Cofnod:
(a) Ymhelaethodd
y Rheolwr Rheolaeth Datblygu ar gefndir
y cais gan nodi ei fod
ar gyfer codi modurdy sengl
newydd ar ran o dir tu allan
i gwrtil penodol yr eiddo,
sydd ar ben draw ffordd stad. Nodwyd
bod sylfaen concrid yn bodoli ar
y safle yn barod sy’n darparu
lle parcio, gyda’r sylfaen yn ymestyn tu
allan i safle’r
cais ac yn darparu oddeutu 2 lecyn parcio ychwanegol
i dai eraill.
Adroddwyd
y derbyniwyd nifer o wrthwynebiadau i’r bwriad yn ymwneud
gyda lleoliad y modurdy o safbwynt perchnogaeth tir, anghydfod perchnogaeth tir, mynediad ar
gyfer cynnal a chadw rhan o eiddo
a defnydd o lwybr sy’n rhedeg heibio
ochr y modurdy gan y cyhoedd.
Nodwyd
bod y bwriad yn golygu ymestyn y sylfaen concrid presennol i’r ochr
(tuag at eiddo rhif 23) ac i’r cefn gyda’r cynlluniau
a gyflwynwyd yn dangos bod y tir o fewn perchnogaeth yr ymgeisydd. Eglurwyd
bod materion perchnogaeth yn fater sifil,
yn hytrach na mater cynllunio, felly nid yw anghydfod
perchnogaeth tir yn rheswm i
wrthod caniatâd cynllunio.
Nodwyd byddai ymestyn y sylfaen yn amharu ar
lwybr sy’n rhedeg rhwng y modurdy bwriedig ac eiddo rhif 23 Y Grugan. Ymddangosir fod y llwybr o fewn perchnogaeth yr ymgeisydd, roedd
asiant y cais wedi derbyn cadarnhad
ysgrifenedig gan yr Uned Llwybrau
nad yw’r llwybr yma yn
llwybr cyhoeddus, nac o fewn perchnogaeth
Cyngor Gwynedd, nac ychwaith wedi ei
fabwysiadu na’i gynnal gan y Cyngor.
Nodwyd bod y modurdy bwriedig i’w godi
yn llwyr ar dir sydd
wedi ei leoli
o fewn perchnogaeth yr ymgeisydd, ac ni ystyrir ei
fod yn or-ddatblygiad o’r safle, nac yn
cael effaith andwyol ar breifatrwydd
na mwynderau unrhyw unigolyn cyfagos.
Cadarnhawyd
na ystyrir bod y gwrthwynebiadau a dderbyniwyd yn gorbwyso’r ystyriaethau
polisi na’r materion cynllunio perthnasol. Roedd y datblygiad yn cydymffurfio
gyda’r CDUG am y rhesymau a roddwyd yn yr adroddiad.
(b) Yn manteisio ar yr hawl
i siarad nododd gwrthwynebydd y prif bwyntiau canlynol:-
·
Ei fod yn cynrychioli trigolion y Grugan;
·
Y byddai’r
modurdy bwriedig yn atal iddo
barcio yn ei fan parcio presennol;
·
Y dylai’r
Pwyllgor ystyried cynnal ymweliad safle;
·
Effaith ar y llwybr a ddefnyddir gan unigolyn anabl a oedd yn byw
yn rhif 37;
·
Y byddai’r modurdy yn creu
man i unigolion cymryd rhan mewn
gweithgareddau gwrthgymdeithasol
ac anghyfreithlon.
(c) Gwnaed y prif bwyntiau canlynol
gan yr aelod lleol (oedd
yn aelod o’r Pwyllgor Cynllunio
hwn):-
·
Bod y cais wedi hollti’r
gymdeithas;
·
Bod y sylfaen goncrid yn
darparu man parcio dim lle ar gyfer modurdy;
·
Bod caniatâd llafar wedi bod
rhwng deiliaid rhif 36 a cyn perchennog rhif 35 o ran trefniadau parcio;
·
Bod mannau parcio ar gyfer
rhifau 35, 36 a 37, os caniateir y cais y byddai modurdy mwy na’r sylfaen
goncrid presennol yn amharu ar y llecyn canol ac amharu ar lwybr ac eiddo rhif
23;
·
Bod anghydfod perchnogaeth a
chroes ddweud o ran ymateb y Cyngor yng nghyswllt perchnogaeth a chynnal a
chadw;
·
Y byddai caniatáu’r cais yn
creu cynsail;
·
Bod y bwriad yn groes i
bolisïau B22 a B23 o’r CDUG;
·
Gofyn i’r Pwyllgor gynnal
ymweliad safle.
(ch)
Cynigwyd ac eiliwyd i gynnal ymweliad safle.
Yn ystod y drafodaeth ddilynol nodwyd y prif sylwadau
canlynol:
·
Y dylid cynnal ymweliad safle gan nad
oedd y sefyllfa wedi ei adlewyrchu
yn y cynlluniau;
·
Mai materion sifil oedd dan
sylw ac ni fyddai cynnal ymweliad
safle yn gwneud y sefyllfa yn gliriach;
·
Bod y modurdy bwriedig yn anaddas
i’r safle.
Mewn ymateb i gwestiwn gan aelod parthed derbyn cadarnhad o ran
perchnogaeth, nododd y Rheolwr Rheolaeth Datblygu bod yr ymgeisydd wedi
cadarnhau yn y ffurflen gais bod safle’r cais yn ei berchnogaeth ac fe
dderbyniwyd dogfennau gan y Gofrestrfa Tir yn ogystal.
PENDERFYNWYD cynnal
ymweliad safle.
Dogfennau ategol: