Agenda item

Cyfnewid cyfleusterau lloches anifeiliaid presennol gyda chyfleusterau newydd i gynnwys derbynfa, cybiau cwn, cydiau cathod, mannau parcio, ceubwll a chyfleusterau cysylltiedig.  

 

AELOD LLEOL:  Cynghorydd Craig ab Iago

 

Dolen i’r dogfennau cenfdir perthnasol

 

 

 

Cyfnewid cyfleusterau lloches anifeiliaid presennol gyda chyfleusterau newydd i gynnwys derbynfa, cybiau cŵn, cybiau cathod, mannau parcio, ceubwll a chyfleusterau cysylltiedig.

 

(a)       Ymhelaethodd y Rheolwr Rheolaeth Datblygu ar gefndir y cais,  gan nodi y gohirwyd penderfynu ar y cais yng nghyfarfod mis Chwefror o’r Pwyllgor Cynllunio ac y cynhaliwyd ymweliad a’r safle gan rai o’r Aelodau cyn y prif gyfarfod cynllunio. Nodwyd bod yr egwyddor o sefydlu lloches anifeiliaid ar ddaliad “Freshfields” (Bryn Melyn) wedi ei sefydlu yn ôl yn 1997.

  

Credir na fyddai graddfa’r bwriad yn amharu’n arwyddocaol ar yr amgylchedd o ystyried ad-drawiad a gosodiad yr adeiladwaith presennol ar y tirlun ynghyd a dyluniad ac edrychiadau/deunyddiau allanol yr adeiladwaith newydd fydd yn lleihau'r effaith gweledol o fewn y tirlun lleol ac yn gyfle i wella ansawdd edrychiad y safle.

 

Nodwyd mai prif wrthwynebiad deiliaid anheddau  cyfagos i’r cais yw’r aflonyddwch sŵn sy’n deillio’n bresennol o’r safle a'r sŵn a all ddeillio o’r bwriad drwy gynyddu’r niferoedd o gŵn a fwriedir eu lletya ar y safle ei hun. Ystyrir bod y mesurau lliniaru ac ynysu sŵn a gynigir yn lleihau ac yn negyddu’r aflonyddwch sŵn a fyddai’n deillio o’r adeilad cybiau newydd fel bod lefelau sŵn yn cydymffurfio a lefelau sŵn statudol gan obeithio wedyn na fyddai ad-drawiad sylweddol ac arwyddocaol ar fwynderau preswyl a chyffredinol trigolion cyfagos.

 

         Roedd y datblygiad yn cydymffurfio gyda Chynllun Datblygu Unedol Gwynedd (CDUG) am y rhesymau a roddwyd yn yr adroddiad.

 

         Roedd y safle yn un prysur ac y byddai’r newidiadau yn ffurfioli’r cyfleusterau gan gynnwys mannau pwrpasol i barcio.  Nodwyd nad oedd gan yr Uned Trafnidiaeth unrhyw wrthwynebiad ac o ystyried cyd-destun ac yn ddarostyngedig i gynnwys amodau cynllunio perthnasol, credir bod y cais yn dderbyniol ar sail graddfa, lleoliad, dyluniad, deunyddiau, diogelwch ffyrdd, parcio, mwynderau gweledol a mwynderau preswyl ac yn cydymffurfio a pholisiau lleol a chenedlaethol perthnasol.

 

(b)              Cynigiwyd ac eilwyd i ganiatau’r cais.

 

(c)              Mewn ymateb i bryder amlygwyd gan Aelod ynglyn a chynnydd  yn y nifer o gŵn a fwriedir lletya ar y safle, esboniodd y Rheolwr Rheolaeth Datblygu nad oes unrhyw achos statudol o niwsans wedi ei brofi a bod y cais yn welliant o’r strwythur a bod modd ynysu’r sŵn drwy’r ddarpariaeth pwrpasol ar eu cyfer.  Tynnwyd sylw hefyd bod amodau ynghlwm i’r cais ar gyfer ei reoli.

 

         O safbwynt ymholiad pellach i roi cyfnod o brawf i’r safle, eglurodd y Rheolwr Rheolaeth Datblygu y byddai’n afresymol i wneud hyn o ystyried bod 5 ci ar y safle yn barod ac roedd y cais yn gyfle i wella’r cyfleusterau.

 

         Ychwanegodd i ymholiad arall ynglyn a chynnydd mewn traffig, na fyddai fwy o fynd a dod i’r safle nag sy’n bodoli’n barod.

 

          PENDERFYNWYD:  Caniatáu’r cais yn ddarostyngedi i’r amodau canlynol: 

 

      1.   3 mlynedd i ddechrau’r gwaith.

      2.   Yn unol â’r cynlluniau diwygiedig.

      3.   Deunyddiau allanol.

      4.   Tirweddu.

5.   Cynllun insiwleiddio adeilad y cybiau i’w gyflwyno a’i ganiatáu gan yr Awdurdod Cynllunio Lleol (ACLL) cyn dechrau unrhyw waith i’w adeiladu yn unol â’r manylion a gymeradwywyd ac ni chaniateir cadw cwn mewn unrhyw adeilad arall nac ar unrhyw ran arall o’r safle wedi hynny.

6.   Asesiad sŵn i’w gyflwyno i’r ACLL a’i ganiatáu cyn gosod offer mecanyddol awyrad ar unrhyw adeilad.

7.   Cyfyngu niferoedd o gwn sydd angen llety ar y safle ar unrhyw adeg  i 8

      yn unig.

      8.   Cyfyngu’r amser mae’r cyfleuster yn agored i’r cyhoedd rhwng 10.30 y

            bore hyd at 13.00 y pnawn.

9.   Ni leolir y system trin carthion o fewn 15medr o unrhyw ffrwd, ffoes neu gwrs dwr ag o leiaf 50m o unrhyw ffynhonnell cyflenwad dwr preifat.

10. Rhaid cyflwyno canlyniadau arbrofion mandylledd cyn dechrau unrhyw

      ddatblygiad ar y safle.

      11. Datblygiad i’w gwblhau mewn gweddau gyda manylion i’w cytuno

gyda’r ACLL (i gynnwys manylion adeiladau i’w dymchwel, trefn y gwaith ar y safle a cyn y blaen). Bydd angen cwblhau bob gwedd i lwyr foddhad yr ACLL.

12. Gwarchod llwybr cyhoeddus rhif 73 yng nghymuned Llanllyfni yn ystod

      ac ar ôl cwblhau’r datblygiad.