriad
cyfystyr a chodi adeilad diwydiannol newydd yng nghefn gwlad ac nid yw’n bosib
ystyried y bwriad hwn fel newid defnydd adeilad presennol. Nid oes cyfiawnhad
dros ei leoli yng nghefn gwlad agored ac nid oes anghenion lleoli arbennig yn
bodoli ar gyfer y datblygiad hwn. Mae’r bwriad felly yn groes i bolisïau D5,
D7, D8 a C1 o Gynllun Datblygu Unedol Gwynedd.
2.
Mae’r adeilad, fel a’i
codwyd oherwydd ei liw, agoriadau a gorffeniadau, yn sefyll allan fel nodwedd
amlwg ddiwydiannol nad yw’n parchu na gweddu i’w leoliad yng nghefn gwlad
agored ac sydd wedi ei ddynodi’n Ardal Gwarchod y Tirlun. Yn ogystal ystyrir fod
y gwaith i’r fynedfa yn cael effaith
niweidiol ar gymeriad a golwg yr ardal. Ystyrir felly nad yw’r bwriad yn
cydymffurfio a gofynion polisïau B10, B22, B25 o Gynllun Datblygu Unedol
Gwynedd.
Dogfennau ategol: