Ystyried cais Mr A
(copi arwahan i aelodau’r Is Bwyllgor yn unig)
Cofnod:
Croesawyd pawb i’r cyfarfod gan y Cadeirydd y Cynghorydd Tudor Owen. Cyflwynwyd y panel ar swyddogion i bawb oedd
yn bresennol.
Mewn ymateb i gais gan yr ymgeisydd, cynhaliwyd y gwrandawiad yn
Saesneg.
a)
Cyflwynodd y Rheolwr Trwyddedu adroddiad
ysgrifenedig ar gais a dderbyniwyd gan Mr A am drwydded gyrru cerbyd hacni/hurio preifat o’r newydd.
b)
Ategwyd bod datganiad o gollfarnau wedi ei gyflwyno. Nid oedd collfarnau perthnasol i’r maes trwyddedu wedi eu cynnwys ar ddatganiad yr ymgeisydd, ond tynnwyd sylw at wybodaeth ychwanegol a gyflwynwyd gan yr Heddlu oedd yn
berthnasol i’r cais. Gofynnwyd i’r Pwyllgor ystyried y cais yn unol
â’r cofnod DBS, ac yn unol
â’r canllawiau ar droseddau a chollfarnau perthnasol.
c)
Argymhelliad y Rheolwr
Trwyddedu oedd gwrthod y cais oherwydd materion a ddatgelwyd gan yr Heddlu, ac yn
unol â pholisi tacsi ‘Meini Prawf
Addasrwydd ar gyfer Gyrwyr a Gweithredwyr’ y Cyngor.
ch) Gwahoddwyd yr ymgeisydd
i ymhelaethu ar ei gais. Cyfeiriodd
yr ymgeisydd at lythyr a ysgrifennodd at
Bwrdd Iechyd Prifysgol Betsi Cadwaladr
yn egluro ei sefyllfa.
d) Ymneilltuodd yr ymgeisydd o’r ystafell tra bu i aelodau’r Is-bwyllgor drafod y cais.
dd) Wrth gyrraedd
eu penderfyniad, roedd yr Is-bwyllgor wedi ystyried y ffactorau canlynol
·
ffurflen gais yr
ymgeisydd
·
adroddiad yr Adran Drwyddedu ynghyd a’r datganiad
DBS
·
llythyr Cyngor
Gwynedd 17 Rhagfyr 2012
·
llythyr dyddiedig
4 Tachwedd, 2015 a gyflwynwyd
i Brifysgol Betsi Cadwaladr
Bwrdd Iechyd
·
gofynion ‘Polisi
Trwyddedu ar gyfer Hurio Preifat
a Cherbydau Hacni Cyngor Gwynedd’ - paragraffau penodol 7.1, 7.2 a 7.5 mewn perthynas â throseddau rhyw ac anwedduster.
·
sylwadau llafar
e) Derbyniodd yr Is Bwyllgor y wybodaeth a gofnodwyd yn y datganiad DBS fel disgrifiad cywir o'r digwyddiadau.
Atgoffwyd wrth yr Is-bwyllgor, yn unol ag adran
59 o Ddeddf Llywodraeth Leol (Darpariaethau Amrywiol) 1976, ni ellid rhoi trwydded oni
bai eu bod yn fodlon bod yr ymgeisydd
yn berson addas a phriodol i ddal trwydded.
Cynghorwyd yr Is Bwyllgor ar ystyr "person addas a phriodol" a cyfeiriwyd at ddyfarniad McCool v Cyngor Bwrdeistref Rushcliffe [1988] 3 All ER 889, lle
cadarnhaodd yr Uchel Lys ystyr hynny: "... i’r rhai trwyddedig i yrru ... yn bersonau
addas i wneud hynny, eu bod yn yrwyr
diogel gyda chofnod da o yrru ynghyd a phrofiad digonol, yn sobr,
yn feddyliol ac yn gorfforol
iach, yn onest, ac nid yn
bobl fyddai'n manteisio ar eu cyflogaeth i gam-drin neu ymosod ar
deithwyr. "
f) Wrth ystyried
y digwyddiadau rhywiol
ac anweddus, treisgar eu natur, nid oedd yr Is-bwyllgor
wedi eu perswadio bod yr ymgeisydd
yn berson addas ac na fyddai
yn cymryd mantais o’i gyflogaeth. Amlygwyd pryder bod yr
ymgeisydd wedi cyflwyno cwyn i Fwrdd Iechyd Prifysgol
Betsi Cadwaladr am rannu manylion personol, cyfrinachol gyda’r Heddlu. Barn yr Is-bwyllgor, er budd gwarchod diogelwch
y cyhoedd, bod y wybodaeth yma wedi
ei rannu yn gywir ac
o ganlyniad, bod amharodrwydd yr ymgeisydd i rannu’r wybodaeth gydag awdurdod priodol yn codi amheuaeth
ynghylch ei onestrwydd. Yn ychwanegol, roedd y sylw bod manylion
am gyflogaeth wedi ei gyflwyno
ar y ffurflen gais, heb fod wedi
gofyn am gyflogaeth neu gefnogaeth gan y cwmni, yn bwrw amheuaeth
ar onestrwydd yr ymgeisydd.
ff) Derbyniwyd bod gan yr ymgeisydd Syndrom Asperger sy’n effeithio ar sgiliau cyfathrebu
cymdeithasol, rhyngweithio
a dychymyg. Fodd bynnag, prif flaenoriaeth
yr Is-bwyllgor yw amddiffyn y cyhoedd gan sicrhau eu bod yn ddiogel
yn nwylo gyrwyr tacsis Gwynedd.
g) O dan yr amgylchiadau
nid oedd yr Is-bwyllgor yn fodlon
bod y cais yn cydymffurfio â’r maen prawf
"person addas a phriodol" . Gwrthodwyd y cais.
PENDERFYNWYD nad oedd yr
ymgeisydd yn berson addas a phriodol ar
gyfer trwydded gyrrwr cerbyd hacni/hurio preifat a ni
chaniatawyd cais Mr A am drwydded hacni/hurio
preifat.
Adroddodd y
Cyfreithiwr y byddai’r penderfyniad yn cael ei gadarnhau yn ffurfiol drwy lythyr. Hysbysebwyd yr ymgeisydd i’w hawl i
apelio i’r dyfarniad o fewn 21 diwrnod i dderbyn y llythyr hwnnw.
Rhoddodd yr Is Bwyllgor anogaeth
i’r ymgeisydd fynychu cyrsiau hyfforddi priodol er mwyn uchafu ei obeithion am
gyflogaeth i’r dyfodol.