Gosod tyrbin gwynt fferm 85kw ar dwr 25m cyfanswm uchder 37m at frig y llafn
AELOD LLEOL:
Cynghorydd Stephen W Chrchman
Dolen i'r dogfennau
cefndir perthnasol
Cofnod:
Gosod tyrbin gwynt fferm 85kw ar dwr 25m cyfanswm
uchder 37m at frig y llafn
(a)
Ymhelaethodd
yr Uwch Swyddog Rheolaeth Datblygu ar gefndir y cais gan nodi mai cais llawn
ydoedd i godi tyrbin gwynt 85kw ar dŵr 25m gyda chyfanswm uchder o 37m at
ei frig (gan gynnwys y llafnau) ar dir amaethyddol rhwng pentrefi Bryncir a
Garndolbenmaen. Eglurwyd bod lleoliad y tyrbin o fewn oddeutu 260m i eiddo
preswyl Llystyn Ganol ac o fewn 150m i’r tyrbin presennol sydd ar y tir.
Amlygwyd bod ffin Parc Cenedlaethol Eryri wedi ei leoli oddeutu 440m i
gyfeiriad y dwyrain o’r safle.
Cafodd y cais ei sgrinio yn ffurfiol ar gyfer Asesiad Effaith Amgylcheddol
dan Reoliadau Cynllunio Gwlad a Thref (Asesiad Effaith Amgylcheddol) (Cymru a
Lloegr) 1999 (fel y’i diwygiwyd) ac ni ystyriwyd bod effaith y datblygiad
arfaethedig ar yr amgylchedd yn ddigon sylweddol i gyfiawnhau cyflwyno
datganiad amgylcheddol gyda’r cais hwn.
O ran egwyddor y datblygiad, nodwyd bod hyn yn
dderbyniol a bod polisiau cynllunio cenedlaethol
perthnasol ynghylch datblygiadau ynni adnewyddadwy wedi eu hystyried ynghyd a pholisi C26..
Yng ngyd destun
mwynderau cyffredinol a phreswyl amlygwyd bod pellter sylweddol rhwng safle’r
tyrbin arfaethedig ag unrhyw dŷ preswyl cyfagos (ar wahan
yn amlwg i eiddo’r ymgeisydd ). Asesiwyd y asesiad swn a gyflwynwyd gyda’r cais gan Uned Gwarchod y Cyhoedd a
cadarnhawyd na fyddai lefelau swn y tyrbin
arfaethedig ynghyd a swn y tyrbin presennol yn codi’n
uwch na lefelau swn priodol. O ganlyniad, awgrymwyd
cynnwys amod yn sicrhau na fyddai lefelau swn yn
newid i raddau annerbyniol gan amharu ar fwynderau cyffredinol a phreswyl yr
ardal gyfagos nac o safbwynt taflu cysgod.
Yng nghyd-destun mwynderau gweledol derbyniwyd cadarnhad gan yr Uned AHNE
nad oedd unrhyw bryderon am effaith y datblygiad arfaethedig o safbwynt
golygfeydd i mewn ag allan o’r AHNE. Mewn ymateb i wrthwynebiadau'r Parc
Cenedlaethol, Cymdeithas Eryri, Ymgyrch Diogelu Cymru Wledig ac aelodau o’r
cyhoedd sydd yn nodi y byddai’r bwriad yn cael effaith andwyol ar osodiad y
Parc a bod effaith cronnol annerbyniol o ystyried tyrbin arall ar y safle ag ar
diroedd eraill gerllaw, nodwyd na fyddai'r bwriad yn debygol o niweidio
nodweddion a chymeriad arbennig y Parc trwy ymwthio yn sylweddol yn weledol
ac/neu drwy leoli ansensitif ac anghydnaws o fewn y
dirwedd.
O ystyried yr holl sylwadau a dderbyniwyd yn ogystal â pholisïau a
chanllawiau lleol a chenedlaethol, ategwyd na fyddai’r datblygiad arfaethedig
yn cael effaith niweidiol ar fwynderau’r ardal leol gan gynnwys y tirlun yn
gyffredinol nag edrychiadau i mewn ag allan o’r Parc Cenedlaethol gerllaw.
(b)
Gwnaed y prif bwyntiau canlynol
gan yr aelod lleol (nad
oedd yn aelod
o’r Pwyllgor Cynllunio hwn):-
·
Nad oedd ganddo
wrthwynebiad i’r cais a bod manylion yr adroddiad yn
gywir
·
Bod y tyrbin ychydig yn fwy na’r
un sydd eisoes ar y safle, ond
yn cydweddu yn dda
i’r cefndir
·
Bod y Parc Cenedlaethol yn gwrthod pob
tyrbin sydd yn agos at eu
ffiniau
·
Bod y cais yn unol
â pholisiau cyfredol
·
Nad oedd gwrthwynebiad
gan drigolion lleol – dim gwrthwynebiadau / sylwadau wedi dod
i law
·
Yr ymgeisydd yn cadw ffarm
draddodiadol ac angen arallgyfeirio
Cynigiwyd ac eiliwyd i ganiatáu’r cais yn unol ag argymhelliad y swyddogion
cynllunio.
Mewn ymateb i gwestiwn ynglŷn â pha bwyslais sydd yn cael ei roi ar
sylwadau'r Parc Cenedlaethol fel bod modd eu diystyru, nodwodd
y Rheolwr Rheolaeth Datblygu fod y sylwadau hyn wedi eu hasesu yn llawn yn yr
adroddiad ac yng nghyd destun sylwadau CNC sydd ddim yn gwrthwynebu er gwaethaf
lleoliad y Parc.
(c)
Yn
ystod y drafodaeth ddilynol, nodwyd y prif sylwadau canlynol:
·
Bod
y tyrbin bwriadedig mewn safle llai amlwg na llawer
·
Cefnogol
i ynni adnewyddol
·
Croesawu
arallgyfeirio o ystyried y bydd taliadau sylfaenol yn lleihau ac yn dod i ben
yn 2020
Penderfynwyd caniatáu y cais.
Amodau
1. Amser – cychwyn gwaith o fewn 2 flynedd
2. Cydymffurfio gyda
chynlluniau
3. Caniatâd am gyfnod o 25
mlynedd
4. Lliw/gorffeniad
5. Sŵn
6. Dadgomisiynu
7. Archeoleg
8. Bioamrywiaeth
9. Ceblau tanddaearol yn unig
10. Cyflwyno manylion unrhyw offer neu beirianwaith
11. amod cynllun cwtogi ar gyfer gwarchod ystlumod
Dogfennau ategol: