Agenda item
Cofnod:
Nododd y Cadeirydd mai efo calon drom y gwneir y penderfyniadau anodd o ran
toriadau ond mewn adeg o doriadau cenedlaethol, roedd rhaid i’r Cyngor wneud y
penderfyniadau anodd yma. Diolchodd am waith trylwyr y cynghorwyr a chyfeiriodd
at frwdfrydedd trigolion Gwynedd yn ystod ymgynghoriad Her Gwynedd a’u gwaith
lobio dros yr wythnosau a misoedd diwethaf a oedd wedi bod yn hanfodol i allu
dod i gasgliad ar y toriadau.
Cyfeiriodd at ddeiseb a dderbyniwyd cyn y cyfarfod. Ymhelaethodd yr Aelod
Cabinet Economi ei bod wedi derbyn deiseb yng nghyswllt y celfyddydau ‘Peidiwch
â thorri’r celfyddydau yng Ngwynedd’ gyda 1,225 o
enwau.
Mewn ymateb i gwestiwn parthed costau uwchraddio
drysau mynediad diogelwch i swyddfeydd y Cyngor, nododd y Pennaeth Cyllid bod
bid am £60,000 wedi ei gyflwyno gan yr Adran Rheoleiddio er mwyn gwella
diogelwch trefniadau mynediad i swyddfeydd o ganlyniad i ddigwyddiadau. Nodwyd
yr ariennir y gwaith yn hafal gan yr Adran Rheoleiddio a’r arian bid.
Cynigiodd yr Aelod Cabinet Adnoddau argymhellion y Cabinet ar gyllideb
2016/17 a’r Dreth Gyngor. Pwysleisiodd bod rhaid i’r Cyngor osod cyllideb
gytbwys a hyfyw. Tywysodd yr aelodau drwy’r adroddiad
gan nodi bod y strategaeth yn ceisio gwarchod y gwasanaethau a ddarperir gan y
Cyngor i bobl Gwynedd a chadw’r cynnydd yn y Dreth Cyngor i’r lleiafswm.
Eiliwyd y cynnig.
Atgoffodd
y Cadeirydd yr aelodau o’r nodyn a ddosbarthwyd ganddo yn manylu ar drefn
ymdrin â’r mater hwn. Gwahoddwyd yr aelodau i ddatgan
unrhyw welliannau i argymhelliad y Cabinet gan gyfeirio at rif y cynllun dan
sylw a chan gofio fod yn rhaid i unrhyw welliant nodi
sut y byddai’n sicrhau cyllideb hafal.
Mewn ymateb i gwestiwn gan
aelod parthed y drefn o sefydlu cyllideb a gosod Treth Cyngor, nododd y Swyddog
Monitro yn unol â’r drefn statudol bod y Cabinet yn
argymell cyllideb a Threth Cyngor i’r Cyngor Llawn.
Nododd aelod bod yr Aelodau
Cabinet wedi derbyn mwy o wybodaeth na’r aelodau eraill i ddod i benderfyniad.
Mewn ymateb, nododd y Prif Weithredwr bod y Cabinet wedi derbyn gwybodaeth
gynhwysfawr er mwyn iddynt fedru llunio rhestr o
doriadau posib cyn rhyddhau’r rhestr i ymgynghori gyda’r cyhoedd. Derbyniodd
mai crynodeb yn unig a roddwyd i’r aelodau pan ymgynghorwyd a hwynt yn yr haf y
llynedd er mwyn ceisio peidio boddi aelodau a tharo balans
priodol o ran y wybodaeth oedd ei angen. Nododd bod y wybodaeth ychwanegol ar
gael i’r aelodau eraill pe dymunir.
Yn ystod y drafodaeth ddilynol, nodwyd y prif
bwyntiau canlynol:-
·
Gwerthfawrogiad
o waith y swyddogion a’r cyhoedd fel rhan o ymgynghoriad Her Gwynedd.
·
O ystyried bod y Cynllun
Strategol yn nodi bod oddeutu 6.9 miliwn o ymwelwyr wedi ymweld â Gwynedd yn
2014 gan greu £975 miliwn mewn refeniw, a oedd ystyriaeth wedi ei roi i ail
leoli'r canolfannau croeso?
·
Bod Gweithgor Craffu wedi
argymell codi ffi am ddefnydd o doiledau’r Sir, ystyried un ai eu trosglwyddo i
eraill neu agor rhai yn dymhorol ond nad oedd hyn wedi ei weithredu.
·
Bod Amgueddfa Lloyd George yn
adnodd pwysig o ran addysg a thwristiaeth gyda deisebau ar-lein a galwadau gan
Aelodau Cynulliad i gadw’r adnodd o bwysigrwydd cenedlaethol. A oedd ystyriaeth
wedi ei roi i gysylltu â Llywodraeth Cymru yn gofyn iddynt ei fabwysiadu fel
rhan o’r Amgueddfa Genedlaethol?
·
Dylid tynnu 2 neu 3
swydd rheolwr llinell oddi ar strwythur staffio’r Cyngor yn hytrach na thorri
canolfannau croeso a oedd yn holl bwysig i dwristiaeth. Os penderfynir cau’r
canolfannau croeso dylid cadw’r ganolfan a leolir yn Neuadd Dwyfor.
·
Dim
ond oddeutu 2% o bobl Gwynedd oedd wedi cymryd rhan yn ymgynghoriad Her
Gwynedd.
·
Pryder
o ran trefn y cyfarfod.
·
Bod
Papur Gwyn Iechyd Cyhoeddus, Llywodraeth Cymru yn argymell bod y Cyngor yn
darparu nifer digonol o doiledau cyhoeddus felly pam fod y Cyngor am gau 50
allan o 73 o doiledau cyhoeddus y Sir?
·
Bod nifer o unigolion ddim
wedi cwblhau’r holiadur ar-lein fel rhan o ymgynghoriad Her Gwynedd gan ei fod
yn rhy gymhleth a bod nifer yr ymatebion a dderbyniwyd yn isel o ystyried yr
ymarferiad costus hwn.
Mewn ymateb i sylwadau’r aelodau, nododd y Prif Weithredwr:-
·
O ran toiledau cyhoeddus, mai
ond rhai o’r toiledau oedd yn economaidd bosib i godi ffi gan osod peiriannau
talu ac os dymunir tynnu cynllun rhif 51 (Cau 50 allan o 73 o doiledau
cyhoeddus y Sir) allan o’r toriadau yna byddai’n rhaid ychwanegu cynllun arall
i’r toriadau neu godi’r Dreth Cyngor. Roedd gwaith i’w wneud o ran pa doiledau
cyhoeddus i’w cau a sut i wireddu’r toriadau ac efallai dylai’r Pwyllgor Craffu
fod yn rhan o’r broses.
·
Y cydnabyddir y byddai effaith
ar dwristiaeth wrth gynnwys rhai cynlluniau yn y rhestr toriadau ond pe tynnir
cynllun o’r rhestr byddai rhaid bod cynllun arall yn cael ei ychwanegu neu
godi’r Dreth Cyngor.
·
Nad
oedd trafodaethau wedi eu cynnal efo Llywodraeth Cymru yng nghyswllt Amgueddfa
Lloyd George ond argymhellir gohirio gweithredu ar y toriad tan 1 Ebrill 2017,
er mwyn rhoi cyfle i’r Gwasanaeth gynnal trafodaethau gydag unrhyw gorff a fyddai’n
dymuno cymryd cyfrifoldeb am yr amgueddfa.
·
Bod gwaith pellach i’w wneud
ar rai o’r cynlluniau y cynhwysir yn y rhestr
toriadau cyn y gellir eu gweithredu.
Cynigwyd gwelliant i
dynnu cynllun rhif 12 (Lleihau 50% ar y grantiau a roddir i fudiadau gwirfoddol
ar gyfer prosiectau penodol) a chynllun rhif 26 (Dileu grant Canolfan Noddfa)
o’r rhestr toriadau a chynyddu'r Dreth Gyngor 4.03%.
Nododd y Pennaeth Cyllid y byddai tynnu’r ddau gynllun o’r rhestr toriadau
yn golygu cynnydd o 4.09% yn y Dreth Cyngor er mwyn gosod cyllideb gytbwys.
Derbyniodd y cynigydd yr addasiad.
Eiliwyd y gwelliant.
Mewn ymateb i ymholiadau gan yr aelodau yng
nghyswllt datgan buddiant, nododd y Swyddog Monitro ei fod wedi gwneud cais i’r
aelodau ofyn am arweiniad ymlaen llaw. Ychwanegodd bod yr aelodau wedi derbyn
hyfforddiant ar y Cod Ymddygiad ac mai mater i’r Cynghorydd unigol oedd
penderfynu o ran datgan buddiant.
Yn unol â’r Rheolau
Gweithdrefn, cofnodwyd y bleidlais ganlynol ar y gwelliant:-
O blaid: (8) Y Cynghorwyr Gwynfor Edwards, Aled Evans, Gwen
Griffith, Aled Wyn Jones, Sion Wyn Jones, Dilwyn Morgan, Mike Stevens a Glyn
Thomas.
Yn erbyn: (49) Y Cynghorwyr Craig ab Iago, Stephen Churchman, Annwen Daniels, Lesley Day, Dyfed Edwards, Elwyn Edwards, Trevor Edwards, Thomas Ellis, Alan Jones Evans, Jean
Forsyth, Gweno Glyn, Simon Glyn, Selwyn Griffiths, Alwyn Gruffydd, Siân
Gwenllian, Annwen Hughes, John Brynmor Hughes, Louise
Hughes, Sian Wyn Hughes, Peredur Jenkins, Anne Lloyd Jones, Charles W. Jones,
Dyfrig Jones, Elin Walker Jones, John Wynn Jones, Beth Lawton,
Dilwyn Lloyd, Dafydd Meurig, Linda Morgan, Dewi Owen,
Michael Sol Owen, Caerwyn Roberts, Gareth A. Roberts, John Pughe Roberts, W.
Gareth Roberts, Mair Rowlands, Angela Russell, Dyfrig
Siencyn, Gareth Thomas, Ioan Thomas, Eirwyn Williams, Elfed Williams, Gethin
Glyn Williams, Hefin Williams, John Wyn Williams, Owain Williams, R. H. Wyn
Williams, Mandy Williams-Davies ac Eurig Wyn.
Atal: (7) Y Cynghorwyr Chris Hughes, Aeron M. Jones, Brian
Jones, Eric Merfyn Jones, Eryl Jones-Williams, June Marshall, Hefin Underwood.
Yn ystod y drafodaeth ddilynol ar y cynnig gwreiddiol, nodwyd y prif
bwyntiau canlynol:-
·
Bod
penderfyniad y Cyngor i beidio cyflenwi biniau halen yn medru golygu cynnydd yn
mhraeseptau Cynghorau Cymuned.
·
Bod y Cyngor wedi ymgynghori
ar fwy o raddfa na chynghorau eraill yng Nghymru ac wedi pwyso a mesur y
dystiolaeth er mwyn gwarchod gwasanaethau cyhoeddus gan fod pobl Gwynedd yn
ddibynnol arnynt.
·
Y
cydnabyddir y byddai wedi bod o fudd i dderbyn nifer uwch o ymatebion i’r
ymgynghoriad.
·
Roedd
y toriadau yn anorfod oherwydd polisi Llywodraeth San Steffan.
·
Os ceir anawsterau o ran
gwireddu’r toriadau yn dilyn gwneud gwaith pellach bod y Cabinet am dderbyn
adroddiad.
·
A ellir nodi bwriad y Cyngor i
godi “premiwm” ar eiddo gwag hirdymor ac ail gartrefi o flwyddyn ariannol
2017/18 ymlaen heb ddynodi canran?
·
Er mwyn gwarchod pobl fregus,
roedd y Cabinet yn argymell peidio cynnwys cynllun rhif 34 (Torri 10% ar y
Gwasanaethau Cefnogol a roddir i blant drwy Derwen) oherwydd y byddai’n
effeithio’n andwyol ar wasanaeth Derwen a oedd yn gwireddu arbedion
effeithlonrwydd eisoes.
·
Bod
sawl cynllun efo gwaith i’w wneud arnynt cyn y gellir
gwireddu’r toriadau ac anogir pawb sydd wedi cymryd rhan yn ymgynghoriad Her
Gwynedd i barhau efo’r gwaith i ddarganfod ffyrdd amgen o gyflawni.
·
Bod cynnydd chwyddiant
cyfansawdd o 67% ar y Dreth Cyngor ers 2005 o gymharu â chynnydd chwyddiant
cyfansawdd cyffredinol o 37% yn yr un cyfnod, cydnabyddir bod y sefyllfa’n
anodd a bod symudiad y Cyngor tuag at y cyflog byw i’w groesawu ond nid oedd
craffu digon manwl wedi ei wneud ar y toriadau posib. Felly, ‘roedd aelod yn
dymuno cynyddu’r Dreth Cyngor 3.5% a gofyn i’r Pwyllgorau Craffu yn ystod y 3
mis nesaf i ystyried y wybodaeth ac argymell ffordd ymlaen i’r Cabinet.
·
Cefnogol
i gadw’r canolfannau croeso a’r toiledau cyhoeddus ond byddai’n golygu cynnydd
uwch yn y Dreth Cyngor. Nid oedd manylion rhai o’r cynlluniau yn wybyddus felly
byddai’r aelod yn atal ei bleidlais.
·
Bod angen i waith fynd rhagddo
i gysoni'r hyn mae cymunedau a’r Cyngor yn cyflawni.
·
Bod
nifer uchel o ymatebion i’r ymgynghoriad gan fudiadau a gwasanaethau ond bod
lefel yr ymateb yn isel o ran cynlluniau a fyddai’n effeithio ar blant ac oedolion
bregus felly yn falch bod y Cyngor am edrych ar eu hôl nhw.
·
A
ellir cael esboniad pan fo rhai enwau yn y wybodaeth ychwanegol a ddarparwyd
i’r aelodau wedi eu dileu?
Mewn ymateb i sylwadau’r aelodau, nododd y swyddogion:-
·
O ran codi “premiwm” ar eiddo
gwag hirdymor ac ail gartrefi, y byddai’n rhaid rhoi rhybudd pendant o ran y
“premiwm” os am weithredu o flwyddyn ariannol 2017/18 ymlaen. Roedd Ymchwiliad
Craffu Tai Gwyliau a Threthi yn mynd rhagddo ar hyn o bryd ac argymhellir aros
i weld canlyniad yr ymchwiliad ac yna asesu’r sefyllfa gyda’r holl wybodaeth
cyn dod i benderfyniad.
·
O
ran y dyhead i gynyddu’r Dreth Cyngor 3.5% a gofyn i’r Pwyllgorau Craffu yn
ystod y 3 mis nesaf i ystyried y wybodaeth ac argymell ffordd ymlaen i’r
Cabinet, nid oedd yn welliant priodol gan fod gofyn cyfreithiol i osod cyllideb
hafal ac fel y nodwyd ar y cychwyn, byddai’n rhaid nodi yn benodol sut y
bwriedir cyfarch y bwlch ariannol.
·
Cydnabyddir
bod anghysondeb o ran ariannu gan y Cyngor a’r Cynghorau Cymuned. Cynhelir cyfarfodydd
efo Cynghorau Cymuned ar hyn o bryd a bydd gwaith yn cael ei wneud yn y dyfodol
agos i edrych ar y sefyllfa wrth chwilio am arbedion effeithlonrwydd pellach a gallai’r Pwyllgorau Craffu efallai gymryd rhan yn y broses.
·
Bod data yn y wybodaeth ychwanegol
megis cyfeiriadau e-bost personol wedi eu cuddio er mwyn cydymffurfio a rheolau
diogelu data gan fod y dogfennau yn gyhoeddus.
Yn unol â’r Rheolau
Gweithdrefn, cofnodwyd y bleidlais ganlynol ar y cynnig:-
O blaid: (58) Y Cynghorwyr Craig ab Iago, Annwen
Daniels, Lesley Day, Gwynfor Edwards, Dyfed Edwards, Elwyn Edwards, Trevor Edwards, Alan Jones Evans, Aled Evans, Jean Forsyth,
Gweno Glyn, Simon Glyn, Gwen Griffith, Selwyn Griffiths, Siân Gwenllian, Annwen Hughes, Chris Hughes, John Brynmor Hughes, Sian Wyn
Hughes, Peredur Jenkins, Aled Wyn Jones, Anne Lloyd Jones, Brian Jones, Charles
W. Jones, Dyfrig Jones, Elin Walker Jones, Eric Merfyn Jones, John Wynn Jones,
Beth Lawton, June Marshall, Dafydd Meurig, Dilwyn
Morgan, Linda Morgan, Dewi Owen, Michael Sol Owen, W.
Roy Owen, W. Tudor Owen, Caerwyn Roberts, Gareth A. Roberts, John Pughe
Roberts, W. Gareth Roberts, Mair Rowlands, Angela
Russell, Dyfrig Siencyn, Mike Stevens, Gareth Thomas, Ioan Thomas, Hefin Underwood, Ann Williams, Eirwyn Williams, Elfed Williams,
Gethin Glyn Williams, Gruffydd Williams, Hefin Williams, John Wyn Williams, R.
H. Wyn Williams, Mandy Williams-Davies ac Eurig Wyn.
Yn erbyn: (9) Y
Cynghorwyr Stephen Churchman, Thomas Ellis, Alwyn Gruffydd, Louise Hughes,
Jason Humphreys, Aeron M. Jones, Sion Wyn Jones, Dilwyn Lloyd ac Owain
Williams.
Atal: (2) Y
Cynghorwyr Eryl Jones-Williams a Glyn Thomas.
PENDERFYNWYD:
1. Cymeradwyo’r
argymhellion a gyflwynir gan y Cabinet fel y’i nodir yn yr adroddiad, fydd yn
golygu cynyddu’r Dreth Cyngor 3.97% ar gyfer 2016/17.
2. Nodi fod yr Aelod
Cabinet dros Adnoddau, drwy daflen benderfyniad dyddiedig 6 Tachwedd 2015, wedi
cymeradwyo cyfrifiad y symiau a ganlyn ar gyfer y flwyddyn 2016/17 yn unol â’r rheoliadau a luniwyd dan Adran 33 (5) o Ddeddf Cyllid
Llywodraeth Leol 1992 (“Y Ddeddf”):-
(a) 49,932.37 yw’r swm a
gyfrifwyd fel Sylfaen drethiannol Gwynedd yn unol â’r
Rheoliadau Awdurdodau Lleol (Cyfrifo Sylfaen y Dreth Cyngor) (Cymru) 1995 fel
y’i diwygiwyd fel ei sylfaen Dreth Cyngor am y flwyddyn.
(b) Rhan o ardal y Cyngor –
Sylfaen drethiannol Cymuned –
Aberdaron |
526.68 |
|
Llanddeiniolen |
1,809.82 |
Aberdyfi |
925.62 |
Llandderfel |
489.47 |
|
Abergwyngregyn |
116.15 |
Llanegryn |
153.55 |
|
Abermaw (Barmouth) |
1,085.90 |
Llanelltyd |
272.58 |
|
Arthog |
607.53 |
Llanengan |
1,958.38 |
|
Y Bala |
760.10 |
Llanfair |
305.07 |
|
Bangor |
3,640.77 |
Llanfihangel y Pennant |
204.16 |
|
Beddgelert |
306.95 |
Llanfrothen |
209.90 |
|
Betws Garmon |
130.77 |
Llangelynnin |
390.27 |
|
Bethesda |
1,641.55 |
Llangywer |
133.74 |
|
Bontnewydd |
439.05 |
Llanllechid |
336.18 |
|
Botwnnog |
436.07 |
Llanllyfni |
1,376.49 |
|
Brithdir a Llanfachreth |
397.62 |
Llannor |
891.25 |
|
Bryncrug |
331.06 |
Llanrug |
1,122.86 |
|
Buan |
225.99 |
Llanuwchllyn |
300.51 |
|
Caernarfon |
3,449.47 |
Llanwnda |
771.51 |
|
Clynnog Fawr |
432.03 |
Llanycil |
195.06 |
|
Corris |
293.73 |
Llanystumdwy |
861.68 |
|
Criccieth |
911.69 |
Maentwrog |
273.75 |
|
Dolbenmaen |
582.77 |
Mawddwy |
331.44 |
|
Dolgellau |
1,183.41 |
Nefyn |
1,382.45 |
|
Dyffryn Ardudwy |
788.20 |
Pennal |
219.60 |
|
Y Felinheli |
1,105.05 |
Penrhyndeudraeth |
749.49 |
|
Ffestiniog |
1,675.41 |
Pentir |
1,022.55 |
|
Y Ganllwyd |
80.70 |
Pistyll |
239.92 |
|
Harlech |
745.00 |
Porthmadog |
1,934.14 |
|
Llanaelhaearn |
430.45 |
Pwllheli |
1,700.31 |
|
Llanbedr |
307.34 |
Talsarnau |
305.16 |
|
Llanbedrog |
678.35 |
Trawsfynydd |
500.78 |
|
Llanberis |
766.49 |
Tudweiliog |
440.50 |
|
Llandwrog |
989.69 |
Tywyn |
1,554.84 |
|
Llandygai |
958.16 |
|
Waunfawr |
545.21 |
sef y symiau a gyfrifwyd fel symiau Sylfaen y Dreth
Gyngor ar gyfer y flwyddyn ar gyfer tai annedd yn y rhannau hynny o’i ardal lle
bo un eitem arbennig neu fwy’n berthnasol.
3. Bod y symiau a ganlyn yn cael eu pennu yn
awr gan y Cyngor ar gyfer y flwyddyn 2016/17 yn unol ag Adrannau 32 i 36 o’r
Ddeddf:-
(a) £340,323,810 |
Sef cyfanswm y symiau y mae’r Cyngor yn eu
hamcangyfrif ar gyfer yr eitemau a nodwyd yn Adran 32(2)(a) i (e) o’r Ddeddf
(gwariant gros). |
(b) £111,524,200 |
Sef cyfanswm y symiau y mae’r Cyngor yn eu
hamcangyfrif ar gyfer yr eitemau a nodwyd yn Adran 32(3)(a) i (c) o’r Ddeddf
(incwm). |
(c) £228,799,610 |
Sef y swm sy’n cyfateb i’r gwahaniaeth rhwng
cyfanswm 3(a) uchod a chyfanswm 3(b) uchod, a gyfrifwyd gan y Cyngor, yn unol
ag Adran 32(4) o’r Ddeddf, fel ei ofynion cyllideb ar gyfer y flwyddyn
(cyllideb net). |
(ch) £166,696,539 |
Sef cyfanswm y symiau y mae’r Cyngor yn
amcangyfrif y byddant yn daladwy yn ystod y flwyddyn i’w gronfa ar gyfer
cyfan o’r Dreth Annomestig Genedlaethol a Grant Cynnal Refeniw, llai
amcangyfrif o’r gost i’r Cyngor o ryddhad dewisol o’r dreth annomestig a
ganiateir. |
(d) £1,243.74 |
Sef y swm yn 3(c) uchod llai’r swm yn 3(ch) uchod, y cyfan wedi ei rannu gan y swm a nodir yn
2(a) uchod, a gyfrifwyd gan y Cyngor yn unol ag Adran 33(1) o’r Ddeddf, sef
swm sylfaenol ei Dreth Cyngor am y flwyddyn (treth Cyngor Gwynedd a threth
cyfartalog cynghorau cymuned). |
(dd) £1,826,710 |
Sef cyfanswm yr holl eitemau arbennig y cyfeirir
atynt yn Adran 34(1) o’r Ddeddf (praeseptau’r
cynghorau cymuned). |
(e) £1,207.16 |
Sef y swm yn 3(d) uchod llai’r canlyniad a geir
wrth rannu’r swm yn 3(dd) uchod â’r
swm yn 2(a) uchod, a gyfrifwyd gan y Cyngor, yn unol ag Adran 34(2) fel swm sylfaenol ei Dreth Cyngor am y flwyddyn
ar gyfer tai annedd yn y rhannau hynny o’i ardal lle nad oes unrhyw eitem
arbennig yn berthnasol (Band D ar gyfer treth Cyngor Gwynedd yn unig). |
(f) Ar gyfer rhannau o
ardal y Cyngor –
1,224.25 |
|
Llanddeiniolen |
1,215.45 |
|
Aberdyfi |
1,232.62 |
Llandderfel |
1,225.34 |
|
Abergwyngregyn |
1,224.38 |
Llanegryn |
1,233.21 |
|
Abermaw (Barmouth) |
1,255.05 |
Llanelltyd |
1,231.01 |
|
Arthog |
1,221.15 |
Llanengan |
1,232.69 |
|
Y Bala |
1,232.16 |
Llanfair |
1,230.11 |
|
Bangor |
1,298.22 |
Llanfihangel y Pennant |
1,235.35 |
|
Beddgelert |
1,234.85 |
Llanfrothen |
1,232.41 |
|
Betws Garmon |
1,217.10
|
Llangelynnin |
1,227.15 |
|
Bethesda |
1,241.72 |
Llangywer |
1,237.07 |
|
Bontnewydd |
1,242.46 |
Llanllechid |
1,229.47 |
|
Botwnnog |
1,218.63 |
Llanllyfni |
1,235.09 |
|
Brithdir a Llanfachreth |
1,222.25 |
Llannor |
1,224.17 |
|
Bryncrug |
1,231.96 |
Llanrug |
1,229.42 |
|
Buan |
1,223.75 |
Llanuwchllyn |
1,240.44 |
|
Caernarfon |
1,264.70 |
Llanwnda |
1,230.75 |
|
Clynnog Fawr |
1,225.68 |
Llanycil |
1,224.08 |
|
Corris |
1,227.53 |
Llanystumdwy |
1,224.57 |
|
Criccieth |
1,244.45 |
Maentwrog |
1,227.80 |
|
Dolbenmaen |
1,224.32 |
Mawddwy |
1,223.75 |
|
Dolgellau |
1,249.41 |
Nefyn |
1,243.31 |
|
Dyffryn Ardudwy |
1,232.53 |
Pennal |
1,234.48 |
|
Y Felinheli |
1,238.83
|
Penrhyndeudraeth |
1,252.52 |
|
Ffestiniog |
1,290.72 |
Pentir |
1,236.37 |
|
Y Ganllwyd |
1,245.57 |
Pistyll |
1,230.08 |
|
Harlech |
1,229.98 |
Porthmadog |
1,234.56 |
|
Llanaelhaearn |
1,265.24 |
Pwllheli |
1,248.62 |
|
Llanbedr |
1,242.95 |
Talsarnau |
1,239.93 |
|
Llanbedrog |
1,232.22 |
Trawsfynydd |
1,233.12 |
|
Llanberis |
1,233.25 |
Tudweiliog |
1,220.78 |
|
Llandwrog |
1,246.06 |
Tywyn |
1,255.40 |
|
Llandygai |
1,228.24 |
|
Waunfawr |
1,229.17 |
sef y symiau a geir
trwy ychwanegu symiau’r eitem neu eitemau arbennig sy’n berthnasol i dai annedd
yn y rhannau hynny o ardal y Cyngor y cyfeiriwyd atynt uchod, at y swm a geir
yn 3(e) uchod wedi’u rhannu ym mhob achos gan y swm yn 2(b) uchod, a gyfrifwyd
gan y Cyngor yn unol ag Adran 34(3) o’r Ddeddf, fel symiau sylfaenol ei Dreth
Gyngor am y flwyddyn ar gyfer tai annedd yn y rhannau hynny o’i ardal lle bo un
eitem arbennig neu fwy’n berthnasol.
(ff) Ar gyfer rhannau o ardal y Cyngor, y ffigyrau a nodir yn Atodiad 1, sef y symiau a geir trwy
luosi’r symiau yn 3(f) uchod â’r rhif sydd yn ôl y
cyfrannau a nodir yn Adran 5 (1) o’r Ddeddf, yn berthnasol i dai annedd a
restrir mewn band prisio arbennig wedi’i rannu â’r
rhif sydd yn ôl y cyfrannau hynny’n berthnasol i dai
a restrir ym mand prisio D, a gyfrifir gan y Cyngor, yn unol ag Adran 36(1) o’r
Ddeddf, yn symiau sydd i’w hystyried ar gyfer y flwyddyn ar gyfer y categorïau
o dai annedd a restrir yn y gwahanol fandiau prisio.
4. Nodi ar gyfer y
flwyddyn 2016/17 fod Comisiynydd Heddlu a Throsedd Gogledd Cymru wedi nodi’r
symiau a ganlyn mewn praesept a roddwyd i’r Cyngor,
yn unol ag Adran 40 o’r Ddeddf ar gyfer pob un o’r categorïau o dai annedd a
ddangosir isod:
|
Band A |
Band B |
Band C |
Band D |
Band E |
Band F |
Band G |
Band H |
Band I |
|
160.08 |
186.76 |
213.44 |
240.12 |
293.48 |
346.84 |
400.20 |
480.24 |
560.28 |
5. Wedi pennu’r cyfanswm
ym mhob achos o’r symiau 3(ff) a 4 uchod, bod y
Cyngor, yn unol ag Adran 30(2) o’r Ddeddf trwy hyn, yn pennu’r symiau a nodir
yn Atodiad 2 ar gyfer y Dreth Gyngor yn y flwyddyn 2016/17 ar gyfer pob
categori o dai annedd a ddangosir yn yr Atodiad.