Newid defnydd o siop (A1) I fwyd a diod (A3) ynghyd ag estyniad uned echdynnu a newidiadau i gefn
yr eiddo
AELODAU LLEOL: Y
Cynghorydd
Anne Lloyd Jones
Y
Cynghorydd
Mike Stevens
Dolen i'r dogfennau cefndir perthnasol
Cofnod:
Bu i’r Is-gadeirydd
cymryd y gadair ar gyfer y cais hwn er mwyn caniatáu i’r Cadeirydd annerch y
Pwyllgor fel Aelod lleol.
Newid defnydd o siop (A1) i fwyd a diod (A3) ynghyd ag estyniad uned
echdynnu a
newidiadau i gefn yr eiddo.
(a)
Ymhelaethodd y Rheolwr
Rheolaeth Datblygu ar gefndir y cais gan nodi mai’r bwriad ydoedd newid defnydd
o siop sydd wedi bod yn wag ers peth amser i ddefnydd gwerthu bwyd a diod.
Noda’r cais mai bwyty fydd y bwriad gyda’r bwriad o werthu bwyd poeth i’w gario allan yn ogystal. Golyga’r cais newidiadau allanol i
gynnwys estyniad ar gyfer darpariaeth toiledau cwsmeriaid. Yn ogystal, bwriedir
gosod ffliw echdynnu ar ddrychiad cefn yr eiddo, a blaen siop newydd ar y
drychiad blaen. Tynnwyd sylw bod y safle
o fewn ffin datblygu Tywyn ac o fewn ardal gyda chymysgedd o ddefnyddiau sydd yn
cynnwys tai preswyl, siopau, llefydd bwyta, tafarn a busnesau eraill. Cyfeiriwyd at grynodeb o’r polisïau
perthnasol o fewn yr adroddiad a derbyniwyd sylwadau hwyr gan Uned Gwarchod y
Cyhoedd am fwy o wybodaeth ynglyn a’r uned echdynnu.
Derbyniwyd deiseb gan fusnesau a thrigolion lleol yn gwrthwynebu’r cais am
‘run rhesymau a gyfeirir atynt yn yr
adroddiad. Noda’r adroddiad gyflwr gwael
yr adeilad a’r cyfnod a fu yn wag. O
ystyried bod yr ardal o fewn canol tref ddiffiniedig Tywyn mor hir a bod y safle
ar y cyrion ni ystyrir y byddai’r bwriad yn tanseilio swyddogaethau manwerthu'r
dref. Ni ystyrir ychwaith y byddai’r
bwriad yn arwain at effaith annerbyniol ychwanegol o safbwynt swn, arogl nac ysbwriel.
Nodwyd y dylid cytuno ar fanylion yr uned echdynnu a’i gweithredu cyn
i’r defnydd gychwyn. Cyfeiriwyd at
apeliadau diweddar a’r farn gan yr Arolygydd bod well
cael defnydd o eiddo na siop wag sy’n dirywio ac o ganlyniad yn cael effaith o
fewn tref. O safbwynt mwynderau
cyffredinol a phreswyl ni ystyrir y byddai’r bwriad yn ychwanegu at neu greu
crynhoad annerbyniol o’r math yma o ddefnydd a’i fod yn achosi effaith andwyol
ar yr ardal. Ni ystyrir y byddai’r
estyniad unllawr bychan i gefn yr eiddo yn cael
effaith andwyol ar fwynderau trigolion eiddo cyfagos ac felly ystyrir bod y
bwriad yn cydymffurfio a holl ofynion y polisi perthnasol. Fe fyddir yn gosod
amodau ynglyn ag oriau agor yn ogystal ag uned
echdynnu pe caniateir y cais.
Argymhellir i ddirprwyo’r hawl i ganiatáu’r cais yn ddarostyngedig i dderbyn
mwy o wybodaeth gan Uned Gwarchod y Cyhoedd ynglyn
a’r offer echdynnu ac yn unol â’r amodau a nodir yn
yr adroddiad.
(b)
Nododd yr Aelod lleol (a
oedd yn aelod o’r Pwyllgor Cynllunio hwn) nad oedd yn gwrthwynebu’r cais ac nad
oedd cystadleuaeth gyda busnesau eraill o fewn yr ardal dan sylw yn rheswm i
wrthod y cais. Fodd bynnag, amlygwyd
pryderon gan y cymdogion cyfagos ond hyderir y byddai’r pryderon ynglyn ag arogl yn cael ei liniaru gan y sustem
echdynnu, Ni ragwelai y gellir ei wrthod a bod defnydd o’r eiddo i’w groesawu yn
hytrach na’i fod yn wag ac yn dirywio.
(c)
Cynigwyd ac eiliwyd i
ganiatáu’r cais.
(ch) Mewn
ymateb i ymholiadau gan Aelodau unigol, nododd y Rheolwr Rheolaeth Datblygu:
·
Bod yr Adran Gynllunio yn nodi’r amodau ar gyfer oriau agor er mwyn
gwarchod mwynderau lleol
·
Tra’n derbyn bod rhai busnesau o’r fath sydd wedi eu sefydlu ers
blynyddoedd yn gweithredu heb amodau ond ceisir bod yn gyson gydag oriau agor
ar geisiadau newydd
·
Y byddai hawl gan y perchnogion i roi cais i’r Uned Drwyddedu i
ddiwygio’r amod
·
Hyderir y byddai’r sustem echdynnu yn lliniaru unrhyw arogl
PENDERFYNWYD: Yn unfrydol, dirprwyo’r
hawl i Uwch Reolwr Gwasanaeth Cynllunio,
Amgylchedd a Gwarchod y Cyhoedd i ganiatáu’r cais yn ddarostyngedig i
dderbyn manylion derbyniol am yr uned echdynnu ac i dderbyn sylwadau ffafriol
gan Gwasanaeth Gwarchod y Cyhoedd ar y manylion hynny ac i amodau canlynol:–
1. Y datblygiad i gychwyn o
fewn 5 mlynedd i ddyddiad y caniatâd;
2. Un ôl a’r cynlluniau a gyflwynwyd;
3. Cyflwyno manylion uned echdynnu er cymeradwyaeth ysgrifenedig cyn
cychwyn y defnydd, rhaid i’r system echdynnu a gytunir fod yn weithredol cyn
cychwyn y defnydd;
4. Gorffeniadau i gydweddu a’r adeilad presennol;
5. Ni fydd y safle yn agored i gwsmeriaid y tu hwnt i oriau 9:00 a 23:00 ar
unrhyw ddiwrnod penodol;
6. Dim dŵr wyneb
ychwanegol i’w waredu i’r garthffos gyhoeddus;
7. Unrhyw amod cynllunio perthnasol a argymhellir gan Uned Gwarchod y
Cyhoedd.
Dogfennau ategol: